Fitness gym

يسر اداره ماستر جيم ان تعلن عن توافر الاتى :-
عمل جلسات العلاج الطبيعى
وعمل جلسات الاستشفاء
وتتمثل فيما يلى :-
عمل جلسه كيروبراكتك ( طقطقه الضهر والجسم شامل )
جلسات مساج يدويا وبالادوات الطبيه على الجسم مواضع الالام
عمل الحجامه الجافه وفك التجمعات الدمويه
كما يوجد ايضا زيارات منزليه لعمل الجلسات
للحجز والاستعلام عن طريق الواتس اب 01033363815

هل أوضاع القدم في الليج بريس بتفرق في تفعيل العضلات؟

خلينا نوضح في الأول ان اوضاع الرجلين اللي هنتكلم عنها وتأثيرها على بعض العضلات هو تأثير نسبي وليس مطلق، يعني من الآخر كل العضلات شغالة في كل الأوضاع، الموضوع كله مين هيشتغل أكتر في أي وضع!

لو انت ضيفت رجليك بحيث تكون تقريبًا نفس وسع الحوض، ده غالبًا هيشغل الجلوتس أكتر شوية، ولو وسعت رجليك شوية هيركز على عضلة من العضلات الضامة اسمها adductor Magnus.

متفتحش رجليك اوي ع الليج بريس كإنك بتلعب سومو.

ده بالنسبة للوسع بين القدمين، طيب بالنسبة لارتفاعهم على البادة!!
درجة ارتفاع الرجلين ممكن يأثر على كمية تني الركبة وانت نازل بالوزن، وبالتالي هيأثر على كمية الجهد اللي طالع من العضلة الأمامية.

يبقب احنا كدة عندنا ٤ اوضاع للرجلين ع الليج بريس:

١- عالي ضيق: جلوتس أكتر شوية، امامية و adductor اقل
٢-واطي ضيق: امامية وجلوتس أكتر، adductor اقل
٣-واسع عالي شوية: adductor اكتر، جلوتس وأمامية أقل
٤-واسع شوية واطي: أمامية أكتر، adductor وجلوتس أقل

شوية تنبيهات مهمة:
- متحطش رجلك عالي اوي على البادة لو عايز تستهدف الجلوتس.
- لو عايز تركز على ال adductor (وهي عضلة مهمة جداً) لازم تكون رجليك لافة لبرة شوية، من غير مبالغة، لفة بسيطة.

البوست من مقال في موقع n1 training اتمنى يكون خفيف وبسيط عليكم

مساء الخير ياشباب وتركايه مهمه وخفيفه ويارب تكون مفيدة
فورمه الهرمونات احسن ولا الطبيعي ؟؟؟
من صفحه malik fitness universe
طيب ركز معايا
اولا فورمه الهرمونات
طبعا اسرع ولكنها فورمه بشكل مؤقت
يعني ايه الكلام ده ؟
يعني انت بدخل في جسمك نسب هرمونات عاليه وبالتالي جسمك مع اكلك وتمرينك بيزيد اسرع
ولكن بعد ما توقف وحتي بعد فتره التنظيف لازم جسمك ينزل
بس في كابتن بيقول جسمك بيثبت ياعم مالك متألفش
طيب تمام
جسمك لما بيرجع وهو شغال بنسبه ١٠٠% بردو مستحيل يكون إفرازه نفس كميات الكورس الي كنت شغال بيه
وبالتالي حجمك العضلي بينزل
علشان كده هتلاقي الي بيستخدم هرمونات كل فتره لازم يعمل كورس يرجع بيع تاني
بالنسبه الطبيعي
دى الفورمه الصح والأصح
ايوه بتاخد وقت طويل
مش هكدب عليك واقولك هتكون بنفس أو سرعه حجم الهرمونات
ولكن هي فورمه ثابته بمجرد انك بتتمرن ومحافظ علي اكلك مظبوط لا وكمان بتطور
طيب ياعم مالك ما انت بتاخد هرمونات وبتجهز ناس بهرمونات انت بتشتغلنا ؟
لا ابدا بس ده شغلي لازم كل فتره استخدمها او لو يجهز لبطوله انا صريح مش هنضحك علي الناس
لكن انت هتشتغل لجسمك ولصحتك وبعيد عن المجال ده
خليك طبيعي ركز علي اكلك
وهاتلك شويه مكملات لو الحاله تمام
وخليك في السليم
ها أنهي احسن بقي من وجهه نظرك انت ؟؟

( معلومه .COM .. ف السريع )
،،،،،،،،،،،،،،،،،،،،،،،،،،،،،،،،،،،،،
ازاي ازود ضخ الدم عندي في التمرين؟؟؟؟
--------------------------------------------------
_ الكربوهيدرات .. حافظ على كمية محترمه من الكربوهيدارات وغالبا بتبقى نسبة من 50 % لحد 60 % من الدايت بتاعك على مدار اليوم ... اوعا تقطع كارب خالص لأي سبب من الاسباب ولو اي كوتش قالك اقطع كارب قله سلام عليكم .

