Coach yomna salah

🟡لو سألنا اى حد وقولناله ايه اكتر مصدر نقدر نحصل منه على Vitamin C 🤔
هيرد بكل سلاسة ويقول البرتقال طبعااا🍊🤷‍♀️

طب تعالى بقا اصدمك بمعلومة عالماشى كدا😂❤

تعرف بقا ان البرتقال دة من اقل المصادر اللى بتحتوى على Vitamin C اصلا🤦‍♀️😂

- ايه دة هو طلع فى مصادر تانية بتحتوى على Vitamin C اكتر من البرتقال؟؟؟؟ 🤔

= اه فيه تعالى اقولك جزء منهم وبالترتيب كمان اهو😂❤:
1. الجوافة.
2. الكيوى.
3. الفلفل الألوان.
4. هنا بقا هنلاقى الثمار الحمضية اللى زى البرتقال واليوسفى والليمون.

كلاينت Beginner ولسه متمرنة أول تمرينة وخلصت وروحت..
هي أول ما توصل البيت:

✨وكان فضل الله عليك عظيما✨
شهادة جديدة بإعتماد جديد💪💥

أخصائي إصابات رياضية وتأهيل حركي معتمد وموثق من:
♦ European Health and Fitness Association EHFA Europe Active.

10 حاجات تثبتلك إنك مينفعش تتمرني مع كابتن يمنى..
اهربي بسررررعة🏃‍♀️

1- بتزهقك من الأسئلة عن كل تفاصيلك عشان بس تقولك هينفع تتمرني معاها ولا لأ ولو هينفع بتبلغك المعاد بتاعك وتعرفك كل التفاصيل.. دة ايه الخنقة دي كلها احنا عايزين نعرف مواعيد ونروح نتمرن ونمشي وخلاص مش ناقصين وجع دماغ وأسئلة وبتاع🤦‍♀️😂

2- هي اللي بتحددلك هتتمرني ايه حسب اللي هيناسبك وبتديكي المعاد بتاعك وبتمرنك تمرينتك كاملة وهي قدامك وواقفة معاكي جوا التمرينة يعني هتقرفك ومش هتعرفي تخنصري وتريحي فالتمرين زي ما متعودة😅🤦‍♀️

3- بتكتبلك نظام غذائي كامل صحي ومتوازن ومناسب ومخصص ليكي انتي بس بالأكل اللي بتحبيه وحسب ظروفك المادية كمان يعني برضو للأسف مش هتعرفي تلغبطي وتعملي حجة ان الأكل مكلف أو مش مناسب😭

4- لازم تصوريلها كل وجبة وتبعتيها قبل ما تاكليها وبترد عليكي في نفس اللحظة لو عندها أي كومنت😭دة ايه الخنقة دي مش هنعرف نضحك عليها يعني ولا ايه 😭🤦‍♀️

5- ويا ويلك يا سواد ليلك بقا لو عندك مشاكل صحية معينة ف مش هتسيبك تتمرني وسط التيم وخلاص وهتضطر تعملك تأهيل الأول يعني موال ومش هنخلص🤦‍♀️😫

6- عشان بقا تبدئي معاها أول تمرينة ف بتديكي معاد مخصص تقيمك فيه الأول وتشوف حالتك وتقيم معايير اللياقة البدنية المتعلقة بالصحة عندك عشان تقدري تبدئي معاها أول تمرينة.. دة ايه كل دة ما احنا متعودين من زمان بنروح أي جيم ندفع ونخش نلف عالجيم كلو ونخلص ونروح وخلاص مش فاضيين للكلام بتاعها دة كلو😂🤷‍♀️

7- عشان هي بتمرن بنات وسيدات بس فـ حبت تدلعهم وتخليلهم كل الأنظمة الغذائية باللون البينك وحاجة في منتهى الـ I'm just a girl كداااا😍😍😍.... ايه دة ايه دة ايه المياعة دي بينك ايه والوان ايه احنا مش اطفال😒😂

8- هي مدربة لياقة بدنية ومدربة كاراتيه وأخصائية تغذية رياضيين وأخصائية إصابات رياضية وتأهيل حركي وأخصائية تمارين صحيحة ومسعفة أولية يعني هتلاقيها في أي حاجة وأيا كانت مشكلتك الصحية هي هتسد معاكي.. دة ايه الملل دة بجد هي هتطلعلنا في كل حاجة كدا😂😂

9- بتقيد البنات جوا الجيم في موضوع لبس التمرين اللبس كلو محترم مفيش كروب توب ولا هوت شورت ولا الحاجات اللي بنشوفها على الانستجرام دي..حتى اللبس ليه قواعد!!! دة ايه الخنقة دي😫😭

10- لو اتأخرتي اكتر من 10 دقايق على ميعاد تمرينتك مش بتسمحلك بدخول التمرين وبتضطري تستني للتمرينة الجاية وطبعا التمرينة دي راحت عليكي😒.. لا لا حرام كدا بقا هو ايه الانضباط دة احنا مش في مدرسة😫🫠

فنصيحة مني ليكم اهربووو بسرررعة🏃‍♀️😂
وملهوش لزوم وجع الدماغ دة كلو مش لازم يعني التمرين يكون مع حد متخصص😂❤

اما بقا لو انتو بعد ما سمعتوا الكلام دة لسه مصممين برضو عالتمرين معاها فـ براحتكم بقا ربنا يقويكم❤😂

♦ New transformation 💯💥
♦ My beautiful client walaa ❤
♦ In 42 days 👌😎

♦ التزام في التمرين والدايت.

♦ والنتيجة كانت تحسن في الـ ASSESSMENT بتاعها بالكامل.

♦ New transformation 💯💥
♦ My beautiful client emy ❤
♦ In 28 days 👌😎

♦ التزام في التمرين + مش ملتزمة بالدايت Exactly بس في تقليل لكميات الأكل مع استبدالات بسيطة لوجبات معينة.

♦ والنتيجة كانت تحسن في: مقاسات الجسم + التحمل الدوري التنفسي + التحمل العضلي.

🔘 أغلبنا مبيعرفش يفرق بين التعب العضلى والتلف العضلى وألم العضلات بعد التمرين؟! 🤔

🔵 التعب العضلى Muscle fatigue:
دة انخفاض فى قدرة العضلة على توليد القوة، يعنى بتلاقى نفسك مش قادر تكمل تمرينتك او تشيل اوزان بالجهد المطلوب او بال Level اللى انت متعود عليه او بتحس ان مهبط فالتمرين.

🔹وبيحصل بسبب:
1. نقص الكربوهيدرات.
2.مشكلة فالغدة الدرقية.
3.الجفاف.
4.خلل فالإلكتروليت (توازن مستويات الأملاح والمعادن).

🟠 التلف العضلى Muscle damage:
دة بيبقى تلف فالعضلة او الأربطة المرافقة ليها.

🔸وبيحصل بسبب الاستمرار فالتمرين ب High intensity (شدة مرتفعة) من غير اى راحة ولا حتى تغذية بشكل سليم.

🔵 ألم العضلات بعد التمرين Delayed onset muscle soreness:

🔹دة بيحصل بسبب حدوث تشققات صغيرة فالألياف العضلية (Micro damage) وال Muscle recovery (الإستشفاء العضلى) بيكون بالراحة والتغذية السليمة.