علمني, Cairo (2026)

15/09/2023

٣ حاجات هتخليك أعظم واشطر حد يعمل انترفيو وتتقبل ف اي وظيفة :
١ - يكون عندك خبره حتي لو بسيطه جدا ف المجال اللي انت بتقدم عليه دلوقتي ( لو بتقدم حاليا ع خدمه عملاء ل بنك مصر ع الاقل يكون عندك خبره شهر واحد ف خدمه عملاء فودافون مثلا )
٢ - يكون عندك soft skills كويسه و communication skills ممتازة وديه هتخليك تعدي من اي موقف هتتساله ف الانترفيو
٣ - يكون مستوي الانجلش بتاعك مش اقل من A2 لان دلوقتي اي انترفيو هتعمله ف حياتك لازم هتتسال سؤالين وتلاته انجلش ف ده مهم جدا
ولو حابب تعرف تطور الانجلش عندك ازاي ابعتلي INBOX وانا معاك 💙💙
💙
#علمني 💙

16/08/2023

معلومة في السريع💙💥

مش أول حاجه ليك ف الشركه بعد م تتقبل هي التدريب

ايه ده ؟😐

اه زي م بقولك كده
فيه حاجه اسمها oreantation وديه بتبقي اول يوم بيتم تجهيزه للموظفين الجداد علشان يعرفوا أي هي الشركه والنظام فيها ولائحه العمل والمديرين وكمان تفاضيل تانيه هقولك عليها

ديه بتبقي عباره عن جدول بيجهزه الاتش ار بيتكون من 3 اعمده 💯💥

الأول : بيتكتب فيه الوقت والتاريخ وهنا بنكتب تاريخ اليوم اللي بنعمل فيه ال Oreantation وكمان وقت كل فقره هتحصل في اليوم من كام ل كام بالدقيقه

التاني : بيتكتب فيه اسم الشخص اللي هيتكلم والبوزيشن بتاعه وطبعا بيتم ترتيب الفقرات بالتدرج الوظيفي يعني بدايتا من المدير 💙💙

الثالث : بيتكب فيه المحتوي اللي هيتكلم فيه كل شخص

وطبعا من ضمن الناس اللي هتتكلم مسئول التقييم ف الشركه وده اللي بيعرفني لائحه العمل والقوانين💙

وبرضو مسئول التدريب اللي بيعرفني هنبدا تدريب امتي وفين ولمده كام يوم وهل مدفوع الاجر ولا

وكمان الاتش ار اللي مسئول عن قسم الأجور وده اللي بيكملنا علي نظام الاجر بتاعنا وتقفيل الشهر بيبقي امتي وهكذا وبيعرفنا برضو علي الترقيات وايام الاجازات المسموح لينا بيها

بس كده يا سيدي ..💙💙🌚

05/08/2023

LinkedIn This link will take you to a page that’s not on LinkedIn

24/07/2023

لسه مستمرين ف معلوماتنا عن الموارد البشرية وباذن الله علي نهايه الشرح ده يبقي عندنا خبره كبيره جدا في المجال 💙💙
#علمني

15/07/2023

أهلا بيكم 💙💙💙
#علمني

15/07/2023

علشان عامل الصفحه بغرض الافاده واننا نتعلم مع بعض اكتر واكتر ف اللي حابب انه يشارك وانه يقدم محتوي كورس معين هو متمكن منه بشكل كويس و بشكل مجاني للناس 💙💙اللي حابب ده يتواصل معايا برايفت وبإذن الله نقدر نتعلم كلنا من بعض اكثر واكثر 💙
#علمني

14/07/2023

معلومه تهمك علي السريع 💥💙

Centralization and Decentralization
القرارات المركزية واللا مركزيه في الشغل 🤨

يعني ايه ؟
القرار المركزي هو القرار اللي انا ك موظف في شركه معينه مقدرش اتخذه من نفسي ابدا ولازم ارجع لمديري او اللي ذو منصب اعلي مني وهو يتصرف

والقرار اللا مركزي طبعا القرار اللي الموظف يقدر يقوم بيه منغير م اخد تصريح من المدير او صاحب العمل

