فى البعيده مع إسلام - Islam Abdelsabour

مين اللي في النص دا

طبعا انت عارف حسام وابراهيم، لكن مين اللي في نص الصورة، اللي في نص الصورة، صاحب واحدة من اغرب القصص في الكورة المصرية.. وخلينا اقولك حكاية هشام عبد الرسول..

بص يا سيدي، جرت العادة يعني ان المنتخب بيكون اهلي وزمالك، وبنجيب 4 لاعيبة من بقية الاندية عشان يعني نقول انه فريق متنوع، في نهاية التمانينات مصر كانت بتلعب تصفيات كاس عالم.. عشان نتأهل لكاس العالم 1990..

كابتن محمود الجوهري رحمة الله عليه ضم لاعب من نادي المنيا اسمه هشام عبد الرسول، الكلام دا سنة 1988 (هشام مواليد 1964).. طيب ما عادي ايه القصة يعني..

شاب من سمالوط في المنيا، لقى نفسه بيمثل منتخب مصر، مش بس بيمثل منتخب مصر، دا نجم المنتخب..

مصر لاعب ليبيريا كسبت 2-0.. محمد رمضان وعلاء ميهوب.

وراحت اتعادلت مع مالاوي 1-1.. وسجل هدفنا هشام عبد الرسول، واتعادلنا مع كينيا بدون اهداف..

وبعدين لاعبنا ليبيريا هناك على ارضهم، وفازت ليبيريا 1-0، فبعد كدا لاعبنا مالاوي وكسبنا 1-0 وسجل برضه الهدف هشام عبد الرسول، وبعد كدا فزنا على كينيا 2-0، هشام عبد الرسول برضه وابراهيم حسن.. (هدف ابراهيم حسن من اغرب الاهداف اللي ممكن تشوفها.. حط دماغه في الارض وعمل الكورة لوب بدماغه... كورة غريبة قوي)..

طبعا احنا تأهلنا للدور التالي كأول مجموعة، وكان افريقيا وقته بيمثلها فريقين بس.. والاربعة اللي صعدوا كان مصر والجزائر، والكاميرون وتونس، مصر لاعبت الجزائر.. لعبنا هناك الاول 0-0، وبعدين فزنا هنا 1-0..

وبكدا مصر صعدت لكاس العالم 1990، وهداف مصر في التصفيات هشام عبد الرسول بـ 3 اهداف (من اصل 7 سجلتهم مصر) .. نجم رجع المنيا استقبلوه استقبال الابطال، والاهلي عايزه، والزمالك عايزه، والحياة بتحلو..

بيحكي كابتن هشام عبد الرسول، إنه رجع المنيا عشان يفرح اهله ويفرح الناس، لان الفرحة ملهاش طعم من غير الاهل، ووصل بعد الفجر، ولقى كل البلد هناك، وقال ان مكافاة صعود كاس العالم كانت شهادة استثمار لكل لاعب لعب الـ 8 ماتشات بـ 20 الف، يعني الماتش بـ الفين ونص، هو لعب 7 ماتشات بس فخد 17 الف ونص..

هو غاب المباراة الاولى بس وقاله الجوهري ساعتها: "مش عايز انزلك اول ماتش عشان ضغط الجماهير"، وقد كان.. هشام كسب ثقة الجمهور وبقى النجم اللي مستنيينه يشوفه في كاس العالم..

مصر عملت شوية حاجات استثنائية، اصل احنا مش بنروح كاس عالم كل 4 سنين، دا احنا بقالنا 56 سنة مصعدناش كاس عالم، فالجوهري، لغى الدوري اصلا، بعد 12 جولة، وقالك انا عايز اعمل معسكر طويل، بلا دوري بلا مندليف.. طيب ما احنا في امم افريقيا 1990.. هنروحها.. قالك بلا 90 بلا 60.. فككم من اسامي شوارع التجمع دي.. وراح رافض يبعت المنتخب الاول.. وراح باعت المنتخب الأولمبي بقيادة هاني مصطفى .. ومعهم اربعة كبار هما ثابت البطل (الأهلي) وطارق يحيى (الزمالك) وحمادة صدقي (غزل المحلة) إضافة لعادل عبد الرحمن (الأهلي)... والحقيقة كان رهان ممتاز.. لاننا لعبنا 3 ماتشات خسرناهم كلهم، وسجلنا هدف واحد جابه عادل عبد الرحمن..

