المركز الاول علي مستوي العالم الذي يجمع بين الطب الريا?
01/10/2019
كتير بتوعد نفسك انك هتتغير ومش بتعمل دا 😔 !! ،، متقلقش لسه قدامك الفرصة 😃،، انضم إلينا وهتلاقي اللي يشجعك ويساعدك ،، متستسلمش ❌،، اتحدى نفسك وكن الأفضل مع أقوى الكلاسيز من أولمبياد جيم 💪.
مع أولمبياد جيم ،، دع الرياضة تتحدث لغتك
28/09/2019
الأيروبيك 🤸♂ وأهميته في التخسيس 👍
الأيروبيك أو التمارين الهوائية زي المشي والجري والسباحة وركوب الدراجات هي نوع من أنواع الرياضة التي تعتمد على الهواء كمصدر أساسي في توليد الطاقة التي يحتاجها الجسم، وهي فعالة جدا في حرق الدهون والسعرات الحرارية في الجسم، وليها كتير من الفوائد زي:
• التقليل من نسبة الدهون في الجسم 🕺.
• تحسن جودة النوم 😴 .
• تقلل من التعب 🤒.
• تساعد في انقاص الوزن أو المحافظة عليه 👌.
• تحمي الجسم من كتير من الأمراض 👌 زي ضغط الدم والسكري وأمراض القلب والسرطانات.
• بتحمي الإنسان من الاكتئاب 👌.
• زيادة كفاءة القلب 👌.
مع أولمبياد جيم ،، دع الرياضة تتحدث لغتك
25/09/2019
ليه تلجأ لأوضة العمليات وتتحمل مخاطرها عشان تخس وإنت\ي ف إيدك تخس بالرياضة ؟!! 👍👍
ليه تعمل عملية وتفتح جسمك وإنت\ي ممكن تخس وبأفضل صحة بالتمارين الرياضية ؟!! 👍👍
الرياضة من أفضل الخطوات اللي ممكن تمشي عليها عشان تخس من غير ما تضر جسمك 👌، بل بالعكس دا انت كمان تفيده وتحميه من أمراض كتير، ودا لإن استخدام الرياضة للتخسيس ليه كتير من الفوائد 👌 ومنها:
• الرياضة بتساعد على تجنب كمية العضلات المفقودة من الجسم خلال الرجيم واللي بتفقد نتيجة حرق الجسم لبروتين العضلات مع مخازن الدهون أثناء اتباع الحمية الغذائية بدون رياضة ✔.
• الرياضة بتساعد على تحسن تركيبة الجسم وارتفاع اللياقة البدنية به✔.
• تساعد الرياضة المنتظمة في التخلص من الدهون وبناء العضلات بدلًا منها✔.
• الرياضة بتحسن صحة القلب وبتساعد في الحماية من كتير من الأمراض المنتشرة زي ارتفاع الدهون الثلاثية وارتفاع ضغط الدم ومرض السكري✔.
• الرياضة بتساعد على التخلص من الكوليسترول الضار والحماية من السكتات الدماغية✔.
• ممارسة الرياضة بتساعد في التحكم في زيادة الوزن على المدى الطويل✔
مع أولمبياد جيم ،، دع الرياضة تتحدث لغتك
22/09/2019
ليه التدريب على إيد محترف بيفرق؟ 🤔🤔
كتير مننا بيعمل رياضة إما في البيت أو في الجيم،، وكتير من المدربين بيقدمولنا أقصى ما عندهم من جهد ومعلومات عشان نكون أفضل، ولكن التدريب على إيد محترف بيكون مختلف، لان المحترف بيكون على علم أوسع بالمجال وعنده خبرات أكبر بكتير، دا غير:
• إنه بيكون سافر بلاد كتير وشاف أكتر، وبالتالي يقدر يفيدنا أكتر ✔.
