البُلَيْدِيُونْ

البليديون 💚 يعطيكم الصحة على الحضور المتميز من طرفكم لمباراة اليوم، و الصورة الحسنة اللي مديتوها للغير بعراقة النادي و الطبقة الجماهرية الكبيرة اللي يحتويها، كانت لمجموعتنا دخلة متمثلة في فوال ، و الشوط الثاني في ميساج مع الكراكاج...
تمثل الفوال في اسقاط لمشهد من فيلم "كريد 2" حيث جسد شخصية "ادونيس كريد" اللي تعرض لسلسلة من الهزائم و توالي النكسات ، و بعدها جاء النهوض و الخروج من الدوامة السلبية و يحقق الانتصار و تتحول الحالة النفسية و الجسدية له ليكمل في سلسلة النتائج الايجابية و هنا اتبعتها العبارة الايقونية:
خطوة بخطوة : ليبدأ التحرك.
لكمة تلو الاخرى : ليواجه التحدي الحالي.
جولة تلو الاخرى : ليستمر حتى النهاية
باسقاط المشهد على محبوبتنا...
كان تحولا من السنوات العجاف اللي ضربت نادينا العريق، و سلسلة النتائج السلبية التي عصفت بمحيط الفريق من اشخاص لا يليقون به، ليأتي الفرج بتظافر جهود محبيه الاوفياء، و وقفة الغيورين عليه، ليخرج من المستنقع و من الدوامة، لمرتبة افضل ، مع مواصلة التضحيات للوصول للمقام الذي يليق بالنادي، و كذلك تتويجه بلقب قبل المئوية انشاء الله.
بالنسبة للميساج لي اعقب الكراكاج، كان من فيلم الحفرة و اللي يبرز اهمية العائلة و يعبر كذلك عن الولاء و الانتماء و التضحية من اجل العائلة، اللي تحفظلهم الكرامة.
معا الرمز الشهير :
الاقواس اللي يمثلوا الوطن و الارض( في الحالة تاعنا فريقنا المحبوب "اتحاد البليدة".
و النقاط الثلاث في الوسط اللي يمثلوا افراد العائلة ( في حالتنا المجموعات الممثلة للمدرج البليدي).
و المعنى المتكامل للرمز هو: "طالما نحن تحت سقف واحد، وفوق أرض واحدة، فنحن عائلة واحدة ولا يمكن كسرنا."

LA JOIE ✅️ الجمعية البليدية الاسلامية، مدرسة العراقة، ورمز المتيجة وفخر كل من ترعرع في أحضانها و ازقتها.
اليوم نعيشو الفرحة مع الاتحاد بطعم خاص لأنها نابعة من القلب و مملؤة بتضحيات الرجال و انصاره الاوفياء،
اللي برهنوا انه مهما طال الغياب أو اشتدت الأزمات، يبقى اسم اتحاد البليدة كبيراً بتاريخه وبجمهوره الوفي.
في الاخير نحن مع الاتحاد دائماً. ننتظر الأيام الجميلة والألقاب التي تليق بعراقة هذا النادي....

GB TOXIC البليديون - LA JOIE Enjoy the videos and music you love, upload original content, and share it all with friends, family, and the world on YouTube.

البليديون 🖤✌️
الفرحة؟ خليوها غير لحظات ونطويوها… لأنو الرجال ما تعيش على لحظة، تعيش على هدف.
اليوم نفرحو، بصح من غدوة ماكان حتى عذر… الخدمة وللقدام (خصونا بزاف حاجات باه نكملوا في طريقنا).
اتحاد البليدة ماشي فريق باش نحتفلو بصعود للقسم الثاني… هذا واجب، فرض، حاجة تندار وما يندارش عليها عرس.
اللي يشوفها إنجاز كبير، راهو ما يفهمش قيمة هاد القميص، وما يعرفش وزن التاريخ لي نحملوه.
البليدة ماشي اسم ينقال… البليدة هيبة، ضغط، ومسؤولية.
هي مدينة ما ترضاش بالوسط، يا فوق يا ماكانش.
واللي ما يقدرش يتحمل الضغط هذا، يبعد من الطريق ويخلي الرجال تخدم.
نخدمو بصمت، نطلعو بالقوة، ونفرضو رواحنا بلا رحمة.
اللي يوقف قدامنا يتحطم، واللي يشك فينا يندم.
هذي البداية برك… والبليدة ما توقفش حتى ترجع فوق وين بلاصتها الحقيقية.

🤍💚ولادك مايحولو ما يزولو

GB TOXIC البليديون - ABADIYA ابدية Enjoy the videos and music you love, upload original content, and share it all with friends, family, and the world on YouTube.

مجموعة البليديون تتمنى رمضان مبارك لكل ولاد البليدة، ولكل ابناء وطننا الغالي.
شهر رحمة ولمّة وخير،
ربي يتقبّل الصيام والقيام وصالح الأعمال،
والبليدة دايمًا برجالها ووفية بولادها.
رمضان كريم على الأمة الإسلامية كامل 🌙🤍

تتشرف مجموعة البليديون بتكريم الممثل البليدي القدير صالح أوڨروت، عربون وفاء وتقدير لمسيرته الفنية المشرفة التي شرف بها البليدة وأبناءها. وبهذه المناسبة، نتمنى له الشفاء العاجل ودوام الصحة والعافية.
كم ندعو إدارة الفريق، الطاقم الفني، والأنصار إلى مواصلة العمل و التحلي بروح المسؤولية والتضحية، وتوحيد الصفوف من أجل تحقيق هدف الصعود في نهاية الموسم، فالبليدة لا ترضى إلا بالقمة، وبالعمل والإيمان يتحقق الحلم.
عاشت البليدة… وعاش اتحاد البليدة 💚🤍