طب فهمني اكتر امتي يبقي مركزي وامتي لا مركزي🤨💙

مركزي ف 4 حالات :
1 – لو انا هيئه او شركه معينه العملاء بتوعها كتار جدا زي مثلا هيئة السكه الحديد ( مينفعش اني انا ك موظف اغلي سعر التذكره من نفسي او اقلله لان ده اقصاد بلد )
2 – علي حسب اهميه كل دور وظيفي عن الذي يسبقه ف المؤسسه ( زي المصالح الحكوميه او الهيئات العسكريه ان انا ك موظف يكاد يكون ف رتبه عسكري مينفعش اخد قرار او اختم ورقه من غير م ارجع للقائد بتاعي اللي ليه الصلاحيه )
3 – لو الموظف عندي اصلا مبقاش لسه مؤهل بالشكل الكافي انه ياخد قرار من نفسه ومازال في مرحله التدريب
4 – لو انا الهيئة المحتكره للخدمه ديه ( زي هئية الجوازات ف كل ورقه محتاج تخلصها او محتاج تختمها لازم قائد او مدير معين ب رتبه معينه هو اللي يختمهالك )💙💙💥

وفي اي حاله تانيه يعتبر قرار لا مركزي ومثال بسيط علي القرار الا مركزي ( زي اللي شغال ف فرع فودافون وانت جيت تشتري كارت شحن ساعتها هيبعهولك من نفسه من غير م يقولك ثواني اسال المدير ينفع ابيع ولا لأ )
#علمني

13/07/2023

أول حاجة بتشدك لشغل معين وبتخليك تميز شغل عن التاني هو الإعلان الوظيفي بتاعها 👌💙
تعالي اعرفك ازاي ك مسئول موارد بشرية تعمل اعلان وظيفي كويس وديه اول وظيفه من وظائف ال HR
ال Job Analysis يعني بتعمل تحليل للوظيفه بتاعتك بس من اتجاهين هنعرفهم سوا
و ده بينقسم لقسمين ( Job Specification – Job Description ) 🤨
ال Job Specification ديه المتطلبات الاساسيه اللي محتاج انها تكون متوفره فيا انا ك موظف من حيث التعليم يعني طالب كليه معينه ب قسم معين ومهارات معينه مطلوبه ف الوظيفه وتدريبات تكون حاصل عليها وبعض الوظائف بتكون شارطه عدد سنين خبره معينه ليك في المجال .💙
اما ال Job Description ده بقي بيشمل الاسم الوظيفي للوظيفه اللي مقدم عليها والمكان اللي هشتغل فيه وعدد ساعات العمل والمواصلات لو الشركه موفراها والمرتب وبعض المكافات ليك لو فضلت عدد معين من الشهور ف الشركه او لو تقييمك كويس لمده معينه ( زي انهم يسفروك تشتغل ف الفرع الرئيسي للشركه اللي برا البلد )

وعلشان اقدر اعمل Job Analysis بشكل ممتاز ف مكتب العمل الامريكي وفرلنا موقع اسمه O*net Job Description Writer موجود عليه التحليل الوظيفي لكل الوظائف اللي موجوده ف العالم

ركز ف ديه بقي 💙💙💥
من خلال الموقع ده بتقعد ك مسئول للموارد البشرية مع مدير المؤسسه وتسأله الاساله اللي ف الموقع وتقوله هل الوظيفه عندك بتحتاج المهارات 1 و 2 و 3 ولا لا وعلي حسب اجابته بتزود او تنقص من المهارات اللي موجوده ف الموقع وهكذا ف باقي التخصصات لغايه م ينتج عندك في النهايه تحليل وظيفي بشكل ممتاز 👌💙
وده ليك الموقع https://www.careeronestop.org/BusinessCenter/Toolkit/GettingStarted.aspx
وبكده اول وظيفه من وظائفنا هي اننا بنعمل تحليل وظيفي للشركه وبننزل نبذه عنه للجمهور علشان يقدم الموظف اللي انا ك شركه محتاجه واقدر أحقق التطور اللي عايزه . 💙
#علمني

