I am a Relationship Coach Certified from intellect
23/12/2024
أهم تجاهل تعمله في حياتك: تجاهلك لوساوس الخوف من المستقبل، والمرض، والرزق. ده التجاهل الصح. أما تجاهل الأشخاص، ده حتتعلم تعمله لو بصيت لنفسك الأول، وعرفت تحافظ على سلامك النفسي، وبطلت تخاف من المجهول.
10/11/2024
عظمة الاحلام لما بنوقع وتفضل عينا علي الحلم شايفاه ومتمسكه بيه …
اللقطه دي كفيله تعالجنا من اوجاع الحياه
كفيله تدينا الطاقه والقدره علي الاستمتاع بالحياه
صعب الحياه بيحليها
مااحلي الوقوف بعد الوقوع
مااروع الصمود امام الاحباط
الصعب بيحلي الحياه عمرها ماكانت حتبقي حلوه وهي سهله
26/10/2024
المرونة في العلاقات هي عنصر أساسي لتحقيق السعادة والاستقرار في الحياة الزوجية والعلاقات الإنسانية بشكل عام. كـ "relationship coach"، بشوف إن المرونة مش مجرد تنازل عن مواقف أو آراء، لكنها وسيلة للحفاظ على السلام النفسي والتوازن في العلاقة.
المرونة بتمكن كل طرف من استيعاب الآخر وفهم وجهة نظره من غير تصلب. كلنا مختلفين في تجاربنا، وده بينعكس على أفكارنا وتصرفاتنا. لو كل طرف بيصر على رأيه وما بيقبلش التغيير، العلاقة هتبقى متوترة وغير صحية. بس لو في مرونة، بيبقى فيه مجال للاتفاق، وده بيخلي المشاكل الصغيرة متتحولش لأزمات كبيرة.
وفي حكمة بتقول: "اللين في القول والرفق في المعاملة طريق إلى القلوب"
22/10/2024
تركنا سيئي الظن لظنونهم
وانطلقنا نحو انفسنا نتعلم من اول وجديد
نقع ونبكي فنجد في معاودة الحياه والوقوف مجددا امالا لم نعتادها من قبل ..
لم نعد نترك روحنا لسوء الظن فوالله التحرر منه اعظم قوة وراحه وسعادة
تركنا من كسروا فينا امالنا وطموحنا بسوء ظنونهم في الدنيا تركناهم لظنونهم يمرحون معها ووجدنا في كل مره نعطيهم فرصة جديده يثبتوا انه لا امل في اعطاءهم فرصه ..
وانطلقنا في محاولات التحرر من قيود سنين اقعدتنا تحت رحمة الظلم والانكسار !
ومازلنا نتخبط وقوعآ ووقوفآ لكن حلاوة المحاوله هي الابقي !
19/10/2024
اللي يقولك حته منك بس حلوه وحتة منك وحشه قوله سلاموااا عليكوووا 😀😀
اللي بيحب بيشوف العيب بعين المحب بيعرف يشوف حلوك مش بينورلك علي عيبك !
اللي بيحب بياخد بايدك عشان تبقي احسن بدون توجيه بدون ماتشعر !
اللي بيحب بيطمن مش بيوجع !
اللي بيحب بيطبطب مش بيعور !
اللي بيحبك حيشوفك احلي حاجه في الدنيا !
اوعي تقبل ان حد يقبلك قبول مشرووط !
اهرب بنفسك انت تستحق الحب الحقيقي !
13/10/2024
الصمت العقابي!
اللي هو هوجعك وهوريك مرارة بعدي !
مش حشوفك اصلا حخليك تحس انك فجاءه بقيت شفاف بالنسبالي ..
والهدف اخضاعك نفسيا له !
النوع ده من البشر نوع متحكم رافض للمرونه عادة القسوه بتغلف قلوبهم ..
مهما ادعوا امام انفسهم وامامنا الطيبه سرعان مابينكشفوا علي حقيقتهم…
تصرفاته في العادي بتبقي لطيفه واحيانا حنونه بغرض السيطره والتملك لكن واقعهم ابعد مايكون عن اللطف ..
واقعهم قسوة وتحكم ومره في مره المحيطين به بيستوعبوا حقيقة مشاعره وبيبعدوا !
10/10/2024
الفيس بوك وبوستات الخداع النفسي !
