Hanan Attia

ولا تكتبَ بِخطِكَ غيرَ شيءٍ

يَسُرك في القيامةِ أن تَراهُ

من اجمل ما قرأت اليوم:
الأصل في العبادات المنع حتى يرد دليلٌ بالإذن
والأصل فى الاشياء الإباحه حتى يرد دليلٌ بالمنع

حرف واحد بس هيفرق كتير

………………….

ارتحت كتير لما اشتغلت على شعور الإلزام في حياتى

سواء إلزامى لنفسي او السماح للآخرين بإلزامى

استبدلت شعور الإلزام بشعور تانى اكتر راحة

شعور الإلتزام

في الهجاء الفرق بينهم حرف واحد بس ( التاء )

لكن الفرق الشعورى زى الفرق بين الأرض والسماء

كل حاجة حابه اكون ملتزمة بيها او ملتزمة فيها اعملها

اى حاجة مش مرتاحة ليها ومش عايزه ولا حابه ألتزم بيها معملهاش

الموضوع ده فرق كتير قوى معايا

فرق في راحتى وفي سعادتى وفي رضائي عن اسلوب حياتى

حرف واحد بس ( حرف التاء ) بين الإلزام والالتزام

حرف واحد بس فرق بين حياة في جحيم
وحياة في راحة ورضا وسكينه وسعاده

الإلزام زي القيود اللى بتقيد ارواحكم وتحبسها
وتخلى الانسان مجبر يعيش مشاعر مش حاببها

شيلوا الإلزام من حياتكم هترتاحوا

شعور الايمان بالله هو اقوى المشاعر البشرية
ومع ذلك لم يُلزمنا الله به

ربنا سبحانه وتعالى قال : فمن شاء فليؤمن ومن شاء فليكفر

عرفنا ايه اخر كل طريق فيهم ( جنه او نار ) وساب لينا الاختيار

يبقى اى شعور في الدنيا محدش يلزمك بيه

ماتخليش حد يفرض عليك شعور او يغصبك عليه

حتى لو الحد ده انت نفسك

وقولولى بقه هتشيلوا الإلزام من حياتكم ازاى ؟؟





ّق




‏

في تجربة قديمة جدًا من الخمسينات ….

جابوا فئران وحطّوها في انابيب طويله فيها ميه
الفئران فضلت تعوم حوالي ربع ساعة…
وبعدين استسلمت وغرقت كلها

لكن لما الباحث جاب مجموعه تانيه وقبل ما تغرق
انقذها

نشفها من الميه وريّحها شوية وبعدين رجّعها تاني للميه

كانت المفاجأة
الفئران قدرت تعيش أكتر من ٦٠ ساعة وهي بتعوم
يعنى ٢٠٠ مره اكتر من المجموعه الاولى

طيب ليه وايه اللى اتغير ؟

ده لأنها جربت النجاه مرة… فعرفت إن في أمل في النجاه
لما الفئران عرفت ان حد ممكن ينقذها بقى عندها قوة تكمل رغم المستحيل

الأمل مش كلمة حلوة بنقولها…
الأمل طاقة حياة بتخلي روحك تعوم تاني حتى لو الموج لسه عالي

الامل شعور غريب وجميل في نفس الوقت

الامل مش بيغير الظروف لكنه بيخلينا نصمد رغم الظروف

مش معناه ان كل حاجة تمام
معناه اننا رغم الخيبات والتعب لسه جوانا ايمان ان اللى جاي احسن وان ربنا معانا مش هيسيبنا

وربنا قال الكلام ده في القرآن بمنتهى اللطف :

“ فإن مع العسر يسرا، إن مع العسر يسرا "

يعني اليسر مش بعدين…
ده جاي مع العسر بس يمكن لسه احنا مش شايفينه

التجربة دي بتعلمنا إننا مش بنغرق لما الموج يعلى
لكن بنغرق لما نفقد الأمل في النجاة

يمكن اللي محتاجينه دلوقتي مش حل…
لكن بس “إيمان بسيط”
إن النور لسه جوانا

امسكوا في خيط الأمل … حتى لو رفيع وضعيف

ولو عايز تمرين الضوء الصغير علشان يساعدك
اكتبلي في الكومنتات وانا هبعتلك





ّق




‏

“تخيل إنك بتقرر مستقبلك كل يوم… من غير ما تحس!”

