Psy/Hussein - معالج نفسي

بعد وقت مش قليل من محاولات متكررة لفهم طبيعتنا كبشر في التعامل مع مشاعرنا، وصلت لحل مش دايمًا بيكون علمي، لكنه واقعي ومريح.

أحنا كبشر عندنا ميل فطري أننا نكمل الصورة.. نسد الفراغ.. ونقفل الدايرة، وللأسف مش دايمًا ده بيكون صحي ولصالحنا!

آرون بيك مؤسس العلاج المعرفي السلوكي، قال أن مشاعرنا هي نتاج أفكار اتكونت من مواقف وأحداث مرينا بيها.
بس أوقات الأفكار أو الأحداث دي مش بتكون واضحة، واللي باقي من الدايرة هو حبة مشاعر غامضة ومش مفهوم سببها.

والمشكلة بتكون في أننا فالغالب بناخد مسار من اتنين:
-يا بنفضل نسعى أننا نقفل الدايرة، فنفضل ندور على اسباب ونخلق أوهام ونكبر الاحساس ونغرق فيه.
-يا أما بنقرر نهرب، نقسي على نفسنا ونقول "أحنا بنبالغ، قالبينها دراما، غاويين نكد، وما إلي ذلك"
والحالتين مرهقين ومش حقيقين كفاية!

هنا ظهر مسار تالت مختلف تمامًا.. مجرد مساحة من الفهم والتقبل الواعي..فيها بنختار أننا نعيش مشاعرنا زي ما هي، من غير تحقيق ونبش ورا اسباب جايز متكونش حقيقية، بدون جلد ذات.
اسمح بس لنفسي أكون مضايقة، تايهة، قلقانة، حتي لو مش عارفة السبب.
مش لازم كل مشاعرنا يكون لها تفسير أصلًا!

و خلينا مدركين أن مشاعرنا مش دايمًا ليها قالب واحد، في مشاعر وجودها وقتي وبتروح لما تاخد مساحتها، وفي مشاعر محتاجة نسمعها أكتر ونفهمها أعمق، وأوقات بيكون في مشاعر محتاجة بجد مننا أننا نمد أيدنا نطلب مساعدة من حد متخصص.

الحل لا فالكبت ولا فالمبالغة، الحل فالمساحة والتصرف من بعدها!
وبس كده سلام🤍
Psy/Hussein - معالج نفسي
لأي استشاره او استفسار مجاناً تواصل خاص
للمتابعه بتكلفه مناسبه تحت أمركم جميعا.

أصعب مافي عملية العلاج النفسي هي اللحظات اللي بنوري فيها المريض ان اللي عاش عمره كله فاكره حقايق مطلقة ماهو إلا رؤيته هو الشخصية للأمور .

وان الملصقات اللي لزقوها على جبينه وهو صغير هي رأي الآخرين فيه لكن مش حقيقة شخصيته.

مثال: إنتي مش صبورة عشان بتعملي الحاجة ومش قادرة تستني حد يعملهالك لما يفضى.

مع ان ده معناه انك شخصية مستقلة.

أو إنت طفل كئيب عشان بتسمح لنفسك تعبر عن مشاعر الحزن كل ماتحس بيها..
مع ان ده معناه انك شخص بيحترم مشاعره وبيعرف يعبر عنها.

أوقات كمان تبقى القيم اللي المريض فاكرها قيمه هو ماهي إلا توقعاتهم هما منه لكنها مش بتاعته خالص.

مثال: أنا طول عمري نفسي أبقى أستاذة في الجامعة عشان أكسب احترام الاخرين عشان التبجيل عندي قيمة محورية..

وتطلع الانسانة دي introvert اصلا وبيوترها جدا الكلام قدام جمهور، ولا بتحب التدريس ولا بتجيده، لكن بتحب جدا الوظايف اللي مردودها حب وحميمية مش تبجيل وتفخيم.

