Hossam Bakr - حسام بكر

نزول مستوى هرمون التستوستيرون والخصوبة عندك ده ميزة مش عيب..❗

ليه؟ لأن جسمك مش فشل لم إفراز التستوستيرون قل بالعكس ده بيديك تنبيه مش مجرد خلل

لما بتكون تحت ضغط نفسي أو عندك الالتهاب في الأمعاء أو نومك مش مضبوط والميتوكوندريا في الأرض حرفيا.. جسمك هنا بيقرر بعقله إنه يبعد الموارد عن التكاثر ويحطها في البقاء على قيد الحياة.

نزول التستوستيرون في راجل عنده مشاكل صحية ده الناتج الصح فى جسم شغال كويس

وهنا قبل ما تقرر تبدأ تاخد TRT أو أى مكمل غذائي أو testosterone boosters لازم الأول تعالج الظروف اللي خليت جسمك يوصل المرحلة دى وتراجع الـlife style بتاعك..

على سبيل المثال بعض المتدربين اللي معي في المتابعة الاونلاين بيكون السبب الرئيسي للمشكلة دى هى ارتفاع هرمون البرولاكتين عنده بشكل كبير جدا وده من التحليل بتاعه باين لكن ليه البرولاكتين عالى وأنت راجل مش بتاخد حاجة أصلا..❗

السبب بيكون قلة النوم واخره 3-4 ساعات يوميا وعشان تعالج مشكلة قلة النوم وارتفاع البرولاكتين أو هرمون الحليب لازم الأول نضبط مواعيد النوم وكمان نمنع منتجات الكافيين ونشوف هرمونات الغدة الدرقية T3 😄

يعني مينفعش تجرى على الدكتور اللي هيديك في الاخر Dostinex ومش هتتعالج بردو

والبعض الأخر الالتهابات الأمعاء هى السبب وده ممكن يكون إما الالتهاب فعلا أو متلازمة IBS أو بكتيريا فلازم تضبط أكلك الأول وبعدين تفكر في الـbpc-157

دي أهم الطرق في التفكير مختلفة في كل نقاش عن التستوستيرون فبلاش الجرى وراء حلول سريعة والسلام
ومحدش بيتكلم فيها أصلا

لو بتدور على برنامج متكامل تدريب وتغذية ومكملات – مخصوص عشانك أنت – وده مع دعم يومي ومتابعة حقيقية يبقى جيت في المكان الصح

هنا كل اللي محتاج تعرفه عن الكوتشينج الأونلاين بتاعي
https://online-coaching-befit.netlify.app/

‏

‏حساب سعراتك الحرارية بطريقة صحيحة موضوع مقرف وممل وليه تفاصيل كثيرة عشان تفهمها..

بعيد عن التعقيد.. لو حابب تغير جسمك و صحتك..
طبق هذه الـ4 دول.. و هتشوف فرق كبير وواضح

1- زود كمية البروتين في الاكل
اللحمة و اللبن و البيض و المرقة (كولاجين)

2- حافظ على عدد خطوات يوميا ١٠ الاف خطوة أتحرك بلاش كسل أنت مش شجرة ربنا خلقك للسعى والشغل مش قاعد تحت التكييف بالمكتب ورايح جاى بالعربية وخلاص

3- غير منتجات الألبان لـ قليلة الدسم او خالية الدسم

4- أنزل جيم 3-4 أيام أسبوعيا

من متابعتى لعدد كبير من المتدربين في المتابعة الاونلاين أحب أقولكم بلاش تستخدموا المنتجات المعطرة على جلدكم عبث ..
لأن الموضوع اعمق من تحسس بشرة.. او تهيج..

فيه مواد خارجية لو دخلت الجسم تتصرف كانها هرمونات داخل جسدك بتسمى معطلات الهرمونات Endocrine disruptors

للرجال او النساء هرمون ذكورة منخفض او سيادة الهرمون الانثوي يعني ضعف خصوبة , اعراض اكتئاب , ضعف مناعة و زيادة التهابات , و نمو انسجة (للرجال تثدي , للمرأة بطانة رحم مهاجرة او اورام الثدي او الرحم)

الكلام ده شوفته مع ناس كتير بتتمرن طبيعي بقالها فتره بدون تطور أو شكل وكونديشن حتى ولم براجع معاهم الـ life style بتاعهم وأسماء المواد التجارية بلاقى أنها السبب الرئيسي في ده فعلا...!!