…………………..

كل تصرف كل قرار كل علاقة …..
وراها شعور مش مفهوم بيحرّكك.

المشكلة إن أغلب الناس مش بيعرفوا يحددوا هما بيشعروا بإيه أصلًا

وده بيخليهم :
• يختاروا شغل غلط
• يبعدوا عن ناس كويسة
• ويقربوا من ناس بتدمرهم

علم نفس المشاعر مش رفاهية… ده حاجة ضرورية

تواصلك مع ذاتك خطوة مهمة جدا قبل تواصلك مع الآخرين

عندي لك تمرين بسيط
قبل ما تعمل اي تصرف اسأل نفسك :
انا مرتاح للموضوع ده ولا لأ ؟

لو مرتاح ابدأ وتوكل على الله

لو لأ … اصبر ركز وافهم صوت قلبك وتأنى واعرف ليه ؟

اكتشف مشاعرك لانك لو ماعرفتش تعمل ده
هتعيش حياتك كلها بردود فعل مش بقرارات

وهستناك تجرب التمرين وتحكيلي النتيجة في الكومنتات





ّق




‏

تمرين ال ٦٠ ثانيه اللي هيغير لك حياتك !!

…………………….

لو سألتك دلوقتى بتشعر بأيه ؟ هتعرف ترد ؟!

اغلب الناس عايشه يومها على وضع الطيران الآلي

تصحى تشتغل تزعق تضحك تتوتر تغضب …..

من غير ما تقف لحظه وتسأل :
انا بشعر بأيه ؟ وليه ؟

المشاعر زي ال GPS
لو معرفناش نقراه ونفهمه هنفضل تايهين مهما كنا أذكياء

اول خطوه لفهم مشاعرك تمرين بسيط قبل النوم كل يوم

اسأل نفسك : ايه اكتر شعور سيطر عليّ النهارده ؟ وليه؟؟

اكتبه على ورقة او على موبايلك

بعد اسبوع هتبدأ تلاحظ الأنماط اللى بتتكرر وتفهم ازاى مشاعرك بتحركك

جرب التمرين واحكيلي وصلت لأيه في الكومنتات





ّق




‏

ازاى اشعر بالطمأنينة واكون انسان مطمئن ؟

…………………..

١ / الإيمان وحُسن الصلة بالله ودوام الخضوع له والدعاء المستمر

فلا يمكن ان نطمئن وعلاقتنا بالله سبحانه وتعالى مضطربة

٢ / تفويض الامر كله لله واليقين بانه يختار لنا دائماً الافضل

فرب الخير لا يأتى إلاّ بالخير

٣ / الإحسان إلى الخلق

احاول اخلى افعالى واقوالى كلها تكون مطمئنة للناس اللى حواليه

بلاش كلامى يكون فيه تهديد ووعيد واتهامات

وبلاش تصرفاتى تكون مريبة ولو بهزار

٤ / العلم النافع

كفاية اقول ان لفظ العلم تكرر في القرآن الكريم ٧٦٥ مره

٥ / تخليص القلب من الصفات المذموة كالبغض والغل والحسد

وده بيكون بالانتباه والمراقبة والتذكير المستمر للنفس

٦ / استشعار قرب الفرج عند حلول المحن ونزول البلايا

" انا عند ظن عبدى بي " فلنجعل ظننا بالله خيرًا

٧ / اداء الحقوق والواجبات

فالله تعالى وهو الحق قد حرّم الظلم على نفسه وجعله بين عباده محرّما

قال تعالى : " وقد خاب من حمل ظُلمًا "طه ١١١

ولنعرف ان ( كل حق يقابله واجب )

