The Blue Corner

العجز عن تحقيق الفوز أمام مانشستر سيتي وأرسنال لم يعد مجرد نتيجة عابرة، بل أصبح مؤشرًا واضحًا على خلل أعمق داخل الفريق، سواء على مستوى الشخصية أو المنظومة ككل.
السؤال الحقيقي هنا: هل فقد الفريق هويته في الدوري بعد رحيل توخيل؟ أم أن المشكلة كانت في الاختيارات الفنية بعده، وعدم القدرة على التعامل مع المباريات الكبيرة بنفس العقلية والصلابة؟

لو رجعنا خطوة لورا، هنلاقي إن فترة ماريسكا — رغم إنها ما كانتش طويلة — بدأت تدي إشارات إيجابية جدًا. الفريق كان بيستعيد تدريجيًا شخصيته، فيه ملامح تنظيم، ثقة أكبر في الأداء، وتطور واضح في طريقة اللعب. النتائج ما كانتش مثالية، لكن الاتجاه كان صحيح، وكان واضح إن فيه مشروع ممكن يتبني عليه ويكبر مع الوقت.

لكن اللي حصل بعد كده كان العكس تمامًا. الإدارة قررت تقطع الطريق في نصه، وتنهي المشروع بدري، وتبدأ من الصفر مرة تانية مع مدرب لسه بيكتسب خبرة، ومش جاهز يدير فريق بحجم وضغط وتوقعات نادي زي تشيلسي. وده بطبيعته رجّع الفريق لنقطة البداية، لا استقرار فني، ولا هوية واضحة، ولا قدرة حقيقية على مجاراة الفرق الكبيرة في المواقف الحاسمة.

في النهاية، المشكلة مش بس في خسارة ماتشات كبيرة، المشكلة في غياب الاستمرارية وسوء القرارات على مستوى الإدارة. لأن أي فريق عايز يرجع لمكانه الطبيعي، محتاج مشروع واضح وصبر عليه… مش تغييرات متكررة كل شوية.
وعشان كده، اللي بنشوفه دلوقتي مش مفاجئ، بل نتيجة طبيعية لسلسلة قرارات غير مستقرة… والباقي بقى واضح على أرض الملعب.

تشيلسي داخل في مرحلة مالية معقدة جدًا، بعد ما كشفت تقارير حديثة إن الشركة المالكة للنادي 22HoldCo Ltd وصلت خسائرها التراكمية لـ حوالي 1.79 مليار جنيه إسترليني لحد 30 يونيو 2025.

الأرقام بتوضح إن في سنة واحدة بس، النادي سجل خسارة قبل الضرائب وصلت لـ 700.8 مليون جنيه إسترليني، وده رقم ضخم جدًا حتى بمقاييس أندية القمة.
ورغم إن تشيلسي قدر يحقق أرباح من بيع اللاعبين بحوالي 57.9 مليون جنيه، لكن الرقم ده أقل بكتير من السنة اللي فاتت، واللي كانت مدعومة بصفقات خروج زي غالاغر وكيبا وغيرهم.

في المقابل، المصاريف مستمرة في الارتفاع، مع تضخم واضح في الالتزامات المالية، خصوصًا إن إجمالي القروض وصل لأكتر من 1.39 مليار جنيه إسترليني، وده بيزود الضغط على إدارة النادي بشكل كبير.

الوضع الحالي بيخلي في حالة قلق متزايدة وسط الجماهير، خصوصًا مع استمرار الخسائر بالشكل ده، رغم سياسة الإنفاق الضخمة اللي الإدارة ماشية بيها من وقت ما استلمت النادي.

التشكيلة اللي لازم يبدأ بيها البروفيسور ضد السيتي النهارده

لازم على الأقل ميكنش فيه فلسفة وتحط لاعيبة خبرة زي توسن وبادياشيل وجوستو وفي الوسط سانتوس ولافيا وفي الهجوم النيتو عشان خاطر هوا كلاس وان وديري على اليسار والليام الآن شيرار ديلاب كمهاجم وهمي ( عشان هوا وهمي فعلاً) .

الخسارة ولا بديل عن الخسارة 💙
أصل مش بتخسر من طوب الأرض وجاي دلوقتي تفتكر إنك بتنافس على توب فور .

‏أفاد مصدر مقرّب من أحد اللاعبين الكبار أن الأوضاع هدأت بشكل كبير، كما أن فترة التوقف الدولي منحت الفريق فرصة ممتازة لإعادة ضبط الأمور

عاد اللاعبون بتركيز متجدد على تحقيق الهدفين المتبقيين هذا الموسم :

- إنهاء البريميرليغ ضمن المراكز الخمسة الأولى، مما يؤهلهم للمشاركة في دوري أبطال أوروبا الموسم المقبل

-و الفوز بكأس الاتحاد الإنجليزي

[ الاثيليتيك]

‏مجموعة كليرليك كابيتال لن تبيع نادي تشيلسي

تود بويلي كان قد استكشف بالفعل خيار البيع سابقًا، لكن موقف كليرليك هو الإبقاء على الوضع كما هو، أو ربما التوجه نحو شراء حصة بوهلي بالكامل وزيادة ملكيتهم أكثر

صيف 2027 قد يكون توقيتًا نرى فيه مناقشات حول الخطوة التالية من جانب بوهلي، مع وجود رئيس جديد للنادي. وهو يعلم أن كليرليك ليست معروضة للبيع وليس لديهم أي نية للخروج

أما بويلي، فهو يريد تحقيق تقدم في مشروع تطوير الملعب

‎[Ben Jacobs]

🚨 خبر هادي كدا بس مهم:

وكيل أعمال إنزو فيرنانديز، خافيير باستوري، أكد إن الأمور مع تشيلسي تمام جدًا، وإنهم اتصالحوا ومفيش أي مشاكل من الأساس 🤝

وقال كمان إن تصريح إنزو مكنش فيه أي نية لإثارة جدل، بالعكس… هو قائد في الفريق وواحد من أهم عناصره، وقدم مستوى مميز جدًا الموسم ده

وفي نفس الوقت، قرار إيقافه مباراتين لسه قائم عادي، وده شيء طبيعي جدًا في نادي بحجم تشيلسي… عشان يرسّخ فكرة الالتزام والانضباط قبل أي حاجة 🔵

الكورة دلوقتي في ملعب إنزو
يرجع يركز، ويثبت أكتر إنه يستاهل مكانه كقائد، ويكمل بنفس القوة اللي كان عليها

🚨صحفي يسأل لامبارد : "إذا عرض عليك تشيلسي وظيفة المدرب مجدداً هل ستقبل بها" ؟

🗣️ فرانك لامبارد : "حسنًا ، أنا سعيد بوظيفتي الحالية ( كمدرب لكوفنتري سيتي ) لكن إذا تواصل معي تشيلسي وعرض عليّ تدريب الفريق مجدداً ،فلمَ لا ؟
سأوافق دون تردد ، أنا أحب تشيلسي".

سوبر فرانك والمعنى الحقيقي للوفاء 💙