Wheelie Runners

جاي معانا ؟؟

بنغيب نغيب…
لكن بنرجع دايمًا بطاقة أكبر وأفكار مجنونة أكتر 😁🔥

يوم 26-6-2026 راجعين نتجمع من تاني في إسكندرية، ونفكركم إن أحلى حاجة في Wheelie Runners عمرها ما كانت الجري…

كانت الناس

وإن شاء الله اليوم ده يكون بداية لحاجات كبيرة جدًا جاية في الطريق.

مستنيينكم…
واستنوا مفاجآت هتعجبكم 😉✨

🚨 Runners – أول جروب جري لمستخدمي الكراسي المتحركة في مصر 🚨

من أيام كورونا لما كل الأندية والصالات قفلت، ماكانش فيه تدريب ولا رياضة ولا أنشطة… قررنا نعمل فكرتنا ونكسر العزلة 💪 ومن هنا اتولد فريق Wheelie Runners 🏃‍♂️♿

💡 إحنا أول جروب جري لمستخدمي الكراسي المتحركة – من الرياضيين وغير الرياضيين – بنتجمع بشكل دوري لممارسة أكتر رياضة مناسبة للجميع وهي الجري بالكراسي المتحركة.

الجري مش بس نشاط لياقة، ده بيقوي جسمك وعقلك، ويرفع أداءك الرياضي أيًّا كانت رياضتك، وفي نفس الوقت بيجمعنا في جو ممتع وطاقة إيجابية الصبح بدري 😍

👥 فريقنا فيه لاعبين من كل الرياضيات و ح تشوف بنفسك :
• سباحة 🏊‍♂️
• ألعاب قوة 🏋️‍♂️
• تنس طاولة 🏓
• باسكت 🏀
• تنس أرضي 🎾
• مدربين، أولياء أمور، وأصدقاء رياضيين وغير رياضيين

🤝 ليه بنجتمع؟
• نتعرف على بعض في دايرة كبيرة ونبني صداقات جديدة
• نتبادل الخبرات وندعم بعض نفسيًا ومعنويًا
• نلهم المجتمع إن الإعاقة مش نهاية النشاط، بل بداية للتحدي
• نفتح أبواب لفرص تدريب وبطولات جديدة

🔥 رسالتنا للمجتمع:
مش معنى إنك مستخدم كرسي متحرك إنك تفضل في البيت أو تمارس رياضتك في مكان مغلق وبس! إحنا بننزل، ونجري، ونشارك قدام الناس، ونشجعهم هما كمان يبدأوا ويتحركوا. إحنا بنوري العالم إن الرياضة أسلوب حياة لكل الناس، وإن الإرادة أقوى من أي قيود 💥

🎯 أهم حاجة: الاستمرارية، وتشجيع غيرك، ودعوة أي حد في دايرتك يشارك معانا، وممكن نعرفه على أنشطة وفرق تانية تفيده.

🚀 انضم لينا:
تعالى جرب، حس الفرق بنفسك، وهات معاك أصحابك وأهلك.
شارك صور وفيديوهات الجري على السوشيال ميديا، وعرف الناس بفكرتنا.
Wheelie Runners مش مجرد جروب… إحنا عيلة بتجري، تفرح، وتكسب صحة وطاقة وأصحاب جدد كل مرة ❤️

📅 تابع مواعيد تجمعاتنا وانضم لينا التجمع الجاي 👀
📩 للتفاصيل والتسجيل: (ابعت اسمك للجرية الجاية يوم الجمعة ان شاء الله ١٥ اغسطس)

البقاء لله وحده ربنا يرحمه ويغفر له ويسكنه فسيح جناته اللهم امين 🤲🏼

Happy International Wheelchair Day 1st of March ❤️🫶🏽

زي ما قولنا ووعدنا اعضاء فريق ويلي رانرز قبل كدة ان الفريق ح يكون ليه اهتمامات واستفادات تانية الفترة الجاية.. و الحمد لله كبداية احنا شركاء في ملتقي خطوة لتوظيف الأشخاص ذوي الإعاقة اللي حلم عاملاه بحضور اكتر من ٣٠ شركة عالمية فاتحين فرص دمج الاشخاص ذوي الاعاقة في سوق العمل لكفاءات و وظايف قوية جدا جدا مش مجرد تسجيل علي ورق ❤️