أخبار غليزان

شكرا على فرقة الدرك الوطني لي بلدية يلل تقوم اليوم بإسترجاع سيارة مسروقة وتم القبض على 3 اشخاص مشتبه فيهم من بينهم إمرأة... 🇩🇿✅

مديرية الشؤون الدينية و الاوقاف لولاية غليزان.
صور من اعتناق رعية فرنسية الاسلام و اختار لنفسه اسم نوح ، و حصوله على شهادة اعتناق الاسلام تحت اشراف السيد مدير الشؤون الدينية و الاوقاف لولاية غليزان.

Max de partage @à la une
-باش تعرف بلي هذه حرب، لازم تحاول تعرف علاش التركيز على البريغابالين بالذات..؟!

بحث خفيف تكتشف أن البريغابالين هذي عندها مؤشر إدمان أسوء من تاع الكوكايين وأعراض الإنسحاب تاعو أسوء من تاع الكوكايين.

معلومة صحيحة:

يعمل البريڨابالين كمكبح (فرامل) للجهاز العصبي المركزي عن طريق إخماد النواقل العصبية المُثارة. وعند تناوله بشكل مزمن بجرعات عالية، يقوم الدماغ بردة فعل عكسية عبر رفع مستوى نشاطه الكهربائي الأساسي للحفاظ على التوازن.
وإذا توقفت عن تناول البيرجابالين بشكل مفاجئ، يُرفع ذلك "المكبح" الثقيل، مما يترك الجهاز العصبي في حالة مفرطة من النشاط وغير منضبطة:

- نوبات صرع حادة (الحالة الصرعية)

- عدم استقرار خطير في الجهاز العصبي الذاتي

- ارتفاعات حادة وسريعة في ضغط الدم

- تسارع شديد في ضربات القلب

- تعرق مفرط وغزير، وارتفاعات مفاجئة في درجة حرارة الجسم

- هلع ورعشة شديدان

- عدم القدرة على النوم لعدة أيام

- اهتزاز ورعاف عنيف بالجسم، ونوبات رعب وهلع حادة.

- ارتباك وتشوش ذهن حاد، هياج نفسي، وهلاوس بصرية وسمعية حادة.

هذو أعراض الإنسحاب. أما هو في حد ذاتو واش يدير:

- يجبر الدماغ على التباطؤ بشكل حاد. حيث يخلق نشوة اصطناعية

- الشجاعة الزائفة: يزيل كل مشاعر الخوف والإدراك بالمخاطر، مما يؤدي غالباً إلى سلوكيات عدوانية، طائشة، أو عنيفة

- ثقل في الكلام، تعثر شديد، وفقدان تام للتوازن الجسدي
- فقدان الوعي الذهني: ارتباك حاد، فجوات في الذاكرة، وهلاوس بصرية وسمعية حادة

- يبطئ عمل الرئتين.

يمكن للجرعة الزائدة أن تؤدي إلى توقف التنفس تماماً، مما يسبب الغيبوبة، التشنجات العنيفة، والموت المفاجئ

- يفاقم الاكتئاب الحاد، يثير اضطرابات الهلع الشديدة، ويزيد بشكل حاد من الأفكار الانتحارية لدى المتعاطين المخدرات .

((تحذير))::ليريكا أو البريڨابالين هو دواء خدموه باش يخففو من ألم الأعصاب وباش يعالجو بيه الصَّرع وإضطرابات القلق، يتباع بوصفة طبية، ياكلوه المرضى بجرعات يحددها الطبيب برك...

بصح هاذ الدواء خرج من المسار الطبي تاعو إلى مسار الهلوسة
وكي لحق لعندنا رجع أسمو: ساروخ، طاكسي، دوبل سينياتور... وكيما نشوفو راه يتناولو الكبير والصغير، والطامة الكبرى حتى النساء..

تبع معايا كيفاش يخدم:
مع الحبة الأولى لي تاكلها، راح تحس بالسعادة، الأدرينالين طالع، الدوبامين طالع، ونتا حالتك حالة، تولي تحب تهدر، تضحك، تزهى، تمشي... بصح مكان والو... هي مجرد هرمونات تحفز فيك لا أكثر ولا أقل و نتا تبانلك هذيك هي الدنيا...

بصح نتا معلابالكش بلي راك استهلكت هرمون السعادة تاعك للأيام الجاية، علابيها المدمنين ينوضو مع الصباح مقلقين وكارهين حياتهم وأول حاجة يديروها هي أنهم يحوسو على حبة ساروخ وممكن يديرو أي حاجة على جالها، باش يعاودو يعيشو الحلم تاعهم، ومع الوقت يدخلو لسطاج الوحش لي يخليهم يوليو ياكلو زوج وثلاثة و4 حبات...

أكبر غلطة يطيحو فيها المدمنين هي أنهم يقولو مراحش يحكم فينا، وراح نحبسوه وقت ما نحبو وهنا الكارثة الكبيرة... لأنو بزاف ناس فاقو بعد سنيــن من هاذ الهدرة، فاقـو بعد ما لقاو رواحهم وحدهم، فاقو بعد ما لقاو نتاجهم سافرو وتزوجو ودارو التاويل لعمارهم...

