Coach Gaber

لا حول ولا قوة إلا بالله

ولنا في الله ظن لا يخيب

ازي ممكن مستواك يتراجع وميبقاش زي الاول في السباحه...
١.عدم الاهتمام الجيد بوحدات التدريب والالتزام بها
٢.الذهاب للتدريب متاخر حتي ولو بدقائق
٣.عدم السماع جيدا لتعليمات المدرب والعمل بها
٤. عدم الاهتمام بالتدريب الأرضي ( الفتنس )
٥.عدم التدريب بشكل جيد
٦.الاكل الغير صحي والمشروبات الغازيه
٧.عدم الاحتكاك بالناجحين
٨.عدم النوم بشكل منتظم
٩. سوء الحالة النفسية لدي السباح
كل الحاجات دي ممكن تخلي مستواك ينزل او تفقد مستواك👍🏆🥇🥇🏊‍♂️
صناعة البطل المستمر صعبة يلزمها هداف قوي 💪

نقلاً عن العميد / عمرو عتش

بوست لوجه الله تعالي و في حب السباحه 🏊🏻‍♂️

🆘 أخطر سنتين في حياه السباح 🆘

اخطر و اهم و اصعب سنتين في حياه و مسيره اي سباح هما اول سنتين في قطاع البطوله يعني مرحلتي ١١&١٢

و قبلهم و معاهم طبعا السنتين الي قبلهم يعني لما السباح يكون عنده ٩و١٠ سنين و المفروض بيكمل تعليم ال٤ سباحات و يتقنهم بالكامل و يكمل الاستارات بتاعته و يطلع كارنيه اتحاد السباحه عشان ييدأ يشارك في البطولات الرسميه لأول مره (٢منطقه و جمهوريه و كاس)….

السنتين دول بيكون التعامل معاهم بشكل غلط جدا جدا من معظم الناس للاسف سواء مدربين او اولياء امور و طبعا الضحيه بتكون السباحين و خاصه الموهوبين منهم…..

-السنتين دول بيتعمل فيهم شغل زياده جدا تخالف قانون الاحمال المناسب و المخصص لكل سن،، السنتين دول الناس كلها بتهتم جدا بالارقام علي حساب التكنيك .

-السنتين دول الناس كلها بتركز علي عومه معينه السباح مميز او موهوب فيها(التخصص)و طز في باقي العومات.

-السنتين دول بيتم فيهم الضغط علي السباح طول الوقت من اهله و من مدربه و من كل الناس عشان نحسن الارقام بأي طريقه و بأي وسيله حتي لو حساب التكنيك الصحيح، المهم الرقم يتحسن و بس.

-نعمل اي حاجه بس نخش ال ١٠&٥٠
-نعمل اي حاجه بس نخش ٤&١٠٠
-نعمل اي حاجه بس ندخل جوه ال١٦
-نعمل اي حاجه بس نجيب ميداليه
-نعمل اي حاجه بس نحطم رقم

-نعوم ٩ وحدات اسبوعيا مافيش مشكله😩
-نعمل ٣٥ او ٤٠ كم في الاسبوع مافيش مانع🤔
-نص الاسبوع يبقي شدات عاليه و جري و ارقام و قياسات و لاكتيك،طب كويس جدا و مالو هو ده المطلوب 🤪
- ٣/٤ الاسبوع مركزين علي احسن عومه(التخصص) لدرجه اننا نسني باقي العومات و مالو يا عم 🥺
-نلغي شغل الرجلين و الدرليز و التكنيك الي هما اساس شغل المرحلتين دول ماحدش واخد باله ☹️
-نفكنا من تمارين المتنوع و الشغل علي ال٤ عومات الي هو اساس اي سباح محترم، عادي يا عم هو حد فاهم حاجه

🙏🏼🙏🏼 نصيحه لكل مدرب و كل ولي أمر ركز مع الولد او البنت الي عندك علي التكنيك كويس اوي اوي اوي و احترم قانون الاحمال و بلاش يبقي كل يوم جري و كل يوم احمال و كل يوم شدات عاليه و خلي الكلام ده بعد ١٤ سنه👌🏼👌🏼

اشتغلوا تكنيك كتير اوي و اشتغلوا في الفيتنس سويدي و اساتك فقط و حبل كتير جدا و الكلام ده مع الموهبه هايعملك نتائح كويسه اوي سواء اداء او ارقام ،، صحيح ممكن مش زي الي شغالين فحت و ردم لكن هو ده الي هيحافظ علي ابنك او بنتك و يخلي عمره طويل في السباحه علي الاقل لحد ما يدخلوا الجامعه و يبقوا عمومي

اللهم اغفر له وارحمه وعافه واعف عنه يا الله
رحمة الله عليك ياحبيبي

مصر تحتل المركز الثالث في الترتيب العام لمنافسات السباحة بالزعانف بألعاب البحر المتوسط الشاطئية

احتل المنتخب الوطني للسباحة بالزعانف المركز الثالث في جدول الترتيب العام للعبة بدورة ألعاب البحر المتوسط الشاطئية التي أقيمت خلال الفترة من 9 حتى 16 سبتمبر الجاري بمدينة هيراكليون اليونانية.