فحقوق بلا واجبات فوضى وتخاذل

وواجبات بلا حقوق ظلم وطغيان

والنجاح الحقيقي في ضبط معادلة الحق والواجب على الدوام

شاركونى بتستحضروا شعور الطمأنينة ازاى ؟؟؟

ّلق

معظم الستات بتستحمل ظروف قاسيه مؤذيه بس خوفًا من لقب ( مُطلقة )

بتخاف تواجه المجتمع ونظرة البعض اللي كلها اتهامات

بتدفع ضريبه عشان تحافظ علي لقب ( مُتزوجه )

بتحتار ومليون سؤال في بالها :
هل انا محتاجه انهي الجوازه دى ؟؟
ولا استحمل وأكمل مانا اتعودت خلاص ؟!!

مش بتعرف تاخد قرار ولا توصل لحل سؤال

كل سؤال إجابته احتمالين

طيب تختار ازاى وتخرج من الحيره دى ازاى !!

الحقيقة أن مش بس اللي بتفكر في الطلاق هي اللي بتقع في المصيده دى

اغلبنا بيلتبس علينا الأمر في قرارات ومواقف كتير في حياتنا

ساعات بنختار حاجات بنكون فاكرين أننا محتاجينها
في حين أن الشعور ده ممكن يكون تعلق مش احتياج

تعلق بشخص .. بمكان .. بوظيفه .. بحاله ..بلقب .. بشئ ….

طب ازاى نفرّق بين الاحتياج والتعلق عشان نقدر ناخد قرار سليم

🌟 الاحتياج :

هو امنية بحبها وعايزاها قوى ومقدرش استغنى عنها

والاحتياجات نوعين :

١- احتياجات فسيولوجية زى :

الهواء - الأكل - الشرب - اللبس - السكن - النوم وغيرها ......

٢- احتياجـات اجتماعيـة زى:

العيش بمرونـة وسـهولة - التعبير عـن الـرأي والنفـس بحريـة - الاندمـاج في علاقـة عاطفيـة قويـة

تحمـل المسـئولية والالـتزام - العيـش في سـلام وأمـان - التمـيز في العمـل والاتقـان

وغيرهـا.....

الاحتياجات كلها تقريبًا معاني راقية وجميلة وعلشان كده بسهولة بتوقعها من الآخرين

🌟التعلق :

هو حالة عاطفية مبنية على الاحتياج

هو شعور أحب أعيشه لكن شايل همّ انى معرفش اعيشه

زى مثلًا :
١ / الاحتياج للهواء ده احتياج ضروري وطبيعي جدًا

لكن الخوف والقلق، وشيل همّ عدم وجود الهواء

ده اضطراب وعدم اتزان وتعلق شديد بالهواء

٢ / الاحتياج للسهولة والمرونة والبساطة احتياج جميل وإيجابي

لكن رفضي لوجود أي صعوبات في الحياة ده تعلق بالسهولة والمرونة

ونقيس بقه على كل حاجة بنتعلق بيها او اشخاص بنشيل همّ عدم وجودهم او غيابهم

كل تعلق إيجابي بيقابله شعور بتعلق سلبي

وده لأننا بنشعر التعلق بالمعنى السلبي بتاعه لانه الاسهل

زى مثلًا :

1- التعلق بالعاطفة بيقابله شعور خوف من الوحدة

2- التعلق بالمسئولية بيقابله شعور خوف من ان الناس تستغلنى

وهكذا …..

✨مهم اننا ناخد بالنا من التعلقات في حياتنا

لأنها بتعطل حياتنا وبتقف في طريق سلامنا الداخلي

طيب ازاى آخد بالي ؟

١ / ادراك التعلق يكون انى انتبه واراقب شعورى والاحظه علشان اقدر احدده واميزه

٢ / احب الحاجة لكن ما شلش همّ عدم وجودها

مثال لادراك الشعور :

انا بحب ان الحياة تبقى سهله وبسيطه من غير تعقيد كده
أول ما تقابلني مشكلة والاقي نفسي هبدأ أغضب انتبه ان انا كده مش بحب السهولة لأ ده انا متعلقه بالسهولة

