Alaa Mohamed - Spanish Trainer

انت محتاج تغلط كتير ، اغلط لانك مش هتتعلم غير اما تغلط ويتصحح لك الخطأ ودا احنا بنسمي - "عمليه فلتره الاخطاء" - وانت في مرحله تعلم اللغة مش مطالب منك انك تتكلم زي ال Native ، معظمنا بيخاف يتكلم ليخطأ ومن هنا بيجي "التوتر" وانت بتتكلم ودي اكثر حاجه ممكن تأخرك في اتقان اللغة .

التوتر بيدفن كل حاجه ايجابيه فيك ممكن تكون شاطر ، ممكن تكون بتعرف تتكلم ولكن للاسف بسبب انك اتعودت انه مش من الطبيعي وانت بتتكلم تغلط بقيت تخاف تغلط بسبب نظرات او كلام الناس ف بتتوتر.

أكسر الخوف الي جواك وتحدي نفسك وحسن لغتك وتقبل مستواك و كمان الاخطاء.

كل ما هتغلط كتير كل ما هتعرف الصح وفي الاخر النتيجه اما توصل لمستوي كويس هتتكلم من غير اي خطأ.

التوتر والخوف لو متخلصتش منه هيكبر جواك كل فتره لحد ما هيجي الوقت وانت بتتكلم هتلاقي كل كلامك في اخطاء.

الاسباني سهل بس لازم تعرف وتفهم ازاي تتعلم مع اللغة الي معاك خصوصًا اللغة الاسبانية