Cap ahmed yehia

اي الفرق بين السوبر سيت و الدروب سيت و الچاينت سيت 🤔🤔🤔 ؟

🟢 اولا كده لازم تبقي عارف يعني اي سوبر سيت و چاينت سيت و دروب سيت

🔴 يعني اي سوبر سيت ؟
- السوبر سيت ده مزيج من تمرينتين او تلاته علي نفس العضله او العضله المقابله ليها و بتلعب التمرينه الاولي و بعدها بتلعب التمرينه التانيه علطول بدون راحه و لو في تمرينه تالته كمان بتلعبها بدون راحه ما بين المجموعات و بعدها بتاخد راحه يرايق و بعد الراحه بقا تدخل نفس المجموعات بنفس الطريقه و الاسلوب ده في التدريب بيساعد علي ضخ الدم في الاورده بصوره مش طبيعيه .

كده خلصنا السوبر سيت تعالي معايا بقا نشوف الچاينت سيت بيقول اي يغالي

🔴 يعني اي چاينت سيت ؟
- الچاينت سيت ده بيبقا من 4 تمرينات او اكتر و كلهم علي نفس العضله و بتبقا الراحه بين المجموعات قليله جدا و بعد ما تخلص المجموعات كلها تاخد راحه رايقه كده عشان حمض اللاكتيك أسيد اللي في جسمك يختفي و تعرف تكمل تمرينتك
مثال : المجموعه الاولي هتلعب كتف امامي بالدامبل و بعدها تاخد راحه قليله و تلعب رفرفه جانبي بالدامبل و بعدها تاخد راحه قليله برضو و تلعب كتف خلفي علي جهاز الفلاي و بعدها تاخد راحه قليله برضوووو و بعدها تلعب رفرفه امامي بالدامبل و بعدها تاخد راحه رايقه زي ما قولنا عشان حمض اللاكتيك أسيد يختفي من جسمك و تكمل تمرينتك .

كده خلصنا الچاينت سيت تعالي بقا نشوف الدروب سيت أخباره اي

🔴 يعني اي دروب سيت ؟
- الدروب سيت ده بيبقا عباره عن مجموعه و التكرارات فيها بتبقي كتيييررر و الاغلب دي بتبقي المجموعه الاخيره من التمرينه يعني مثلا ممكن تلعب مجموعتين سحب عالي واسع بوزن معين ب 10 او 12 تكرار و تيجي المجموعه الاخيره تلعب بنفس الوزن لحد ما توصل للفشل العضل و بعدها تقلل الوزن علطول بدون راحه و تلعب لحد ما تصول للفشل العضلي و تقلل تاني و تلعب لحد ما توصل للفشل العضلي و كده تكون خلصت تمرينتك
اي المفيد بقا ان انا العب دروب سيت ؟
الاسلوب ده بيساعد علي حرق الدهون بنسبه كبيره و بيزوّد عندك قدره التحمل .

في واحد الوقتي هيجي يسألني و يقولي هو انا ينفع العب اسلوب من الاساليب دي كل يوم ؟
لا طبعا مينفعش عشان انت كده بتدمر العضله مينفعش تلعب التمرينات دي غير مره او مرتين بالكتير في الاسبوع عشان تكون عملت استشفاء عضلي و تقدر تلعب علي نفس العضله من غير ما تعمل عليها حمل زياده👍

و متخليش حد يضحك عليك ، عاوز تتمرن اتمرن بس بعقل😉💪💪

ازاي احسب السعرات الحرارية ( الكالوري ) اللي جسمي بيحتاجها ✔✔✔

-اولا كده لازم تبقي عارفين ان كلمة السر في فقدان الوزن او اكتسابة هي (السعرات الحرارية)

-جسمك عبارة عن مترجم سعرات حرارية داخلة وخارجه من جسمك ، الجسم ما بيعرفش انتا اكلت ايه ✋ بس بيتعامل مع الاكل من خلال السعرات الحرارية الموجودة فيه ، قبل ما تفكر تبدء ت
دايت او زيادة وزن ، لازم تبقي عارفه الاول جسمك محتاج كام سعر حراري علشان يوصل للهدف اللي انتي عاوزة ايان كان 👌 نفهم من كده كام حقيقه مهمه 👇

1-ماافيش اكل معين بيخسس او يتخن منطقه معينه (فيه سعرات داخلة ودي اللي الجسم بيتعامل معاها )

2-مافيش دايت لمنااااطق معينه للجسم ، (الدايت بينزل كل الدهون الزيادة اللي في الجسم بما فيهم المنطقه اللي انتا عاوزها )

-علاقة السعرات الحرارية بحرق دهون الجسم ✋

-عملية حرق الدهون داخل الجسم بتم من خلال عمل فجوة بين السعرات اللي الجسم محتاجها وبين السعرات اللي داخلة الجسم ، الفجوة دي هي اللي بقدر استفيد منها في فقدان الوزن ، نوضح اكتر 😄

