Omnia Mostafa Abo shoqa - inspire

البوست ده للطلبة اللي داخلين على امتحانات أو بالفعل بيمتحنوا 👀:

بفكرك أن اللي بتتمناه وعايز تنجح فيه مبيجيش بمعصية ربنا (الغش ) ولو جه ربنا مش بيبارك فيه وهتشوف أثره في حياتك

النجاح والتفوق بيجوا بالسعي ووالتوكل على الله وطاعته مش بعصيانه 🤌

وربنا يوفق كل طالب علم ويحققلهم كل اللي بيتمنوه 🤍

"متتغرّش باللي في إيدك… لأن كل حاجة ممكن تتغير في لحظة." 💔

ممكن حياتك كلها تتقلب…
بمكالمة مكنتش مستنيها..
بنتيجة تحليل..
بخطوة غلط او غلطه في شغلك..
بكلمة من حد..
أو بموقف بسيط يغيّر كل حاجة...

إحنا بنخطط، ونرتّب، ونأمّن نفسنا… وبنفتكر إننا مسيطرين🤷‍♀️
بس الحقيقة إن في لحظات بتفوقنا وتفكّرنا إننا ضعاف قدام تدبير ربنا.☝️

لحظة واحدة كفيلة تغيّر اتجاه حياتك…
وتخلّيك ترجع تسأل نفسك: أنا كنت بعمل اي؟

ف الحقيقة الوحيدة الثابتة…
إن مفيش أمان حقيقي غير مع ربنا. ولا ضمان غير إنك تكون قريب منه ومسلم كل أمورك لله ، حتى لو مش فاهم اي اللي بيحصلك 🥺

خلي الدعاء ده دايمًا على لسانك:
"اللهم إني أعوذ بك من زوال نعمتك، وفجاءة نقمتك، وتحول عافيتك، وجميع سخطك."

ربنا يبارك لنا ولكم في حياتنا وأعمارنا وأهلنا وكل ما نملك🤍

"أخطر حاجة ممكن تحصل لك… إنك تضيع نفسك وانت بتحاول ترضي كل الناس."

محدش بيخسر نفسه مرة واحدة…
الموضوع بيبدأ بتنازلات صغيرة:
مرة تقول "عدّيها"،
مرة تسكت عشان متزعلش حد،
مرة توافق على حاجة مش شبهك…
لحد ما فجأة تلاقي نفسك عايش حياة مش بتاعتك. وللأسف بتفضل في تنازل مستمر🤦‍♀️

والحقيقة بقى أن :
مش كل حاجة لازم تكمل فيها.
ومش كل انسحاب ضعف ..أوقات البعد أو انك توقف هو أقوى قرار ممكن تاخده.👌

في اللي جايه أققولهولك النهارده :
إنك تقول "لأ" مش قسوة… وإنك تحط حدود دي مش أنانية… ده احترام لنفسك.👏

ربنا قال:
"لَا يُكَلِّفُ اللَّهُ نَفْسًا إِلَّا وُسْعَهَا"
يبقى ليه تضغط نفسك عشان ترضي كل الناس؟

حبّ نفسك 👤♡

في ناس "أقل منك موهبة وذكاء" بس واصلين لمكان أنت بتحلم بيه؟ مسألتش نفسك اي السر في ده ؟ 🌚

تعال أقولك اي السر :
السر ببساطة هو في عقليتك 👌
هتقولي يعني اي ؟
هقولك يعني احنا بنقع في فخ عدم توفر الوقت ...فتلاقي اي بقى ؟ اننا ممكن نسكرول في ريلز ملهاش لازمة نص ساعة قبل النوم ، لكن لما ييجي قدامنا بوست فيه معلومة تطورنا، فجأة الوقت بيخلص وبنحس بملل! 😏😅

