قهوة التتش

هو ليه لحد دلوقتي رغم السنين دي بعض الناس بتتعامل مع ياسر إبراهيم على أنه مدافع تعبان وبتقلل منه وكأن المدافعين المصريين عموما كلهم إبراهيم سعيد ومالديني ونيستا وفان دايك ومالهومش أخطاء وبيعملوا كل الأساسيات ع الشعرة وبيطلعوا بالكورة عشرة على عشرة

ياسر إبراهيم مع الأهلي هو عمود رئيسي في كل النجاحات بتاعة الجيل ده .. ياسر أبراهيم أثبت في كاس الأمم ودلوقتي في كاس العالم إنه محدش يلعب عليه .. لاعب بيدي 200% من قدراته وشه في الملعب بيعكس كم المعاناة اللي هو فيها .. ومع ذلك هو مش مجرد عتال وخلاص .. لأ هو مدافع محترم وأهل للثقة اللي بتتحط فيه وده اللي مخلي حسام حسن بيفضله على أسماء كتير الناس شايفاها أحسن وانا متفق معاه بصراحة ومفيش مدافع بلا استثناء في مصر مالوش أخطاء كارثية وساذجة ..

ومعلش أنا عارف فيه ناس هتزعل .. بس محمد إسماعيل مش أحسن من ياسر ولا يلعب عليه .. الكورة في رجله أحسن آه .. بس فيما عدا ذلك في كل العناصر المطلوبة في المركز ده ياسر أفضل بالخبرة والشخصية والتجربة والتقل بتاع ده كله.. إسماعيل مستقبل وربنا يكرمه ويبقى أحسن مدافع في مصر ويبقى قد الحتة دي في المنتخب .. بس في اللحظة دي ياسر هو رقم واحد في حتته وجابها بدراعه واجتهاده ومردوده

متجيش أنت بقى تفليلي الماتش وتطلعلي غلطة هنا ولا هنا وتختصر الاعب بيها وتسيب كل اللي بيقدمه .. بلاش ظلم ونفضل حابسين الناس في صورة ذهنية معينة مهما عملوا
و هو انهارده جابلك هدف اجدع مهاجم ميعرفش يجيبو

الحمد لله على الـ3 نقاط، قبل اي كلام وتحليل واشادة حابب اوجه تحية وتقدير للراجل ده اللي كان شايل خط الدفاع لوحده طول ال90 دقيقة ومانع اي مرتدة علينا من قبل ما تبدأ بسبب انه مدافع استباقي وشال انفراد بمنتهى الذكاء بسبب انه مركز وواقف على رجله .

فـ حقيقي تحية وتقدير للمدافع اللي واجه انتقادات كتير عمرو الجزار 👏♥️

الاول كانوا بيطالبوا بمنع قرآن الفجر ومتنفذش
وبعد كده طالبوا بمنع إذاعة القرآن في الميكروفونات ومتنفذش
ودلوقتي بيطالبوا بمنع الأذان في مصر وبرضه مش هيتنفذ

" للتذكير" دستور جمهورية مصر العربية
المادة رقم 2
الباب الأول
«الإسلام دين الدولة، واللغة العربية لغتها الرسمية، ومبادئ الشريعة الإسلامية المصدر الرئيسي للتشريع.»
تحيا جمهورية مصر العربية الإسلامية ❤️

انا متاكد انك هتضحك علي كلامي بس هقولها ورزقي علي الله

قفشه اذكي صانع العاب في مصر كلها حاليا ركز معايا وهقولك ليه

قفشة قبل تمريرة بنجديدة كان بيشاور للدبيس يلعبها لبنجديدة و ميلعبهاش له هو و بنجديدة وهو بيعمل الباص مربطش بصريا مع قفشة لانه كان في ظهره و حوالية 5 لاعيبة من انبي

بنجديدة في وسط كل ده كان باصص الناحية الثانية اصلا و عمال اعيد و ازيد اشوف هو لمحه امتي مش لاقي ودي بنسبه مليون في الميه متدربين عليها في التدريبات