ابدأ اتكلم وافكر نفسي ان الدنيا زي ما فيها السهل فيها الصعب وكله بيعدي

وأن المشاكل بتقوي الإنسان ولها فوائد كتير

فلولا المشاكل ماكوناش هنعرف معنى السهولة (بالتضاد تعرف الأشياء)

وهكذا ….. مع أي شعور تعلق انتبه له

ومع تكرار الانتباه للمشاعر دي هيقل التوتر والاضطراب

وهقبل كل المشاعر واتعامل معها بمرونة ويسر وصلابة نفسية عاليه

قولولى بقه مثال لتعلق في حياتكم انتبهتوا له دلوقتى ؟


ّلق

(انا عايزه اطّلق)
كلمة بيبقى نفسي اقولها في أوقات كتير
وقت لمّا اشعر بالعجز واني مش قادرة اكمّل
وقت لمّا اشعر باليأس وان مافيش حاجة هتتصلّح
وقت لمّا اشعر بالإحباط وان مش هي دي الحياة اللي كنت بتمنى اعيشها
واللي بيمنعني اني اقولها أسباب تانية كتير
الحب والعشرة ونفسية الأولاد والخوف من اللي جاي والشعور بالوحدة …….
وأسباب تانية مادية (السكن والفلوس) وأسباب اجتماعية (نظرة الناس للمطلقة ولأولادها)
لو عندك أسباب تخليكي تتطلقي وأسباب تانية تخليكي تستمري يبقى الكتاب ده علشانك
برنامج عملى في 90 يوم …. خطوات يومية بسيطة سهلة التطبيق
بعدها هتقدري تاخدي القرار المناسب لحالتك ولظروفك اللي انتي اكتر واحده عارفاها
كتاب انا مش عايزة اطّلق
رحلة شيقة ممتعة ابدئيها معايا علشان انتي تستحقي

للحصول على الكتاب من خلال اللينك 👇

https://www.hananattia.com/books/





ّلق

طبيعة العلاقة بين الزوج والزوجة
علاقة صحبة واندماج بموده ورحمه
وليست علاقة شراكه
اسمه بيت الزوجية مش شركة

ّق

يعنى ايه انا مركز حياتى ؟؟

……………….

يعنى تصرفاتي يكون منبعها مشاعري انا وافكارى انا رغباتي انا

التصرف بينقل قيمي انا ومبادئي انا ومعتقداتي انا

مش اى شخص او شيء آخر

لو ألزمت نفسي بتصرف علشان خاطر انسان تانى يبقى الانسان ده هو مركز حياتي

لو أجبرت نفسي على وظيفة وانا ماليش رغبة فيها يبقى الوظيفه دى مركز حيات

لو قبلت ان حد يفرض عليا وضع محبش اكون فيه يبقى الحد ده هو مركز حياتي

زى ما اكون راكب عربيه وعينى على مؤشرات تابلوه العربيه اللي جمبي

مش بدير حياتي ومتنازل عن ادراتها لغيري

ظنًا منى ان ده هيعجبه ويخليه يحبنى ويفضل جمبي

تولى زمام امورك وقم انت بإدارة حياتك واختار انت مشاعرك

مستحيل يُملي حد عليك شعور معين لان ببساطه ربنا سبحانه وتعالى لم يجعل للانسان هذه السلطه

الهداية شعور …. وقال تعالى لرسوله الكريم :
" انك لا تهدى من احببت "

وهذا النبي سيد الخلق اجمعين عليه افضل الصلاة واتم التسليم

يبقى متخيل ان البشر من دونه هيبقى مسموح لهم

اختار مشاعرك بحرية وألغي شعور الإلزام من حياتك
هتعيش مرتاح

شاركونى تعرفوا ايه تانى عن مركزية الحياة ؟؟؟




ّق
‏

اجعل افعالك اكتر من كلامك

ابدأ وافعل ولو بخطوه

طريق الالف ميل بيبدأ بخطوه

خلى افعالك هى اللى تتكلم بدالك


ّلق