08/07/2022
تأكد ربنا مش بيديلك كل حاجة على مزاجك وبكيفك ، طبيعي الانسان يكون طموح وبيتمنى انه يكون كل حاجة وناجح في كل حاجة ولكن صاحب البالين كداب
يعني في مجال كمال اجسام مش هتكون انت بطل عالم وافضل مدرب في العالم والناس كلها بتتمرن عندك واحسن تاجر مكملات واحسن تاجر هرمون واحسن طباخ اكل دايت ، لا ومش عاجبك الناس كمان في شفت شخص تاني ناجح اكتر منك في حاجة وتشتغل عندك مبدأ الغبرة والحيد وعدم تمني الخير للغير وتبدأ تتكلم وتجيب في سيرة الناس زي المرة الحامل الي قاعده لا شغله ولا مشغلة
ممكن ربنا رازقك بأفضل جينات تأهلك تكون بطل عالم لكن مش شرط تكون انت مدرب انت مقضي حياتك تمرين صبح وليل ومخك على قدك من الدايت ف مش شرط تصنف نفسك مدرب ناجح او بتفهم ، عادي فيل هيث معندوش ولا لاعب وروني كولمان لا يفقه شيء في التدريب ، والعكس صحيح ممكن ربنا رزاقك بمخ قوي وذكي في البزنس وذكي في كسب المال والحياة ولكن ربنا مش كارمك في انك تكون لاعب ناجح ف وقتها بلاش تشتغل الغيرة والحسد عندك ان في لاعب افضل منك وده طبيعي لان جيناته احسن من منك وممكن ارادته احسن منك انت عندك المال وهو عندو الجسم ، غيرك ناجح في بزنس وصاحب مطاعم ، غيرك ناجح في تجارة المكملات ، غيرك ناجح فب تجارة هرمون حتى لو هي سوق سودة
ففي النهاية سبب الخلافات والانتقادات عالسوشيل ميديا في المجال الفاشل ده ان الكائن العربي فاكر نفسه بتاع كلو ومسيطر في كلو وانت مش هتملك العالم وغيرك نايم لان لو انت مكافح ففي غيرك مش بينام اصلا ومكافح قدك ١٠٠ مرة ، انظف من جواك وبطل تكسر في نجاحات غيرك لانك وقتها اتحولت من بني آدم لحقود وغبي كمان لانك بتضرب في ناجح ف ده قمة الغباء
07/07/2022
07/07/2022
06/07/2022
29/06/2022
27/06/2022
23/06/2022
21/06/2022
15/06/2022
14/06/2022
10/06/2022