بس بابا هيحزن لو اشتغلت في حضانة متحاوطة بالأطفال وأحضانهم وكفوفهم الصغيرة، لكن معيدة في الجامعة حاجة تخليه يفخر بيا.
فالتبجيل طلع من قيم بابا مش قيمي..

أوقات كمان يبقى اللي المريض فاكره مفروض ولازم ويجب ولابد ويصح ومايصحش ماهو إلا الطريقة اللي المريض اتربى بيها وكبر عليها.

مثال: ميصحش طبعا اقول لخالتي ان زيارتها ليا بكرة مش هتبقى مناسبة ليا عشان هي أصلا ما اخدتش رأيي هي قالت انا جايالك بكرة..

ويطلع السبب اننا اتربينا في بيت مفيهوش حد بيستأذن قبل مايدخل أوضة حد ومحدش اصلا يقفل الباب عليه حتى لو جوا أوضته
مع انه الطبيعي إن شرط من شروط الزيارة الاستئذان.

أوقات كمان تبقى القوالب اللي المريض طول عمره عايش جواها وهو فاكرها الصح والغلط ماهي إلا طريق غير صحية للتكيف على وضع مؤلم.

مثال: أبويا عايزني أدخل هندسة أو أمي عايزاني اتجوز ست لون بشرتها أبيض…
فأنا هروح مع اختياراتهم ليا وهسمي ده طاعة وبر وأدرك جوا اوضة العلاج النفسي ان ده اسمه استسلام .

أو واللي المريض كان فاكره رضا يطلع ماهو إلا خنوع….
أو إن اد .مانه للشغل اسمه هر .وب، هر .وب من اني اقعد مع نفسي أو مع اللي عايشين معايا…
وان اللي كان طول عمره مسميه مابتكلمش مع مراتي عشان متسلطة ومؤذية ومسمي ده اعتزال مايؤذ.يني يطلع علاقة تجنبية.

أصعب مافي ده كله ان المريض بيبقى عاش سنين طويلة من عمره قبل مايبدأ رحلته العلاجية وهو فاكر ان المرجعية بتاعته هي أصل الأشياء وان اللي اتربى عليه هو الطبيعي والمنطقي والصحي .

فلما تيجي اللحظة اللي يكتشف فيها انه هنا جوا غرفة العلاج النفسي عشان تعبان وعشان كل اللي عاشه ده سبب له ضغط وحزن وخلاه عايش وضع مؤ .ذي مش عارف لايخرج منه ولا يغيره أومنعه يحط نفسه واحتياجاته أولوية…

ساعتها بس بتبدأ رحلة الادراك..
الابصار..
والوعي.

اللي بعدها بيجي الانفتاح على نفسي الحقيقية….
واحترام احتياجاتي والتفكير فيها كأولوية.
ثم قبول الماضي بكل ما حدث فيه…
ثم معركة التغيير وحقي في حرية الاختيار…
ثم تحمل تبعات قراراتي ومسؤولياتي تجاه الأخرين.

وقتها يكون التعافي ان شاءالله
Psy/Hussein - معالج نفسي
لأي سؤال او استفسار او استشاره مجانا بمثابة كشف نفسي
اتشرف بالجميع وربنا يارب ينفع بينا ويستخدمنا ولا يستبدلنا أبدا
دعواتكم وشكرا للجميع

طريقة صناعة اخصائي نفسي في البيت ❤️
جبتلكم كنز لإخواتي اللي في علم نفس وعايزين يتخصصوا ويبقوا معالجين قد الدنيا وتايهين في بحر العلم وسط كلام كتير ، تعمل ايه وسط كل التوهان دا ؟

البوست ممكن يكون طويل شوية لأن دي نتيجة خبرة وتجارب متواضعة تقريبا 10 سنين في مجال العلاج النفسي
هحاول اجمع كل النصائح والاجابات اللي هتساعدك في طريقك *من وجهة نظري*

