02/04/2023
مبسوط جدا جدا من الي حصل انهاردة علي ملعب ماردونا،في عقر دار نابولي،مش عشان مش بحب نابولي مثلا او عشان بحب الميلان،انا مش منحاز لاي طرف عموما،لكن لان علي المستوي الاحترافي دا بالنسبه لاسباليتي كنز،علي قد مالجماهير هتزعل علي الخسارة دي علي قد ما اسباليتي هيبتدي يدرس كل تفصيله صغير في الميلان تاني،عشان عندهم مواجهه تكسير عظام وخروج معلوب في التشامبيونز بعد ١٠ ايام،كدة كدة يُعتبر الدورى محسوم بنسبه كبيرة لنابولي،لكن زي مقلتلك الخسارة دي بالنسبه لاسباليتي مكسب،خسارة تيجي في بطوله شبه محسومه احسن اما تيجي في دور خروج مغلوب،بس دا بيدل اننا فعلا هنشوف مبارة قويه جدا في دوري الابطال،بالذات ان فوز الميلان كان اداء ونتيجه،انا متفرجتش علي الماتش بس الاحصائيات بتقول ان نابولي كان متحجم جدا جدا في ارضه وملعبه،في الانتظار للصراع القادم👌
02/04/2023
بايرن ميونخ توخيل،
اتفرجت علي اجزاء كدة من الماتش الي بالمناسبه نتيجته لا تعكس اي شئ خالص عن مستوي توهيل او عن الاضافات الي لسه هيضيفها للفريق طبعا وكلنا عارفين كدة،
الاجزاء الي اتفرجت عليها جمعت معايا بايرن فليك، جنون هجومي وتحولات سريعه جدا للهجوم مع عدم التحفظ الدفاعي ودا الي مخليني اققول ان تأثير توخيل لسه مظهرش ومش هيظهر دلوقتي لان توخيل قوي جدا دفاعيا،
هو عارف كويس اوي البروفايلات الي عنده وعارف كم المواهب الفذة الي في فريق بايرن، وبيحاول يستغل دا والموضوع ابتدي اصلا لانك ابتديت تشوف كومان وجنابري وساني بأدوارهم الطبيعيه لمركز الجناح علي عكس نجلزمان،
لكن بدايه مبشرة وانا ثقتي في المدرب دا كبيرة جدا لاني عارف ان عندة كتير جدااا،
معظم الاهداف ارتاجليه بحت مفيش انماط متكررة، ولا سيقات مُحفظه للعيبه،ولكن طبعا عشان لعيبه البايرن لعيبه كبيرة وخبرة قدرو يطلعو نتيجه الماتش بالنتيجه دي،ولسه الي جي اكيد افضل 👌
01/04/2023
في مباراة كما عودتنا قمه الدورى الانجليزي منذ قدوم بيب و كلوب, الامتع في الدوري الانجليزي.
في شوط اول كان التركيز حاضر عند ليفربول ولكن فقد التركيز دا الشوط التاني وتوالات الاخطاء الدفاعيه الكارثيه من خط دفاع ليفربول.
ليفربول بادئ الماتش بخطه ٤٣٣..بصلاح وجاكبو وجوتا ثلاثي امامي،لاكن فعليا صلاح هو الي كان بيبقي المهاجم،الثلاثي دا بيضغط علي ثلاثي السيتي (اكي-دياز-اكانجي)، ليفربول دااخل الماتش بضغط عالي وبلوك مرتفع بلاهدف وبلا فائدة،الهدف الاول لصلاح جه من مرتدة كويسه جدااا جدا كما اعتدنا ليفربول،بس دا لم يكن كافي وعشان كدة بقول ان الضغط الي كان مقدمه ليفربول كان بلا هدف.
علي الجانب الاخر السيتي كان برضو مقدم ضغط عالي جدا و بلوك مرتفع لكن هنا ف هدف من الضغط دا، مبدائيا ضغط السيتي ضغط توجيهي،طب يعني ايه ضغط توجيهي؟
يعني بيضغط عشان يوجهه الخصم انو يتجه اتجاه معين،وكان الاتجاه في المباراه ان الكرة مترحش نحيه ارنولد،لان الكورة نحيه ارنولد دا الخطر الوحيد علي خط دفاع السيتي المتقدم،لانه بيجيد الثروباص والkeypasses شبه اما شوفنا ف الجول الاول،عشان كدة كان الضغط التوجيهي بيحرك الكورة نحيه روبرتوسن وهندرسون،واول اما الكورة تيجي النحيه الشمال لليفر بيحصل ضغط مفاجئ من ستونز او ديبروين ومن وراهم اكانجي فاالكورة مبتكملش تمريرتين تلاته وتلاقي الكورة مقطوعه..ودا الي يبررلك ازاي ليفر يول كان ماحجم خطورته الماتش دا..او يثبت قد ايه لعيبه ليفربول مفتقدة للتركيز او الدافع تجاه كسب المبارة.
نيجي بقي للشق الهجومي والتكيك المركب بتاع سيتي بيب،
بيب بادئ الماتش ب خطه ٣-٢-٢-٣
ثلاثي الدفاع اكانجي واكي ودياز
وستونز بيخش كا نص ملعب تاني جنب رودري
جندوجان وديبروين ف الممرات الداخليه اليمين والشمال وبيبدلو مع بعض.
وجريلتش ومحرز دايكا ع الخط وعامل استريتش جامد جدا للملعب،
ايه الي بيحصل وقت بناء الهجمه الكورة من اديرسون لخط الدفاع الثلاثي مضغوط عليه من قبل صلاح وجاكبو وجوتا بس هنا ف تفوق عددي للسيتي لانه كدة خالق حاله 5علي 3 بوجود رودري و استونز خلف خط الضغط الاول لليفر،
بيبتدي ترحيل اللعب عشان يخلو واحد من الخمسه دول رجل حر عشان يقوم بالتدرج بالكورة لتحقيق التقدم،الكورة بتوصل لكفين او جوندوجان بيكون هنا خلقنا حاله ٢علي ١ لان كدة كدة عندك محرز علي اليمين وجريلتش علي الشمال ثابتين مكانهم..وهنا بيظهر التفوق العددي.ودي اللعبه الي جه منها ال ٤اهداف،
يلا بينا نشوف الحالات الي ف الماتش الي اتسجل منها ال ٥ اهداف بتوع الماتش
