استشارية تغذية علاجية وتغذية رياضية

استشارية تغذية علاجية وتغذية رياضية Informations de contact, plan et itinéraire, formulaire de contact, heures d'ouverture, services, évaluations, photos, vidéos et annonces de استشارية تغذية علاجية وتغذية رياضية, Constantine.

_كوتش تغذية
أساعدك على بناء توازن حقيقي: النفس _العقل _الغذاء _الحركة
اقدم لك برامج غذائية + متابعة شخصيةمدفوعة ومجانية + محتوى علمي بسيط+كتب رقمية

📩 تواصلي للانضمام

فراشتي في التحدي المجاني نقصت فقط 200غ في اسبوع في عالم الريجيم. الدايت النزول الآمن يكون بين500غ و1كلغ كأقصى حد لكن ف...
02/10/2026

فراشتي في التحدي المجاني نقصت فقط 200غ في اسبوع
في عالم الريجيم. الدايت النزول الآمن يكون بين500غ و1كلغ كأقصى حد
لكن فراشتي كيف رتكم تشوفو نقصت 200غ
نلوموها؟
طبعا لا
اننا ننقصو200غ احسن بكثير من انك تلقاي وزنك زاد200غ
واحسن من انك تثبتي
مع فراشاتي نفرحو بكل غرام ينقص لأنو فالفايدة وهذا يعني انك ماشية صح فقط يلزم بعض الأمور تدعمي بيها تغذيتك مثل الرياضة و تنظيم النوم وشرب الماء حالتك النفسية ....
اضافة انو الجسم كل مرة كيفاش يتفاعل مع النظام او الريجيم والدليل انها في التحدي الماضي نقصت اكثر بكثير
لهذا نقول لفراشتي تفاءلي خيرا 🌹
بما انك تحاولي وتجتهدي فراح توصلي باذن الله

محبتكم كوكي 🌹

قالتي كوتش اعطيني تحفيز صباحي باه نكمل نهاري واش يصرا لو نهار كامل ما لقيتي حتى واحد يشجعك؟توقفي؟ هنا فراشتي لازمك تفهمي...
30/09/2026

قالتي كوتش اعطيني تحفيز صباحي باه نكمل نهاري

واش يصرا لو نهار كامل ما لقيتي حتى واحد يشجعك؟

توقفي؟

هنا فراشتي لازمك تفهمي ان
التحفيز الخارجي جميل
كلمة من شخص تحبي تسمعيها، رسالة تشجعك، كلها حاجات تفرحنا وتحفزنا

لكن المشكل يبدأ كي نولّيو محتاجين هذا التحفيز كل مرة باش نتحركو.

لأن الحقيقة هي:
ما راحش كل يوم تلقاي شخص يحمسك.
وما راحش كل يوم تكوني متحمسة.
وما راحش كل يوم تكون نفسيتك في أحسن حال.

وهنا تتعلمي الفرق بين التحفيز والاستمرارية.

التحفيز يقولك:
هيا انت لها
انت بطلة
انت تستطيعين
فقط تقدمي

أما الاستمرارية تقولك:
حتى اليوم اللي ما عنديش شغف نقدر ندير خطوة صغيرة
منحبكش تظني انك توصلي لهدفك لما تكوني متحمسة كل يوم

نحبك توصلي لأنك تعلمتي تكملي حتى في الأيام اللي الحماس فيها غايب.

فإذا اليوم محتاجة جرعة تحفيز، خذيها مني

لكن مع الوقت، حاولي تكوني أنتِ مصدر التحفيز تاعك. 🦋

لأن الهدف في الأخير مش أنك تحتاجي أحد باش تكملي

الهدف أنك تولّي تعرفي كيفاش تكملي وحدك.
محبتكم كوتش كوكي🌹

29/09/2026

مع هاذ الغلاء واش راكم معوضين البروتين ؟

هاذ مشتركة قالتلي: أول ما تعرفت عليك حسيتك ChatGPT هههههقاتلي كلش عندو ليك حل كل ما تطيح تلقى تشجيع، وكل ما تحتار تلقى ...
29/09/2026