ـ عايشين في مجتمع متقبل إنك تعيش على مسكنات وأدوية وتتعامل مع الأعراض بدل ما يشوف الأسباب بس مش متقبل إنك تاخد بيبتايدات أو TRT (Testosterone Replacement Therapy) عشان تحسن جودة حياتك وهرموناتك

ـ على النقيض تماماً بره بيشتغلوا بالعلم والـ Evidence-Based Medicine وبيعالجوا من الجذور مش الأعراض زى هنا وعشان كده متوسط الأعمار في أوروبا وأمريكا وأستراليا وصل لـ 80 سنة

ـ طب ليه لأن الدكاترة حولت الموضوع اتحول لـ بزنس وسبوبة قايمة على إنك ما تشتغلش دماغك

ـ التستوستيرون والخصوبة عندك في الأرض؟ يكتبلك تحاليل Hormonal Panel كامل نتيجة التستوستيرون total طلعت 400 ng/dL؟ تمام في النطاق الطبيعي مع إن التستوستيرون free والـSHBG هم اللي بيحددوا الهرمون الفعال في الجسم فعلا بس محدش هيسأل عنهم

ـ أم الـLH وFSH اللي بيوضحوا هل المشكلة في الغدة النخامية ولا في الخصية نفسها؟ مش ضروري
وكمان الاستروجين اللي لو طلع بيوقف التستوستيرون ويأثر على الخصوبة

ـ والنتيجة؟ تحاليل ناقصة ولهاش داعى وتشخيص زفت وقرار علاجي غلط من أساسا

ـ وبعد ما يدمر اللى فاضل الدكتور ينفخ صدره ويقولك بصوت عالى وخشن يامعلم أنت محتاج حقن مجهري أو أطفال أنابيب والمدام كمان عايزه عمليات كحت وردم ومفيش دكتور هيقولك إن نسبة نجاح الـحقن المجهري مش بتتعدى 10-15% للدورة الواحدة عشان لما تفشل وتقعد تكررها مرتين وتلاتة وكل دورة بتكلف جسمك وجيبك وأعصابك

ـ في حين إن في حالات كتير لم بتمشى على بروتوكول TRT صح مع متابعة Free T وE2 المشكلة عنده بتتحل من غير ما توصل لعمليات وقرف

ـ وبره بقى بيشتغلوا بحاجات إحنا لسه بنتكلم عنها بخجل:

ـ زى الـ BPC-157 وده ببتايد بيساعد على تعافي الأنسجة والمفاصل وتحسين صحة الجهاز الهضمي وله تأثير على مستويات الهرمونات بشكل غير مباشر

ـ وكمان الـ TB-500 اللى بيسرع ترميم العضلات والأوتار ويقلل الالتهاب المزمن اللي بيأثر على كل حاجة في الجسم من مستوى الطاقة لحد الخصوبة

ـ والـGHK-Cu اللى بيحفز تجديد الخلايا وإنتاج الكولاجين وله دور في تحسين صحة الجلد والأوعية الدموية وتقليل الأكسدة الخلوية

ـ كلامى ده مش خيال علمي دي أبحاث منشورة على PubMed وبيشتغل بيها أطباء في أمريكا وأوروبا وأستراليا بس هنا لو سألت عنها الجواب هيبقى إما "ما سمعتش" أو "ده دجل وكلام فارغ " أو يسكت ويقولك أنت هتعرفنى شغلى..! مانت هتبوظ السبوبة والحلب اللي بيحصلك

ـ مفيش دكتور هنا هيكتبلك بروتوكول TRT صح أصلا ومفيش حد هيشرحلك الفرق بين Total وFree Testosterone ومفيش حد هيقولك إن جسمك ممكن يتعافى وتبقى كويس بالبببتايدات قبل ما تدفع وتدخل العمليات

ـ عايشين بمسكنات وأدوية عرضية وأي حاجة تانية إما عملية أو بروتوكول مش ضروري لحد ما تموت ويقولك قضاء الله وقدره

ـ ده أنا من كام سنة ذهلت لم قرأت إحصائية موثقة من أمريكا بتقول إن يوم انعقاد المؤتمر العالمي لأمراض القلب والأوعية الدموية اللي بيحضره كل المتخصصين نسبة الوفيات من أمراض القلب بتنخفض بشكل ملحوظ إحصائيا (Statistically Significant) في نفس اليوم.

