Better Me - Eman Ezzo

Call Directions Contact the business

Better Me - Eman Ezzo ✨ ICF Certified Coach ✨
Specialized in Relationship, Marriage, Family & Parenting Coaching.

انا بقيت الشخص السيء في روايتهم علشان رتبت اولوياتي: - حطيت نفسي اولوية.- حطيت حدود غير مسموح ان حد يتجاوزها.- بقيت اقول...
23/09/2026

انا بقيت الشخص السيء في روايتهم علشان رتبت اولوياتي:
- حطيت نفسي اولوية.
- حطيت حدود غير مسموح ان حد يتجاوزها.
- بقيت اقول لا لو مش مناسب لي ولظروفي.
- اتعلمت ارد بكل ادب واحترام علي اي حد بيتجاوز في الكلام او حتي الهزار.
- ال Me Time بقي اهم من وقت اي حد تاني طالما مفيش ضرورة وطواريء.
- المعامله بالاصل مش بالمثل مع ولاد الاصول بس.
- مبقتش أتعاطف مع اللي عايش في دور الضحية وبيطلب مني اعيش دور المنقذ.
- بقيت اسال مرة واتنين بس لو مش هترد علي سوالي ولا هتسال عليا هابطل اسال خالص.
- مش بسمح لحد يتدخل في طريقة تربيتي لبنتي.
لو كل ده يخليني شخص سيء .. فانا "راجل لعين يا اخي" علي راي توفيق الدقن.

‎
#علاقات

22/09/2026

لما تقرر تتجوز تاني ادرس القرار ومسؤولياته كويس الاول من كل جوانبه علشان لما تواجه اي موقف تكون اد المواجهه ومتحمل مسؤولية قرارك واختيارك ومعاملتك بما يرضي الله للطرفين.

‎
‎ #علاقات

19/09/2026

٣ جمل لو سمعتيهم في اول مقابلة .. اعتذري بشياكة وخدي ديلك في سنانك واجري 😂

شاركينا ايه اغرب جمل سمعتيها في اول مقابلة ؟!

#علاقات

حاسّة إنك مضروبة في الخلاط؟!مش عارفة تلحقي على إيه ولا إي؟كل واحدة عندها خلاطها… ومش بالضرورة يكون شبه خلاطك اصل المكونا...
17/09/2026

حاسّة إنك مضروبة في الخلاط؟!
مش عارفة تلحقي على إيه ولا إي؟

كل واحدة عندها خلاطها… ومش بالضرورة يكون شبه خلاطك اصل المكونات في الخلاط بتختلف ما بين (شغل / أولاد/ تجهيز اكل / مدارس/ تمارين / مواعيد/ مستشفيات ودكاترة / بيت / مصاريف / مشاكل وأزمات / اهل والتزامات / وطلبات لا تنتهي ..)

ساعات بنبقى تعبانين… بس مش عارفين نقول إحنا تعبانين من إيه بالضبط. متوترين، مستنزفين، عصبيين، حاسين إننا مقصرين… وأحيانًا كل اللي نفسنا فيه إن حد يقول لنا " أنا فاهم … اليوم كان كتير وتقيل عليكِ"

الوقت اللي بتحسي انك مش قادرة تكملي مش معناه إنك ضعيفة. ومش كل مرة تحتاجي فيها مساعدة معناها إنك مش قد المسؤولية. أحيانًا أنتِ بس شايلة كتير ومحتاج حد يشارك ويساعد في انه يخف الحمل من عليكي شوية.

هوني علي نفسك ومش لازم تشغلي الخلاط كل يوم .. ممكن تكتفي بحاجه او اتنين وتريحي الخلاط وتريحي نفسك شوية .. اعملي اللي يناسبك ويناسب يومك ومجهودك.
متفكريش انك مقصرة او اللي وراكي كتير ولازم يخلص .. فكري انه هيخلص هيخلص بس المهم لما يخلص ميكنش خلص عليكي.

لو أنتِ كمان بتحسي بنفس الاحساس .. شاركينا اكتر حاجه بتوترك وتضغط يومك ونتكلم فيها في Better Together community وتاكدي انك مش مضروبة في الخلاط لوحدك .. احنا كتير اوي.

#علاقات

ايه هو اصعب قرار بالنسبة لك ؟ فكرتي فيه كويس ؟ اخدتي وقتك الكافي ؟ كنتي مدركة مدي صعوبته؟ هل فعلا بالصعوبة اللي كنتي متخ...
17/09/2026

ايه هو اصعب قرار بالنسبة لك ؟
فكرتي فيه كويس ؟ اخدتي وقتك الكافي ؟
كنتي مدركة مدي صعوبته؟
هل فعلا بالصعوبة اللي كنتي متخيلاها ولا كانت مبالغة منك ؟

من كام سنة كتبت بوست " وفجاة اعز الناس يبقي مجرد واحد من الناس" وده بعد ما شخص عزيز عليا جدا بافعاله بقي مجرد شخص زي اي ...
14/09/2026

من كام سنة كتبت بوست " وفجاة اعز الناس يبقي مجرد واحد من الناس" وده بعد ما شخص عزيز عليا جدا بافعاله بقي مجرد شخص زي اي شخص وبقي مكانه عندي مختلف تماما!

وقتها كنت بسال هيا الناس بتتحول وتتغير كده ازاي ولا احنا اللي مش بنكون عارفينهم بجد وشايفين نسخة عايزين نشوفها منهم بعيدا عن نسختهم الحقيقية ؟!!