هاذ مشتركة قالتلي: أول ما تعرفت عليك حسيتك ChatGPT ههههه
قاتلي كلش عندو ليك حل
كل ما تطيح تلقى تشجيع، وكل ما تحتار تلقى من يسمعها.
بصح أكثر جملة لمستني كانت:
إنسانة حقيقية تسمعلي وتفهمني
لأن رحلة إنقاص الوزن ماشي أكل فقط.أحياناً المرأة تحتاج من يفهمها قبل ما يعطيها نظام غذائي.
قوليلي. واش أكثر حاجة تحتاجيها من الكوتش تاعك؟
نظام غذائي؟
متابعة؟
تشجيع؟
ولا وحدة تسمعك وتفهمك؟؟

احدى المشتركات في المتابعة المدفوعة سقساتني وخايفة ان وزنها ماينقصش لانها وصلت للأربعينشحال من مرة سمعتي هذي الجملة؟ويمك...
28/09/2026

احدى المشتركات في المتابعة المدفوعة سقساتني وخايفة ان وزنها ماينقصش لانها وصلت للأربعين

شحال من مرة سمعتي هذي الجملة؟

ويمكن حتى صدقتيها وقلتي:
خلاص فاتني الوقت و جسمي ما عادش يحرق كيما قبل
خليني نصححلك معلومة مهمة جدًا

الأربعين ماشي عائق لنزول الوزن.
المرأة بعد الأربعين تقدر تنقص وزنها عادي جدا لكن جسمها يمر بتغيّرات تخلي الطريقة يالي كانت تخدم في العشرينات والثلاثينات ما تبقاش بالضرورة بنفس الفعالية.

مالا واش يتبدل؟
مع التقدم في العمر نفقدو جزء من الكتلة العضلية إذا ما حافظناش عليها
والعضلات تساهم في استهلاك الطاقة.

ومع مرحلة ما قبل انقطاع الدورة وما حول سنّ اليأس لي تحدث أيضًا تغيّرات هرمونية وتغيّرات في توزيع الدهون، وقد تزيد قابلية تراكم الدهون حول البطن.

وزيد فوق هذا :
قلة الحركة، اضطراب النوم، التوتر، وتغيّر الشهية والعادات الغذائية التوتر ....

يعني أحيانًا المرأة تقول:
أنا ناكل نفس الشيء اللي كنت ناكلو من قبل، مالا علاش زدت؟

لأن الجسم والاحتياجات ما بقوش بالضرورة نفسهم.

لكن هنا النقطة المهمة جدًا ايضا

هذا لا يعني أن جسمك أصبح غير قادر على خسارة الدهون.

بل الإرشادات المتخصصة في إدارة الوزن عند النساء في منتصف العمر توصي بالتدخلات الغذائية والسلوكية والنشاط البدني، وتؤكد أن خسارة وزن واقعية ومستدامة ممكنة.
وهذا اثبتته عدة مشتركات معي كانو فوق سن الاربعين ونقصو عادي جدا

وش نحتاجو نركزو عليه بعد الأربعين؟
غذاء متوازن ومناسب لاحتياجاتك، مش حرمان وتجويع.

الاهتمام بالبروتين ضمن نظام غذائي متوازن للمساعدة في الحفاظ على الكتلة العضلية.
تمارين المقاومة مهمة جدًا، لأنها تساعد على الحفاظ على العضلات وقوتها؛ والأدلة تشير إلى فائدتها لدى النساء في مرحلة سن اليأس.

الحركة اليومية، بالإضافة إلى الرياضة، لأن قلة النشاط ممكن تقلل استهلاك الطاقة بشكل كبير.

النوم الجيد وإدارة التوتر لأن رحلة نزول الوزن ماشي أكل ورياضة فقط.

والأهم من هذا ما تقارنيش جسمك اليوم بجسمك وأنتِ في العشرين.

الهدف ماشي نعاقبو جسمنا باش ينقص الميزان بسرعة.

الهدف:
_نخسرو الدهون بطريقة صحية
_ نحافظو على العضلات
_ نحسنو محيط الخصر والصحة الأيضية
_ ونبنو عادات تقدري تكملي بها

تزحلقي الى التعليقات من اجل التكملة رشيقتي 😂🫰🏻💞

بزاف منكم سقساوني كوتش واش تاكلي ؟ويظنوا اني مثالية لاني كوتش او ان وجبتي من نوع آخر كثير من النساء يظنّو بلي باش ينقصو ...
27/09/2026

بزاف منكم سقساوني كوتش واش تاكلي ؟
ويظنوا اني مثالية لاني كوتش او ان وجبتي من نوع آخر

كثير من النساء يظنّو بلي باش ينقصو الوزن لازم أكلات معقدة ولا غالية الثمن، بينما الحقيقة بلي وجبة بسيطة كيما هذي تقدر تكون اختيار ممتاز في رحلة إنقاص الوزن.

