Maher academy

الاستمرارية تعني حتميه الوصول 🧏
كده كده هتوصل بس محتاجه اجتهاد وصبر ♥️☝️صدقني هتكون حاجه كبيره مع الاستمرار💪

ماشفتش أحسن ولا أجمل من أولياء الأمور اللي داخلين الرياضة وعارفين إنها فترة بالكتير قوي قوي ١٠ أو ١٥ سنة في طريق ولادهم وإن هدفهم واضح وهو وضع ولادهم في بيئة محترمة وإشغال وقتهم بطريقة صح وحلال بعيدًا عن فساد الفراغ في السن القاتل بين ١٢ - ٢٠ سنة وبيحبوا الخير لزمايل أولادهم وعمرهم ما يزعلوا لو ابنهم أخفق في بطولة ومتقبلين فكرة إن في فروق فردية من عند ربنا لا دخل للمدرب بها وإن الرياضة وسيلة وليست غاية في حد ذاتها وأحسنهم إللي بيحبب ولاده في كل زمايله وبيعلمه ده من سن صغير فبيربي شخص سوي محب للغير بعيدًا عن الحقد والحسد والكراهية اللي ممكن يفضلوا مع ابنهم طول عمره بسبب ميدالية حديد..
تحية لكم من القلب 💐
والكلمة اللي بحبها جدًا ولازم اختم بيها...أقل مكسب في الرياضة هي الميداليات..✨

اللهم لك الحمد كما ينبغي لجلال وجهك وعظيم سلطانك ♥️
انضمام اللاعب ادهم هاني انور الي صفوف منتخب مصر القومي للناشئين لاستعداد للبطولات الدوليه القادمه 🇪🇬💪
الله المستعان ☝️ في الي جاي يارب ♥️ ربنا معانا ♥️🇪🇬
Maher academy مصنع الابطال ♥️🇪🇬💪

اللهم لك الحمد و الشكر
البطل الذهبي عمير ايهاب بحيري .. اول اسكندريه تحت ١٢ سنه دعواتكم ف الجمهوريه . وحصول اللاعب حمزه عبدالقادر ع المركز الخامس ♥️☝️
شكرا لكل اللاعيبه الابطال اللي لم يحالفهم الحظ بطوله كانت صعبه جدا من دور ١٢٨ بالتوفيق ليكو ف القادم ان شاء الله شكرا لاخواتي وحبايبي الي وقفو معايا من البداية ♥️💪 شكرا اولياء الامور ع تعبها مع اولادها بالتوفيق ف القادم يارب ♥️🇪🇬

بعد ما عجنت الأطفال ف التمرين وخليت نفسهم يتقطع من العياط أنا وهما مروحين :

المدرب أب.🧔
المدرب مربي🧔
المدرب معلم .🧔
المدرب موجه.🧔
المدرب صديق .🧔
المدرب أخ .🧔
المدرب كاتم أسرار .🧔
المدرب هو بيستقبلك وقت الهزيمه ويطبطب عليك ويطمنك ان اللى جاى افضل .
ومستعد يبذل معاك اقصى جهد ممكن عشان تكون فى افضل حاله .
المدرب هو اللى وقت فوزك💪💪 بيفضل ينسحب بهدوء ويسيبك تفرح بالطريقه اللى تناسبك .
المدرب هو اللى بيحس بيك وبيعرف قد ايه انت تعبان ومضغوط ومخنوء هو اللى بيحاول يخرجك من اللى انت فيه عشان بيعتبرك ابنه وعارف كويس انك لو مش مبسوط مش هتعرف تتمرن كويس .👇👇
المدرب هو اللى بيقعد موسم كامل يهيئك لبطولتك وبيحضر التمرين عشانك ولو دماغه فيها مليون مشكله بيركنهم على جنب ويصفى ذهنه ليك انت وبس .
المدرب بيبذل اقصى ماعنده عشان ابنك ممكن ماتكونش بتحضر مع ابنك كتير اما المدرب عايش معاه اوقات كتير بصفه يوميه اكتر منك .
المدرب بيروح التمرين واللاعب ممكن تروح عليه نومه ويجى جرى والمدرب بهزر معاه ويفكه ويقوله اتفضل وساعات يرد عليه بهدوء ويسيبه يدخل التمرين بهدوء عشان مايحرجوش قدام زمايله .
لما المدرب يتعب على لاعبين من الصفر بيفتخر بيهم قدام الدنيا كلها وبيحارب عشانهم الدنيا كلها وبيضحى بكل حاجه عشانهم وممكن يخسر ناس عشان ولاده لانه بيعتبرهم سنده وضهره وايده ورجله هما اللى بيقفوا وراه ومعاه فى كل حاجه ولانه بيحبهم وبيخاف عليهم بيعتبرهم قدوه لغيرهم .
ولا بيحب حد يزعلهم ولا بيقبل اى عنصر تانى يدايقهم او يفسدهم او يتسبب ليهم فى اى توتر لانه بيعتبرهم على قد المسئوليه .
ساعتها بيكون العتاب على قد الموده والزعل على قد الحب حتى العقاب بيكون على قد الحب لانه مش هيقبل ان اولاده اللى بيسندوه وبيعتبرهم بدايل لحاجات كتير فى حياته هو مفتقدها بيكونوا هما عوض ليه عن كل حاجه .🥋🌹🥇👇
انتم اولادى وصحابى والسند ..
ولى الامر عنده ابن او بنت والمدرب عنده 100ابن او بنت .
انت فى بيتك لاعب والمدرب فى حضنه 100لاعب .
ربنا يحفظكم ويحفظ ابنائكم ويبارك فيهم ويجعلنا سبب جميعا نوصل بأولادنا لأعلى وأرقى مكانه .
كلكم بلا استثناء اولادى وبخاف عليكم جدا وعاوز اشوفكم أفضل وأهم ناس فى المجتمع .❤️❤️🌹🌹