1️⃣- ول خطوة للتخصص هو الدراسة والشهادة الأساسية هي ( ليسانس آداب علم نفس) الشهادة الأكاديمية الأساسية والدراسات العليا سواء كانت دبلومة ، ماجستير ، دكتوراه دي الشهادات الوحيدة المعتمدة ، المسكين الوظيفي بتاعك هو اخصائي نفسي ثم التخصص بتاعك
❌ خلي بالك عشان هتسمع عن كارنيه مزاولة المهنة ، وكارنيه خبرة من معاهد وأماكن شهادات معتمدة من مراكز وأكاديميات كل دا نصب في نصب ومالوش أي قيمة ولا لأزمة مش هيزودك حاجة مجرد غير تضييع وقت وفلوس

2️⃣- أهمية الدراسة في الكلية أنها هتديك أساسيات ونقطة تبدأ منها عشان تبني عليها فهمك وخبراتك فيما بعد ، يعني فهمك للفسيولوجي ، الفلسفة ، علم الاجتماع ، البيولوجي ، التربوي ، الاكلينيكي ، مقاييس ، نصوص ، النمو ، وغيرها كل فروع علم النفس بتدرسها كنوع من التأسيس
لو اهتميت بانك تفهم المواد اللي بتدرسها صدقني هتفرق معاك ، لانك بعد كدا لما تتخرج هتلاقي نفسك محتاج ترجع الأساس ، استغل الوقت الحالي في انك تأسس نفسك صح

3️⃣- طيب اعمل ايه وانا في الكلية ( تتعرف علي التخصصات + تقرأ عن التخصص المطلوب + تحضر تدريبات وكورسات موثوق فيها ومش مهم الشهادة المهم الخبرة والمعلوكة تاخدها + ويبينارات بتتعرض من اخصائيين وأطباء + قراءة وتعلم خاص عن موضوعات وكتب تخص مجالك )

4️⃣- البحث ثم البحث ثم البحث
انت محتاج تدور كتير حدا سواء عن فرص تدريب ، فرص شغل ، معلومة ، مساعدة ، كل دا تتحرك وتحاول كل ما هتلاقي فرص وهتعرف معلومات وتفتح سكك اكتر ، اي فرصة تيجي قدام لازم تجرب والتجربة هتفح باب جديد وهكذا

6️⃣- هتلاقي خناقات كتير اوي من دخلاء وناس غير متخصصين سواء من جامعات تانية أو تخصص بعيد بياخدوا كورسات في عك كتير ، خليك واثق في نفسك ومتشغلش بالك بيهم.
بجانب انك متسلمش دماغك أو يكون مصدر معلومات من ريلز التيكتوك والفيس أو أي حد علي السوشيال ميديا إلا لو كان موثوق منه بدرجة كبيرة ومعروف

7️⃣- مفيش وخصص سهل أو صعب ، كل التخصصات مهمة وليها مميزات وعيوب (اكلينيكي ، اطفال ، ادمان ، مقاييس ، ارشاد ، علاج زواجي أو أسري ) وكل تخصص جواه تفاصيل كتير

8️⃣- تهتم انك تطبق وتشتغل بايدك وتمارس المهارات اللي بتتعلمها لأن الممارسة العملية مهمة كدا وبتفرق ، كذلك برضة الشهادات ولكن الشهادة من غير تطبيق ملهاش لازمة ، ركز أن يكون عندك مهارة عشان تقدر تشتغل بيها
ممكن تلاقي فرص تدريب صعبة ولكن مع الوقت هتبظا تلاقي طرق وسكك سواء في مراكز أو مستشفيات أو فرص تدريب المهم انك تكسب خبرة النزول علي أرض الواقع

9️⃣- اعمل دبلومة ولا ماجستير ؟
لو عايز شهادة دراسات عليا بسرعة يبقبي دبلومة ، بس لو كنت عايز شهادة اكبر أكاديميا يبقي ماجستير بس بتكون اصعب
وعلي حسب أولوياتك في المجال لو الشغل أهم يبقي تركز بعد التخرج انك تكون واقف علي أرض ثابته وعندك شغل وكريقك واضح وبعد كدا تبدأ ماجستير