مع الوقت اكتشفت ان وعينا بيكبر وبندرك الامور بشكل مختلف ونشوف الناس بحقيقيتها من خلال مواقف بجد .. والانبهار اللي في اول المعرفة بياخد حجمه الحقيقي.

افهم ان مش اي حد نقول عليه حبيب ولا صديق .. مش بالزحمة حواليك وبرضه مش بالسنين وعددهم !
الانسان الاصيل بيبان معدنه وقت الشدة ووقت النعم والمواقف اللي بعيده عن الاضواء والمظاهر الاجتماعية.

اعرف ان مش كل الناس اللي هتظهر في حياتك هتكمل معك .. معظم اللي هتقابله هيكون له دور او درس في مرحلة من مراحل حياتك وباكتمال الدرس هيخلص دوره مهما كانت درجة القرب في وقت من الاوقات.

اللي هيكمل معك هو الشخص الاصيل اللي معدنه نضيف .. اللي طباعه قريبة من طباعك … قيمه ومعاييره قريبة من قيمك … اللي فعلا يكون شبهك من الداخل قبل الخارج .. اللي معرفته بيك مش قايمة علي مصالح او مكاسب من اي نوع !

اختار صح اللي يستاهل ياخد وقتك ومجهودك ومحبتك .. وعطائك.

#علاقات

13/09/2026

"هو امتي اطلب الطلاق؟"
اسباب الطلاق بتختلف من حالة لاخري ومن اشخاص لاشخاص تانية وده بيكون بسبب قدرة الطرفين علي التعامل مع المشكلات وحلها .. علشان كده مينفعش نعمم اسباب محددة الطلاق ولانه بيتوقف علي الطرفين ولان في بعد النقاط اللي لازم ناخدها في الاعتبار ومنها:
- المشكلة او العيب وتقبله من الطرف الاخر .
- رصيد الشخص لدي الطرف الاخر.
- محاولات الاصلاح وجديتها من الطرفين.
- القدرة علي الاستقلالية المادية.
- الاطفال وترتيب وتنظيم حياتهم بشكل لا يؤثر نفسيا عليهم.

وغيرهم من الاسباب اللي لازم التفكير فيها جيدا قبل اتخاذ قرار الطلاق!

#علاقات

12/09/2026

الطبيعي ان في بداية العلاقات يكون كل طرف عايز يبين افضل ما عنده … الطبيعي ان يكون مكان التعارف مكان ملائم وهادي علشان تعرفوا تتكلموا وانتم مرتاحين ..
اكيد مش مطلوب منهم انه يبقي مكان اوفر وفوق مقدرته ولكن دي حاجه ناخد بالنا منها ومن طبيعته وقت الزيارات والخروجات. فكرت انه مسالش تشربي ايه دي كمان حاجه تاخدي بالك منها .
ومش عيب انك تساليه انت ليه اخترت المكان ده ؟ اسمعي منه وشوفي المواقف هتمشي ازاي وخدي وقتك لحد ما تتاكدي من احساسك واذا كان مناسب او لا.

‏ #علاقات

بمناسبة الدهبي ☺️اتعلمت ابسط نفسي بنفسي ولوحدي. اتعلمت مستناش حد يكون معايا علشان اتبسط.بقيت اعمل شوبينج لوحدي .. اروح...
10/09/2026

بمناسبة الدهبي ☺️
اتعلمت ابسط نفسي بنفسي ولوحدي.
اتعلمت مستناش حد يكون معايا علشان اتبسط.
بقيت اعمل شوبينج لوحدي .. اروح اقعد في الكافية اللي بحبه لوحدي … اخد يوم علي البوول لوحدي .. اكل الاكلة اللي محدش بيحبها غيري .. احضر كورس ما اعرفش حد فيه .. ادخل سينما واكل الفشار .. اسافر لوحدي واستكشف بلد جديدة ..
الدنيا مشاغل وكل واحد وراه مليون حاجه وحاجه ولو استنيت حد يعمل معايا الحاجه اللي بحبها هاستني كتير!
اه الصحبة حلوة ومطلوبة بس لو مش متاحة طول الوقت مش هاوقف حياتي وابطل اعمل اللي بحبه لحد ما حد يفضي.
بستمتع بالمتاح واللي اقدر اعمله لنفسي.

كل سنة وانا طيبة وبحقق احلامي .. كل سنة وانا بتعلم حاجات جديدة .. كل سنة وانا بعيش حياتي بطريقة جديدة 🎉

#علاقات

الجبان .. عديم المسؤولية .. غليظ القلب .. المتسلط .. البخيل .. الاناني … القماص .. الشكاك .. من قراره ليس بيده !! رجال ل...
09/09/2026

الجبان .. عديم المسؤولية .. غليظ القلب .. المتسلط .. البخيل .. الاناني … القماص .. الشكاك .. من قراره ليس بيده !!

رجال لا يصلحون للزواج وتربية الابناء !!

ايه الصفة اللي شايفة انها لو في الرجل فهو لا يصلح كشريك الحياة ؟!!

‎ #علاقات

Address

الاسكندريه

Opening Hours

Monday 10am - 5pm
Tuesday 10am - 6pm
Wednesday 10am - 6pm
Thursday 10am - 6pm
Saturday 4pm - 8pm
Sunday 10am - 6pm

Telephone

0106 2092606

Website

Alerts

Be the first to know and let us send you an email when Better Me - Eman Ezzo posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Better Me - Eman Ezzo:

Shortcuts

Share

Category