Omar Hani Menawy

مؤخرًا فهمت إن في الدنيا دي طريقين... مفيش طريق تالت، وإنت اللي بتختار تمشي في أنهي واحد.

الطريق الأول: عايز كل حاجة بسرعة... تنجح بسرعة، تكبر بسرعة، تعمل فلوس بسرعة، ومن غير ما تهتم بالتفاصيل.

والطريق التاني: أطول شوية... مش بالضرورة في الوقت، لكن في التعلُّم، والصبر، وبناء نفسك خطوة بخطوة.

والحقيقة اللي استوعبتها إن الاتنين في النهاية هيوصلوا لنصيبهم... لأن رزقك ونصيبك مكتوبين عند ربنا، مش هياخدهم غيرك.

المشكلة إننا بنقع في فخ المقارنة. نبص لحد سبقنا وننسى إن كل واحد فينا ليه سيناريو مختلف، وظروف مختلفة، وميعاد مختلف.

يمكن أكتر حاجة بتتعبنا مش تأخر الرزق... لكن استعجالنا ليه.

وفي الآخر، جزء كبير من القلق ده بيكون من قلة يقيننا في تدبير ربنا. ربنا يرزقنا جميعًا الثقة فيه، ويثبتنا في زمن كثرت فيه الفتن.

#الصبر #نصيبك
🎯♻️

أنا طول عمري مش من الناس اللي بتشجع كورة، ولا حتى بتتعصب لماتش.

يمكن عشان كنت دايمًا بحس إن في حاجات بتحصل أكبر من مجرد كرة قدم.

بس عمري ما كنت متخيل إن الإحساس بالظلم يوصل للدرجة دي.

اللي حصل خلّى ناس كتير تفقد ثقتها في عدالة اللعبة، بغض النظر عن الفريق أو المنتخب اللي بتشجعه.

في الآخر... الكورة من غير عدل، بتفقد أجمل حاجة فيها.

نزل نص ساعة كان هيودى المنتخب كونفدرالية

السعي والمُعافرة حلوين علشان الفراغ مُهلك، بس اللِّي بيحصل ورا الكواليس بيبقى مؤلم ومتعب بجد

مؤلم علشان بياكل من تفكيرنا ووقتنا وعمرنا، وبندخل في تجارب تستهلكنا وفي الآخر بنبقى مش عارفين يا ترى صابت ولا خابت، بنمشي كل خطوة وإحنا مش متأكّدين هي صح ولا غلط، وبنبقى نفسنا في أي كلمة أو إشارة تنوّر لنا طريقنا وتطمنّا

وفي الآخر، كل اللِّي بنتمنّاه إن ربنا يكتب لنا الأجر على كل خطوة مشيناها، اللِّي هصيب وينجح هيفرحنا، واللِّي مش هيصيب هنحطه في خانة التجارب اللِّي لازم نتعلم منها ونحكيها لغيرنا، يمكن تساعدهم وهم بياخدوا خطوة جديدة في حياتهم

بدعي ربنا إنه يثبّت خطواتنا، ويرزقنا الصبر والرضا في أي مكان وفي كل وقت.

365 days with you, and I’d choose you again every single day. Happy 1st Anniversary, my love ❤️😍😍

آسف بقى لنفسي إني ماعرفتش أبقى ناصح ولا لئيم علشان أعرف أعيش وسط الناس، وماعرفتش أبقى بوشين علشان الناس تحبني، ولا أطبل وأخلي النفاق صنعة علشان أوصل للي أنا عايزه. ماعرفتش أبقى وصولي واستغلالي وأعرف الناس لمصلحتي، ولا استسهلت الحرام ومشيت فيه.

وآسف إني ظلمت نفسي بطيبتي وحسن نيتي في زمن ما بقاش ينفع فيه لا طيبة ولا حسن نية، وآسف إني كنت لقمة سهلة لناس كتير وماعرفتش أحمي نفسي منهم. وآسف على حاجات كتير، أكبرها إني حاولت أعيش نضيف وسوي وسط ناس ما بتفهمش ده

🦅♻️

رَبِّ هَبۡ لِي مِن لَّدُنكَ ذُرِّيَّةٗ طَيِّبَة .🙏🤍

‏- اللَّهُمَّ صَلِّ وَسَلِّمْ وَبَارِكَ عَلَى سَيِّدِنَا وَنَبِيِّنَا مُحَمَّدٍ وَعَلَى آلِهِ وَصَحْبِهِ أَجْمَعِينَ .

جمعة مباركة