Cap_Fares_El_Shafey

كنا قولنا البوست اللي فات ان احنا هنتكلم عن ال 6packs اللي ما طلعوش 6packs أولا عشان محدش يقولي ازاي يبقي عندي 8packs العضلات عموما مش عضلات البطن بس بتبق موجودة في جسمك بشكل معين و بيختلف من شكل لاخر علي حسب الجينات ثانيا انت بتروح الجم مش عشان تعمل عشان تعمل عضلات عضلاتك already موجودة أصلا انت بتنزل الجم تحاول تظهر العضل بأحسن شكل ممكن ثالثا عضلات البطن مش بتبقي مختلفة في العدد بس لا بتختلف في الشكل كمان يعني مثلا ممكن يكونو مترتبين تلاتة قصاد تلاتة و ممكن يكون تلاتة طالعين لفوق سنه وتلاتة نازلين تحت و ممكن يكون الجانبين لازقين في بعض(في فراغ بسيط) او يكونو منفصلين و الصورة بتوضح اكتر برضو الخلاصة من الموضوع ده ان انت ما تهتمش بشكل عضلتك اهتم بتحسينها مش عشان عندك 4packs يبقي جسمك وحش و مش هينفع تعمل فورمة لا طبعا المهم تبدأ و تصبر.... الصبر ثم الصبر ثم الصبر🤌ويلا سيب الفون بقي وانزل الجم 💪

عاوز تبقي كدا مش صعبة بس لازم تعمل حبة حجات كدا
1ـ ما تقولش هبدأ بكرة هبدأ أول الاسبوع هبدأ أول الشهر ما فيهاش حاجة يعني لو بدأت فنص الشهر العضلة مش هتقولك لا
2-إبعد عن أي حد انت شايفه بيعطلك، بيحبطك، بيقولك دول معاهم فلوس احنا عمرنا ما هنبقا كدا باختصار ابعد عن اي حد ✌Toxic✌
3-الصبر.. اصبر، اصبر🤌 ما تحطش لنفسك مدي قصير لتحقيق حلمك ده يعني مثلا ما تقولش شهر و هبقي عامل فورمة و ناشف و عندي كتلة عضلية حلوة و 6packs و هما مش 6packs اصلا بس نتكل م فالموضوع ده بالتفصيل في بوست تاني عشان منطولش أكتر من كدا..... المهم.. فيجي الشهر يعدي و ما تلاقيش ان هدفك اتحقق فتقول والله ما نازل الجم تاني
بس كدا انت مش محتاج اي حاجة تانية إبدا دلوقتي مستني اي سيب التلفون وانزل الجم يلا 💪💪💪