_ حمض ال nitric oxide ودا موجود طبيعي في البطيخ .. الحمض دا بيشتغل ك vasodilator او موسع للأوعيه الدمويه وبيحسن من شغل القلب كويس جدا .. حاول تاخد لك من ١٠٠ ل ٢٠٠ جرام من البطيخ قبل التمرين هيفرق معاك جدا

_ خمس دقايق كارديو قبل التمرين .. وصدقني هيفرق معاك جدا وهيساعد ان الدم يوصل بشكل كويس للعضلات وانتا بتتمرن .. وبرضو اوعا تسمع كلام حد يقولك متلعبش كارديو لو في مرحلة تضخيم

_ واخيرا وليس اخرا شرب الماء في التمرين .. مهم جدا واوعا تتشغل في التمرين وتسيب قزازة الميه بتاعتك .. حاول تشرب جرعه بسيطه بين كل ٣ مجاميع على الاقل وانتا بتلعب .. متنساش تشرب برضو كميه محترمه متقلش عن نص لتر بعد التمرين عشان تعوض السوائل اللي فقدتها وانتا بتتمرن .

دمتم في صحة ❤

كلام بايجاز................
*****************
🔶 #اهميه النوم للانسان😴🥱
🔰 #تشدد الدراسات العلمية كل فترة و الأخرى على أهمية النوم الكافي للإنسان، لما له من فوائد صحية عديدة للجسم، ومع ارتفاع معاناة الأشخاص من النوم غير الكافي في عصرنا الحالي لأسباب عدة، فقد دقّ الأطباء جرس الإنذار لنتائج خطيرة لمن يحرمون أنفسهم من النوم الكافي‎‎. ووفقا للدراسات العلمية فإن نتائح النوم غير الكافي تكمن في الاتي:

القلب♥️💙
🔰 #أظهرت الدراسات أن قلة النوم تزيد من خطر الإصابة بأمراض القلب بنسبة 70 بالمائة. تشير الدراسات إلى أن واحدًا من كل ثلاثة بالغين لا يحصل على قسط كافٍ من النوم ويمكن أن يعاني من مضاعفات صحية خطيرة.

داء السكري

🔰كما أظهرت أن الحرمان من #النوم يؤدي إلى انخفاض بنسبة 25٪ في حساسية الجسم #للأنسولين مما يضاعف من خطر الإصابة بمرض السكري.

المناعة

🔰 #أوضحت الدراسات أن النوم أقل من 6 ساعات كل يوم، يجعل الشخص 4 مرات أكثر عرضة للاصابة بالأمراض، مثل نزلات البرد والحمى.

الوزن

🔰 #النوم من أهم العوامل في خسارة الوزن لأن في هذه الفترة يتم حرق وهضم الدهون، والحرمان من هذه الفترة يعالج الهرمونات ويبطئ عملية التمثيل الغذائي
مما قد يؤدي إلى زيادة الوزن.......
دمتم بصحه وخير احبائنا الكرام........

دلوقتي انا عايز العب بنظام ال Upper & Lower عشان انا حياتي العامه متسمحليش اني اتمرن اكتر من ٤ ايام .... لا انا عايز العب بنظام الPush , pull , legs انا كدا كدا حياتي تسمحلي اني اروح الجيم ٦ ايام في الأسبوع عادي .... طب بالنسبالي انا حياتي تسمح اني اروح ٥ ايام بس العب انهي فيهم وازاي .... طب انا حياتي متسمحش بأكتر من ٣ او ٢ حتي .

كل ده هشرحلك ازاي تعمله بس انت كمل قراءه للأخر 👍

🔵Pro Split Workout( تمرين العضله مره واحده في الاسبوع )

ده بإختصار انت هتلعب يوم صدر ويوم ضهر ويوم دراع ويوم كتف ويوم رجل وهتريح يومين .... النظام ده انا مش بفضله شخصيا لأنه مش بيسمح بتمرين العضلة مرتين ، لان تمرين العضله مرتين بيحقق استفاده اكتر واسرع من انك تمرنها مره واحده وده اللي اثبتته الدرسات زي م قولنا في بوستات فاتت .

♦️الحته دي بقي Bonus مني للناس اللي مش بترتاح الا للنظام ده ... هخليك تلعب العضلة مرتين بنفس النظام بس بطريقة صايعه حبتين وهي كالتالي :
يوم ضهر وباي .
يوم صدر وتراي .
يوم كتف ورجل .
وتكرر في التلات ايام اللي بعدهم نفس الكلام وتريح يوم وبكدا تكون لعبت بنظام شبه ال pro split بس مرنت العضلة مرتين ... واديت للأجزاء اللي انت مرنتها يومين راحه .

