Esam Elnfyawi

05/08/2026

كام مره اتحطينا فى موقف حلو او وحش ولقينا اننا مش لاقيين كلام يوصف مشاعرنا فى الموقف دا ؟

في لحظات في العلاقة الكلام فيها بيبقى قاصر عن انه يعبر مش عشان مفيش حاجة تتقال، لكن عشان بعض المشاعر أكبر من إنها تتحبس في جملة.
فى الوقت دا بالذات الجسم بيسبق اللسان فبنشوف نظرة معينة، سكوت، طريقة وقوف، حركه بنعملها …
كل الحاجات دي بتقول وبتحكي حاجات الكلام يعجز انه يوصفها

مشهد محمود عزب وهو بيرقص في فيلم سوبر نوفا على الرغم ان مفيش كلمة واحدة اتقالت منه في المشهد ده.
لكن جسمه، حركته، الطريقة اللي بيتفاعل بيها مع اللحظة، كل ده كان بيحكي حاجة عن علاقتة بنفسة الكلام كان هيقصر اوي فى وصفها بالصوره اللى هو وصفها بيها.

ودا فكرنى جدا بحاجة بقولها كتير للأزواج داخل الجلسات..
وهي ان أكتر من 70% من التواصل بين طرفين مش كلام.
لكن هو نبرة، تعبير وجه، مسافة الجسد، توقيت اللمسة.

جسمك بيقول كتير قبل ما لسانك بتكلم.
السكوت له لغة.
المسافة لها معنى.
حتى الطريقة اللي بتقعد بيها جنب شريك حياتك بتقول حاجة.

عشان كدا عاوزك تسأل نفسك سؤال مهم جدا
- هل انا بفهم شريك حياتي من كلامه بس؟
- ولا بسمعه وبحس بية كمان قبل ما يتكلم؟

الزوج اللي بيسكت مش دايمًا زعلان — ساعات سكوته بيكون صرخة.

الزوجة اللي بتبعد شوية مش دايمًا “مزاجها وحش” — ساعات دي طريقتها إنها تقول “محتاجة حد ياخد باله مني من غير ما اطلب.

عشان كدا ساعات كتير جدا اللي بيوجعنا مش “إيه اللي اتقال” لكن “إزاي اتقال” أو كمان “إيه اللي متقالش خالص بس كان محتاج يتحس”.

لذلك دايما بقول ان الإحسان في العلاقة مش إنك بس بتتكلم مع شريك حياتك، لكن الإحسان الحقيقي إنك تتعب شوية عشان تفهم اللي مش بيتقال.

إنك تبقى حساس لجسم وحركات ونبرات شريك حياتك زي ما بتكون حساس لكلامة.

23/07/2026

مش عيب خالص إن شريك حياتك يشوفك زعلان… لكن العيب إن زعلك يخليك تتصرف كأن اللي بينكم خلاص انتهى.🙁

كتير من الأزواج بيفتكروا إن “الرضا” معناه إخفاء الزعل، وإن اللي بيبان عليه الزعل يبقى “مش راضي” أو “مش متزن”. 😄 اه مش متزن

وتلاقيهم هنا بيحاولوا يبلعوا كل حاجة وهما لسه واخدين على خاطرهم بجد، وده اللي بيخلّي الزعل يتراكم من جوه لحد ما ينفجر - أو يتحول لبرود دائم بينهم.

ولكن الحقيقه ان الرضا الحقيقي مش إنك متبانش زعلان. ودا لإنت بني آدم، عندك مشاعر، ومن حقك شريك حياتك يشوفك متضايق أو واخد على خاطرك - فده جزء طبيعي من أي علاقة صادقة وحقيقية.

لكن الفرق هنا إنك وقت الزعل، تكون واخد قرار من جواك: “الموقف ده هيعدي، والمشكلة دي مؤقتة، وده مش نهاية اللي بينا”. يعني ملامحك ممكن تقول “أنا زعلان”، لكن قلبك بيقول “أنا لسه معاك”.

المشكلة الحقيقية مش في إظهار الزعل، المشكلة في اللحظة اللي بتخلينا نترجم الزعل دا لتصرف بيهدد العلاقة كلها - زي: كلمة قاسية، أو انسحاب طويل، أو معاملة توحي إنك “بايع”كل اللي اتبنى بينكم على أول مشكلة.

عشان كدا احب اقولك ضروري تسمح لنفسك تحس وتعبّر، بس بضوابط طبعا !!

طب ايه هي الضوابط؟! 🤔
اتضايق، اعتب، اتكلم عن اللي جواك - لكن من جواك خُد قرار واعي إن الموقف ده صغير قدام اللي بينكم، وإنه هيعدي.
قول لشريك حياتك بصراحة “أنا زعلان دلوقتي” بدل ما تديه إشارات باردة بتوحي بأكتر من كده.

الإحسان في الزواج مش إنك تبقى دايمًا مبسوط، الإحسان إنك حتى وانت زعلان، تفضل قلبك ناوي على الخير والود بينك وبين شريك حياتك.❤️

قولولنا فى الكومنتات إنت وشريك حياتك، بتديروا الزعل إزاي من غير ما تخلوه يهدد اللي بينكم؟ 👇ولا بيهدد؟ 😅

21/06/2026

يوم الاب العالمي

19/06/2026

جمعة مباركة ❤️

18/06/2026

20/03/2026

تقبل الله طاعتكم ❤️

18/02/2026

رمضان كريم 🌙

13/02/2026

أصعب حاجة في موت الشباب مش الرحيل في حد ذاته انما الصدمة اللي بتلجم اللسان وقتها .. معقوووول فلان

دا كان لسه وسطنا بيضحك ويخطط وبيتكلم عن بكرة اللي مكنش يعرف إنه مش جاي أبداً 😔

الحقيقة اننا عايشين في فخ اسمه طول الأمل 😊

وبنحسب أعمارنا بالسنين مع إن الحقيقة إنها بتتحسب بالأنفاس ومحدش فينا يملك ضمان للشهيق اللي جاي

⚠️ في لحظة واحدة كل الطموحات وقفت وكل الخلافات انتهت ومبقاش فاضل غير العمل الصالح والذكرة الطيبة

✨ عشان كدة بلاش تأجلوا كلمات الحب ولا تسيبوا خصام يطول يمكن تكون دي آخر مرة نشوف فيها بعض وإحنا مش داريين 🫂

الموت لا بيستأذن صغار ولا بيمهل مقصرين ⏳

اللهم ارحم من رحلوا عنا واغفر لنا غفلتنا وأحسن خاتمتنا جميعاً 🤲

04/02/2026

ختام دورة

31/01/2026

ماذا تعني الحياه مع زوجة ؟ ❤️