ف الشخص اللي مبيتعلمش ومبيتطورش ده هتلاقيه واقف في مكانه وفاكر نفسه إنه تمام لانه شغال والدنيا ماشيه ..لكن اللي بتلاقيه بيتطور وبيكبر من نفسه واسمه ومهاراته ده عايز فعلا ينجح ويعمل حاجه 💪🔥.
وفي الحقيقه دي مش بس عقلية ناجح دي كمان المفروض تبقى عقلية مؤمن لأن ربنا خلقنا علشان نزرع ونعمر وعلشان نعمل ده لازم نتعلم طول الوقت لان العلم ملوش سقف ونقول خلصنا ..طول أنت عايش ف انت لازم تتعلم وتتثقف وتطور من نغسك بدل ما تصيع وقتك في كلام فاضي وهتتسأل عليه 🥺

لو عايز تعرف نفسك انت بتتطور ولا لا ..بص على التعليقات 👇

في 4 كلمات في القرآن لو فهمت الفرق بينهم، هتعيش 'صح' في الدنيا ومطمن على الآخرة. الكلمات دي هي: (امشوا، اسعوا، سارعوا، فرّوا)."👌

كان في ريل شوفته على الانستا من كام يوم فيما معناه الآتي : 👇
لو فتحنا (القرآن)، هنلاقي ربنا حدد لنا 4 سرعات نمشي بيهم، لو عكسناهم.. نتعب.

1. سرعة الرزق والدنيا: (المشي الهادي) 🚶‍♂️
ربنا قال: {فَامْشُوا فِي مَنَاكِبِهَا}..
الرزق مش محتاج منك هلع ولا حرق دم. امشي بسعي هادي ومطمن، لأن رزقك مكتوب ومحسوم ومحدش هياخد رزقك غيرك.

2. سرعة الصلاة والعبادة: (السعي بتركيز) 🏃‍♂️
ربنا قال: {فَاسْعَوْا إِلَىٰ ذِكْرِ اللَّهِ}..
هنا السرعة تزيد شوية. السعي هو المشي اللي فيه اهتمام وهِمة وتركيز. الصلاة مش "تأدية واجب" نخلص منه، دي محطة شحن محتاجة حضور قلب.

3. سرعة الجنة والآخرة: (المسارعة والسباق) 🏁
ربنا قال: {وَسَارِعُوا إِلَىٰ مَغْفِرَةٍ}..
هنا بقى مفيش وقت للراحة، ده سباق وتنافس حقيقي. في الخير متقولش "بكرة"، استعجل واعمل الخير النهاردة.

4. سرعة اللجوء لربنا: (الهروب والفرار) 🚀
ربنا قال: {فَفِرُّوا إِلَى اللَّهِ}..
دي أقصى سرعة ممكنة. لما الدنيا تضيق بيك أو تغلط أو تتوه، اهرب لربنا بأقصى سرعة ومن غير ما تبص وراك. هو الأمان الوحيد.

عارف مشكلتنا فين بقى ؟
إننا عكسنا الآية.. بقينا بنجري (ونفِرّ) ورا الرزق كأننا بنهرب من وحش، وبقينا بنمشي بهدوء في طريقنا لربنا وللصلاة بكسل وتقُل!🥺

عشان كده بنحس بـ "الاحتراق النفسي".. لأننا بنبذل مجهود مرعب في السكة الغلط.

الخلاصة:
اللي بيهرب لربنا.. الدنيا بتجيله وهي "راغمة" وتحت رجله.👌

مين قال ان تأخير الطاعة بحجة الانشغال ..ده بيوفر وقت ؟ 🙂

انت فاهم غلط او مُغيب ( مضحوك عليك من الشيطان )
لانك لما تأخر صلاة او أي طاعه ده بيأثر على تركيزك وشغلك وانجازك وتقلل البركة في وقتك فهتلاقي برضو الوقت اتسرق منك ومعملتش حاجه 😏

وقت ربنا ثابت وهو المفروض يكون محور يومك اللي بتدور حواليه باقي جوانب حياتك ..فمتلعبش فيه 👌

صباح الخير مبدائياً 😁:

قبل ما نخبط في فيديوهات اللي بتعلمك تبقى منتج طول الوقت وتستفيد من وقتك وتحسن من نفسك جايه اقولك كام حاجه مش هتلاقيهم في الفيديوهات من النوع ده 🙂:

اول حاجه : الطاعه وكثرة العبادات والطاعات والذكر والدعاء هما سبب رئيسي من أسباب توفيق ربنا وهتفتحلك عقلك وتنزل البركة في كل حاجه في حياتك 🤍

وفخ الذنوب وكترتها هما المدمرين الأساسين لكل حاجه في حياتك وبيسرقوا منك توفيق ربنا وبالتالي شغلك ودراستك هيتأثروا وهتلاقي أن أمورك مش ماشيه وبتتعطل كتير وهتضيع وقتك في حاجات مش هتفيدك 💔

ف أفضل حاجه في الأنتاجية لو عايز بجد تنجح فيها هي إنك تستعين بالله وتجاهد نفسك على ترك الذنوب والمعاصي 👌.

ف رزقنا الله وإياكم التوفيق والنجاح والفلاح في الدنيا والآخرة ♡.

دي بعض الحاجات اللي اتعلمتها وخلتني ابص للدنيا انها اختبار مش دار بقاء
هو أن........see more

مفيش حاجه فاتتك ولا قطر العمر جري بيك ..

أنت ناسي أن الرسول صل الله عليه وسلم بدأ حياته وهو عنده ٤٠ سنه 🥹
وهاجر إلى المدينه وهو ٥٣ سنه وفتح مكه وهو ٦١ سنه 🥹
صلوا عليه وسلموا تسليما 🤍

فمتفكرش في اللي فاتك وفكر في اللي جاي وازاي تستغل حياتك صح وتمشي في طريق شبهك👏
ومن بكره هشارك معاكم بإذن الله حاجات اتعلمتها سهلت عليا فهم الدنيا على حقيقتها وان المفروض أسعى للآخرة مش الدنيا الفانية 🤦‍♀️

"كلما زادت خصوصيتك.. زادت هيبتك. والسر يكمن في قوة حضورك وليس في أنك متاح للجميع 👌،

النضج المهني الحقيقي هو إنك تتعلم "فقه المسافات". وافتكر إن "من حُسن إسلام المرء تركه ما لا يعنيه"، ومن حسن عقلك وشطارتك في شغلك إنك تسيب مسافة أمان بينك وبين اللي حواليك..📌

الحكمة مش إنك تقرّب الكل منك، الحكمة إنك تعرف مين اللي "يستحق" يدخل مساحتك الخاصة. لما تحط حدود أنت مش بتتكبر، أنت بتحافظ على سلامك النفسي.

و كل ما عرفت الناس عنك أقل، تحكمهم في مودك وسلامك النفسي أقل بكتير.🤝

في نهاية السلسلةحابه أققولكم :
خليك لطيف مع الكل.. بس "مربع أمانك" مش للكل.👌

قولي بقى :
تفتكر الصمت في بيئة العمل "قوة" ولا "ضعف"؟هستنى تعليقاتكوا🤍

مش كل اللي بنتعامل معاهم "صحاب".. فيه فرق شاسع بين مقام 'الزمالة' ومقام 'الصحوبية'!"👌

الزمالة في الشغل أصولها الأدب، الاحترام، والتعاون.. وده تطبيق عظيم لخُلق المؤمن اللي "يألف ويؤلف". 📌

لكن الصحوبية دي مساحة أعمق بكتير، "أمانة" مبتتسلمش غير للي أختبرت صدقه ومعدنه في الشدة قبل الرخاء.🫂

ف الثقة مش "عربون" مجاني بنديه لأي حد دمه خفيف أو كلامه مريح😅
الثقة دي عملة غالية جداً، بتتبني بالمواقف، وبالوقت.

ف افتكر دايماً 👇:
إنك تعامل الكل بـ "إحسان"، بس ميسكنش مساحتك القريبة غير "الصادقين". فـ "المرء على دين خليله"، فاختار لنفسك اللي يأخذ بإيدك لربنا ، ويصون غيبتك في الشغل وخارج الشغل.🤍🤝

وده الجزء الرابع من سلسلة واستنوني بكره في اخر جزء من السلسلة ☺️