وكي جي تفهم... تلقى فئة كبيرة من الشباب تاعنا بداوها بسبب المشاكل، الإكتئاب، التخمام، الفيد...وكاين لي بداها بسبب المحيط وأصحاب السوء...

مع الأول تبانلك مليحة ونتا مكانش كيفك، وفالصح راهم يروحو منك بزاف صوالح، وتفيقلهم روطار...
يروح منك النور تاع وجهك، ضحكتك، نيتك، صحتك وحتى رجولتك... افهم حتى الرجولة تاعك وتروحلك...

مالا أخطيك من هاذ العفـن، لي يطيحلك قدرك وصحتك، قرّب لربي أكثر، أدعي أكثر، ادخل لاصال اتريني، منيش نقلك دير كور كيما(رونــي كـولــمان)، بصح حاول ما تخليش بلاصة للفيد في حياتك وفي نفس الوقت ما تكونش إنسان عشوائي.

ربي يهدي كل مدمن، والله يفرج على كل أم تعاني من إبنها وكل أخت تعاني من خوها، والله يعين كل أب وأم في طريق الإنجاب باش يربو أبناءهم أحسن تربية
سامحونى على النصيحة الشباب والبنات.

#إعلان

في إطار الجهود المتواصلة لمصالح أمن ولاية غليزان للحفاظ على أمن وسلامة المواطنين، تمكنت #فرقة الشرطة القضائية من توقيف سائق حافلة لنقل المسافرين تحت تأثير المؤثرات العقلية.
وهذا خلال عملية مراقبة لمختلف وسائل نقل المسافرين، خاصة الحافلات، تم توقيف حافلة لنقل المسافرين كانت تعمل عبر الخط وهران - غرداية، بعد إخضاع سائق الحافلة لعملية تفتيش ضبط بحوزته على قرص من المؤثرات العقلية نوع بريغابالين.
نتائج التحاليل البيولوجية، أظهرت أنه كان تحت تأثير المؤثرات العقلية (بريغابالين) أثناء قيادته للحافلة، الأمر الذي من شأنه تعريض حياة المسافرين ومستعملي الطريق للخطر.
قدم المشتبه فيه أمام السيد وكيل الجمهورية لدى محكمة غليزان.

قصة حقيقية
قعهاذي قصعة يوميااا نعجنو فيها المطلوع وجامي شفنا كاش حاجة هاك فيها
اليوم فجأة جبدناها نعجنو لقينا ذي الصوالح مكتوبة فيها مافهمناهاش مي جايا نقاط وخطوط و2010 و2020 هاذا وش فهمنا
وواحد مادخل للدار ذو النهارات قاحنا وكامل قالو ماناش كاتبينها خاطينا ومكتوبة بستيلو ازرق !!
طمنوني وشنهي حتا ومش واضحة في الفوطو جربو تكبروها ولا تسقسو واحد يفهمها

ديوان الترقية والتسيير العقاري لولاية غليزان
عملية إعادة تأهيل و ترميم السكنات و التجهيزات العمومية المتضررة من حرائق الغابات بولاية جيجل
ولاية جيجل
بلدية الجمعة بني حبيبي
يوم الجمعة 04 سبتمبر 2026
تنفيذا لتعليمات السيد/ وزير السكن، العمران و المدينة و التهيئة العمرانية، يواصل فريق الصيانة و الترميم لديوان الترقية و التسيير العقاري لولاية غليزان، تدخلاته في عمليات إعادة التأهيل للهياكل و التجهيزات العمومية المتضررة ببلدية الجمعة بني حبيببي .

🤲 مبادرة تضامنية من جمعية الإرشادوالإصلاح
في إطار روح التضامن والتآزر بين أبناء الوطن، قامت جمعية الإرشاد والإصلاح بالمشاركة والتبرع في الحملة التضامنية لفائدة إخواننا في ولاية جيجل ❤️
جزى الله كل من ساهم وتبرع ووقف إلى جانب إخواننا في هذه الظروف، وجعلها الله في ميزان حسناتهم 🤲
🇩🇿 الجزائريون لبعضهم… وقت الشدة تظهر معادن الرجال.
#جيجل #غليزان #الجزائر

تنفيذا لتعليمات السيد والي الولاية في إطار برنامج الصيانة العادية على مستوى شبكة الطرق للولاية قامت مصالحنا بتنقية مجاري المياه و العينة من بلديات زمورة، منداس و عمي موسى
و العملية متواصلة

03 سبتمبر 2026
المديرية العامة للحماية المدنية
مديرية الحماية المدنية لولاية غليزان
خلية الإعلام و الإتصال
#مناورة
تطبيقا للبرنامج المسطر من طرف مديرية الحماية المدنية لولاية غليزان لسنة 2026فيما يخص المناورات الخاصة و الموجهة للمؤسسات المصنفة والمستقبلة للجمهور ، قامت الثانوية_للحماية_المدنية_وادي ارهيو، بمناورة تطبيقية بالمؤسسة الوطنية للصناعات الميكانيكية ولواحقها bcr بوادي رهيو، الهدف منها تجديد بعض المفاهيم والتقنيات وكذا تطوير قدرات الأعوان التي من شأنها رفع مستوى جاهزيتهم أثناء التدخلات و التنسيق مع النجدات المتدخلة