27/08/2026
🚨 تحذير قبل ما نبدأ… ومحدش يزعل مني 😂👇
والله العظيم مفيش حاجة اسمها "جلسات تعديل سلوك" لطفل ٣ أو ٤ أو ٥ أو ٦ سنين بالشكل اللي ناس كتير متخيلاه!
السلوك بيتعدل من خلال البيئة المحيطة بالطفل + الإرشاد الأسري + فهم سبب السلوك.
وأقسم بالله كمان مرة:
السلوك مكتسب… مكتسب… مكتسب! 😄
طب شوفوا مين بيعمله الأول؟! 👀
يعني إيه أجيب طفل أقعده قدامي على كرسي نص ساعة وأقوله:
"عيب يا حبيبي… ما تفشّش على عمو!" 😂
طيب يا ماما…
إنتِ ضحكتي على أول تفّة؟ 😂
ضحكتي على أول ضربة؟ 👋
ضحكتي على أول عَضّة؟ 🦷
وقلتي: "يا حبيبي بيهزر!" 😍
وبعد كده لما السلوك يكبر نقول:
"محتاج جلسات تعديل سلوك!" 🤦♀️😂
ولا مثلًا:
"لا لا… بنتي بتقول كل حاجة! دي بتعترف من أول قلم!" 😂
طيب يا ماما… سؤال صغير كده على الماشي 😏👇
إنتِ بتتكلمي مع مامتك؟
مع أصحابك؟
إخواتك؟
جيرانك؟
وبتحكي تفاصيل ومواقف قدام بنتك؟
يبقى البنت جابت السلوك منين؟ من السوبر ماركت؟ 😂🛒
ونيجى للولد:
"ابني بيتعصب… بيشتم… بيكسر!" 😡
طيب يا جماعة…
باباه أخباره إيه؟ 👀
جده؟
إنتِ؟
عمه؟
إخواته؟
بيشوف إيه على التليفون؟ 📱
على التابلت؟
على التلفزيون؟ 📺
دوروا يا جماعة على "ما وراء السلوك"… مش بس السلوك نفسه! 🔎
👶 الطفل عامل زي كاميرا فيديو صغيرة 📹
بيصور… ويسجل… ويخزن كل اللي حواليه.
كلام الأب والأم،
تصرفات الإخوات،
الجَد والجَدّة،
طريقة العصبية،
طريقة حل المشاكل،
واللي بيتشاف على الشاشات…
وبعدين؟!
🎬 يطلع كل اللي اتسجل جواه على هيئة سلوك!
فبدل ما نقول للطفل:
❌ "إنت وحش!"
❌ "إنت محتاج تعديل سلوك!"
نسأل الأول:
🤔 هو شاف إيه؟
سمع إيه؟
اتعلم إيه؟
ومين قدامه كان بيعمل نفس السلوك؟
السلوك رسالة… وإحنا مهمتنا نفهم الرسالة قبل ما نحكم على صاحبها. ❤️ ❤️