ـ وده لوحده بيقول كل حاجة إحنا مفشوخين مع شوية صنايعية وربنا ..

لو أنت شخصياً اتعرضت لموقف مشابه أو اتشخصت غلط أو اخدت أدوية ضرتك اكتر من نفعك اكتب تجربتك وشارك معنا في الكومنتات

لو عندك أي مشكلة في التمرين سواء إرهاق أو دوخة أو رعشة أو ضعف و تمرينك منطقي و مظبوط يبقى المشكلة جاية من الأكل، ايه مشكلة الأكل بقى؟

هتلاقي أن أكيد عندك نقص في فيتامين أو mineral، هتسألني آخد فيتامين ايه؟ هقولك يا حبيبي اهتم بالفيتامينات والمعادن كلها مفيش فيتامين أو حقنة سحرية هي اللي هتخليك تتحول، كله مهم تركز عليه والله :D

‏بجد موضوع مخبوزات الحبه الكاملة هى اكبر خدعه هيعيش عليها المجتمع المصري تحت مظله الاكل الهيلثي
شعب اصلا عنده الكروسترول عالي والدهون الثلاثيه ارقامها غير ادميه وعايشين على الزيوت والدهون المهدرجه وحياته وقفت على عيش الحبه الكاملة.
الانقح بقى محلات البيتزا تقولك العجينه بتتعمل بالحبه الكاملة عشان تدفع سعر اغلى تحت مظله انت بتاكل بيتزا هيلثي.
المخابز في الشارع دلوقتي تسالها الرغيف بكام يقولك ب ٥ ج عشان معمول بالحبه الكاملة
مش بعيد بكره تلاقي بلبن منزل منتجات القشطوطه بالحبه الكامله ويسميها المهلثة عشان يبيعها بدل من ٦٠ ج يبيعها ب ١٨٠ ج عشان هتاكل حاجه في سكريات بس بعجينه هلثي.
الفكره ان كله بيستخدم فعلا الحبه الكامله بس مفيش مانع نزودها بدقيق ابيض عشان السعر وكده كده اللي بياكل مش عارف الفرق بين الحبة الكاملة والعلف اهو المهم ياكل ويشبع باقل سعر وفي الاخر هتلاقي المنتجات اسعارها زادت ويقولك اصلها بالحبه الكاملة.
شعب يعشق اللي يديله ختم النسر على قفاه عشان ينبسط.

انهارده أول يوم فى OLYMPIC The Enhanced Games ودى ياسيدى الفاضل مسموح فيها استخدام الاسترويد والبيتايدات بشكل صريح وبدون تحاليل طبية وعايزين انهارده يحطموا كل الارقام القياسية في الجرى والسباحة ورفع الأثقال

وكمان هينزلوا البروتوكولات بتاعت اللاعبين بشكل كامل وأولهم السباح الاسترالي جيمس اللي اعتزال من 2019

إيه رأيكم في البرتوكول بتاعه بدون سف 😄

الريتاتروتيد مش مجرد دواء لإنقاص الوزن — ده بيخرب دايرة المكافآت في المخ حرفيا الناس بتركز على الميزان والأرقام بس

لكن التغيير الحقيقي في السلوكيات : بيخلى أكلك أقل اندفاع صوت الأكل في الدماغ (الـfood noise) بيقل جدا والجذب للعادات القهرية بيضعف بردو

االآلية التثليث الفعال في الريتاتروتيد هى : GLP-1 + GIP + جلوكاجون جذع الدماغ → بيجمع إشارات الشبع والامتلاء