• المحترف في مجال بيكون ذو خبرة بأدق تفاصيله، وبالتالي هنكون بأمان وإحنا بنتدرب معاه، لأنه هيكون مركز في كل التفاصيل اللي بنعملها✔.
• هيساعدنا نوصل للي بنحلم بيه في أسرع وقت وبأفضل صحة✔.
• بيكون فاهم مميزات ومخاطر كل رياضة وكل مكمل غذائي وكل هرمون ممكن تاخده، وبالتالي لما يقولك معلومة فأكيد هتبقى صح 100% ✔.
• هيوفرلك كل المعلومات الكافية عن أي حاجة تخص الرياضة اللي بتعمله✔.
• هيديلك من خبراته وبالتالي هتكتسب خبرات أكبر في وقت قصير ✔.
مع أولمبياد جيم ،، دع الرياضة تتحدث لغتك
19/09/2019
خد بالك !!! 👀
• تمارين الأرجل لا تقصر القامة ❌.
• تمارين العقلة لا تطول ❌.
• شرب الماء لا يسبب كرش ❌ بل يحرق الدهون
• الهرمونات لا تصنع أبطالًا من الهواء❌، فلابد من مجهود شاق ✔.
• المكملات لا تسبب العقم ❌.
• العرق ليس دليل على حرق الدهون ❌ بل دليل على فقدان السوائل بالجسم ✔
• الرياضة للسيدات لا تكون عضلات لديها ولا تجعلها أشبه بالرجال ❌ إلا بتناول الهرمونات ✔.
مع أولمبياد جيم ،، دع الرياضة تتحدث لغتك
اهلا بيكم مع كابتن على بطل مصر فى كمال الاجسام وصاحب مراكز اولمبياد جيم
برنامجنا هيقدملك كل الاسرار والارشادات لانقاص وزنك والحفاظ على صحتك والحصول على جسم متناسق
هانعرفك عادات بسيطه لو تخلصت منها هاتسعدك فى انقاص وزنك
هانتابع معاك ازاى تمارس الرياضة صح بدون ملل وبنتائج سريعه
فقط تابعونا مع برنامج كابتن مصر
16/09/2019
ايه الحل الأمثل لتقوية عضلاتك ؟؟ 🤔🤔
تمارين المقاومة هي الحل الأمثل لقوة العضلات 👌
كتير من الدراسات أثبتت أن تمارين المقاومة زي رفع الأثقال 🏋♀ وغيرها تحافظ بشكل جيد على العضلات وتزيد من نموها وقوتها وبالتالي زيادة معدل الأيض في الجسم، والذي يؤدي إلى زيادة معدل الحرق للسعرات الحرارية، ولذلك فهي عامل أساسي في حرق دهون الجسم، فبدون تمارين المقاومة سوف تخسر
الدهون المتراكمة في الجسم جنبًا إلى جنب مع كثافة العظام والكتلة العضلية
ولذلك فمن الأفضل ممارسة تمارين المقاومة على الأقل 3 مرات أسبوعيًا مع التركيز على العضلات الكبيرة زي الأرداف والصدر.
مع أولمبياد جيم ،، دع الرياضة تتحدث لغتك
12/09/2019
إيه الرياضة الانسب ليك ‼
في كتير من التمارين الرياضية ومنها:
• التمرينات الرياضية الهوائية مثل المشي 🚶♀ والجري 🏃♂ والسباحة 🏊♂ وركوب الدراجات 🚴♀.
• التدريبات الرياضية اللاهوائية مثل:
تمارين القوة 🏋♀.
القفز على الأحبال .
الجمباز 🤸♂.
اليوجا
الملاكمة
تمارين الارتفاع
المصارعة
تمارين الضغط
تمارين البيلاتس
تمارين كمال الأجسام
تمارين قبضة اليد
مع أولمبياد جيم ،، دع الرياضة تتحدث لغتك
09/09/2019
امتى يكون تمرينك مالوش لازمة ؟ 🤔🤔
1. إذا مأكلتش وجبة قبل التمرين ❌، فتمرينك مالوش لازمة .