-يعني مثلا جسمك محتاج 2000 سعر حرار علشان يفضل ثابت ومستقر ، انتا عاوز تخس ، هتعمل الفجوة دي بانك تنقص 500 سعر حراري، فبكدة هتعمل عجز في السعرات الجسم يضطر يعوضه ،فيقوم رايح لمخازن الدهون ويعوض منها نقص ال500 سعر دول ، (يعني بتنقص ال500 سعر من اكلك علشان تاخدهم من مخازن الدهون في جسمك)👌 ولو عاوز تحرق اكتر يبقي بجانب فجوة السعرات دي تعمل مجهود بدني ، فبكدة يبقي جسمك بيضر يسد عجز السعرات ، بجانب اللي هيتم استهلاكه من الدهون في المجهود البدني فتاخد اعلي نتيجه😉

-طيب عاوز تزود وزنك (يبقي تزود عن السعرات الحرارية اللي جسمك محتاجها 500 سعر برضو ✔

- الحد الادني من السعرات ⚠⚠⚠

-جميع الدرسات الحديثه اثبتت ، ان عدد السعرات لو قل عن الحد المسموح ده بيرجع علي الجسم بالسلب بشكل كبيير

1-اولا بيقلل الحرق جدااا ، لان الجسم بيضطر يقلل الحرق بشكل تلقائي بناء علي كمية السعرات اللي داخلة والي هي اقل من احتياج الجسم بكتييير

2-في بعض الحالات بيسبب لثبات الوزن

3-غير بقي نقص كبييير في العناصر الغذائيه اللي محتاجها الجسم واللي بيرجع بالسلب علي كل عضو في الجسم

-الحد الادني من السعرات بيختلف بين الراجل والست وده لاختلاف طبيعية الجسم والهرمونات ومعدلات الحرق
-الرجاااله ...ما ينفعش السعرات تقل عن 1600 سعر حراري
-الستات...ما ينفعش تقل عن 1200 سعر حراري

-ازاي احسب السعرات الحرارية اللي جسمي محتاجها ✔✔✔

1-اول طريقة ودي الادق والاحسن اني اعمل inbody (جهاز بيبقي موجود في الجيمات والصيدليات الكبييرة )

2-استخدام برامج حساب السعرات اللي موجودة علي البلاي ستور بتنزلها علي فونك وتحسب من خلالها واشهر واحسن البرامج دي

- كيفية توزيع السعرات علي العناصر الغذائيه (الكارب ، البروتين ، الدهون للصحية )✔✔

-عرفنا ازاي نعرف السعرات اللي جسمنا محتاجها علشان يخس او يزيد يبقي ناقص نعرف توزيع السعرات دي علي العناصر الغذائيه 👌

-توزيع السعرات علي العناصر بيكون بنسبة 40 %كارب -40 % بروتين -20 دهون صحية

-الواحد جرام من البروتين =4سعر حراري
-الواحد جرام من الكارب =4 سعر حراري
-الواحد جرام من الدهون الصحية =9 سعر حراري

-طيب تعرف منين عدد الجرامات اللي جسمك محتاجها من العنصر الغذائي 🚫🚫

-البروتين ....حاصل ضرب وزنك × 2 ( والحسبة دي ثابته لاي حد بيخسس او بيزيد ) مثال وزنك 70 ك يبقي هتضرب 70 ×2=140 جرام من البروتين

-الكارب ....لو بتخس يبقي حاصل ضرب وزنك ×2
-لو بتزيد يبقي حاصل ضرب وزنك ×5
-لو بتزود كتلة عضلية بس يبقي حاصل ضرب وزنك ×4 ...وهيطلع العدد بالجرامات هيبقي هو ده احتياجك من الكارب حسب هدفك ، زي ما عملنا فوق👆

-الدهون الصحية ...حاصل ضرب وزنك ×6،0

-كده نبقي عرفنا ازاي نحسب سعرات جسمنا بشكل عام حسب هدفك سوء كان تخسيس او زيادة وزن ، وعرفنا ازاي نوزعها علي العناصر الغذائيه (الكارب والبروتين والدهون الصحيه )

-انا ليه بقي ما جبتش سيرة الالياف (الخضار والفاكهه )

-الخضار والفاكهه زي ما فيهم فيتامينات مهمه جدااا لللجسم ، فهما فيهم نسبة كارب كبييرة د فابالتالي نسبة الكارب بتاعي من سعراتي الحراريه هيبقي من ضمنها الفاكهه والخضار علي اعتبارهم كارب بسيط

-لانك لو اخدت الالياف خارج نسبة الكارب بتاعي، يبقي وقتها هيبقي عندي فائض في نسبة الكارب في الدم وانسولين يعلي يعني هيتخزن علي طووول ✋

-كله يحسب سعراته يا جماعة علشان لما نبقي عارفين جسمنا محتاج ايه ونعرف نتعامل مع انظمه الدايت بشكل اسهل

The first step in my career as a Gym coach ✨