ملعب اولادعلي الجديد

الحمد الله على ما اعطى و على ما أخذ
نظرا للحرائق التي اصيبت بها ولاية جيجل و بجاية فالاونة الاخيرة و التي خلفت اظرار جسيمة
بودنا ان نعزي انفسنا و اهلنا بالولايات الممتظرر و على هذا فإن قافلة جمع التبرعات لصالح المتظريين متواحدة بحي ، #سونلغاز
لمن اراد التبرع ولو بشيئ يسير فإن القافلة متواحدة بخميس الخشنة حي سونلغاز لا تبخلو على اخوانكم جزاكم الله خير الجزاء
انا لي الله وانا اليه راجعون

السلام عليكم
غدا 4 اوت على الساعة سادسة 18.00 في ملعب زروقي خميس الخشنة اي الملعب البلدي
ستقام التجارب للفئاة السنية 2007 و 2008 و 2009 الخاصة بفريق Rkek
كونو فالموعد و حظ اوفر للجميع

◾▪️ يسعدنا أن نرى أن مشروع المسبح شبه اولمبي لفائدة بلدية خميس الخشنة قد تم تسجيله، وهو ثمرة متابعة ومراسلات رسمية قام بها النائب البرلماني مع وزارة الشباب والرياضة، حيث طالب بتسجيل هذا المشروع الحيوي الذي طال انتظاره.
واليوم، وبعد تسجيل المشروع، فإنه مرشح لإنجازه في هذا ما اكدته الجهات الوصية خاصة مع توفر الارض المناسبة و الموقع الاستراتيجي و تلقيه ترحاب كبير من سكان الحي
نتمنى انجازه في أقرب الآجال، و يعود بالفائدة لسكان الحي و سكان البلدية ككل

احسن فكرة ممكن نديروها للمحافظة على ارضية الملعب و تفاداو الاصابات و هي هدي الرشاشة و تعد احسن من كل يومين نجيبو ستيرنا ماء من ناحية الفعالية و مناحية تلطيف الجو اثناء اللعب خاصة مع حر الصيف و من ناحية الاقتصادية و غير مكلفة بزاف نقدرولها

جماعة شكون يتفضل و يقوم بشؤون الملعب و يكون ميحشمش
اسماعيل الذراري كلاوه هبلوه هاجو على الملعب و صحاب لي كرينو مراهمش يخلصو السيد مقدرش شكون يتطوع يشد مفاتيح الملعب و يخلص على جماعة لي كرينو السيد هبلوه و جماعة لي كرينو ضاربين النح الله غالب مطوع وزيد ميخلصوش لي كرينو تواعهم بزاف عليه تكسار الراس كل دقيقة يعيطولو من الدار راني نهدر على النهار ماشي على العشية هو حبهم يلعبو بإنتضام ماشي هماج هكدا الملعب راح يسيب و رايح للهاوية

السلام عليكم
صحاب لي كرينو علاه تحبو غير تلعبو وتروحو كاين ناس راهم واقفين على الملعب باش ميضيعش متفشلوهمش خلصو لي كرينو تواعكم اسماعيل جناتي والله غير راه عليه ضغط كبير خاصتا فالنهار من طرف الاطفال خلصو ليكرينو تواعكم ياك 100 الف ماشي مليار ولا حابين يسيب و يعاود يتخسر و منلقاوش وين نلعبو والله غير عيب ولا نجو ليكم واحد بواحد افهمو رواحكم الله يعيشكم متكوفوش رواحكم كل واحد يخلص كرينو تاعو الشهر راه خلاص و عواشير و العيد

السلام عليكم
صحاب لي كرينو خلصو لي كرينو تواعكم لناس الي راهي واقفة على الملعب بارك الله فيكم 100 الف مدات ما جابت و نحافضو على الملعب تاعنا ماتفشلوناش جزاكم الله كل خير
اسماعين جناتي
حميد ميصالي

عندها 3 ايام تسرقت الكادنة بلا مفتاح واش دير بيها ،واليوم تسرق الحديد الي يجي هنا الي نروفورصو بيه الڨرياج واش هدي التصرفات الي وصلنا ليها درتلنا خدمة كبيرة وكيلك ربي يا السارق حسبنا الله ونعم الوكيل حابين الملعب يسيب و نحن لكم بالمرصاد