عمرو الشاذلى - Amr elshazlly

03/09/2026

اهم حاجه ال ٣ نقط .. لكن بالاداء ده هنعانى فى الدوري .. نتكلم في تفاصيل الماتش بعدين

31/08/2026

مبحبش اتكلم فى حالات التحكيم خالص .. بس عايز اقول رأيي فى فكره الحالات التحكيمية 🚫

هو ايه الفكره او الاستفاده اني اطلع اقول الفريق ده كان ليه كذا و عليه كذا ؟
هل ده بيعالج اخطاء التحكيم ؟
هل بيرجع حق الفريق المتضرر ؟
هل الجمهور المنافس هيقتنع بالرأى لو ضد فريقه ؟
هل الهطل الي داير بين الجمهورين واسلوب الضغط بأن اي حاجه ليا متتحسبش وعلي منافسي تتحسب ؟
هل هتغير من عقلية المشجعين ان والله والله والله الأخطاء جزء من اللعبه وهيفضل اخطاء ليوم الدين زي مبيحصل في العالم كله بس مفيش حد بيسيب اللعبه نفسها وبيركز علي التحكيم ؟

كل الفرق بتتظلم وبتتخدم لان الي بيحكم في الاخر بشر ، لازم فكر المشجع نفسه هو الي يتغير ، وموضوع الحالات ده مش شايفه الا انه بيحط ضغط علي المسئولين لما حالات هتتعارض مع بعض .. واكرر تاني مهما قولت حكم علي حالة جمهور المنافس مش هيقتنع ولا يشتري الا الي مع هواه ويخدم فريقه👌

31/08/2026

والله مش لاقي حاجه ليها تفسير ليه علاقه بالكوره او منطقي او علمي يخلى الزمالك يكسب 🤣
عموما مبروك جمهور الزمالك 😂🤷

31/08/2026

تعرف ان فريقين بس فى الدورى مستقبلوش اهداف واحد منهم الزمالك 🤩
عشان كده بيغنو لو يوم الحظ سابه 😁
طب تعرف ان الي كان لابس ازرق في الشوط الاول هما السويس بتروجيت مش الزمالك ؟؟؟ عشان كده الزمالك
مدرسة الفن والهندسه 🏹🇦🇹

31/08/2026

⚽️ الزمالك & السويس بتروجيت

- الزمالك متحول لفريق مهلهل ملوش ولا شكل ولا شخصيه .. الشوط ده يخرج مستريح ٤/٠
- ⁠مفيش مشكله ان الفريق يكون فنيا مش اقوى حاجه لكن التراخى والرعونه وخساره اي التحام اي ثنائية دي اكبر مشكله خصوصا علي فريق كبير يبقي في حاجه غلط
- ⁠لعيبه السويس كلها متميزين بلا استثناء بالاخص بحبح و دودو وبدر موسي ، كلهم بيلعبو ب ثقه وبيقدمو كوره نضيفه
- ⁠الزمالك في شوط كامل ملوش هجمه منظمه او من مرتده ملوش خطوره ولا تسديده
- ⁠اكبر سبب في ظهور الزمالك بالشكل ده هو نص ملعبه ، وان مفيش لعيب تقيل مالي الخط كامل ولا يتحكم في اي حاجه ( اعتقد الدنيا هتتحسن اول مينزل عبد الله )
- ⁠شوفت كل الفرص الي ضاعت والزمالك الي ملوش هجمه طول الشوط ؟ متستغربش لو الزمالك كسب الشوط التاني 😅 ( والله اتعمدت ممسحش النقطه بعد م الزمالك سجل عشان معظم الي بيتفرجو هتلاقيهم كانو متوقعين نفس الشي )

28/08/2026

⚽ الاهلي & زد 🔴⚫

- الاداء احسن من اول ماتش ، لكن لسه محتاجين نتحسن فى حاجات كتير ، منها الاستحواذ بنسيبه اوقات كتير اوي

- بعض الخيارات في التشكيل الاساسي وتوظيف البعض في مراكزهم الصح ، لازم يشتغل علي الفنش عند لعيبه الخط الامامي

- منصف بقرار مش مهاجم صريح ، لما تشوف سفيان تعرف الفرق ، عمر الساعي مصمم ميمسكش في الفرصه كسول اوي والكوره مش معاه وبيفكر في نفسه اكتر من الفريق

- التغييرات محتاجه تبقي بدري عن كده عشان البدني والنفس في الضغط

- مكسب هيجيب مكسب والاداء كده كده هيتحسن واحده واحده وبتخرج ب كلين شيت ، يارب نهدي علي الراجل وناخد نفسنا شويه

- نجم الماتش : مروان عطيه 👌🦅

28/08/2026

⚽ الاهلى & زد 🔴⚫

- الاهلي متحسن علي مستوى الضغط وصناعه الفرص ، حتى علي مستوي المنظومه الدفاعيه قادرين نوقف خطوره زد ب استثناء كام كوره بعد التقدم في اخر الشوط

- علي محمود كورته سهله ونضيفه ( لكن مش مالي نص الملعب ) وحاسس لسه معندوش ثقه يخلي الكوره في رجله شويه وياخد قرارات فرديه ، زيزو هيفضل مظلوم طول مهو بيلعب ١٠

- طاهر يعني جناح مقطوع ، بن شرقي جون لايق علي روقانه وبروده ، بقرار مشاكس في الضغط لكن لسه محتاج يظبط الباص بتاعه

- مروان عطية في حتة لوحده ♥️
- بعد الجون الاداء اتراجع محتاجين تغييرات سريعه بين الشوطين ودش حلو للعيبه تنزل تقرص ويخلصو الماتش بدري بدل ميتكهرب

26/08/2026

نجدد الكلام اوى 🫡♥️

الراجل ده مقدم حاجه مختلفه مشوفنهاش من سنين ♥️

مش هتكلم عن اي حاجه فنية تخص صفقات قبل منشوفهم مع الأهلي ، لكن صفقتين اجانب يخلصو بسرعه ومن غير مناهده كتير ، صفقتين اجانب يخلصو ب اسعار مش مبالغ فيها ، صفقتين اجانب يخلصو من غير حصريات و الاخبار الي تخلي نوادي تغالي او تركب علي الصفقه ده شي عظيم

بخلاف الصفقات المحليه الي خلصها من انبي ارخم نادي ، لسه ناقص تدعيم لخط الدفاع بالخصوص وكلي ثقه باذن الله هنعمل ميركاتو محترم

تحيه ل عصام سراج وياسين منصور وسيد عبد الحفيظ ♥️🦅🫡

26/08/2026

مبسوط بالحاله الي جمهور الاهلى بيحاول يقلد فيها جمهور الزمالك طلاما هيا بتمشي كده على فاضي والمليان 👍