كل دا ومنتخب مصر بيستعد لكاس العالم، هشام كان متعلم سواقة جديد، وكان عند اخته في حلوان، وقتها اتصل بيه لاعب زميله، وقاله إن فيه مصوريين وصحافيين أجانب عايزين يصوروا المنتخب في القرية الفرعونية، كدعاية لبطولة كاس العالم وكدا، والفراعنة قادمون يعني.. وهو في الطريق، فقدت تركيزه لثواني، فخبط في عربية تانية، وكانت حادثة صعبة جدا، مش بس منعته من اللعب في كاس العالم اللي كان من اهم اسباب صعودنا بل تسببت في نهاية مشواره كلاعب اصلا..

بيقول هشام عن الحادثة "عضمة الساق تفتت، بعض العضلات تهتكت ولكن الحمدلله كتب الله لي الحياة"، بدأ هشام يتعافى من الاصابة، والجوهري طلب منه ينضم لمعسكر المنتخب، لرفع حالته المعنوية، لكن الدكاترة قالوا ان الاصابة محتاجة 40 شهر عشان يرجع للملاعب (40 شهر يعني 3 سنين و4 شهور)..

فكابتن الجوهر، دعاه للتواجد مع المنتخب في المعسكر ومن ثمّ السفر لإيطاليا لحضور كأس العالم قبل أن يعود المنتخب مباشرة إلى المنيا لإقامة مباراة اعتزال هشام، وبيقول: "كان كابتن الجوهري يري أن أفضل تكريم لي وسط أهلي بدلاً من إقامتها في القاهرة".

وبكدا انتهت قصة هشام مع الكورة كلاعب شهور بسيطة، وفرحة كبيرة انتهت بكابوس، و3 اهداف كانوا سبب في صعودنا لكاس العالم.. ورحلة قصيرة كتير معرفهاش.. كتي معاصرهاش.. بس الاكيد انه لما بيشوفها بيرن في ودنه صوت كابتن ميمي الشربيني: "هشام عبد الرسول، يفض الاشتباك بينا وبين مالاوي، نجم المنيا الصاعد يشوط قنبلة تسكن الشباك"..

وقت ما حصلت القصة دي كلها انا مكنتش اتولدت، بس ابويا كان دايما يحكيلي قصة هشام عبد الرسول وانه كان لاعب عصري، وازاي لو راح كاس العالم كان فرق مع مصر قوي، وكان دايما يقولي "حظه كدا.. ربنا يعوضه"..

أول المجموعة الأولى "مجموعة كوت ديفوار"يواجه ثالث
المجموعة 3 أو 4 أو 5

ثاني المجموعة الأولى يواجه
ثاني المجموعة الثالثة

أول المجموعة الثانية "مجموعة مصر" يواجه ثالث
المجموعة 1 أو 3 أو 4

ثاني المجموعة الثانية "مجموعة مصر" يواجه
ثاني المجموعة السادسة "مجموعة المغرب"

أول المجموعة الثالثة "الكاميرون والسنغال" يواجه ثالث
المجموعة 1 أو 2 أو 6

أول المجموعة الرابعة "مجموعة الجزائر" يواجه ثالث
المجموعة 2 أو 5 أو 6

أول المجموعة الخامسة "مجموعة تونس" يواجه
ثاني المجموعة الرابعة "مجموعة الجزائر"

أول المجموعة السادسة "مجموعة المغرب" يواجه
ثاني المجموعة الخامسة "مجموعة تونس"

