YouceFitness

الى كل الاشخاص لي رانا نسالهم دراهم تاع البرنامج او المكملات الغذائية
عندنا شحال
2000 دج لي هي اقل من 10 اورو ...شوف كاش طفل صغير في حومتك اشريلوا محفظة باش يقرى
اما انا الله يسمح

عودة خدمة التدريب للتضخيم و التنشيف
عندنا 5 اماكن فقط
الخدمة تتمثل في نظام غذائي + نظام تدريب + متابعة لمدة 12 اسبوع (ثلاثة اشهر )
للمزيد من المعلومات اتصلو بالصفحة

السلام عليكم
راهو جاي الشتاء و الصالات راهم فتحو في الجزائر
للمبتدئين هاوليك ريجيم + برنامج تدريب تقدر تتبعو لمدة 12 اسبوع و باذن الله تشوف نتائج
ادعولنا برك
للمتقدمين لي يحب يدير تدريب شخصي فيه حمية غذائية + ريجيم يتصل بالصفحة

برنامج 1001 للمبتدئين ، تضخيم (2).pdf

شكون يشفى يامات الربيع و جويدة يا ليزوم ؟

بادءا ببدء اي تشو نقولك خويا مقران .....!!
حسب معلوماتي راهي السخانة بزاف في الجزائر خويا مقران و منه حفاظا على الكتلة العضلية يجب تفادي نصائح المهابل المتواجدين في الصالات الرياضية في ربوع الوطن الغالي :
اول نصيحة .....دير صاشي في المناطق لي فيها الدهون و روح تجري .....هذي النصيحة ممكن تبعثك تتحاسب دون سابق انذار لانه البلاستيك لي تديرو على لحمك يسبب في عزل مسمات الجسم عن الهواء و منه عدم وصول الاكسجين الكافي الى الاوعية الدموية مما قد يؤدي الى سكتة قلبية
ثانيا ....اشرب الماء صح ...لكن تفادى الافراط في الشرب .....انت لست سيتيرنة تاع 1000لتر زرقة ...تعمر روحك و تبدا تفرغ
جسم الانسان يحتاج ما بين 1.5 الى 2.5 لتر ماء يوميا و الزائد يرميه على طريق التبول و التعرق اكرمكم الله ...لكن المشكل انه الماء الزائد كي يخرج من الجسم يدي معاه المعادن كيما البوتاسيوم و المغنيزيوم و النحاس ....الخ و هذا المعادن موجودة على شكل شوارد في جسم الانسان (لي مفهمش شوارد ولي للدرس تاع الفيزياء تاع الترمينال "الاكسدة و الارجاع" ) ، و هذا المعادن بصفتها السالبة و الموجبة هي المسؤولة عن تعديل كهرباء الجسم
و اذا كان هناك فرق كبير بين الشوارد الموجبة و السالبة في الجسم يحدث خلل في كهرباء الدماغ مثل و ممكن يسبب جلطة دماغية
ثالثا . الناس لي تستعمل مدرات البول تحضيرا للبطولات ....خبيت نقولك بلي الكور نتاعك لوكان جاء يهدر لوكان راهو طيحلك باعز ما تملك .....كيفاه السخانة 98 درجة تحت الظل.. و نتا تعرق زوج باسينات كبار كل يوم ...و تزيد تخرج الماء بمدر البول
و في النهاية تقبل الله صلاة الجميع و شعارنا دائما ...

السلام عليكم و على كل من سأل علينا من العائلة الرياضية
عدنا .......

