*** أكاديمية لتعليم كرة السلة للبنات
*** يتم تسجيل اللاعب?
07/06/2023
🔥🔥🔥
التدريب اليوم الأربعاء الساعة ٩ م بملعب الصالة المغطاة للألعاب الرياضية بالحرس الوطنى ❤️🔥
الحمد لله ماشيين بخطى ثابتة وان شاء الله يخرج من الحرس الوطني أبطال في لعبة كرة السلة 😉👌
مستنيينكم 🔥
🔥🔥
26/05/2023
البداية ان شاء الله الجمعة ٢/ ٦ 🔥❤️
24/05/2023
🔥🔥
بسم الله وما توفيقي إلا بالله 🙏👌
إن شاء الله بداية من الجمعة ٢ / ٦ أكاديمية جيمي موجودة معاكم بالصالة المغطاة بالحرس الوطني ❤️✌️
رجعنا تاني بأكاديمية جيمي ورجوعنا هيبقى قوي ومتميز 🔥🔥🔥
مكان جديد ومؤهل بكافة الإمكانيات وحي سكني مميز هنحاول وبكل قوة نقدملهم أفضل ما عندنا وإن شاء الله يطلع منهم أبطال بنين وبنات نقدر على المدى القريب نسوقهم لأكبر الأندية في مجال كرة السلة سواء داخل بنها أو خارجها 🔥
يعلم الله مدى الطموح والتفاؤل وما علينا سوى الإجتهاد والتوفيق من الله وحده 🌹🙏
بنقبل بداية من ٤ سنوات بنين وبنات ❤️🥰
للتواصل والإشتراك 👇
01501999018
أو زيارة الصالة المغطاة
14/05/2023
🔥🔥
ما تيجو نقولكم إيه الخدمات اللي بنقدمها 😉🔥
عندنا في نشاط كرة السلة بنادي شبان مسلمين بنها قطاعين ✌️ كل منهم مرتبط بالآخر ✌️😘
*قطاع الأكاديميات 👇❤️
بيتم فيه تدريب المبتدئين على المهارات الحركية والمهارات الأساسية والمركبة خطوة بخطوة لحد ما يوصل للمستوى اللي يؤهله للعب ضمن فرق النادي المسجلة بالإتحاد المصري لكرة السلة 🔥💪
بنراعي في تدريب الأكاديميات إن كل مرحلة عمرية تدرب في وقت لوحدها .. يعني مش هتلاقي عندنا اطفال مع كبار و اولاد مع بنات .. ده غلط جدا ومش عندنا
عندنا الأطفال لوحدهم ٢٠١٣ / ٢٠١٤ / ٢٠١٥
عندنا ٢٠١٢ / ٢٠١١ / ٢٠١٠ لوحدهم
عندنا ٢٠٠٩ / ٢٠٠٨ / ٢٠٠٧ لوحدهم
أعمار متقاربة جدا لتحقيق أقصى إستفادة 👌🔥
*قطاع الفرق 🔥👇
ده أهم ما يميزنا .. عندنا قطاع قوي للناشئين والناشئات بفضل الله .. قاعدة ناشئين كبيرة وصلت ل ١٣ فريق أ كان أو ب .. حاليا عندنا فرق لكل المراحل وبسبب كثرة اللاعبين المميزين السنة اللي فاتت اخدنا قرار بتسجيل فرق ب و فرق ج .. يعني معانا كدة كدة هتلاقي مكان ليك وهتنافس وتلعب مباريات رسمية .. قوة قطاع الفرق جاية من قطاع الأكاديمية لأن الفرق بيتم إختيارها من الأكاديمية ❤️🔥
اللي عايزين نقوله إنك لو مبتدئ تعالا اتدرب معانا وهنمشي معاك خطوة بخطوة وهتبقى لاعب كويس ان شاء الله 😉
ولو انت لاعب في اي مكان تاني او اي نادي او كنت عندنا ووقفت تدريب .. ما تقلقش ارجع تاني واحنا هندخلك قطاع الفرق علطول مش هترجع تدرب من الاول في الأكاديمية 👌
الفرق من أول ٢٠١٤ بنين وبنات لحد الدرجة الأولى ❤️👍
ده بإختصار إحنا بنقدم إيه وطريقة تنظيم شغلنا 😘✌️
مستنيينكم في أي وقت نحقق مع بعض نتائج تبهر الجميع وتسعدكم ❤️👌
رئيس جهاز كرة السلة
دكتور أحمد جمال ❤️
للتواصل والإشتراك 👇
٠١٢٨٥٥٩٠٦٧٨
🔥🔥
16/03/2023