🔵Fullbody Workout

النظام ده مناسب للناس وقتها مش هيسمح غير بمرتين تمرين او تلاته في الاسبوه وهو كالتالي :
هتلعب في يوم واحد تمرينة واحده للصدر ، ضهر ، كتف ، باي ، تراي ، رجل .
ممكن تزود تمرينة كمان للعضله الضعيفه عندك ..يعني مثلا بدل م تلعب تمرينة كتف واحده هتلعب اتنين
♦️ملحوظة : متخليش ايام تمرينك بالنظام ده ورا بعض لانك هتلعب نفس العضلات تاني ... لازم علي الاقل تخلي يوم واحد بس راحه بين الايام اللي هتتمرنها لو هتنزل تتمرن ٣ مرات في الاسبوع او يومين لو انت هتتمرن يومين ... وغير في اشكال التمارين في يوم التمرين عن اللي قبله .. بمعني متلعبش اليومين او التلاته دول بنفس التمارين ..غير اشكال التمارين عشان متزهقش وكمان تكون جبت العضله من كذا زاوية.

🔵Push , Pull , Legs

النظام ده للناس اللي هتتمرن ٦ ايام في الاسبوع وهتمشي كالتالي :
يوم فيه كل عضلات الدفع ( صدر ، تراي ، كتف امامي وجانبي )
اليوم التاني فيه كل عضلات السحب ( الظهر ، الباي ، الكتف الخلفي )
اليوم التالت رجلين عادي 😅
*اللي جاي مجرد امثلة وليك الحرية الكاملة*
يوم الدفع Push day (A) : هتحط ٣ تمارين صدر ، تمرينتين كتف واحده امامي وواحده جانبي ، وتمرينتين تراي
يوم السحب Pull day (A) : ٤ تمارين ظهر ، تمرينتين باي ، تمرينة كتف خلفي .
يوم الرجل Leg day( A): ٥ تمارين او ٦ للعضله كلها .
وتكرر في التلات الايام اللي بعد دول نفس الكلام وهيبقو النسخه (B).

🔵Upper & Lower

النظام ده حلو للناس اللي معندهاش غير ٤ ايام بس تتمرن فيها وماشي كالتالي:
يوم الجزء العلوي ومنه ( صدر ، ظهر ، باي ، تراي ، كتف )
يوم الجزء السفلي ومنه عضلات الرجل كامله
*اللي جاي مجرد امثلة وليك الحرية الكاملة*
اليوم الاول Upper Body (A) : تمرينتين لكل عضله ... ٢ صدر ، ٢ ظهر ، ٢ كتف ( واحده امامي وواحده جانبي ) ، واحده او اتنين باي ، واحده او اتنين تراي .
اليوم التاني Lower Body (A) : ٥ تمارين او ٦ للرجل كاملة .

هتريح اليوم التالت .

اليوم الرابع Upper Body(B) : نفس الكلام اللي فوق بس هتغير زوايا ( أشكال ) التمارين فيهم كلهم ، وهتبدل الكتف الامامي او الجانبي بالخلفي علي حسب انت عايز تركز علي ايه .
اليوم الخامس Lower Body (B) : ٥ تمارين او ٦ للرجل كامله بتغيير زوايا ( اشكال ) او من غير عادي . وهتريح اليومين اللي باقيين .

♦️طب انت عايز تنزل ٥ ايام بس هتعمل ايه ؟ .... هتلعب ٣ ايام Push , Pull , Legs وهتريح يوم وهتلعب يوم Upper ويوم Lower ، كدا انت ممشيتش علي اي قاعده و بردو عملت اللي انت عايزه ومرنت العضله مرتين واديت للأجزاء اللي انت مرنتها الراحه الكافيه .

🔥انا بس شرحت الأنظمة واديتك امثلة عشان متحسش انك تايه .... مش بقولك امشي علي كذا وكذا ... شوف انت ايه الاحسن والمناسب ليك واعمله .
🔥متخفش علي الإستشفاء العضلي ، لو ركزت كويس هتلاقي في كل الأنظمة حتي في امثلتي كل عضلة واخده حقها في الراحه وذيادة .

عيد سعيد على أهل🇵🇸فلسطين🇵🇸
أرض الرجولة والنخوة👌.

كل عام وانتم بخير

اتمرن بعد الفطار ؟
اتمرن قبل الفطار ؟
سؤال والكل بيحتار ايهم افضل الاجابه الاتنين كويسين بس بشرط لو انت دهونك عاليه او بتنشف يبقى اتمرن قبل الفطار اما لو عايز تثبت مستواك او بضخم يبقى بعد الفطار مع الاخذ ف الاعتبار النظام الغذائى المناسب ليك وشده التمرين والكارديو