1️⃣0️⃣- مفيش كورس ، أو تدريب ، أو شهادة ، أو دراسة محددة هتخليك توصل انك تكون معالج نفسي محترف ، لازم تموم فاهم وواعي جدااا
أن المهنة دي = تعلم مستمر + تطور مستمر
يعني اول ما توقف شغل علي نفسك تأكد انك فشلت ، يعني من الاخر متزعلش إنك لسة حاسس بتوهان أو نقص بالعكس دا طبيعي جدا

1️⃣1️⃣- طيب تتابع ايه وفين ومع مين ؟
هسيبلك بيدجات وقنوات تقدر تتابعها وتستفيد

الجمعية المصرية المعالجين النفسيين: https://www.facebook.com/EGY.PSY.2012?mibextid=ZbWKwL

الأمانة العامة للصحة النفسية
https://www.facebook.com/GSMHATMOHEGYPt?mibextid=ZbWKwL

مركز البحوث والخدمات النفسية
https://www.facebook.com/profile.php?id=100057263807590&mibextid=ZbWKwL

الجمعية المصرية للعلاج المعرفي السلوكي
https://www.facebook.com/eacbt.info?mibextid=ZbWKwL

رابطة الاخصائيين النفسية
https://www.facebook.com/eparanm?mibextid=ZbWKwL

هنا قنوات تقدروا تتابعوها

رسم الله الرحمن الرحيم العبد لله بدأت في سلسلة مجانية شاملة لعلم النفس علي التليجرام
https://t.me/D6DmHPaQoURkN2Vk

د/يحي الرخاوي
https://youtube.com/c/rakhawyhospital

د/ محمود حمودة
https://youtube.com/channel/UCxHlzNRL4KWL9aRTVkrzwow

د/نادر عطالله
https://youtube.com/.naderattallamd?si=BtGEbTjPWOnZS4zq

د/سعيد الامام
https://youtube.com/?si=Ua3dVkZgyUbU6efe

مستشفي المعمورة للطب النفسي
https://youtube.com/?si=j-y8rGaMOWZzx86X

مستشفي العباسية
https://youtube.com/?si=8EgiyP5gWrZS6CO6

د/محمد الشامي
https://youtube.com/?si=Lu5obHTt1ZIP1N8q

د/محمد غانم
https://youtube.com/.mohamed-ghanem?si=hFTzfMxb6BiMw8XM

مؤسسة المشورة
https://youtube.com/?si=5jPDcku2BOkJjHuU

قنوات تليجرام فيها كتب ورسائل ماجستير ودكتوراه و ادوات مهمة جدا .
مكتبة علم النفس
https://t.me/D6DmHPaQoURkN2Vk

مكتبة الطب النفسي
https://t.me/ilmnafsi

مواجدة
https://t.me/mowagdaa

بالنسبة للكتب والقراءة
دي ممكن تكون من أهم الكتب للمبتدئين في دراسة علم النفس والمتخصصين من وجهة نظري أنصح بيها وفرقت معايا جدا

الإضطرابات النفسية دليل علاجي تفصيلي لديفيد ه. بارلو ترجمة صفوت ف*ج

العلاج المعرفي الأسس والأبعاد لجوديث بيك

العلاج المعرفي السلوكي المعاصر لهوفمان إ س جي ترجمة مراد علي عيسي

البنية النفسية عند الإنسان لكارل جوستاف يونج

تفسير الأحلام لسيجموند فرويد

علم النفس التحليلي لكارل جوستاف يونج

علم النفس الفردي لألفريد أدلر

الطب النفسي المعاصر د/أحمد عكاشة

دراسات حالة في العلاج النفسي د/عبد الستار ابراهيم

العلاج السلوكي وتعديل السلوك د/لويس كامل مليكه

العلاج الإنساني والعلاج التحليلي د/لويس كامل مليكه

علم النفس الاكلينيكي د/محمد نجيب الصبوة

علم نفس الشواذ د/علي عبد الرحيم صالح

لو وصلت لحد هنا عايز اقولك إلتزم لمدة سنة واحدة علي الاطلاع والبحث والمحاولة سنة واحدة بس من المجهود والشغل علي نفسك بإلتزام وهتوصل
المهم متنسانيش في دعاءك