11/07/2023

من ألطف الانشطه التطوعية ومشروع شبابي عظيم هو مبارده متطوعي وزارة الشباب والرياضه YLY فتح باب التقديم للموسم الخامس
قدم مهما كانت محافظتك هتلاقي تيم عندك ف المحافظه 💙💙 واكبر كم أفاده ممكن تاخده وانت لسه طالب

YLY Recruitment رابط الإنضمام لمشروع متطوعي وزارة الشباب والرياضة YLY للموسم الخامس بجميع المحافظات

10/07/2023

هما اتنين 🤨
تعالي اقولك قبل م نعرف اكتر عن اقسام ومهام الاتش ار اعرفك معلومه مهمه كده ع السريع
انت عارف انك مهما كان وظيفتك اللي هتشتغلها ك مسؤول موارد بشرية هيبقي اسمك حاجه من الاتنين( generalist – specialist)
يعني ايه بقي فهمني 💙👌
نبدأ بال Generalist و ده اللي بيسموه ممارس عام وديه اكتر وظيفة بيبقي فيها ناس يعني مهما كان تخصصك في الشركه ف بيبقي فيه قواعد وسيستم معين حاطه ال Hr Specialist للشركه حضرتك بتتبع السيستم ده وتطبقه انت بطريقتك وخبرتك وكفاءتك ودورك تطور ف السيستم ده بشكل مستمر وبجوده عليا
اما بقي ال specialist ده بيبقي مسئول موارد بشرية متخصص في قسم معين وكل دورة بينحسر في القسم ده زي انك تكون متخصص تقييم او متخصص تعمل سيستم للرواتب او متخصص في قسم التعيين بتقوم بوضع سيستم معين ف قسم معين لشركه معينه ويقوم ال Generalist بتطبيقه
فرصتك ك Generalist بتبقي اكبر لان الشركات دلوقتي اغلبها بقي فيها السيستم بس عايزه generalist شاطر يطورة لكن علشان تكبر وانت specialist بتبقي انك تعمل مشروع خاص بيك وتعمل السيستم بتاعه وتطبقه وتكون Generalist و specialist في نفس الوقت واديك زي م شوفت في الاخر ان ..... هما اتنين 💙💙
#علمني

09/07/2023

محدش بيحبه ..🙁
ديه اكتر جمله هتلاقيها بتتقال علي مسؤول الموارد البشرية اللي محدش بيبقي فاهم شغله كويس
م تيجي اعرفك بيعمل ايه بس الأول نعرف ايه اداره الموارد البشرية ديه
ال HRM اختصار لجمله Human Resources Management او اداره الموارد البشرية
مش هقولك ديه العمود الفقري بتاع اي كيان والكلام ده
ف تعالي اعلمك يعني ايه بالتفاصيل 💙👌
هي الأدارة اللي موجوده في اي كيان او مؤسسه او مشروع او شركه سواء كان ناجح او لأ
ايه ده يعني ايه ناجح او لأ ..... م ده بيعتمد علي جوده الادارة والمدير والموظفين داخل الشركه واللي بيكونوا السبب ف نجاح وتطوير الشركة وده هنعرفه بيحصل ازاي واحده واحده
المهم ادارة الموارد البشرية هي أهم اداره موجوده ف الشركه تخصصها او سبب وجودها هو العنصر البشري وبتكون مسؤوله عنه من قبل م يدخل المؤسسه عن طريق الاعلان الوظيفي اللي بتنزله ف السوق وبعدين عمليه التعيين واختيار الموظفين وعمل الانترفيوهات وتدريبهم وتقييمهم واعداد نظام للرواتب والمكافات والحوافز والتأمينات الاجتماعيه وغيره
يعني من الأخر هي الادارة اللي بتبقي مسؤوله عن الموظف من ال أ الي ال ي💙💥
وبتعتبر اصعب وظيفه علشان بتبقي ف نقطه بين موجتين الموجه الاولي هي المديرين وهي انك تحاول تتعامل معاهم وتقوم بشغلك كويس علشان تفضل مكمل في الوظيفه وقدامهم انت احسن حد والموجه التانيه هي الموظفين وشغلك معاهم ب انك تحاول تكون الاتش ار الطيب علشان ميثبتش علي سمعته ان ..... محدش بيحبه

علمني

Share

Location

Category

Website

Address