30/10/2024
مع كل تشكيلة فيها رضا سليم او تاو او حتي احمد عبدالقادر قاعدين عالدكة و طاهر اساسي ، تلاقي الجماهير تقولك كولر بيـدمـ ر رضا و مبيحبش تاو و عبدالقادر ميقعدش !!
طيب انت واخد بالك طاهر بيعمل اية اصلا و سالت نفسك لية كولر بيفضل طاهر من السنة الفاتت علي " كريستو ، تاو ، عبدالقادر " !؟
الصورة دي بتوضح الخريطة الحرارية لطاهر قصاد العين ، طاهر كان بيرجع يدافع مع ايرك ده لحد ما كرهه في حياته و خرج في الدقيقة 82 مش قادر يدوس علي رجله اصلا ..
طاهر امبارح ساعد اكرم في التغطية ، كان الفريق بيطلع عليه اصلا لو وسام مش متاح ، كان بياخد الكرة و يوقف عليها لحد ما يسلمها لاقرب واحد …
طاهر امبارح كسب 6 ثنائيات من 10 و الكرة اللي مبيعرفش يسلمها كان بياحد فاول و يحافظلك عالاستحواذ كمان ..
بحسب موقع fotmob طاهر الاعلي تقييما في التسعين دقيقة - صنع فرصتين - عنده واحد اسيست لامام عاشور ..
كل ده و هو لاعب ٧٥ دقيقة قصاد الزمالك من ٤ ايام سد فيهم قصاد بينتايك و ناصر ماهر بنفس الطريقة ..
كولر لا بيحب و لابيكره كولر عنده مسطرة واحدة هي الاداء و التدريب والالتزام و الاخلاص هتعمل ده هتبقي اساسي و هتلعب ، هتلوي بوزك و تنزل الملعب تكسل تتحرك ملكش مكان صدقني …
انتقدناه كثير و هو يستحق و حاليا هو يستحق الاشادة رغم امكانياته …
30/10/2024