سلام عليكم
بعد 15 يوم فالفراش
عدنا .....حان وقت الريجيم

اليوم سنتكلم عن اشهر مكمل لحرق الدهون في العالم بايجابياته و سلبياته ، و عن تجربة شخصية lipo 6
اولا lipo 6 هو مكمل غذائي من طرف شركة Nutrex Research ، و هو مكمل طبيعي 100٪ ( مصنوع من مواد طبيعية ) ، و مصرح به من منظمة الدواء و الطعام الامريكية FDA و منظمة الصحة العالمية WHO ، هو ليس دواء او هرمون مثل الكلومبيترول او DNP
ثانيا ، مكونات lipo 6 هي :
1-مادة Synephrine , و هي مادة مستخرجة من البرتقال ، و تقوم هذه المادة برفع عملية الايض الغذائي في الجسم و متسويات الطاقة طبيعيا
2-مادة الكافيين ، و هي مادة كلكم يعرفها ، متواجدة في القهوة و الشاي ، و هي مادة محفزة للجهاز العصبي ، و ترفع من عملية انتاج الطاقة في الجسم و التركيز
3- مادة Gugglsterones و هي مادة تستخرج من جذع اشجار غاغل الهندية ، و تعمل هذه المادة على تحفيز الغدة الدرقية ( الڨواتر ) مما يرفع معدل الايض ، كما تقلل نسبة الكوليستيرول الضار في الدم و الشرايين ، و تقلل الالتهابات و التورمات
4-مادة Bioperine , و هي مادة مستخلصة من الفلفل الاسود ،و تعمل هذه المادة على زيادة نسب امتصاص المواد و المكملات الغذائية من الامعاء ، و هذا له فائدة لمن يأكل كميات قليلة من الطعام ( فترة الرجيم ) ، كما تزيد من نسبة امتصاص الفيتامينات و المعادن ، مما يحمي الجسم من سوء التغذية
5- مادة Yohimbine , و هي مستخرجة من نبات يسمى Yohimbe ، و يعمل نفس عمل الارجنين حيث يقوم بتوسيع الاوعية الدموية ، مما يعني ،تدفق اسرع للدم ،و وصول كميات اكبر من الغذاء للعضلات ، و الشعور بالشبع لفترات طويلة
ثالثا ، تحتوي علبة lipo 6 على 60 كبسولة ، و يمكنك تناول كبسولة صباحا قبل نصف ساعة من الفطور على معدة فارغة ، و كبسولة اخرى قبل التدريب بنصف ساعة
رابعا ، من الافضل عدم تناول lipo 6 , بعد السادسة مساءا للناس التي تعاني من صعوبة النوم ، و ذالك بسبب تأثير الكافيين الذي يحتويه
و هو ممنوع على الاطفال القصر ، و النساء الحوامل ، و اصحاب الحساسية من الكافيين
سادسا
يمكنك اخذ lipo 6 لمدة 8 اسابيع ، ثم التغيير الى L-carnitine لمدة 4 اسابيع ، و ذالك لتعطي الجهاز العصبي راحة من تأثير الكافيين ( لي يشربو 4 قهاوي فالنهار ، انسى واش قتلك )
و اخيرا في تجربتي الشخصية ، lipo 6 فيه نتائج و يصنع الفرق للناس للتبع نظام غذائي و تمرين منضبط ، ماشي تروح تعطيها ب 4 ساندويتش ماريني ، و قرعة كوكا تاع 1 لتر ، و تدير سطوري تكتب فيها journè inoubliable ممبعد تجي تقول lipo 6 مادارلي والو

سلام ليكيب
وشراكم ...نأسف لهذا الغياب الغير متوقع
الكورونا ...بصح الحمد لله

بالنسبة للناس و خاصة البنات لي عشري الخلطة و العقدة هذيك لي تسمن و يقولك فيها كذا و فيها كذا و هو خادمها فالدار ماعلابالكش كامل بواش
ردو بالكم اعرفو واش راكم ندخلو لجسمكم ..

راح نديرو تحليل لمنافسة ميستر اولمبيا 2020 و نعطيلكم التوقعات

كاين واحد النوع تاع العيباد روماركيتكم من زمن فالصالات تاع الدزاير ...هذاك لي يجي مكريزي و حارن على السبور ..يدخل يحكم البارا و لا ليزالتاز بلاراج و يبدا يعذب في روحو
اغلبهم يسموهوم بشير او عبد القيوم او تميم احيانا ( اييه كاين اسم تاع رجال تميم ) ...اعمارهم ما فوق 40 سنة ..و الوظيفة ..موظف فالبلدية او الدائرة و يجيب معاه وليدو الصغير للصالة لاخاطرش ماكاش وين يخليه
يا حليل ....