Brothers Ahmed - التوينز

انا حاسس ان عودة عبد المنعم هتكون في كأس العالم ، وهيقدم بطولة قويه مع منتخب مصر

بغض النظر أن المنتخب فنيا قليل مع حسام حسن ، بس كأس العالم هتبقي فرصة كبيرة لمنعم يرجع لمستواه

ويتشاف من أنديه العالم كله ، والله منعم مدافع عنده إمكانيات تلعب دوري انجليزي بس محتاج تركيز وفرصه

ومحدش يقولي في مدافعين حاليا أجهز منوا ، ولا ربيعة ولا ياسر و لا حسام عبد المجيد ولا غيرهم يلعبوا عليه

منعم في مستواه توب 1 في قاره افريقيا كلها ، عودة حميدة يا صخره ❤️🤝

من بعدك الاهلي مش بخير يخويا والله ، من بعدك المنظومه الدفاعيه بقت في قمه العشوائيه

بتدخل فينا اهداف في منتهي الضحك ، مفيش رقابه ع المهاجمين

من بعدك أقل مهاجم في الدوري بقا بيحط فينا جول بمنتهي السهوله ويبرطع جوه البوكس

من بعدك مش عارفين نسجل من الكرات الثابته خالص ، مفيش توجيه ولا استغلال العرضيات

من بعدك يا منعم انا افتقدت معني المدافع الراجل اللي كان بيحط اي مهاجم فيكي يا قاره في جيبه

ربنا يكرمك ويوفقك بعد العودة من الاصابه بس حقيقي انت وحشني يا كامبوس 😅❤️🦅

بمنتهي الحيادية و الأمانه ، انا بحب جدا تفكير شريف اكرامي وطريقه كلامه بعيدا عن مستواه الفني

شريف اكرامي كان طالع في فيديو بيقول أنه اتعلم كتير وقرأ كتير عن إداره الكورة وازاي يكون إداري ناجح

قرأ كتير ازاي يكون عنده قدره علي أنه يشيل الضغوط من علي نفسه وينجح في مجاله

دايما ومن بدري بشوف شريف اكرامي مستقبلا المتحدث الرسمي عن الأهلي أو اي منصب تاني

طريقة كلامه ولباقته وثقته توضحلك قد ايه يقدر يستغلها في منصب مهم

ومش لازم علشان كان حارس متواضع يبقي إداري سئ لا نهائي 🤝♥️

ما هو مفيش وقت تبكي وتلطم ولا تجيب مدرب أجنبي جديد لسه هيعرف الفريق

يلا يا باشا مشي الجبان توروب وهات الراجل ده ، الوحيد اللي هيعرف بظبط الفريق

الوحيد اللي هيعرف كل واحد قيمته بجد واللي شايف نفسه كبير ع الفريق يقعد دكه أو يغور

اكيد اكيد البدري مش هيبقي اوحش من توروب ، يا جماعه مفيش جمله فنيه واحده في الملعب

انا شايف لاعيبة انهزاميه بتستني الكورة تيجي لحد عندها ، مفيش رجوله مفيش روح مفيش اصرار ع الفوز

حسام البدري ده أنسب وقت له انت داخل علي ماتشات افريقيا والله هتطلع بفضيحه بالطريقه ديه !! 😅

ما هو برضوا مش سهل تلاقي لاعب كرة قدم بيلعب الكورة بإيده

بتقول ايه؟ ازاي يعني بيلعب كرة قدم بإيده ؟ هو ده بيدري الكورة بتتحرك في رجله كأنه بيلعب بيها بإيدة

يلهوي ع السهوله و الخفيه اللي بيتحرك بيها ، يا عيني ع الرؤية اللي بيبقي كاشف بيها الملعب كله

بيجري في كل مساحه في الملعب ، بيفتح لعب لكل لاعب في الملعب

ع الطرف هتلاقيه يمين او شمال ، في قلب الملعب هتلاقيه ، قريب من ال 18 هتلاقيه

دور دفاعي موجود وبيسد ، ببساطه افضل لاعب وسط ملعب وأكثرهم موهبه و مهاره

يابختنا بيك يا بيدري ❤️💟

النقطه المضيئة في المباراة انك بقا عند باك شمال ، والله العظيم والله العظيم انا كل ماتش للأهلي

كنت بحس بغياب علي معلول ، لحد ما جيه بلعمري ، شال من عليا الاحساس ده نهائي

انا شوفت بروفايل باك يقدر يمسك كوره ويرفع عينه ويعمل عرضيه صح

باك شمال بيعرف الباص الأرضي وبيعرف يحط لاعيبتك قدام مرمي الخصم انفراد زي بتاع طاهر كده

باك شمال مهاري ، متخيل ؟؟! ديه معجزه تجيب باك زي ده ، يعرف يخرج اللاعب اللي قدامه بره اللعبه ويعملك مفتاح لعب

بحبك يا بن عمري ، صفقة مربوحه بكل المقاييس ❤️👏

سيداتي سادتي ، احب اقولكم معلومه مهمه جدا

إن مش شرط خالص تشتري الحلويات من الحلواني خصوصا في شهر كريم زي رمضان

اكتشفت أن مروان عطيه بيقدم قطايف ولطايف وزلابيه و بسبوسه وكنافه وكل انواع الحلويات في الملعب

مروان عطيه يعني التمريره اللي بوش الرجل ، مروان اللي بيعكس الملعب في ثواني من يمين للشمال و العكس

ربط نص الملعب زي ما الكتاب قال ، بيتحرك في كل حته حرفيا ، مش بيستخبي

بيقرب علشان يستلم وقبل ما يستلم بيعمل السكان الجميل علشان يشوف اللي في ضهره

مروان مالي وسط ملعبه ، وسط ملعب عصري و حديث يتمناه أي مدرب

أمتع لاعب وسط ملعب في مصر ❤️❤️

ليه تم التعاقد مع احمد عيد ؟!

مصر كلها شافت موهبه عظيمه جدا هو إبراهيم الأسيوطي ، لاعب مستقبل الباك اليمين في مصر حرفيا

عنده إمكانيات هجوميه كبيره ومش بيخاف و واقف علي رجله ، عارف يعني ايه باك يمين

ليه منجهزوش يبقي بديل قوي لمحمد هاني ؟ وعندك كريم فؤاد كمان يسد معاهم

ليه تجيب احمد عيد ؟ انا أتحدي أي حد أن الاسيوطي عنده إمكانيات هجوميه اعلي من عيد

لحد أمتي هنفضل نضيع مواهبنا ونرميهم في الناشئين بدون داعي

عموما الاسيوطي ده بإذن الله يحترف ويروح للي يقدروا ❤️🦅🤝

انا مقدر الزعل بتاع الجمهور وانا واحد منهم الحقيقه وجوايا كمية زعل من الفرصه اللي ضاعت

منذ رحيل وسام ابو علي ، معندناش المهاجم يخلص ، يخلصصصص بمعني الكلمه

امبارح كامويش جاتله فرصة الفوز ، هيا الفرصه اللي مستنينها طول الماتش

بشماله يخلص ، بشماله المفروض يركنها في البعيده أو حتي في اي حته في المرمي

ضاعت ؟ اه قلشت ؟ اه وهو ده اللي مضايقنا ، بس انا عندي طلب واحد بس

زي ما بندي كل اللاعيبة فرص والاعيبة ديه متستاهلش ، ندي فرصة للراجل ده

احكم عليه بعد كذا ماتش ومتديش حكم نهائي دلوقتي خالص ❤️⏳