Quel est le site Web ?

إتحاد العاصمة 1937

Page d'Accueil
Algérie
Algiers
إتحاد العاصمة 1937

صفحة مهتمة بـ أخبار إتحاد العاصمة اخبار ، تعاقدات مواعيد مباريات ، صور و فيديوهات كل هذا و أكثر حصريآ في صفحتنا

03/09/2026

السلام عليكم ، القميص الاول لعب بيه مولودية وهران و عدة اندية العام الماضي و كان مرشح باش نلعبو بيه الموسم الماضي .
القميص الثاني لعب بيه بولونيا الموسم الماضي و هو ما يؤكد ان لا شيئ حصري لـنادينا مثلما صرحوا ماكرون و هو ما يؤكد كذبهم و فشلهم للمرة الالف .
و عليكم السلام

03/09/2026

نحير فـناس لي راهم ينتاقدو في ماكرون حاليآ ، الفرع الفايح هدا 3 سنين و حنا ننتاقدو فيه و حاجة ماتبدلت ، و اليوم زادو خرجو بـبيان فايح و كاذب يوهمون فيه الانصار بلي التجديد كان من فترة قصيرة و الحقيقة هي ان التجديد عندو حوالي شهرين و كانو متفاهمين من قبل عليه و علاجال هاد الممول الفايح ، المدير العام فوت على النادي فرصة التعاقد مع شركة اديداس .
اول انسان لي يقع عليه اللوم هو المدير العام لـنادي و لي هو اصلآ فاشل و ماقدرش يوفر لاعبين في مناصب يحتاجها الفريق كيفاش راك حاب يوفر شركة عتاد تليق بـنادي .
حسبنا الله فيكم .

02/09/2026

تتوالى الايام السوداء في تاريخ الاتحاد بـفقدان ريان سعيود عضو مجموعة EL ASSIMA و يوسف اوكيل عضو مجموعة LES UNIONISTES ALGEROIS ، و بـهاذا مصاب الجلل الذي ألم بـأبناء الاتحاد نعزي عائلات الفقيدين و اعضاء المجموعتين و انفسنا سائلين من المولى عز و جل ان يتغمدهم بـواسع رحمته و مغفرته و ان يسكنهما فسيح جناته .
إنا لله و إليه راجعون .

01/09/2026

قبل ما تقرى ، هدا ماشي تقـ.ـرام و ماشي تابع لـحتى جهة باش ماتبداوش تتخابطو كي تتقاسو فـشـ.ـقة .
عندنا عوام و حنا نقراو فـالمواقع بلي لـكبابـ.ـشي تع مصلحتو سـ.ـرطان الشبان و فرض ولادو يلعبو بـالقوة فـالإتحاد و غيرها من الامور (سواء كاين منها ولا مكاش ماشي هدا لي يهم فـالحكاية) ، رغم اننا نعرفو بلي ولادو يلعبو فـنادي هدا من صنف الاصاغر و يتواجدو حتى فـالمدرجات و هو الشي لي خلى البعض يتهجم على مجموعة العاصمة لانهم يظنون ان الكبابـ.ـشي و ابنائه تابعين لها .
و اليوم جابولكم لاعب من العدم امضى عامين بـإجازة اكابر و يكمل يلعب مع الرديف رغم انه لم يسبق له اللعب معهم حسبما هو متداول و يكتفي بـتدرب و بعض الدقائق الشكلية و ما شفنا منكم لا انتقاد لا تعليق على الامر لا والو ، حاشة بعض الصفحات و صحفي ولا زوج لي تكلمو ، و البقية يبدو انهم اهذو استراحة بعدما شبعو لـحيس طوال الميركاتو .
لـحياة وحدة ، عيشوها رجال .

01/09/2026

لوكان جات كاين مراقبة و لي يغلط يخلص ، والله ما يقدرو يديرو واش راهم يديرو .
لوكان مدراء الشركات يديرو ناس تع بالون على رأس الاندية و يتبعوهم مانشوفوش في 2026 نادي متوج بـ لقب افريقي و عندو نهائي افريقي اخر يستنى فيه يتعاقد مع لاعب لان عمره ماولاش يسمحلو يكمل مع الفئة ديالو لي اصلآ مكانش يلعب معاها .
هادي سرقة ولازم يتحاسبو عليها .

31/08/2026

شافو شعب كامل دار عليهم في حكاية بشيري لي جابوه من العدم و سينياولو عامين بـإجازة اكابر ، خرجو الابواق ديالهم يقنعو فـالأنصار بـتبرير اسواء من الامضاء اصلآ ، قالك كبر على الفئة ديالو سينياولو بـما انه تجاوز 20 سنة سينياولو مع الاكابر و يلعب مع رديف 😅
المتفق عليه فـالكرة العالمية على مر التاريخ لاعب يمضي اجازة رديف و يلعب مع الاكابر باش النادي يربح اجازة يستغلها في لاعب اخر ، فـالإتحاد هاد العام بـقيادة بونيف و العميق سينياو للاعب اجازة اكابر و يلعب مع الرديف 🫣

31/08/2026

مجلس ادارة الاتحاد يتكون من نخبة المسيريين ، واحد كان حاب يجيب دغموم و عليق ماخلاهش قالو مانعرفوش و الثاني الموسم الماضي كان حاب يجيب اليو سيسي و ريجيكامب و عليق ماخلاهش .
و اليوم في موقع الرابطة راح تلقى فـنادي لاعب اسمو بشيري شكيب لم يسبق له اللعب مع الاصاغر لقى روحو بـقدرة قادر متواجد مع الاكابر بـعقد حتى 2028 في فضيحة تاريخية !
ربي وكيلكم و ان شاء الله تخرجلكم فـصحة

31/08/2026

نترحم على ضحايا الحرائق التي مست بلدنا و نعزي انفسنا و كل ابناء هذا الوطن في ما اصابهم مع تمنياتنا بـشفاء العاجل للمصابين و التحية لـكل من ساهم و لازال يساهم في الهبة التضامنية الوطنية التي اثبت ان لـهاذا الوطن ابناء يدافعون عليه حتى اخر قطـ.ـرة دم في ارض الواقع غير مكترثين بـكلام المواقع و الفتـ.ـنة التي يحاول بعض الخونة زرعها بيننا .
دزاير قوية بـولادها 🇩🇿♥

27/08/2026

تعازينا القلبية لـكل ضحـ.ـايا الحـ.ـرائق في كل الولايات مع تمنياتنا بـشفاء العاجل للمصابين .
قلوبنا معكم ، كونو اقوياء ❤

23/08/2026

اعلان رحيل بن حاحة بعد قيامه بـتحضيرات مع الفريق منذ اول يوم و خلال تربص تونس ، جاء بعده مباشرآ اعلان تعيين المحضر البدني ماتيو مانسوتيي و الذي طلبه المدرب و ايضآ اعلان تجديد بعض ركائز النادي .
زيدو مساعد المدرب و محلل الفيديو لي طلبه المدرب بـالإسم و كملو الميركاتو و روحو ، هادي ماشي مزية راح تديروها حللوا دراهمكم .
ربي وكيل كل انسان راه متعمد يأذي لوياسما

Adresse

Algiers

Site Web

http://www.usma1937.com/

Notifications

Soyez le premier à savoir et laissez-nous vous envoyer un courriel lorsque إتحاد العاصمة 1937 publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.