Football on the other side

عارف انت ستونز الي ابهر العالم كله فزيادتة الهجومية وصلابتة الدفاعية وانه اهم لاعب فمنظومة جوارديولا

اهو ستونز المفروض يتسمي بابراهيم يوسف الغلابة لو والدك عاصر فترتة اسالة عن ابراهيم يوسف هيقلك فية حكايات ورويات ابراهيم يوسف مكنش مجرد ليبرو لا لا ابراهيم كان جامع بين مهارة رهيبة مفيش لاعب مدافع فمصر دلوقتي بيمتلكها وبين روقان غير عادي لو بصيت لمدافعين مصر دلوقتي هتلاقية بيقطع الكرة ويشتت الا ابراهيم يوسف كان بيقطع الكرة ويرقصلة اتنين ويخش ويعدي نص الملعب ويساعد فريقة فالتدرج بالكرة وطبعا صلابتة الدفاعية لو قعدت من هنا للصبح مش هوفية حقة فمهاراتة دي

ابراهيم يوسف بداياتة كانت من ناشئين الزمالك كان لاعب فالتة فالقطاع لحد ما اتصعد ولعب اساسي فالزمالك والمنتخب وخليتي اقلك انة اتعرض علية بعد بطولة افريقيا مليون ونص دولار للاحتراف فباريس سان جيرمان رقم زي دة وقتها كان كبير جدا جدا وقتها ولكن حلمي زامورا رفض وقال ان الاعب لا يعوض وكان عندة حق لانة لاعب فلتة مبيظهرش غير كل فين وفين واخدلي بالك ازاي كانوا بيحافظوا ع النجوم يمرتضي روجية ميلا بنفسة بعد ماتش بين مصر والكاميرن روجية ميلا طلبة بالاسم عشان يتعرف علية وروجية ميلا حضر حفل اعتزالة بنفسة بدون اي مقابل

علي مستوي انجازاتة والقابة الفردية
افضل لاعب فمصر 4 مرات
افضل ليبرو فكاس افريقيا 1984
تاني افضل لاعب فقارة افريقيا باختيار مجلة france football فسنة 1984
تالت افضل لاعب فقارة افريقيا باختيار مجلة france football فسنة 1985
دخل افضل تشكيلة فالقرن العشرين فافريقيا باختيار الكاف وكمان هو افضل مدافع فالقرن العشرين

وعلي مستوي الانجازات الجماعية

حصد بطولة الدوري مرتين
كاس مصر مرة واحدة
دوري ابطال افريقيا مرتين
كاس الافرواسيوي مرة واحدة
ابراهيم جاتلة اصابة قوية خلتة يبطل كرة وفرمضان 2013 توفاة الله عن عمر 54 عام بسبب ازمة قلبية حادة

فيديو highlights للاعب اتفرجوا علية