Psy/Hussein - معالج نفسي
لاي استشاره مجانيه خاص
متنسانيش عاماً وافتكرني بكلمة حلوة تشجعني❤️👏🏻

كلامنا انهارده عن نوع من الشخصيات موجوده حاليا في كتير من اخواتنا
(اضطراب الشخصية الحدية)

1. الحب عند الشخص الحدي مش “حب” بس… ده إعصار
الحدّي مش بيحب…
الحدّي بيغرق.
المشاعر عنده مش سوية…
هي “HIGH” قوي أو “LOW” قوي.
مفيهاش نص نص.
فلما يحب:
بيحب باندفاع
وبشغف
وبتركيز كامل على الشخص
وبيحس إن ده أول وأهم شخص في الكون
بيبقى شايفه “المُنقذ”…
اللي هيشيله من الوحدة…
اللي هيملا الفراغ…
اللي هيحبّه زي ما عمره ما اتحب.
دي مشاعر قوية لدرجة إنها ما تبقاش حب ناضج… تبقى تعلق وجودي.

2. الحب عند الشخص الحدي سريع… عنيف… وغالبًا بيبقى Overwhelming
يحصل connection بسيط يتحول لجذب
الجذب يتحول لإعجاب
الإعجاب يتحول لـ idealization (مِثالية)
والمثالية تتحول لإحساس:
"ده الشخص اللي هينقذني."
عشان كده…
الحب يظهر بسرعة
ويختفي بسرعة
وكل ده جوّاه عادي.

3. الحدّي بيحس إن الشخص ده “حياته كلها”
ولما يحب، يتعامل مع العلاقة وكأنها:
أهم شيء
المصدر الوحيد للأمان
الدليل إنه يستحق
المراية اللي يشوف فيها قيمته
وده بيخليه:
يتعلق بسرعة
يخاف يتساب
يحس بالpanic من أي تغيّر بسيط في الاهتمام
يراقب النبرة والكلمة ووقت الرد
مش لأنه needy…
لكن لأن المشاعر عنده مش مستقرة مهما حاول

4. الحب عند الشخص الحدي مرتبط بـ “الخوف من الهجر”
ده قلب الموضوع.
أي تغيير بسيط في اهتمام الشخص → يتفسّر كـ “هو هيسيبني”.
محاولات مستميتة عشان يحافظ على العلاقة
وتقلبات بين:
“أنت أحسن حد في حياتي”
“أنت خذلتني وكسرتني”
وده يخليه يمسك جامد…
حتى لو الشخص سيّء
أو مؤذي
أو مش بيقدّر.
مش لأنه بيحب المؤذي.
لأ… لأنه بيخاف من إحساس “الفقد” أكتر من خوفه من الألم.

5. لما الحدّي يحب… بيحس إن الحب ده بيكمّل نقص داخلي
مش بيبقى حب من:
"أنا كاملة وممكن أشارك مشاعري."
لكن من:
"أنا محتاجة حد يحبني عشان أحس إني موجودة."

وده اللي يخلّي المشاعر تبقى too much.