قائمة المنتخب لمباراتي زامبيا والجزائر

نتائج قرعة كأس العالم للاندية 2023 في السعودية 🇸🇦

نتائج قرعة دور المجموعات
⁧‫ ‬⁩ 2023/24 🏆

يا ليالى الشامبيونزليج ❤️

رحل عن عالمنا لكنه سيظل حاضرًا في أذهان الجميع .. تحل اليوم الذكرى الـ17 على رحيل محمد عبد الوهاب نجم الأهلي ومنتخب مصر ❤️

نادي الأهلي المصري يكشف عن التيشيرت الجديد الأساسي الخاص بالفريق للموسم الجديد 2023/24 برعاية شركة " Adidas " .. 🦅

🔴اقتراب تجديد عقد 🇨🇭 مارسيل كولر رسمي مع الأهلي ٣ مواسم حتي ٢٠٢٦ في نهاية هذا الأسبوع خطوة مهمة جدًا نحو الاستقرار الفني لفريق الكورة مع مدرب حقق الخماسية في أول مواسمه ، و بناء فريق قوي قادر علي تحقيق مركز في كأس العالم للأندية 🏆 ٢٠٢٥ النسخة الجديدة و الأصعب ب ٣٢ فريق.

نتائج أبرز مباريات اليوم:

الدوري الإنجليزي (الجولة 1)
تشيلسي 1×1 ليفربول
برينتفورد 2×2 توتنهام

الدوري الإسباني (الجولة 1)
خيتافي 0×0 برشلونة
فياريال 1×2 ريال بيتيس
سلتا فيجو 0×2 أوساسونا

الدوري الفرنسي (الجولة 1)
نانت 1×2 تولوز
ستراسبورج 2×1 ليون

الدوري السعودي (الجولة 1)
الفتح 1×1 التعاون

موسم 19-20 سجل 14 هدف في الدوري

‏موسم 20-21 سجل 21 هدف في الدوري وكان هداف إفريقيا

‏موسم 21-22 سجل 7 أهداف في الدوري كان ثاني أكثر من سجل في إفريقيا

‏الموسم الماضي سجل 11 هدف في الدوري

‏مع الأهلي في الدوري ضد الزمالك سجل 7 أهداف في 6 مباريات

‏ده لو محترف كان اتعلمه تمثال!

🔴 القائمة الاولي للنادي الاهلي وفقاً لانفراد ابراهيم المنيسي للموسم القادم ، بمعني أن اي لاعب هيخرج من القائمة دي هيكون فري ويقدر ينتقل لاي فريق مجاناً

- يحق لكل نادي قيد 30 لاعب + قيد 5 تحت السن ( من مواليد 2003 لحد الاخر) في الموسم الجديد

- يحق لكل نادي أعاراة 7 لاعيبه فقط للأندية الاخري.

القائمة ك التالي 👇
---------------------

📌 حراس المرمي
1/ محمد الشناوي
2/ مصطفي شوبير
3/ حمزة علاء

📌 خط الدفاع
4/ علي معلول
5/ محمد عبدالمنعم
6/ ياسر ابراهيم
7/ رامي ربيعه
8/ محمود متولي
9/ محمد هاني
10/ أكرم توفيق
11/ كريم فؤاد
12/ خالد عبدالفتاح

📌 خط الوسط
13/ قفشة
14/ السوليه
15/ اليو ديانج
16/ مروان عطية
17/ محمد فخري
18/ كريم نيدڤيد
19/ أحمد نبيل كوكا
20/ أحمد القندوسي

📌 خط الهجوم
21/ محمود كهربا
22/ محمد شريف
23 / بيرسي تاو
24 / حسين الشحات
25 / احمد عبدالقادر
26 / طاهر محمد طاهر

📌 طبعاً بالاضافه الي
27 / أمام عاشور
28/ رضا سليم

📌- اللاعيبه اللي تم قيدهم تحت السن مع الفريق 👇
1/ كريم الدبيس ( باك ليفت 2003 )
2/ مصطفي مخلوف ( حارس مرمي 2003 )
3/ رأفت خليل ( جناح 2003 )
4/ معتز محمد ( مدافع 2005 )
5/ محمد أحمد زعلوك ( مهاجم 2005 )