الهايبوثالاموس (POMC/CART بيزيد NPY/AgRP بيقل) → الرغبة في البحث عن سعرات حرارية بتقل كل ده إشارات شهية

النظام اللي بيحب المكافآت (Mesolimbic) (منطقة VTA → nucleus accumbens) → كمان استجابة الدوبامين للمكافآت بتضعف بردو أنتم متخيلين أنا بقول إيه ؟

(VTA بتشتغل لما تدور على مكافأة والـ nucleus accumbens بتحول الإشارة دي لدافع قوي)

الـ GLP-1s بتقلل "الصوت" أو "القوة" في النظام ده الـ mesolimbic

المحصلة النهائية؛

الحافز للأكل بيقل وتعزيز العادات بيضعف والجذب للأكل اللي بيحصل بسبب المتعة (incentive salience) بيقل جدا.

عشان كده الناس بما فيهم الرجالة بيقولوا:"مش بفكر في الأكل زي زمان.

ـ صوت وريحة الأكل في دماغك بتقل جدا
وده بيعمم على حاجات تانية كمان ؛
الرغبة في الشرب (الخمور) والتدخين أو أي سلوكيات مكافأة عالية بتقل كمان يعني ببساطة بتبدا تسيطر على نفسك وشهواتك

يعني الدواء ده مش بس بيخسسك ده بيغير طريقة دماغك في التعامل مع "المتعة" من الأكل والعادات اللي بتدمر الرزق والصحة.

وعايز أقولكم أن معى متدربين حالياً في امريكا بيطلبوا من المصنع مباشرة وبيتم التوصيل لحد باب البيت وكمان شركة ايلى ليلى بتبنى مصنع حاليا في الهند باستثمار 9 مليار دولار وخلاص خلال أيام هيتم اعتماد الريتاتروتيد من هيئة الدواء والغذاء FDA مع بعض أنواع البيبتايدات وطبعا التكلفة هتزيد الضعف

- محتاج نظام غذائي أو برنامج تدريبي أو جدول استخدام الريتاتروتيد أو أى نوع بيبتايدات مع متابعة اونلاين وتقييم اداءك في التمرين أنا هساعدك وهوصلك للجسم اللى بتحلم بيه أى كان سنك أو من أى دولة في العالم لمعرفة التفاصيل وكيفية الاشتراك 🔗 https://online-coaching-befit.netlify.app/

الجيم مش بس مكان لبناء العضلات،

هو مكنسة حقيقية بتنظف عقلك من أي ضغوط،
لما تتمرن، خلي تركيزك كله على الأداء والتنفس، عشان تشغل عقلك باللحظة الحالية وتطرد أي فكرة سلبية.

استغل التعب البدني في التمرين عشان تفرغ شحنات التوتر وتصفي ذهنك.

اعتبر وقت التمرين منطقة محظورة على الأفكار السلبية، وكل عدة بتعملها هي مسحة للغبار الذهني اللي في دماغك.

وزي ما بناء العضلات محتاج استمرارية، تنظيف عقلك محتاج انضباط يومي.. ابدأ دلوقتي!

بتعاني عشان تعرف النوم كويس ؟

هقولك على كام حاجة بستخدمها مع المتدربين اللي معي في المتابعة الاونلاين وبتفرق معاهم 180 درجة

١- مكمل ماغنسيوم غليسينات نص ساعة قبل النوم 200-400mg

٢- شاور بميه دافئة
٣- ما تتمرنش قبل ميعاد نومك بوقت قصير
٤- الاوضة باردة و الاضاءة خافتة قبل النوم بساعة
٥- متشربش اي حاجة فيها كافيين قبل النوم على الاقل 7 ساعات + حتى بعض المشروبات الغازية فيها كافيين مثل ( البيبسي، الكولا، الحمضيات)
٨- كل حباية كيوي قبل النوم
٩- اخر وجبة قبل النوم بساعتين الى ٣
١٠- ثبت وقت نومك
١١ـ اول ماتصحى اقف في الشمس شوية
١٣- متجبرش نفسك تنام بالعافية اطلع على السرير لم تحس انك فصلت
١٤- شغل الـnight shift في الموبايل بالليل