انت بتضحك علي نفسك يافندم بشوية كلام مش مبني علي اي حقيقه علميه ايون دي الحقيقه الصادمه !
كل واحد يعكس علي نفسه ويعيش في قصه وهميه او يصدق انه احسن واحد في الكون وكل الناس وحشه وانه المظلوم الوحيد والموضوع بيزيد جواه ويكبر وشير شير شير وانا كده بقيت تمام وفله وفهمت واتغيرت …
والحقيقه ان التغير بيستلزم مننا مجهود ولفترات طويله ..
مش مجرد بوست أشيره او فيديو مدته دقيقه بسمعه !
احنا بقينا بنستسهل وللاسف بنكذب علي نفسنا اننا تمام واعيين واتغيرنا وده وهم سببه الاساسي شوية بوستات بتسهل علينا المجهود انا ليه اتعب لنفسي واشتغل عليها ؟
ماانا اشير بوست وانا كده تمام جدا ….
وعيك بذاتك يستحق المجهود اداركك لقيمتك يستحق المجهود !
بس ده مش حتعمله بشير علي الفيس بوك ….…
05/10/2024
الطيبه تكسب !
الحنيه تكسب الطبطبة تكسب …
مهما تعددت طرق الوصول للقلوب ..
ستظل الطيبه هي اصل كل المكاسب !
الطيبه المطلقه الغير مشروطه …
يعني وقت زعلك بنسي كل حاجه وبكون موجود
يعني وقت زعلك بنسي اني زعلت منك وبكون موجود حاضر جمبك …
يعني وقت تعبك انا واقف وساند الي مالانهايه !
الحنيه هي السبب الاساسي لنجاح علاقات كتير اوي
الحنيه اقوي رابط تربط بيه قلب بيك …
لان فيها صدق المشاعر وحقيقتنا وقت الخلاف والزعل..
الحنيه مربط فرس !
02/10/2024
انا أهلاوية جدا
وطول عمري بكره التعصب ومكنتش باخد بالي اني انا شخصيا متعصبه
احنا دايما شايفين عيب اللي قدامنا ورافضين نشوف ان العيب ده موجود فينا
انا مش شايفه مشكله في مبالغتهم في الاحتفال لانه حق مشروع
مش بس كده شايفه انه عيب اوي نعلي علي بعض بالحروب وكده
لان الحياه ماشيه عندنا كلنا
واللي كاتب وبيعيب لو عنده فرح حيلبس وينزل يرقص ويهيص عادي جدا
راجع نفسك دايما قبل ماتصدر نفسك حكم علي الاخرين
كلامي مش للرياضه فقط
كلامي علي تصرفتتا في العموم كلها
29/09/2024
المعامله بالمثل يعني ابقي شبه اللي اذاني
يعني ابقي شبه اللي وجعني ؟
اعيب عليه تصرفه وارد بمثل مافعل 🤔
هل ده يعقل ؟
المعامله مش بالمثل !!!
المعامله باخلاقنا ومبادئنا والا اصبحنا نسخه مكرره من اشخاص كرهنا فعلهم معنا ..
واصبح المؤذي هو المتحكم في رد فعلي ..
مش شطارة اني ابقي شبه المؤذي
الشطاره اني اكون انا مهما تغيرت المعايير والأخلاقيات من حولي …
26/09/2024
الايام الحلوة جايه رتبوا الصاله
مؤكد ان الحلو جاي !
عمر الحلو ماحيبقي له طعم بدون مراره وتعب ..
لو قدرنا نشوف الحلو جوه الصعب حنرتب الصاله واحنا مستعدين للفرح ..
24/09/2024
ايه اللي يخليني اخاف وابعد اول ما اشعر ان العلاقه داخله علي الجد رسميا ؟
راجع نفسك لو انت فعلا بتحب الشخص ده استحاله تشعر بالمشاعر دي …
المشكله لو متكرره معاك في علاقاتك السابقه انك دايما بتخاف فانت محتاج لمتخصص يساعدك فهم نفسك اكتر …
او ان الشخص ده في حاجه انت نفسك مش قادر تفهمها وحاسس انه كويس وخساره ابعد عنه ..
وفي نقطه مهمة جدا كتير مننا بيحب حالة الحب حابب اني اعيش حالة من الحب ووجود شخص مهتم بيا بيغذي عندي الشعور ده ..
محتاج فعلا افرق بين مشاعري واعرف هل ده فعلا حب حقيقي ولا لا ؟