Mohamed Shoukry - محمد شكري

معوقات القيادة: العقبات الخفية في طريق النجاح

في عالم الأعمال السريع 🏃‍♂️ اللي إحنا فيه دلوقتي، القيادة القوية 💪 مهمة جدًا لتحقيق نجاح الشركات 📈. لكن إيه اللي بيحصل لما القادة يتوهوا عن طريقهم؟ معوقات القيادة ممكن تأثر بشكل خفي 👀 وقوي على الأداء، وتلخبط ديناميكية الفريق 👥، وكمان ممكن تضر بثقافة الشركة 🏢. عشان كده فهم المعوقات دي مهم جدًا للقادة ولللي بيدعموهم.

طيب، إيه هي معوقات القيادة؟

ببساطة، معوقات القيادة هي تصرفات أو صفات ممكن تحت الضغط أو التوتر 😰 تخلي القائد ينحرف عن طريق النجاح 🚫. المعوقات دي ممكن تفضل مش واضحة في الظروف العادية 🌤 لكنها بتظهر في المواقف الصعبة 🌩 وده بيقلل الفعالية، ويوتر العلاقات، وفي أوقات ممكن تسبب فشل تام. حتى القادة الكفء جدًا ممكن يقعوا في الفخ ده لو ما خدوش بالهم.

ودي شوية معوقات قيادة شائعة لازم تخلي بالك منها:

1. الثقة المفرطة والغرور 😎

2. عدم القدرة على التكيف 🤔

3. الإدارة الزايدة (التفاصيل الدقيقة) 🧐

4. عدم الثبات العاطفي 😤

5. غياب المساءلة 🚫

6. الهروب من المشاكل 🏃‍♀️

7. الاعتماد الزايد على السلطة 👑

وفي النهاية، مهم إن القادة يخلقوا بيئة داعمة و ثقافة بتشجع التواصل المفتوح 💬، وتحمل المسئولية، والتعاون 🤝، وده مش بس هيساعد القائد لكن كمان هيقوي الفريق كله.

خلينا نكمل الموضوع ده.

قولى فى الكومنتس إيه معوقات القيادة اللي شفتها في تجربتك، وازاي اتعاملتوا معاها؟

#القيادة

Understanding Leadership Derailers: The Hidden Obstacles to Success

In today’s fast-paced business environment, strong leadership is crucial for driving organizational success. But what happens when leaders lose their way? Leadership derailers can subtly, yet powerfully, impact performance, influence team dynamics, and even harm an organization’s culture. Understanding these derailers is essential for both leaders and those who support them.

So, what are leadership derailers?

Simply put, leadership derailers are behaviors or traits that, when under pressure or stress, can cause a leader to deviate from their path of success. These can remain hidden or unnoticed during normal times but often surface in challenging situations, leading to reduced effectiveness, strained relationships, and sometimes, outright failure. Even highly capable leaders are at risk of derailment if these tendencies are not addressed.

Here are a few common leadership derailers to look out for:

1. Overconfidence and Arrogance
2. Inability to Adapt
3. Micromanagement
4. Emotional Instability
5. Lack of Accountability
6. Avoiding Conflict
7. Over-Reliance on Authority

Finally, it’s important for leaders to foster a supportive environment. Building a culture where open communication, accountability, and collaboration are valued will not only help the leader but also strengthen the entire team.

Let’s keep this conversation going.

What leadership derailers have you seen in your experience, and how have they been addressed?

كل عام وحضراتكم بخير... تقبل الله منا ومنكم صالح الأعمال

الصمود النفسي – المرونة النفسية (الجزء الخامس والأخير)

هنتكلم النهاردة عن النوع الرابع من أنواع المرونة وهو
المرونة الاجتماعية (Social Resilience or Community Resilience)
وهي قدرة المجموعات على التعافي من المواقف الصعبة. وده عن طريق تواصل الأشخاص مع بعضهم البعض والعمل معًا لحل المشكلات التي تؤثر على الأشخاص بشكل فردي وجماعي.

تشمل جوانب المرونة الاجتماعية التجمع بعد الكوارث ، ودعم بعضنا البعض اجتماعيًا ، وإدراك المخاطر التي يواجهها المجتمع ، وبناء الإحساس بالانتماء للمجتمع. ودي حاجة مهمة أثناء التحديات الكبيرة مثل الكوارث الطبيعية التي تؤثر على المجتمعات أو مجموعات كبيرة من الناس أو الجائحات مثل كورونا وغيرها.

وده أخر نوع من أنواع المرونة أو الصمود .

وإن شاء الله في بوستات أخري هنتكلم عن موضوعات أخري خاصة بالمرونة و الصمود

#الصمود

هو بتاع الأتش آر عايز مننا أيه؟

ده سؤال بنشوفه وبنسمعه كتير جدا من الباحثين عن وظائف ... هجاوب على السؤال ده في مجموعة نقاط وهي: -