بالاضافة الي 6/ الجناح الاجنبي محمد الضاوي كريستو ( مواليد 2003 )

🚨 توضيح لشوية حاجات كدة 🚨
--------------------------------------------
- دي القائمة الاوليه يعني اي لاعب الاهلي عامله عقد سواء اعاراة او في النادي هو لازم يكون متواجد في القائمة دي ولو مش موجود يبقي كدة أصبح لاعب فري
بمعني اي الكلام ده ، ان دلوقتي دول 28 لاعب ( باقي 2 لاعيبه) + ال7 الاعارات فقط هما اللي هيكونو علي ذمة النادي اما الباقي أصبح لاعيبه حرة.

- اللاعيبه اللي الاهلي أعارهم لحد دلوقتي
1/ محمد ياسر ( مهاجم 2001 في التشيك)
2/ مصطفي البدري ( جناح) 👈 سموحة
3/ محمد المغربي ( مدافع) 👈 سموحة
4/ محمد اشرف ( باك ليفت) 👈 نادي زد

يعني باقي (3) لاعيبه فقط الاهلي يعيرهم

- عمار حمدي بنسبة كبيرة هيكون من ضمن الثلاثي ده والاهلي هيوديه اعارة واللاعب جايله عروض كتير

- صلاح محسن يقال أنه هيروح المعسكر بتاع النمسا مع الفريق و كولر يشوفه لو عجبه هيكمل مع الفريق مكنش هيتم اعاراته او بيعه من النادي

ونقطة كدة بالذات للاتنين لاعيبه دول ، لو الاهلي مش هيستفاد منهم يطلعوا اعارة في مكان يلعبوا فيه اساسي وميكونوش لاعيبه بديلة زي ما حصل مع عمار الموسم اللي فات فس الاتحاد السكندري .

- حالياً انت مقيد عندك 28 لاعب بما فيهم الصفقات الجديدة ( رضا سليم و امام عاشور)وعودة كريم نيدڤيد من الاعارة ، يعني باقي ليك مكانين فقط ومنهم مكان للمحترف الاجنبي المهاجم

- في لاعيبه لسه متحددش هتكمل او لا زي محمد فخري و طاهر محمد طاهر و القندوسي ، لو دول الاهلي خرجهم للاعارة تقدر تستبدلهم بلاعيبه تانيه في اماكنهم عادي ، وفترة القيد التانيه فاتحة لحد 9/14 تقدر تستبدل اي لاعيب وتدخل مكانه لاعيب تاني سواء بالبيع النهائي او بالاعارة

- اخر نقطة هتكلم فيها وهي ان الاهلي كان أعار الموسم اللي فات 23 لاعب ( اي مصيرهم) + تم تسريح فريق 2001 واصبحوا لاعيبه فري + اللاعيبه اللي تم بيعها من النادي.

📌 لاعيبه الاهلي قام ببيعهم او انتهاء عقودهم او فسخ عقودهم او لم يقيدو ف اصبحوا لاعيبه فري ( حرة ) 👇👇

حراس المرمي
--------------
1/ علي لطفي 👈 بيع الي نادي زد

خط الدفاع
------------
2/ محمد المغربي 👈 اعارة (1) الي سموحة
3/ محمد اشرف 👈 اعارة (2) الي زد
4/ ايمن اشرف 👈 انتهاء العقد والانتقال الي البنك الاهلي
5/ ميدو حسام (لاعب مواليد 99 ) مدافع 👈 اصبح لاعب حر
6/ احمد سيد عبدالنبي ( باك رايت) 👈 بيع الي نادي زد
7/ حمدي موسي (باك ليفت) 👈 بيع الي نادي زد
8/ سعد سمير 👈 اصبح لاعب حر وبنسبة كبيرة هيروح فاركو
9/ محمود وحيد 👈 اصبح لاعب حر و يقال انه مضي في سموحة

