الvar مع بلال

رحيل مشجع درجة تالته عن فريق الأهلي، وعمود الخيمة الاخير حسين الشحات🔴🦅

1️⃣ رحيل حسين الشحات انهاردة من توابع صفقة زيزو وفلوس زيزو، حسين موافقش على ٣٠ مليون جنية في الموسم لانه شايف لاعيب أقل منه إمكانيات بياخد ٩٠..

بغض النظر عن فايدة زيزو من عدمه فنياً، بس دي اسوء صفقة دخلت الاهلي من سنين بسبب الفجوة ال تسببت فيها في اوضه اللبس..

2️⃣ حسين الشحات لو كان اتعرض عليه ٢٠ قبل صفقة زيزو كان خدهم وطار من الفرحة، ولكن حسابات اللاعيبة كلها اختلفت خاصة أن دلوقتي في ليبيا بتدي ارقام كويسة بالدولار..

3️⃣ فنياً الاهلي خسر لاعيب كبير اسمه حسين الشحات وخسر لاعيب عمره ما كان هيبخل بنقطة عرق من أجل الفريق و التيشيرت✅👌

أخيراً جمهور الاهلي بيحبك يا شحات♥️

#الاهلي #الأهلي #زيزو

هل وائل جمعة الاختيار الأمثل ك مدير كورة بعد فشلة في الولاية الاولى مع جاريدو❓🦅

1️⃣ الفرق كبير بين الفترتين، الاولى كان وائل بلا خبرات تماماً ده غير أنه كان زميل اللاعيبة ال مطالب أنه يبقى مدير عليهم فجأة ومن هنا بدأت المشاكل..✅

2️⃣ وائل جمعة دلوقتي عنده خبرات اكتر غير انه واحد من مؤسسين الجيل الذهبي للأهلي وعنده خبرات كبيرة في التعامل مع الجيل الحالي🔴🦅

3️⃣ اخيرا واهم سبب أن وائل جمعة دلوقتي بشعر يا جماعة ودي حاجة وده اختلاف جوهري هيساعدة في إدارة الفريق😄

إن شاء الله تبقى خطوة موفقة من النادي وموفقة ل كابتن وائل جمعة أحد كباتن الاهلي في الجيل الذهبي♥️⚽

#الاهلي #الأهلي #الزمالك

كل الدعم ل حسام حسن في عدم ضم مصطفى محمد فنياً وتعالا اقولك ليه✅🇪🇬

1️⃣ مصطفى محمد بقاله اكتر من سنة مش بيشارك مع فريقة في فرنسا، رغم أنه فريق قاع وهبط وحتى بعد تغيير المدرب ملعبش برضو..

طيب الفترات ال حسام حسن كان بيضم مصطفى وهو مش بيشارك كان بيقدم ايه فنيا للمنتخب ولا اي شيء زيرو للأسف0️⃣

2️⃣ طيب عندي مهاجم شاب عنده ١٨ سنة راح رديف اكبر فريق في أوروبا وفليك مدرب برشلونة طلع اتكلم عليه وقال هنضمه في فترة الإعداد ازاي اسيبه وهو خاطف أنظار العالم كله..

الملخص أن مصطفى محمد مهاجم كبير جداً وإمكانياته جبارة بس حاليا راجل بعيد تماماً عن المستوى ده ف لا يستحق الانضمام🧏⚽

اربع حراس مرمى واتنين مهاجمين فقط في قايمة منتخب مصر النهائية⚽🇪🇬

1️⃣ ايه الفكرة اني اسافر بطولة ب اربع حراس، دي بطولة اخرك هتقعد فيها شهر ده لو انت جامد يعني مش دوري مثلا موسم كامل عشان تاخد اربع حراس..

2️⃣ قرار غريب وغير مفهوم بالنسبالي وبداية للعشوائية زي فكرة اني العب ب ٣ محاور في نص الملعب ضد منتخب فنياً ضعيف زي امبارح✅✅

3️⃣ الاصابات بتبقى أقل في حراس المرمى، لقدر الله لو حصل اصابه أو إيقاف للاتنين مهاجمين هتعمل ايه؟!

ربنا يسترها إن شاء الله، وكل الدعم لنهاية مشوار كأس العالم 🇪🇬