الحب الحقيقى حب ناضج ،متزن ،مستقر ،علاقة هادية ،فيها مساحة شخصية للطرفين ،يقدر يشتغل ،يفتح فيس ،يسمع مسلسلات ،يعمل اكل ،من غير ما يحس انه لازم يبقى مع الشخص ٢٤ ساعة ف ال ٢٤ ساعة، لا، يقدر يبعد عنه ،لكن جواه هو قريب من روحه و قلبه و عقله ،هو جوة الطرف التانى ، لكن مش لازق فيه ف الواقع ،بيغيب عنه عادى و لما بيرجع له يبقى منتظره بشوق ،و رجوعه بيبقى وقت مفرح اوى بالنسبة له

في علم النفس يعرف هذا أحياناً بمفهوم "استقرار القيمة الذاتية" (Stable Self-Worth)
وهو في جوهره المعنى النفسي العميق لما نطلق عليه في الحياة اليومية "الاستحقاق".

- وهو أن تشعر بأن قيمتك ثابتة لا تهتز برأي أحد، ولا ترتفع بإنجاز، ولا تنخفض بخطأ..
- أن لا تفرط في العطاء ليتقبلك الآخرون، ولا تصغر نفسك ليشعرك أحد بالأمان..
- أن يكون شعورك بـ"أنا كاف" نابعاً من الداخل، لا من تصفيق الخارج..

🔹 أصحاب الاستحقاق الحقيقي يتميزون بـ :

- لا يلاحقون من يتجاهلهم.
- لا يرضون بأنصاف العلاقات.
- لا يتحدثون كثيراً عن كرامتهم… لكنهم لا يتنازلون عنها.
- لايخافون أن يساء فهمهم، ولا يشعرون بالحاجة لتبرير اختياراتهم.

هم ببساطة متصالحون مع أنفسهم

تظهر أدمغتهم في الدراسات العصبية هدوءاً في مناطق تنظيم المشاعر (مثل اللوزة الدماغية)،
ونشاطاً أعلى في القشرة الجبهية الأمامية المسؤولة عن الوعي بالذات وضبط الانفعالات.
لذلك تجدهم أكثر اتزاناً في مواجهة النقد أو الرفض، لأنهم لا يرون في كل ملاحظة تهديداً لقيمتهم.

🔹 من سماتهم أيضاً :

- يضعون حدوداً نفسية واضحة دون قسوة.
- يمارسون الرحمة الذاتية بدلًا من جلد الذات.
- يتقبلون الفشل دون أن ينهار تقديرهم لذاتهم.
- يفصلون بين "أنا أخطأت" و"أنا سيئ".

فالاستحقاق لا يعني الغرور، بل سلاماً داخلياً يجعل الإنسان لا يحتاج لإثبات نفسه طوال الوقت..
وكما قال ناثانيال براندن..
"الشعور بالاستحقاق لا يولد من نجاحاتنا، بل من إدراكنا أننا نستحق أن نكون سعداء حتى ونحن في مرحلة التعافي.

Psy/Hussein - معالج نفسي

سامحوني جدا بعتذر يا اخواتي الغاليين لو فيه جلسات اليوم او بكرة هتتأجل بسبب التعب المفاجئ
دعوه حلوة منكم عسي تكونوا اقرب الي الله مني ويتقبل منكم
وشكرا لتفهمكم

fans

جلسات العلاج المعرفي السلوكي: رحلة لاكتشاف أفكارك وإدارة مشاعرك
كتير منكم سمع عن جلسات "العلاج المعرفي السلوكي
ويبقى عايز يعرف الجلسات دي عبارة عن إيه؟
هل هي مجرد كلام عادي مع المتخصص؟ ولا هي جلسات تحليل طويلة؟

الحقيقة، العلاج المعرفي السلوكي هو أحد أكثر أنواع العلاج فعالية وواقعية، ويركز على الحلول. وهو مبني على فكرة بسيطة لكنها قوية:
أفكارنا → مشاعرنا → سلوكياتنا.
الطريقة التي نفكر بها في موقف معين، تُشكل مشاعرنا تجاه الموقف دة، ودة اللي بيحرك سلوكنا وتصرفاتنا.
المشكلة تظهر لما تتكون أفكارنا (بسبب الضغوط، التجارب الصعبة، أو حتى العادات) لتصبح أفكارًا سلبية أو مشوهة، فتُولد بدورها مشاعر مؤلمة (قلق، حزن، غضب) وتدفعنا لسلوكيات غير مفيدة (تجنب، غضب، عزلة).