وجاءت مصر في المركز الثالث برصيد 8 ميداليات بواقع 4 ذهبيات وفضيتين وبرونزيتين، فيما احتلت اليونان المركز الأول وايطاليا المركز الثاني.
وجاءت تفاصيل الميداليات كالتالي:
الميداليات الذهبية:
احرز منتخب مصر الميدالية الذهبية لمنافسات 2 كم 4x تتابع مختلط سباحة مونو بزمن قدره 1:19:06.7 ، ويتكون الفريق من محمود وليد وإبراهيم أحمد فتحي وجميلة علي وندى مجدي.
وتوجت جميلة علي بالميدالية الذهبية لمنافسات 4 كم مونو سيدات محققة زمن 42:48.2 متفوقة على سباحة ايطاليا زاغيت التي احرزت الفضية ولاعبة اليونان تسيانو التي حققت البرونزية
وفاز مروان العمراوي بالميدالية الذهبية في سباق 2 كم زعانف مزدوجة رجال محققًا 20:50.8 ،
وتوجت لوجين شوقي أبو الروس ، بذهبية سباق 200 م زعانف مزدوجة بزمن 1.49.67 محققة رقم جديد للدورة المتوسطية الشاطئية.

الميداليتين الفضيتين:
فازت لوجين شوقي أبو الروس بفضية 100 زعانف مزدوجة محققة زمن 49.07 خلف لاعبة اليونان بيراكي، فيما حققت لاعبة ايطاليا ماجوجا الميدالية البرونزية.
واحرز أحمد هشام رضوان الميدالية الفضية في سباق 2 كم زعانف مزدوجة رجال بزمن 22:19.4.

الميداليتين البرونزيتين:
أحرز أحمد هشام البرونزية في منافسات 200 زعانف مزدوجة بزمن 1:38.06 خلف لاعب كرواتيا ماريك الذي فاز بالذهبية ولاعب فرنسا شيدرو الذي حقق الفضية.

وحقق سيف الدين أيمن الميدالية البرونزية في منافسات 100 متر مونو برقم 35.58 ، خلف سباحي اليونان.

ويضم المنتخب المصري للسباحة بالزعانف 12 لاعبًا بواقع 6 سباحين و 6 سباحات، حيث يضم منتخب الرجال: “سيف الدين أيمن، وطارق حسن، ومحمود وليد، وإبراهيم أحمد فتحي، ومروان أحمد وأحمد هشام"، ويمثل منتخب السيدات كلا من: “جميلة علي وندى مجدي وسلمى سعد ومنة الله محمد وبسملة صبحي ولوجين شوقي“.

ويقود المنتخب فنيًا في البطولة شريف حبيب مديرًا فنيًا و عبد الله عبد الجليل مدربًا ويرافق البعثة الحكم الدولي أحمد محمد موسى.

ويرأس البعثة كابتن سامح الشاذلي رئيس الاتحادين المصري والعربي للغوص والإنقاذ ويرافقه العميد هيثم محمد عضو مجلس الإدارة.

وبذلك يزيد الاتحاد المصري للغوص والإنقاذ من حصيلته التاريخية بدورة ألعاب البحر المتوسط الشاطئية ليصل رصيده إلى 15 ميدالية متنوعة منهم 4 ذهبيات خلال مشاركته في نسختي بسكارا 2015 وهيراكليون 2023، فيما يصل رصيد مصر من الميداليات إلى 20 ميدالية.

ضربات اطول ام اسرع؟!
إن طول الضربة في السباحة يعتبر من أهم الركائز الأساسية لتطوير كل من المستوى الفني والرقمي، وهناك اتجاه حديث في تدريب السباحة لزيادة الاهتمام بطول الضربة أكثر من عدد الضربات. وقام عدد من الباحثين بتحليل سباقات السباحين في الدورات الأولمبية والسباحين أصحاب الأرقام القياسية فوجدوا أن الاهتمام أصبح بطول الضربة أكثر من عدد الضربات ، واجتمعوا على استنتاج واحد وهو ( أن السباح الاسرع هو الذي يأخذ عدد ضربات أقل).
ولكن عدد ضربات أقل ليس بالصورة السهلة فهؤلاء السباحين يستطيعون السباحة بصورة سريعة بأقل عدد ضربات فهم يعرفون كيف ينتقل الجسم في الماء بأقل مجهود في اقل زمن ممكن.

وهناك طريقتين يمكنك اتباعهم:
١- ( تقليل مقاومة الماء ) وهي تسهم بنسبة ٧٠% لزيادة طول الضربة ، فيجب الاهتمام بتدريبات التكنيك ووضع الجسم وطريقة الشد داخل الماء.

٢-( زيادة القوة الدافعة ) وهي تسهم بنسبة ٣٠٪ لزيادة طول الضربة ، ويجب تعليم السباح استخدام عضلات الجذع وقوة الشدة ودقتها.

و على المدرب أن يجعل السباح يحفظ عدد شداته في مسافة معينة ويعمل على تحسين مستواه الرقمي بعدد الشدات أقل

أسبح بذكاء