MVP Sporting Club

رَاقِب العَدَالة الإلهّية ،
لَا يُنجُو أَحَدٌ بِفعلتِهِ وَلَو بَعدَ حِينِ .MVP Sporting Club

دايما هتلاقي اللي ظلمك و اللي اذاك عايش حياته حلو جدًا ومبسوط وبيعلي في شغله و حاله زي الفل في كل جوانب حياته،

وانت هتبقي مستغرب و يمكن كمان دماغك تسوحك إن الظالم هو اللي بيفوز في النهاية، بس دي مش الحقيقه،
الحقيقه مش هتخرج بين سيناريوهين..

الأول: إن شكله يبانلك سعيد، لكن هو في الحقيقه مش راضي عن حاله و عدم الرضا دا اصعب حاجه الإنسان بيمر بيها بمعني أصح ربنا ( بيسلط عليه نفسه )

الثاني: إنه فعلًا سعيد وبيكسب وبيعلي وكل جوانب حياته زي الفل وماشي بكل نجاح من ( وجهة نظره ) ومكمل وكل امُوره مظبوطه جدًا بالشعرة و لفترة كبيره جدًا من عمره لحد ما فجأة كل ده ينهار حواليه، و ربنا ياخد حق المظلوم منه، وهنا برضوا ربنا سلط عليه نفسه تفضل معميه عن الحق و شايفه ان الباطل دا الصح

دايمًا خليك فاكر ان ربنا يمهل و لا يهمل..
محدش بيعيش مظلوم طول عمرة، ومافيش ظالم فلت بظلمه ابدًا، فمتصدقش المظاهر ابدًا وإطمنوا لأن العبرة دايمًا بالنهاية.

#القدر مبدع في تصفية الحسابات.... #قبل ما تزعل إن حقك ضاع… #افتكر إن القدر ما بينساش

#وأقولك على سبيل المثال وليس الحصر،
الإيد اللي وضعت سيدنا يوسف وخانته ووضعته في البئر،
هي هي نفس الإيد.... #اللي جات بعد سنين طويلة
تطلب منه العفو،
وتتذلل،....وتقول له: تصدق علينا.

نفس اليد.... #نفس الأشخاص.
بس تبدّلت المواقع....اللي كان قوي وقتها... #بقى #محتاج.....واللي كان مظلوم
بقى صاحب قرار.

#عشان كده أنا عايزة أقول لك:....اصبر واطمئن،
لأن القدر مش بس مبدع في تصفية الحسابات،
لكنه كمان مبتكر.

#ربنا ممكن يدي لك حقك
بطريقة ما خطرتش على بالك،
شكل مبتكر للغاية،.... #تفضل تقول بعدها:
“سبحان الله.”

المسألة مسألة وقت... #مش كل حاجة بتترد فورًا،
ومش كل ظلم بيتحاسب عليه في اللحظة،
لكن الحساب بييجي.

#يمكن مش بالطريقة اللي إنت متخيلها،
يمكن مش في التوقيت اللي #نفسك فيه،
لكن بييجي.

اصبر.
#وسيب القدر يشتغل.... #وسيب ربنا يدبّر.

لأن اللي أخد منك حقك
#فاكر إن القصة خلصت،
وهو مش عارف إن ربنا بيكتب فصل تاني
يمكن أقوى وأعدل من كل اللي فات.

وربنا #يرجعلك حقك بطريقته،...مش بطريقتك.

وطريقته دايمًا أبدع.
ما تستعجلش الانتقام.... #وما تستعجلش الرد.

في #حسابات ما ينفعش تتصفّى بإيدك.
في حسابات لازم تتساب للسماء.
#والسماء…ما بتنساش.
صبرى الخولى

💥 الانتقام الحقيقي… صمتك ونقاء قلبك 💥
لا تسعى للانتقام… الثمار الفاسدة بتقع لوحدها.
كنت زمان فاكر إن الحق لازم آخده بإيدي، وإن السكوت ضعف، وإن اللي يوجعني لازم أوجعه زيه…
لحد ما الدنيا وقفتني، وخلّتني أفهم حاجة مختلفة خالص:
مش كل معركة تستاهل تدخلها، ومش كل أذى محتاج رد.
فيه ناس بتأذيك، وتكذب، وتفتكر إنهم كسبوا الجولة لما سكتّ… بس الحقيقة غير كده.
اللي كان بيضحك عليك اتفضح، واللي كان بيأذي اتأذى، والوقت بيكشف كل شيء.
💛 الانتقام الحقيقي مش إنك ترد، ولا تثبت إنك أقوى،
💛 الانتقام الحقيقي إنك تمشي نضيف، وتسيبهم في وساختهم،
💛 إنك تحافظ على روحك، وتسيب الزمن يعمل شغله.
اللي بيزرع أذى… مش محتاجك تحاسبه، هو كده كده هيحصده.
يمكن مش دلوقتي… بس أكيد.
فلو حد ظلمك أو أذاك… إوعى تستهلك طاقتك في أذيته.
اركَن على جنب، خد نفس، وافتكر إن الثمرة اللي من جواهها فاسدة مهما فضلت معلّقة، لازم تقع.
وساعتها… هتكون واقف بعيد، قلبك هادي، ضميرك مرتاح… وعارف إنك كسبت، من غير ما توسّخ إيدك. ✨

أن شاء الله 🤲