09/09/2026
"لما تقرر تدرب ناس الإدارة الكبار بي (لعبة).. النتيجة بتطلع كيف؟"
"قالوا لينا ناس الإدارة الكبار ديل ما بتنفع معاهو الألعاب.. بس لما دخلناهم في التمرين، النتيجة صدمت الكل! 🔥
قبل 9 سنوات في أمانة حكومة ولاية الخرطوم، وقفت قدام قامات وهامات وطنية، ناس درجاتهم الوظيفية عالية ومليانين خبرة ومعرفة.
ما قدمنا ليهو محاضرات جافة ونظرية، بالعكس.. حولنا المناهج العلمية لـ (ألعاب تدريبية ومحاكاة). البشوف اللعبة برّه بيفكرها ساهلة، لكنها كانت في الحقيقة قمة المنهجية العلمية لإدارة فرق العمل، وكيف الفريق بيتواصل ويدير التحديات.
💡 الرسالة الأهم: التدريب عملية مستمرة ما بتقف عند عمر، ولا رتبة، ولا منصب. الناس الكبار ديل بي خبرتهم هم أكتر ناس أكدوا لينا إنو بالعمل الجماعي وروح الفريق أي عقبة بتتزحزح.
تحياتي لكل زول شاركنا الأيام ديك، ومستمرين في العطاء والمحطة القادمة أجمل بإذن الله! 🤝✨
#السودان