1. لما يكلمك ترد عليه أو عليها ولو مش فاضي أرجع كلمه أو كلمها تاني عادي جدا.
2. لو ميعاد المكالمة مش مناسب توضح ده من أول المكالمة وتطلب تأجيل المكالمة لميعاد مناسب.
3. لما يسألك على حاجة تكون إجابتك واضحة ومحددة بدون تجميل أو تحوير.
4. لو ميعاد المقابلة مش مناسب لأي سبب ترد بمنتهي الثقة والأدب تقول الميعاد مش مناسب.
5. توصل قبل ميعادك المحدد (بخمس أو عشر دقائق بس) مش أكثر من كده لأن ده بيدي انطباع سلبي نسبياً.
6. تروح لابس فورمال أو سيمي فورمال (إلا اذا قالك أو قالت لك في المكالمة غير كده).
7. شكلك نظيف ومهتم بالنظافة الشخصية جدا بحيث يكون منظرك لائق (في حدود إمكانياتك المتاحة).
8. مذاكر المعلومات والبيانات اللي في ال (سي في) كويس وفاكرها.
9. تكون مرتب ومحضر إجاباتك قبل المقابلة وجاهز تحكي علشان تتجنب السكوت أو إنك تقول أو تقولي معرفش أو مش فاكر أو مش فاكرة وحاول تتجنب الإجابات القصيرة أوي (مثال: سيبت شركة كذا ليه؟؟ يعني ظروف بقي)
10. لما يسألك أسئلة من نوعية "أحكي لي موقف معين" أو "لو حصل كذا في الشغل هتتصرف أزاي؟" هو بيقيس حاجة أسمها الجدارات (Competencies) وهي مدي ملائمتك للوظيفة والحصول على أداء عالي لو اتعينت. ساعتها هتحكي الموقف ثم الحاجة اللي انت عملتها أو عملتيها ونتيجة اللي عملته أو اللي عملتيه.
11. عايزك تكون فاهم الوظيفة وطبيعتها بقدر المستطاع (قاري عنها علي الأقل – ممكن كمان تطلب من اللي بيكلمك الوصف الوظيفي كمان – أو تبحث علي الإنترنت) مش رايح أبيض وكمان تكون أو تكوني عندك دراية عن متطلبات الوظيفة (تعليم - خبرات – شهادات - مهارات – الخ.) علشان في الآخر الأتش آر بيختار بناء علي معايير إختيار محددة (Selection Criteria).
12. عايزك تكون عارف معلومات عن الشركة ولو بسيطة مش عميقه (ده بيدل علي إهتمامك بالفرصة) وممكن يخليك تاخد قرار أنك تعتذر عن المقابلة أصلا (مثلا لو مجال الشركة مش مناسب ليك أو ليكي).
13. عايزك تقنعه ليه أنت مناسب أو إنتي مناسبة للوظيفة وده إجابة سؤال (why you?) وده مش تناكه منه أو منها ولكن ببساطة شديدة الأعداد المتقدمة للوظائف بتكون كتير وفي الآخر اللي هيتعين عدد قليل جدا يمكن واحد أو أثنين.
14. عايزك تكون حاسم في قرارك يعني مثلا موافق علي الأوفر ولا مش موافق ولو هتفكر ترجع له أو ترجع لها بإجابة حتي لو لأ مش مناسب علشان تسيب أو تسيبي إنطباع جيد علشان ممكن الوظيفة دي مرتبها يزيد فيكلمك تاني أو بعد فترة تفتح وظيفة تانية مناسبة أكثر فيكلمك عليها علي طول.
15. عايزك تكون مهتم في نهاية المقابلة بالخطوة الجاية وتسأل عليها علشان ده بيكون آخر لقطة في المقابلة فحاول أو حاولي تكون أيجابية.
طبعا البوست بيتكلم في الحالات العادية والعادلة (والأتش آر الفاهم والحقيقي)

البوست لا يشمل وجود الحاجات اللي ممكن تخلي الموضوع مختلف عن المكتوب.

تابعوا البوست الجاي اللي هيكلم موظفين الآتش آر " الناس عايزه من بتاع الأتش آر أيه؟"

#توظيف #مقابلات

الشخصنة (Personalization)

يعني الشخص بياخد كل شيء على محمل شخصي ويلوم نفسه من غير أي سبب منطقي وممكن يوصل لدرجة ان الشخص يعتقد انه سبب تعاسة كل من حوله ... أول ما حاجة سلبية تحصل تلاقي الشخص يقولك أنا السبب بلا مبرر أو دخل ودي عملية مرهقة جدا نفسياً

تابعوني في البوستات الجاية علشان تعرفوا باقي تشوهات التفكير

التعميم المفرط (Overgeneralization)

وهنا الشخص بياخد مثال واحد ويعممه على نمط عام.
على سبيل المثال ، يعني الشخص ده ممكن يحصل على تقدير ضعيف في الامتحان بدلاً من انه يحصر المشكلة انه عنده ضعف في مادة دراسية محددة ... لا ياخد الموضوع ده علي كل جوانب حياته ويقول لنفسه أنا ضعيف في كل شيء ... يعني عمم الضعف علي كل جوانب حياته وده خطأ شنيع لأنه ببساطة هو أكيد متفوق في أشياء كتيرة جدا في حياته غير المادة دي.

تابعوني في البوستات الجاية علشان تعرفوا باقي تشوهات التفكير

التفكير المستقطب (Polarized Thinking)

يُعرف أيضًا باسم "التفكير الأسود والأبيض"
وهو عدم القدرة أو عدم الرغبة في رؤية اللون الرمادي أو المناطق الوسطية.

طيب يعني أيه الكلام ده 🤔

يعني الشخص بيشوف الأحداث من منظور التطرف يعني الحاجة يا أما في قمة الجمال أو قمة القبح، أو يشوف نفسة مثالي جدا أو فاشل تماماً يعني مفيش وسط يا أبيض يا أسود.

تابعوني في البوستات الجاية علشان تعرفوا باقي تشوهات التفكير

إنتم عارفين أن أغلب مشاكلنا حلها في المخ 🤔 وطريقة التفكير واستقبال الأحداث

أه والله زي ما بقولكم كده

ده مش كلامي ده كلام علماء النفس من حوالي 70 سنة 😳

تابعوني في سلسلة بوستات هتتكلم عن الموضوع ده