خط الوسط
---------------
10/ حمدي فتحي 👈 بيع الي نادي الوكرة القطري
11/ محمد خليفة نصير ( وسط ملعب 99 ) اصبح لاعب حر و قريب من بيراميدز
12/ العربي بدر ( مواليد 2001 )👈 اصبح لاعب حر
13/ محمد محمود 👈 اصبح لاعب حر وبنسبة كبيرة بيخلص في فيوتشر
14/ احمد اشرف ( مواليد 2001 ) 👈 اصبح لاعب حر
15/ عبدالرحمن مانو ( مواليد 2000 ) 👈 اصبح لاعب حر
16/ لويس مكيسوني 👈 فسخ عقدة و راح نادي سيمبا التنزاني

خط الهجوم
---------------
17/ شادي حسين 👈 بيع الي نادي زد
18/ حسام حسن 👈 بيع الي نادي سموحة
19/ مصطفي ميسي 👈 بيع الي نادي زد
20/ مصطفي فوزي 👈 اصبح اللاعب حر
21/ فهد جمعه 👈 اصبح اللاعب حر
22/ احمد سيد غريب 👈 اصبح اللاعب حر
23/ برونو ساڤيو 👈 بيع الي نادي بوليفار
24/ زياد طارق 👈 اصبح اللاعب فري ويقال انه بيخلص في بيراميدز
25 / وليد مصطفي 👈 اصبح اللاعب حر
26/ ولتر بواليا 👈 جاري فسخ التعاقد معاه ⏳
27 / محمد ياسر (مهاجم 2001) 👈 اعارة(3) التشيك
28 / مصطفي البدري 👈 اعارة (4) الي سموحة

بمعني أن (24) لاعب رحلو بشكل رسمي سواء انتهاء عقد او فسخ عقد او بيع مباشر + (4) للاعيبة تم اعارتهم حتي الان

- كان في محمد حمدي ميسي اعارة الي اسوان و ده اعتقد هيرجع فريق 2003 تاني لان لسه المواليد بتاعته موجودة

- شادي رضوان لاعب 2001 اللي جاله صليبي وعامل عمليه ، وده كان موهبة جبارة في قطاع الناشئين يقال من كذا مصدر ان الاهلي تواصل مع اللاعب وابلغه انه لسه علي ذمة النادي وهيكمل تأهل للعودة من الاصابه وفي يناير هيشوفوا موقفه سواء بالاعارة او انه يتم قيدة مع الفريق

- فريق 2001 تم تسريحة بالكامل ماعدا ( احمد نبيل كوكا ، حمزة علاء ، مع اعارة محمد اشرف و محمد مغربي) ،، ريهام حمدي قالت خبر أن الاهلي بيشوف نادي في دوري المحترفين ( الدرجة التانيه) يودي فيه اللاعيبه المميزة في فريق 2001 وان الاهلي هيحط عينه عليهم واللي هيلفت النظر و هيتالق الاهلي هيرجعه .

- اتمني لجنة التخطيط تركز اوي في اللاعيبه اللي هيتم اعارتها وتروح اندية تلعب فيها اساسي مش تروح تقعد دكة وميكونش ليهم دور ، لان الموسم اللي فات معظم اللاعيبه اللي الاهلي وداهم اعارات ملعبوش بشكل اساسي ومكنوش مؤثرين الا كان لاعب فقط منهم ، يعني من 23 لاعب اعارات الموسم اللي فات يرجع منهم فقط ( كريم نيدڤيد) واحتمال صلاح محسن وده بيرجع لسوء التخطيط طبعاً ، اتمني عمار حمدي يروح فريق يكون اساسي فيه ومنغلطش الغلطات دي تاني لانك مش بتستفاد من اللاعيبه وترميهم للاندية مش بتعزز اللاعيبه بتاعك.

By✍️: Mostafa Alwye _ علولو

القائمة الأولية للنادي الأهلي التى تم قيدها فى اتحاد الكرة لموسم 2023/2024