العدس غني بالبروتين النباتي والألياف، يشبع مليح ويعاونك تبقي مرتاحة ساعات طويلة بلا جوع ولا نقرشة زايدة.

البيض مصدر ممتاز للبروتين، ويساعدك تحافظي على الكتلة العضلية وانتِ تنقصي في الوزن.

الطماطم، الفلفل والباذنجان يعطيو حجم للوجبة ويزوّدو الجسم بالفيتامينات والمعادن ومضادات الأكسدة، مقابل سعرات قليلة.

نصف ملعقة زيت زيتون تضيف دهون صحية تساعد على الشبع وتحسن الاستفادة من بعض الفيتامينات.

اللي يعجبني في هاذ الوجبة أنها تجمع بين
البروتين
الألياف
الخضر
الدهون الصحية

وهذا هو السر تاع الوجبة المشبعة والمتوازنة، لي تعاونك في إنزال الوزن بدون حرمان ولا جوع مستمر.

ودائما ديري في بالك انو نجاح رحلة إنقاص الوزن ماشي في أنك تاكلي أقل، بل في أنك تختاري أكلات تشبعك وتغذي جسمك بذكاء.

دخلت معي للمتابعة وهي بوزن 101 كلغ، ومعها تجارب سابقة كثيرة مع إنقاص الوزن.لكن هذه المرة كان الفرق في الاستمرار.رحلة جمع...
24/09/2026

دخلت معي للمتابعة وهي بوزن 101 كلغ، ومعها تجارب سابقة كثيرة مع إنقاص الوزن.

لكن هذه المرة كان الفرق في الاستمرار.

رحلة جمعتني بمشتركة هادئة، خلوقة ومجتهدة. ❤️

رغم مسؤوليات البيت والأطفال،و الرضاعة
رغم الصعوبات والهفوات،
رغم الطيحات والنوضات والنفضات اللي يمر بها أي إنسان في رحلة التغيير...

ما استسلمتش.

كانت كل مرة ترجع تكمل الطريق.

واليوم وصلت من 101 كلغ إلى 75 كلغ، والأجمل من الرقم أنها فرحانة بشكل جسمها الجديد

أرفع لك القبعة احترامًا لمجهودك وإصرارك.

قصتك تذكرنا بلي النجاح ما يحتاجش الكمال، يحتاج فقط أنك ما توقفيش بعد كل عثرة.

فخورة جدًا بك، ونتمنى لك دوام الصحة والرشاقة.

النتائج الجميلة ما تجيش من الحرمان، تجي من الاستمرار والصبر.

من أكثر الأخطاء لي نشوفها خلال المتابعة...تلقى المرأة تقول:والله يا كوتش ما ناكلش بزاف، بصح وزني ما ينقصش."طكي نرجعو نفص...
21/09/2026

من أكثر الأخطاء لي نشوفها خلال المتابعة...

تلقى المرأة تقول:
والله يا كوتش ما ناكلش بزاف، بصح وزني ما ينقصش."ط

كي نرجعو نفصلو يومها نلقاو:

فطور ماكانش
غداء متأخر بزاف
ساعات طويلة بلا أكل
رايحة جاية تذوق
تكمل بقايا من صحن الأولاد
عشاء كبير بسبب الجوع

وهنا المشكل ما يكونش دائمًا في كمية الأكل

المشكل يكون في غياب التنظيم.

كي تقعدي ساعات طويلة بلا أكل، الجسم يوصلك لمرحلة جوع قوية تخليك تاكلي أكثر مما يحتاج جسمك بلا ماتحسي.

لهذا دايما نتكلم على تنظيم الوجبات لي راح يساعدك على:

التحكم في الجوع
التقليل من النقرشة العشوائية
الحفاظ على الطاقة خلال اليوم
الالتزام بالخطة الغذائية بسهولة أكبر

والمهم انك تعرفي انو تنظيم الوجبات ما يعنيش الحرمان، وما يعنيش تاكلي كل ساعتين.

يعني فقط يكون عندك نظام واضح يناسب حياتك ويخليك تاكلي بوعي بدل ما تاكلي تحت ضغط الجوع.