2. إذا أكلت أطعمة دسمة، ❌ فتمرينك مالوش لازمة.
3. إذا شربت مشروبات محلاة بالسكر ❌، فتمرينك مالوش لازمة
4. إذا مابعدتش عن المشروبات الكحولية ❌، فتمرينك مالوش لازمة
5. إذا مقسمتش وجباتك الرئيسية إلى وجبات خفيفة بسعرات حرارية قليلة ❌، فتمرينك مالوش لازمة
6. إذا ماقللتش من النشويات في أكلك ❌، فتمرينك مالوش لازمة
7. إذا محاولتش تتنفس بشكل طبيعي أثناء التمرين ❌، فتمرينك مالوش لازمة
8. إذا ممارستش الرياضة على الأقل 5 أيام في الأسبوع ❌، فتمرينك مالوش لازمة
9. إذا أخرت وجبتك بعد التمرين ❌، فتمرينك مالوش لازمة
10. إذا تمرنت بوزن خفيف جدًا وبعده مباشرة وزن ثقيل جدًا ❌، فتمرينك مالوش لازمة
11. إذا مشربتش مياه ما بين الجولات الرياضية ❌، فتمرينك مالوش لازمة
12. إذا ماتبعتش حمية غذائية مع ممارسة الرياضة، ❌ فتمرينك مالوش لازمة
تمريك وقتها هيكون مالوش لازمة لأنه مش هيحققلك النتائج المطلوبة، ووقتها هتكون بتتعب على الفاضي بدون خسارة للوزن، عشان كدا ابعد عن الحالات دي واهتم بأكلك ونظامك اليومي عشان الرياضة تحققلك اللي بتتمناه ✔✔.
مع أولمبياد جيم ،، دع الرياضة تتحدث لغتك
06/09/2019
الظهر تناسق عضلي مذهل 👌👌
عشان توصل لظهر متناسق وجذاب 👀 حتى لو جيناتك ضعيفة فاهتم بـ:
• الاهتمام بكل جزئية من الظهر أثناء التمرين ✔.
• ابدأ بالجزء الضعيف من الظهر فلو وسط الظهر عندك ضعيف مثلًا فإبدأ بالبار سحب أرضي ولو أول الظهر عندك هو اللي ضعيف فابدأ بالسحب العالي، أما لو المجنس نفسه ضعيف فإبدأ بالدمبل أو المنشار ✔.
• ركز على الترابيس والكتف الخلفي لانهم بيزودا المظهر الجمالي للظهر ✔
• حاول تزود مجموعتين على مجموعاتك العادية للجزء الضعيف من الظهر، تكون المجموعة الأولى منها عداد كتير والمجموعة الثانية تتكون من 5 لـ 7 عداد مع وزن ثقيل ✔.
مع أولمبياد جيم ،، دع الرياضة تتحدث لغتك
04/09/2019
الشتا جاي في الطريق 💭💦 وجاي معاه خصوماته اللي مابتنتهيش 😃 ،، عشان تقدر توصل للجسم المثالي في أسرع وقت ممكن 👌.
يالا مستني إيه ،، انضم إلينا الآن واحصل على أقوى الخصومات.
مع أولمبياد جيم ،، دع الرياضة تتحدث لغتك
01/09/2019
البدائل الطبيعية للمنشطات أو الهرمونات 👌👌
تناول:
• البروتينات 🍗🥚
• الكربوهيدرات الموجودة في الأرز والبطاطس والبطاطا 🥔🍠.
• عصير البرتقال الطازج 🍹.
• الجريب فروت 🍸.
• الليمون 🍈.
العمل على:
• رفع الوزن الثقيل 🏋♂.
• أخذ القسط الكافي من الراحة 😴.
• تغيير الروتين اليومي في التمارين من حين لآخر 👍.
مع أولمبياد جيم ،، دع الرياضة تتحدث لغتك