Yalla English

إحنا متعودين إن الأفعال طالما كان قبل الحرف الأخير فيها حرف متحرك وقبله حرف ثابت بنكرر الحرف الأخير مرتين قبل إضافة ال ing
زي
Shut – Shutting
Put – Putting
Run – Running
بس دايمًا بننسي نقول لأولادنا إن فيه إستثناء
إننا لما بنلاقي الفعل مكون من مقطعين، الصوت الأعلى أثناء نطقه بيكون للمقطع الأول، مش بنطبق القاعدة دي
زي
Open – Opening
Visit – Visiting
نصيحتنا ليكم النهاردة إننا على قد ما نقدر نوصل للأطفال المعلومة كاملة حتى لو مش مقررة عليهم ومش هنقولها بالتفصيل، لإنهم بيربطوا المعلومات ببعض بشكل كبير ودة بيسببلهم تشتت لو من الأول مش عارفين إنه على الأقل فيه استثناءات

Incomplete vs. Uncompleted
Complete
صفة، معناها مكتمل وعكسها Incompleteغير مكتمل
Completed
صفة برضه، لكن معناها تم اكماله، عكسها Uncompleted لم يتم اكماله
وعليه بقدر أقول The work is incomplete
العمل غير مكتمل
أو
The work is uncompleted
العمل لم يتم اكماله
لكن أبدًا مينفعش نقول
The work is incompleted or uncomplete

اكتبولنا بحروف عربي ازاي بتنطقوا الماضي من الفعل Fly
وخلينا نشوف النطق المظبوط

"Pharos had lived in Egypt"
من أشهر الأخطاء اسخدام زمن الماضي التام وإللي بيتكون من Had+P.P
علشان نعبر عن حدث حصل في الماضي البعيد..
استخدام الماضي التام هو بس التعبير عن الحدث الأول لحدثين حصلوا في الماضي
I had done my homework before I watched T.V
وكأن الماضي التام اسمه مستوحى من ضرورة "إتمام" الحدث الأول علشان الحدث التاني يحصل، والحدثين بيكونوا في الماضي
وبالتالي الجملة المفروض تكون
Pharos lived in Egypt

المبني للمجهول من أصعب الدروس إللي بتواجه أطفال ابتدائي
علشان نسهل عليهم الموضوع لخصنا تحويل الجملة من Active to Passive في خمس خطوات:
١- نبدأ بالمفعول به The object
٢- نبص على الفعل الرئيسي في الجملة الأصلية، ونفس الزمن الخاص بالفعل هو إللي هنصرف فيه Verb to be
فمثلًا
I "write" the lesson
The lesson "is" written by me
لكن لو قولت
I "wrote" the lesson
علشان نحوّلها لمبني للمجهول هتبقى
The lesson "was" written by me
٣- بعد Verb to be بنحط الفعل الرئيسي في التصريف التالت، زي الأمثلة السابقة
٤- مننساش أبدًا نحتفظ بأي فعل مساعد ودي خطوة مش في كل الحالات طبعًا، في حالة وجود فعل مساعد بس
I "have" written the lesson
The lesson "has" been written by me
٥- أحيانًا بنحط الفاعل في آخر الجملة بعد كلمة By، زي الأمثلة السابقة

٦٠٪ من كلمات الإنجليزي فيها حروف بتتكتب ومش بتتنطق
طيب الحروف إللي مش بتتنطق بتتكتب ليه؟
أغلب الأطفال بيسألوا السؤال دة أثناء دراستهم للإنجليزي وبيكون الرد عليهم هي بتتحفظ كدة!
الحقيقة الموضوع ليه سبب رئيسي
في القرن ال١٥ فيه الإنجليزي بدأ يتضافله كلمات من لغات تانية زي اللاتيني واليوناني والفرنسي، وعلشان الكلمات دي تبقى منطوقة بشكل يشابه اللغة الإنجليزية ومختلفة في نفس الوقت عن اللغة الأصلية، اتكتبت بنفس حروف اللغة الأصلية لكن بنطق مختلف
فبسّطوا المعلومة دي وقولوها لأولادكم، بدل من "بتتحفظ كدة"

Autumn
فصل الخريف
وانتوا بتعلموا الكلمة دي لأولادكم خليكم حريصين إنهم مينطقوش الN
وخليكم فاكرين إن تعلم النطق الصح في الصغر أسهل بكتير من تعديله في المراحل الجاية

كنا اتكلمنا قبل كدة عن صوت الحرفين Ch وإنهم مش طول الوقت بيكوّنوا صوت "تش" زي في كلمة Chair
أوقات تانية بيعملوا صوت حرف "الكاف" زي في كلمة School
فناس بعتت تسألنا عن أمثلة أكتر فيهم الحرفين بيعملوا صوت حرف الكاف
Headache - Stomach - Toothache
وإللي معناهم صداع، معدة، ألم في الأسنان
Chorus - Orchestra
وإللي معناهم منشدين، فرقة موسيقية
نبهوا أولادكم للصوتيات، لإنها بتسهل عليهم كتير حفظ الكلمات

I will visit my grandfather tomorrow
I am going to visit my grandfather tomorrow
الجملتين بيعبروا عن زمن المستقبل، لكن إيه الفرق؟
Will بتستخدمها لما بتعبر عن قرار سريع
Going to بتستخدمها لما بتعبر عن شيء مترتبله
وبالتالي الموضوع متوقف على نية المتكلم لكن في النهاية الشكلين معبرين عن حدث هيحصل في المستقبل

كلمناكم عن الAdverbs "الأحوال"
وإنه أغلب الصفات علشان نحولها لحال بنضيفلها Ly في نهاية الصفة
Loud - Loudly
لكن صفة زي Happy مش منطقي أبدًا إنها تبقى Happyly
فبيحصل تغير بسيط في شكلها وبتبقى Happily، وكذلك أي صفة بتنتهي بY
بنحوّل الY ل I
ودلوقتي جة دوركم تجاوبوا على سؤالنا
She looks (Happy - Happily)?

ساعات بتتكتب Color وساعات Colour، إيه الصح؟
الحقيقة إنه الإتنين صح، بس لإختلاف اللكنة الأمريكية عن البريطانية، في أمريكا بتتكتب Color وفي بريطانيا بتتكتب Colour
طيب فيه شكل فيهم مفضل عن التاني؟
لأ، بس بيفضل إنك تراعي المستقبِل لكلامك دة، يعني لو بتكلم قاريء أو جمهور أمريكي يفضل تكتبها Color، ولو بتكلم قاريء أو جمهور بريطاني يفضل تكتبها Colour
نصيحتنا ليكم إنكم تنبهوا أولادكم للنقطة دي لإنهم بيشوفوها بالشكلين وبيتشتتوا بينهم

Mohamed Salah is a good player
Mohamed Salah plays well
إيه الفرق بين الجملتين؟
أول جملة استخدمنا فيها صفة Adjective
الصفات بتوصف "اسم"، سواء كان الاسم دة شخص أو مكان أو شيء
تاني جملة استخدمنا فيها حال Adverb
الأحوال بتوصف "فعل"، ودة شيء ممكن نفتكره من كلمة Adverb
طيب إزاي نحوّل من صفة لحال؟
أغلب الصفات علشان نحوّلها لأحوال بنضيفلها Ly
Quick – Quickly
لكن فيه صفات تانية قليلة بتتغير
Good – Well
وعلى الناحية التانية فيه صفات أقل مش بتتغير خالص
Fast – Fast
نتمنى لو كدة الموضوع بقى أوضح، قولولنا استفساراتكم