طيب يالا نكتشف الرحلة مع الأخصائي النفسي بتمشي أزاي

المرحلة الأولى: التقييم والتواصل (بناء العلاقة العلاجية)
• هنا يكون اللقاء الأول والثاني. يركز الأخصائي على بناء علاقة ثقة وأمان معك. يستمع لقصتك، شكواك الرئيسية، وتاريخك. يسألك عن الأهداف اللي عايز تحققها من العلاج
• دور الأخصائي: مش إنه يحكم عليك ، لكن يكون مرشد ومساعد. دوره أن يفهم عالمك من الداخل من غير حكم، ويشرح لك نموذج (الفكر → الشعور → السلوك) بأمثلة من حياتك.
🔍 المرحلة الثانية: الوعي والاكتشاف (تحديد الأنماط)
• تبدأ أنت والأخصائي في العمل كـ فريق(محققين) لاكتشاف الأنماط الفكرية والسلوكية التي تسبب لك المعاناة.
• تحديد الأفكار الآلية السلبية: دي الأفكار اللي تظهر فجأة في مواقف معينة.
• كشف المعتقدات الأساسية: الأفكار الجذرية العميقة عن نفسك والعالم والآخرين.

⚖️ المرحلة الثالثة: إعادة البناء والتحدي (تغيير المفاهيم)
• دي بقى قلب العملية! هنا تتعلم أن تسأل أفكارك بدلاً من أن تصديقها فوراً.
• دور الأخصائي: يوجهك بأسئلة قوية
• الهدف: استبدال الأفكار المشوهة والمبالغ فيها بأخرى أكثر واقعية وتوازناً. ليس تفكيراً إيجابياً زائفاً، بل تفكيراً دقيقاً وعملياً.
🚀 المرحلة الرابعة: المهارات والتطبيق (تغيير السلوك)
المعرفة وحدها مش كفاية ، لازم تترجم لسلوك. هنا تتعلم وتتدرب مهارات تساعدك على تغيير سلوكك خطوة بخطوة

لو حابب تعمل استشاره مجانا
او متابعه بأجر مناسب وتشوف بنفسك اد اي هتستفاد معايا وهتتعلم كتير عن نفسك و الحياه
تواصل معايا خاص او
01093730581

اعمل ده وخلال فتره قيم نفسك وحياتك وبالتأكيد هتجد فرق عظيم

1️⃣ ركز على نفسك فقط، التركيز على الآخرين وأخبارهم وأحوالهم، يهدر طاقتك ويجعلك تنسى أولوياتك.

2️⃣ إمتن لذاتك، وكافئ نفسك حتى على أصغر الإنجازات، ولا تنتظر التقدير من أي شخص.

3️⃣ تخلىٰ عن العلاقات السامة، لأنها تحجبك وتمنعك عن حب الذات وتقبُّلها.

4️⃣ لا تسمح لأى شخص أن يتعدى حدوده معك.

5️⃣ توقف تمامًا عن مقارنة نفسك بالآخرين.💕

✅ الفرق بين الصدمة النفسية والضغط النفسي :

🔴 الصدمة النفسية هي الحدث نفسه الذي يهدد سلامة الشخص، بينما الضغط النفسي هو رد فعل عاطفي وجسدي تجاه هذا الحدث الصادم، والذي قد يتطور أحيانًا إلى اضطراب ما بعد الصدمة (PTSD) إذا استمرت الأعراض لأكثر من شهر وأثرت على حياة الفرد. بمعنى آخر، الصدمة هي المسبب والضغط هو الاستجابة التي يمكن أن تكون عابرة أو خطيرة وتستدعي العلاج.

