El Honz الهونز

وجود يس طوروبش ده يوم واحد زيادة هو جريمة في حق النادى ده.

و الله أحسن واحد لعب كورة في اخر كام شهر كان عماد النحاس..انا ماعرفش مشى ليه و انت مجربه مرتين و نجح في المرتين بإمتياز...عقدة الخواجة للأسف..كان ممكن يكمل عادي الموسم ده..أصل هتخسر ايه يعني ما هو الموسم باين من أوله.

كان يا ما كان..كان في مدرب اسمه توني اوليفيرا...جيه في غفلة من الزمن كدة و ساعتها الاخبار كلها طلعت اننا سألنا مانويل جوزيه الراجل ده كويس..قالهم هايل ده احسن مني كمان..و جيه الراجل ده و شوفنا مسخ للأهلي في الملعب و الراجل ماطولش و اتكل علي الله..انهاردة الاهلي مع العلاف بتاعنا قدم نسخة اسوء من اللي شوفتها مع اوليفيرا..

حاسه افغاني لا يمكن يكون اسباني

عماد النحاس بالنسبة للعلاف ده بيب جوارديولا.

و الله العظيم مدرب علاف لا عارف يوقف اللاعيبة صح و مفضى نص الملعب عشان ديانج و بن رمضان بيلعبوا علي خط واحد و مش بيقرا اي جيم و ضغط سخيف و انت مغلوب و مفيش اي رغبة حتى للعودة للماتش.. استمرار الراجل ده معناها مزيد من نزيف النقاط و البعد عن المنافسة.

و الله القصة مش محتاجة كل الكلام ده..ريبيرو ده مش نافع مع الاهلى.القصة شخصية قبل الامكانيات كمان . استمراره مضيعة للوقت و للنقط.. ده عماد النحاس كان مطلع شغل احسن منه بمراحل في فترة زمنية اقل بكتير و بسكواد اقل بكتير كمان

حسين الشحات نازل مش عايز يلعب اصلا....طب ما الراجل حقه يركنه خالص طالما القصة بالمنظر ده.

https://youtu.be/F27KohUmeaU?si=Vsgtj4G5p1OsGaZb

ادوارد لالالا

من كتر حملات التفخيم في جون ادوراد..خايف الاقيه نازل يلعب مهاجم بنفسه الشوط التاني 😀

طب الحمد لله يا رب تكون اتبسطت معانا