قفشة بقا ذكي جدا في الانهاء لعبها في الضيقة و كان واخد قرار لانه شاف عبدالرحمن سمير بيترمي فكل كوره فا ضحك عليه ، اللي اقدر اوصله ان الاثنين دول نازلين واخدين تعليمات ومتفقين وواخدين القرار

قفشه حرفيا قام بدور المدرب في الملعب وجاب 3 نقاط للاهلي بدراعه👌

ومن غيره سيدي بن شرقي ♥️

أشرف بن شرقي عمل ماتش كويس جداً ومن نجوم المباراة من وجهة نظري مع مروان عطية في المقام الأول وبعدها زيزو وبعدهم عمرو الجزار

احصائيات بن شرقي في أول مباراة تؤكد اللي كنا بنقوله الموسم الماضي فيما يخص تواجد بن شرقي جناح أيسر، هتلاقي صناعه فرص وكرات مفتاحية موجوده من المزيان

بن شرقي أكثر لاعب صنع فرص وعمل كرة وحيده مفتاحية وأكثر لاعب لمس الكورة في منطقة المنافس

من المؤكد لسه أول مباراة رسمية في الموسم بنأمل نشوف مستوى مبهر من كل اللعيبه، مباراة مميزه من بن شرقي ومنظرين المزيد من كل اللعيبه ♥️♥️

اتكلمنا عن السلبيات كتير ، بس حاجة من افضل ايجابيات النهاردة هي اداء زيزو
تقريبا دي من افضل المباريات اللي لعبها زيزو مع الاهلي
مش هو دا مستواه طبعا وعنده اكتر من كده بكتير بس ان شاء الله تكون دي بداية العودة لمستواه

رغم أخطائه في التشكيل الشوط الأول ولكن عنده رؤيه للمباراه بالإضافة إلي الشخصية القويه إلا على الخط افتقدناها كثيراً بجد لولا أنه حماسي ومفوق اللعيبه طول المانش صدقوني اللعيبه دي كانت هتفضل نايمه في الملعب ده غير تصحيح الأخطاء من بدري ولم يتكابر فعلا اللعيبه دي عاوزه إلا يشخط فيها على طول

اكتر لاعب كان مستواه ثابت الموسم اللي فات .. رغم انه كان واحد من أسوء مواسم الاهلي و يعتبر أتظلم .

اكتر لاعب كان مستواه ثابت مع منتخب مصر في كاس العالم .

بقى هو رمانة الميزان لخط وسط الاهلي و المنتخب .. و تمريراته السحرية بتصنع الفارق .. و مؤخرا بقى تسديداته كمان .

احنا محظوظين ان مروان عطية عندنا .. و اهلاوي زينا ✌️

ربنا يحميك و يحفظك من شر الإصابات و الوكلاء 🙏❤️🦅

التفصيله الصغيرة اللى قدامك دى واللى حصلت من وائل جمعة إمبارح مع طاهر لما كان لابس تيشيرت برشلونه وواقف فرحان بيه راح وائل جمعة بعتله ياسين مرعي يقوله اقلع التيشيرت بدل ما تتعاقب انت بتلعب في الاهلي..

ممكن تكون تفصيلة صغيرة توضحلك اننا قدام مدير كره قوي جدا وحازم وصارم وعارف قيمة الاهلى وحاجة بسيطة تعرفك عظمة الاهلى وليه هو بعيد جدا عن اى منافس ، لأن مهما كان حجم اى فريق بلاعبه فى العالم ف أنا بردو الأهلى مش اى فريق 💪❤️

🚨 أحمد مصطفى زيزو يدخل تاريخ مواجهات الأهلي وبرشلونة بعدما أصبح ثالث لاعب أهلاوي يسجل في شباك الفريق الكتالوني، بعد طه إسماعيل وهاني العجيزي. 🔴⭐

زيزو كتب اسمه في تاريخ مواجهات الفريقين بهدف الأهلي الوحيد في المباراة، والذي جاء في الدقيقة 51. 🤩