الميني باسكت ❤️🔥
16/03/2023
التميز والتألق دائما في مصنع الأبطال ❤️
بيت كرة السلة بالقليوبية 😉🔥
12/12/2022
نجمة الشبان ❤️✌️
هو تسعتاااااااااااش ✨١٩✨
١٩ ده رقم اللاعبة نور صاحبة ال ٥ ثلاثيات في مباراة الجولف وإجمالي عدد نقاط ٢٥ نقطة 🔥🔥🔥
سبب كبير من أسباب الفوز وكانت نقطة التحول في الماتش بمساعدة زميلاتها البطلات 🔥💪
كل فريق ١٤ سنة مميز جدا وليهم دور طبعا في المكسب بس نور هي MAN OF THE MATCH 🔥 وحبيت أشجعها وأشكرها في البوست ده 🔥💪
دعمكم ليها ولفرقتها هيفرق معانا جدا ❤️
ربنا يحفظك يا نور وتحققي كل اللي تتمنيه 🥰🤲
#تسعتااااااااش
🔥🔥
12/12/2022
الحمد لله 🤲❤️
مباراة ولا أروع ولو كنا خسرنا كنت هبقى فرحان على المستوى اللي وصلتوا ليه يا أغلى بنات ❤️
فاز فريق تحت ١٤ سنة بنات على فريق نادي جولف سيتي على ملاعب نادي العبور 🔥💪
كانت المباراة قوية وقدر فريقنا يسيطر عليها بكل حماس وإصرار على الفوز ✌️💪
الفريق ده مميز جدا، قوي، حماسي، جرئ، والأهم من ده كله بيحبوا مدربينهم وانا متأكد سبب المكسب انهم شافونا متضايقين عشان كدة أكلوا الملعب بمعنى الكلمة وفعلا قدروا يفرحونا جدا والله ❤️🥰🥰🥰
شكرا ليكم يا بنات ❤️ كل ماتشاتكم جميلة وأنا فخور بيكم جدا وبحبكم من هنا لحد العبور رايح جاي 🤣🤣🤣
شكرا نور أحمد فتحي صاحبة ٥ ثلاثيات وإجمالي ٢٥ نقطة في المباراة 🔥🔥🔥🔥 ربنا يوفقك يا حبيبتي ودائما متفوقة ومتألقة إنتي وكل زمايلك في الفريق 💪💪💪
شكرا كابتن محب مدرب الفريق ... واضح شغلك ومجهودك وتربيتك ليهم يا حبيبي ❤️🥰
رئيس الجهاز دكتور أحمد جمال 😘✌️
🔥🔥
17/10/2022
🔥👏👏
17/10/2022
DaReN ❤️🔥
كان ياما كان ماتش ماشي equal وتنزل بنت تجيب باسكت وثلاثيتين وتعمل ديفينس ممتاز وتفوق الفرقة كلها ونكسب ٣٠ نقطة 🫢😎
أجمل البنات اللاعبة دارين مصطفى 🔥💪
كلمة السر ومفتاح الفوز في مباراة اليوم تحت ١٦ سنة ❤️
كل التحية والدعم لدارين ولكل لاعب ولاعبة مجتهدة مستنية الفرصة وبتقدر تستغلها 🔥😎
برافووووووووووووو أجمل دارين ❤️
و إن شاء الله كل سبت من ده 🤣🤣🔥🔥
🔥🔥
12/10/2022
12/10/2022
مليون مبروووووك الفوز الثاني لبنات ١٤ سنة بعد مباراة قوية مع المنافس المحترم فريق مركز شباب العبور 🔥💪
الحمد لله الذي هدانا لهذا وما كنا لنهتدي لولا أن هدانا الله ❤️
شكرا كابتن محب مدرب الفريق😘✌️.. الفرقة معاك في تقدم ملحوظ وأهم ما يميزها تنفيذ تعليمات المدربين كما يجب أن يكون والحماس والأداء الرجولي والأهم حبهم وإرتباطهم ببعض ❤️👏👏👏
شكرا للاعبات الجميلات أبهرتونا وأمتعتونا بمستواكم وحماسكم وأبهرتم جميع الحضور .. الناس كلها اتجمعت على صوتنا حتى اللي ما يعرفش باسكت كان بيتفرج من جمال الماتش حرفيا 👌
ألف مبرووووووووك وعقبال اللي جاي بإذن الله 🔥💪
المكسب بيجيب مكسب وإنتوا قدها بإذن الله 👌✌️
رئيس الجهاز
دكتور أحمد جمال 😘✌️
🔥🔥
| Monday | 3am - 6am |
| Friday | 1:30am - 5am |
| Saturday | 3am - 5am |