Psy.Eman Elgedawi

المشكلات الأسرية مش دايمًا بسبب قلة الحب…
أغلب الوقت بتكون بسبب
سوء فهم،
كلام ما اتقالش،
وجع اتراكم وسكوت طال.
في بيوت كتير، كل طرف مستني التاني يفهم لوحده،
ومحدش بيتكلم،
فالمشكلة تكبر،
والمسافة تزيد،
والأمان يقل.
الحل مش إننا نكسب الخناقة،
ولا إن طرف يسكت عشان البيت يمشي.
الحل إننا نفهم بعض صح،
نسمع قبل ما نحكم،
ونعبر قبل ما ننفجر.
افتكر دايمًا:
الأسرة مش ساحة معركة…
هي مساحة أمان،
ولو الأمان راح، كل حاجة بتتهز.
لو حاسس إن في وجع جوا بيتك،
ما تستناش لحد ما يكبر،
الكلام في وقته علاج 🤍
—
إيمي الجداوي
معالِجة نفسية | لايف كوتش



#العلاقات

مش كل راجل أذى يبقى نرجسي
ومش كل واحد كسرك يبقى نرجسي
في فرق خطير بين
الشخصية النرجسية
والشخصية السيكوباتية
⬅️ النرجسي
بيحب نفسه زيادة عن اللزوم
شايف نفسه محور الكون
محتاج إعجاب طول الوقت
لو ما خدش الإعجاب ده؟
يغضب… يتخانق… يعاقب
يعني تتعبي وتنجحي
يقولك:
"إنتِ بتعملي كده عشان تغيظيني"
أو يقلل من نجاحك
أو يقلب الموضوع عليه هو
لما يزعل يحس إن كرامته اتهانت
فيهاجمك
يلومك
ويطلعك إنتِ الغلطانة
بس الحقيقة؟
هو محتاجك
ومحتاج صورته تبقى حلوة قدامك
⬅️ السيكوباتي… قصة تانية خالص
ده مش بيحب نفسه
ده مش بيحس أصلاً
ممكن يضحك وهو بيكسرك
يمثل الطيبة
يمثل الحب
ويمثل دور الضحية
وهو في نفس الوقت
بيخطط يأذيكي
يكذب بهدوء
من غير توتر
من غير إحساس بالذنب
ولو واجهتيه؟
يبتسم
ويقولك:
"إنتِ بتتهيألك"
أو
"إنتِ تعبانة نفسيًا"
⬅️ الفرق الحقيقي:
النرجسي يجرحك عشان يحس بقيمته
السيكوباتي يجرحك عشان يستمتع بالسيطرة
النرجسي يغار، يغضب، ينهار لما صورته تتكسر
السيكوباتي بارد… وجعك ما يهزوش
لو عيطتي:
النرجسي ممكن يزعق أو يقولك: بلاش دراما
السيكوباتي ممكن يتفرج… أو يمشي… أو يقفل الموبايل
وهو عارف إنك بتنهاري
⬅️ النرجسي محتاجك تشوفيه عظيم
⬅️ السيكوباتي محتاجك تشوفي نفسك ضعيفة
النرجسي ممكن يتغير
لو اعترف
ولو واجه نفسه
لكن السيكوباتي؟
مش شايف نفسه غلطان
ولا حاسس بحاجة
⚠️ لو عايشة مع شخص:
بيكذب ببرود
بيأذي من غير إحساس
بيقلب الحقيقة بهدوء
ويخليكي تشكي في عقلك
ده مش نرجسي وبس…
ده خطر
ولو حاسة إنك تايهة ومتعبة
ومش عارفة إنتِ في علاقة إيه
نقدر نشتغل سوا
تفهمي
وتفوقي
وترجعي لنفسك وقيمتك 🤍
—
Emy Elgedaw i
لايف كوتش ✨