Dietitian Yasmine

صحه افضل لحياه افضل
مستعد نصلح اللي باظ فالعيد يلا بينا
ومن اكل البيت

المثلث الغذائي – الطريقة الصح للأكل في 2026

مش كل أكل صحي بينحف،
ولا كل سعرات متساوية 👌

✅ القاعدة: البروتين
يبني عضل، يرفع الحرق، ويقلل الجوع 💪

✅ الوسط: الدهون الصحية
توازن هرموناتك وتشبعك لفترة أطول 🥑

✅ القمة: الكربوهيدرات بذكاء
حسب النشاط والتمرين فقط 🍚

❌ خارج المثلث:
سكر – عصائر – حلويات – أكل مصنع 🚫

📌 لما ترتب أكلك صح:
✔️ دهون أقل
✔️ طاقة أعلى
✔️ جسم متناسق
✔️ بدون حرمان

الأكل الصح أسلوب حياة… مش دايت مؤقت 🔥


#تنشيف

الطرق المضمونة علميا لكسر ثبات الميزان وزيادة الحرق:

لازم نعرف إن ثبات الميزان فترة لازم يمر بيها كل جسم أثناء فترة الدايت ومع الصبر والالتزام بتعدي والجسم بيرجع يحرق كويس جدا.. وعشان نقصر الفترة دي فيه بعض الحاجات المثبتة علميا إن لما نعملها هنعلي الحرق فالعموم وهنقلل فترة ثبات الميزان:

1- شرب المياة وخصوصا قبل الأكل بيعلي الحرق جدا.. وفي دراسة ان اللي شربوا كوبايتين مياة قبل كل وجبة بنص ساعة خسوا بنسبة 44% اكتر من اللي مكانوش بيشربوا مياة.. ودي نقطة بيلعب عليها كتير من بياعين الوهم بتوع ادوية التخسيس.. انه يقولك اشربه بكوبايتين مياة قبل الاكل بنص ساعة.. والحقيقة ان التأثير بيكون بسبب المياة مش التركيبة اللي بيبيعوها. .

2- أكل البيض عالفطار افضل بكتير من اي انواع فطار تانية.. وفي دراسة لقوا فيها إن أكل البيض عالفطار بيخليك تاكل كميات اقل على مدار ال36 ساعة اللي بعدها.. غير انه بروتين كامل وفيه كل العناصر الل بيحتاجها الجسم.

3- اشرب قهوة او نسكافيه ويفضل تبقى بلاك او بلبن قليل جدا... القهوة ليها فوايد كتير جدا من محاربة الشيخوخة لتحسين الذاكرة لمحاربة الاورام وتقليل الاصابة بمرض السكر وامراض القلب (باستثناء مرضى الضغط العالي) لكن كمان بتعلي الحرق جدا.

4- اشرب شاي اخضر فوايده كتير وبيعلي الحرق.
5- جرب الصيام المتقطع من افضل واصح الانظمة لفقدان الوزن وبيعلي الحرق جدا.
6- قلل السكر الابيض فأكلك وشربك والدقيق الابيض فالمخبوزات.
7- بالشكل ده كمل فنظام منخفض النشويات او لو كارب ده افضل من الانظمة المنخفضة الدهون ومعتدلة فالنشويات واسرع بكتير فخسارة الوزن.

8- استخدم اطباق اصغر للأكل واحسب سعرات اكلك بانتظام.

9- خلي دايما متاح حواليك سناكس صحية خضار وفاكهة ومكسرات وبيض مسلوق ومتخليش الاكل المضر متاح بسهولة قدامك حتى لو داخل عدد السعرات.

10- كل زبادي كل يوم.. فسلطة او مع فاكهة او سادة او بعسل بأي طريقة... بيحسن الهضم وده بيخلي الحرق افضل.

11- زود البهارات والفلفل والحاجات السبايسي او الحراقة فأكلك طبعا بنسب معقولة.. كلها بتعلي الحرق.

12- تمارين كارديو كل يوم وياريت شيل حديد او حاجات تقيلة عشان تقوي العضلات ومتفقدهاش مع نزول الوزن.. كمان زيادة حجم العضلات بيعلي الحرق جدا.

13- كل خضار وفاكهة كتير.. مليانة ڤيتامينات ومياة وألياف.. فبتحسن الهضم جدا والحرق بيكون فأفضل حالاته.

14- نام كويس.. لخبطة النوم بتلخبط الجسم وبتبوظ الحرق وبتلخبط هرمونات الجوع والشبع.

15- وقف إدمانك لأي نوع أكل... لو فيه حاجة معينة متقدرش تعدي الاسبوع من غير ما تاكلها يبقى انت مدمن للنوع ده.. وقفه فورا أيا كان.. متخليش فيه نقطة ضعف مسيطرة عليك وبتتحكم فحياتك وصحتك.

16- كل بروتين في كل وجبة سواء نباتي او حيواني ألبان اجبان بيض... عشان هيزود العضلات عندك وهيزود الاحساس بالشبع وهيزود حرق الدهون.

17- متعملش دايت قاسي عشان هترجع تزيد اكتر من الاول بعد فترة.. لكن اعمل نظام صحي تعيش بيه عمرك كله مش متأذي منه.. منخفض النشويات وفيه بروتين وخضار وفاكهة ودهون صحية ورياضة وحساب سعرات ومش محروم من حاجة لكن عارف الكميات المظبوطة.

18- امضغ اكلك ببطء عشان مخك بيحسبلك فترة الاكل بمدة معينة.. لو كلت ابطأ هتاكل اقل وهتشبع وهتستفيد كمان بالاكل اكتر.

لتفاصيل الأشتراك والمتابعة ابعت رساله واتساب
01212188412

✨ عايزة تخسي من غير ما تجوعي؟سيبك من الحرمان وتعالي أقولّك الخطة اللي فعلاً بتشتغل…
الخطة دي اسمها: التخسيس الذكي في ٦ خطوات
(هتشبعي… وهتخسي… وهتحسي إنك مسيطرة على جوعك لأول مرة)

1️⃣ بطل وجبتك = البروتين
هو اللي يشبعك ويقفل هرمونات الجوع.
اختيارات سريعة: بيض – جبنة قريش – زبادي يوناني – فراخ – سمك – تونة – عدس.

2️⃣ نص طبقك = خضار وألياف
الخضار بيملأ معدتك من غير سعرات.
سلطة كبيرة + خضار مطبوخ = شبع من غير تخن.

3️⃣ قاعدة “الميّة أولاً”
كوباية ميّة قبل الأكل بـ ١٥ دقيقة… هتتفاجئي قد إيه بتقلّل الجوع.

4️⃣ كلي بالراحة
اعملي الـ 20 دقيقة مع كل وجبة.
مضغ بطيء + تركيز = شبع أسرع بكتييير.

5️⃣ وجبات صغيرة على مدار اليوم
٣ وجبات + ٢ سناك = مفيش جوع مفاجئ ولا نهم.
سناك ذكي: تفاحة – مكسرات – زبادي – رايب.
6️⃣ نامي كويس وتحكّمي في الجوع العاطفي
قلة النوم = زيادة جوع.
توتر = أكل.
بدّليها: ميّة دافية + شاي أعشاب + مشي ٥ دقايق.
🔥 وجبة الغداء الذكية
بروتين + نص طبق خضار + ربع نشويات = شبع وتخسيس من غير تعب.

"قوليلي… أكتر خطوة في الـ6 دول حاسة إنك محتاجة تطبقيها فوراً؟ 👇"