لهذا إذا حابة تبدي رحلة خسارة الوزن، ما تبديش من البحث على رجيم جديد...

ابدي بتنظيم وجباتك أولًا.

لأن الجسم المنظم يستجيب أفضل من الجسم لي يعيش كل يوم في فوضى غذائية.
وانت فراشتي قوليلي واش من وجبة لي راكي هاملتها

من أكثر الجمل اللي نسمعها خلال المتابعة:كوتش، بقى في الصحن وغاضتني الماكلة نرميها فلهذا كليتها.وهنا تبدأ المشكلة.كاين بز...
20/09/2026

من أكثر الجمل اللي نسمعها خلال المتابعة:

كوتش، بقى في الصحن وغاضتني الماكلة نرميها فلهذا كليتها.

وهنا تبدأ المشكلة.

كاين بزاف نساء يقولوا:
راني ما ناكلش بزاف، بصح وزني راه يزيد

ولما نهدر معاها بالتفصيل ونشوف يومها الغذائي، نلقى:

- كملت على وليدها بيضة.
- كليت لقمة خلاها زوجي.
- ذقت شوية من طبق بنتي.
- ما حبيتش نرمي الماكلة.

وهي ما حستش بلي هذو كامل سعرات إضافية تدخل للجسم كل يوم.

المشكل ماشي في البيضة ولا في اللقمة وحدها.
المشكل كي يتكرر هاد الشي يوم بعد يوم، أسبوع بعد أسبوع.

لهذا نقولك يا مدام :

أنت مش خزانة بقايا الطعام.
وأنت مش ثلاجة متنقلة.

إذا بقات الماكلة:

- احتفظي بها للوجبة المقبلة.
- حطيها في الثلاجة.
- أو أعطيها لشخص يحتاجها.

لكن ما تحطيهاش في معدتك فقط لأنك ما حبيتيش ترميها.

أحياناً الطريق إلى الجسم اللي تحلمي به ما يفسدوش الأطباق الكبيرة...
بل تفسدو هذوك "اللقيمات الصغيرة" اللي ما نحسبولهاش حساب.

تذكري دائماً:
رمي الماكلة ماشي حل.
لكن تحويل معدتك إلى مكان لبقايا الطعام ماشي حل ثاني كذلك.
خبريني نتي تاني تعملي هاذ العملة؟

اعتز ونفتخر كي نكون مقصد لفضفضة متابعاتي...بصح أحيانا نحس بشوية حزن كي نشوف وحدة تتخبط في مشكل، والحل راه بين يديها.صح م...
19/09/2026

اعتز ونفتخر كي نكون مقصد لفضفضة متابعاتي...
بصح أحيانا نحس بشوية حزن كي نشوف وحدة تتخبط في مشكل، والحل راه بين يديها.
صح ماشي ساهل.
بصح ماشي مستحيل.
اليوم وحدة بعتتلي هاذ الرسالة بعدما راحت تشوف روب العرس..
وحسّت بالإحباط لأنو مالقاتش مقاسها
بصح حبيت نقول لكل وحدة:
معليش إذا تشهيتي وكليتي. معليش إذا تعبتي. معليش إذا طحتي مرة ولا زوج.
الإنسان ما يخسرش كي يطيح... يخسر كي يبقى في بلاصتو وما يعاودش يوقف.
كليتي زيادة؟
انفضي عليك وكملي.
تعبتي؟
خذي راحة محارب وكملي.
دخلك اليأس؟ اتفكري بلي جسمك لي صابر عليك سنوات كاملة، يستاهل منك شوية صبر عليه هو ثاني.
واتفكري هاذيك لاغوب لي مخبيتها.
ولا اللبسة لي حاطة عينك عليها.
ولا الإحساس لي حابة توصليلو كي تشوفي روحك في المراية.
الهدف ماشي الريجيم
الهدف هو النسخة الجديدة والجميلة لي راكي تبني فيها من نفسك كل يوم.
وكي تطيحي نوضي .
وكي توقفي كملي.
وكي تشكي في روحك. اتفكري علاش بديتي أصلاً. 🌹

Adresse

Constantine

Site Web

Notifications

Soyez le premier à savoir et laissez-nous vous envoyer un courriel lorsque استشارية تغذية علاجية وتغذية رياضية publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.

Raccourcis

Partager