مناخوليا

بعد قرار تعيين لجنة الحكام واعتراض الأهلى عليها نسأل السؤال المنطقى ليه بيتم اختيار أهل الثقه والبعد عن الكفاءات وحتى لو تم تعيين كفاءات ليه الكفاءات دى دورها محدود ورأيها ملهوش قيمه ؟
الاجابة هو الانفراد بالسلطه والحكم رئيس الاتحاد مش عايز ناس تناقشه فى قراراته مش عايز رأى مخالف ليه هو عايز حاضر ونعم وعلم وينفذ عايز ناس مجرد ديكور لتجميل الصوره فلازم كل مكان او كل لجنه يكون فيها أشخاص لكنهم اجساد خاوية بدون روح لا يملكون اى سلطة هم والكراسى سواء عشان لما تبص على المشهد من بعيد تشعر ان فيه لجان مستقله واشخاص فعلا يملكون سلطة كامله فى إقرار العدل والنزاهه لكن لو قربت من المشهد وامعنت النظر هتلاقى كل ده مجرد ديكور.

أخيرا كل الناس اللى خرجت اتكلمت زى جهاد جريشه الناس دى كانت مشاركه فى العبث اللى بيحصل وشريك أصيل فى هذه الحاله ولو كان كملوا داخل الاتحاد مكنش حد فيهم هيخرج يتكلم بالعكس طول ما السبوبه ماشيه أنا تمام معنديش مشاكل خروجك دلوقتى ياكابتن جهاد والحديث أنك كنت رافض الوضع وإنك الشخص الوحيد اللى كنت بتعترض لن يبرئ ذمتك بالعكس ده دليل ادانة الشخص اللى بيبحث دائما عن الحق والعداله كان مع أول موقف تنحى جانبا وقدم استقالته وكان طلع وضح ساعتها كل التجاوزات فلا يخدعنك جهاد جريشه او غيره.

إوعى تفكر عزيزى الأهلاوى والزمالكاوى ان الاعلامى او الصحفى او اللاعب اللى انت سرحان وراه على حساباته وعمال تتفاعل معاه وتقول عليه بطل وضهر الأهلى وسند الزمالك إنه هيتكلم عن مشاكلك او همومك عمره ما هيتكلم عن زيادة الاسعار ولا زيادة الكهرباء ولا زيادة البنزين ولا زيادة الدواء إنت بالنسباله سبوبة مصلحه بيلم من وراك ريتش وتفاعل عشان يتشاف أكتر ويقبض أكتر ويتم استضافته هنا وهنا وفى أخر اليوم بترجع إنت لهمومك ومشاكلك اللى ملهاش حل ما تديش للناس دى أكبر من حجمها لانهم شايفينك مجرد رقم فى خانة التفاعل

الكيل بمكيالين فى الامور الاخلاقيه شئ قبيح ومقزز لازم تبقى مسطرتك واحده فى الحكم مش معنى ان الفعل خرج من عندك يبقى تقعد تدور على مبررات او أعذار عشان تحاول تجمل الصوره ولو الفعل خرج من أشخاص أخرى تلبس ثوب الفضيلة وتنصب نفسك حكم عليهم ،الافضل ان تخرج وبكل شجاعة تعتذر وتقول إن جانبك الصواب ،لازم نعلم أولادنا ثقافة الاعتذار لازم فى المناهج التعليميه يبقى فيه مواضيع عن الاعتذار والأعتراف بالخطأ وعدم المكابرة، الاعتذار بيعلى من قيمة الشخص الاعتذار بيحافظ على قوة حبل المودة والحب، الاعتذار بيحافظ على العلاقة بينك وبين الشخص اللى بتحبه وبيخليها تستمر.

أتساءل كيف سيكون حال الاجيال التى كانت امهاتهم راقصات على التيك توك❗

سرقوا كل شئ إلا حزنى

لعَل الله نجّاك وأنتَ لِضيق بصيرتكَ تظنُ أنك غرقت

إذا كان كلّ شيء من حولك يبدُو مُظلمًا
أنظر مُجددًا فقد تكون أنت النّور💡

البدايات للكل والبقاء للصادقين🫂

عجبت لمن يغسل وجهه عدة مرات في اليوم ، ولا يغسل قلبه مرة واحدة في السنة❗

‏لا تثق بأحد فالبعض يقترب منك لأنه لا يجيد التصويب من بعيد