✅ الفرق بين الصدمة النفسية والضغط النفسي

🔴 الصدمة النفسية (Trauma):

🟩 التعريف: حدث خارجي صادم أو مروع يهدد سلامة الفرد أو سلامة الآخرين بشكل كبير، ويتسبب في استجابة عاطفية قوية.

🟩 أمثلة: الكوارث الطبيعية، حوادث السيارات، مشاهدة العنف، الاعتداء الجنسي، أو الوفاة المفاجئة لأحد الأحباء.

🟩 التأثير: يمكن أن تؤدي إلى مشاعر الخوف، الرعب، العجز، وفقدان الإحساس بالأمان.

🔴 الضغط النفسي (Stress أو التوتر):

🟩 التعريف: رد الفعل العاطفي والجسدي لشخص ما تجاه حدث مجهد أو صادم.

🟩 الأسباب: غالبًا ما ينتج عن تجربة حدث صادم مثلما هو الحال مع الصدمة النفسية، ولكن يمكن أن يكون أيضًا نتيجة ضغوطات يومية متكررة.

🟩 التأثير: تشمل الأعراض الشائعة الشعور بالإرهاق، القلق، الحزن، وصعوبة التعامل مع الأنشطة اليومية.

🔴 العلاقة بينهما وتطور الحالة :

♦️الاستجابة الطبيعية: بعد التعرض لحدث صادم (الصدمة)، من الطبيعي أن يشعر الشخص بالضغط النفسي، والذي قد يشمل مشاعر الحزن والقلق.

♦️ التحسن والتأقلم: قد يعود الشخص إلى طبيعته ويتعافى بنفسه بعد فترة زمنية معينة، خاصة إذا كانت لديه الصلابة النفسية اللازمة.

♦️ تطور اضطراب ما بعد الصدمة (PTSD): في بعض الحالات، قد تتطور أعراض الضغط النفسي المرتبطة بالصدمة لتصبح اضطرابًا إذا استمرت لفترة طويلة (أكثر من شهر) وأثرت بشكل كبير على قدرة الشخص على العمل والحياة اليومية، عندها يُعرف بالضغط النفسي ما بعد الصدمة (PTSD). ..

> تفتكر إيه أجمل حاجة ممكن يقدمها العلاج النفسي للإنسان ؟
> من وجهة نظري اللي يمكن تبان بسيطة هحاول أحكيلك كذا حاجة

أجمل حاجة في العلاج النفسي إنك تلاقي مكان لأول مرة تحس فيه إنك مسموع بجد، مكان مفيهوش حكم ولا مقارنة، مكان تقدر تسيب فيه كل اللي جواك من غير خوف إن حد يقلل منك أو يشوفك ضعيف
المعالج ساعات بيكون أول شخص في حياة المريض يسمعه بصدق من أول كلمة لآخرها، من غير ما يستخف بمشاعره أو يقارنه بحد غيره، ودي لوحدها لحظة شفاء لأن الإنسان طول عمره بيدوّر على اللي يفهمه بجد مش اللي ينصحه أو يلومه

الجمال كمان إن العلاج مش بس بيخفف وجع أو قلق، لكنه بيزرع جواك وعي جديد، وعي يخليك تكتشف إن الحاجات اللي كنت شايفها "نقطة ضعف" ممكن تتحول لحاجة تفهّمك أكتر عن نفسك، اللحظة اللي المريض ييبتدي يشوف ماضيه بشكل مختلف ويتصالح مع الحاجات اللي كانت بتوجعه زمان، اللحظة دي بتبقى زي تحرير حقيقي

الجلسة أوقات بتبقى رحلة مصغّرة، رحلة فيها دموع وصمت وأسئلة لكن وسط دا كله بيطلع نور صغير، النور دا ساعات بيظهر في جملة المريض يقولها من غير ما ياخد باله " أنا بدأت أصدق إني أقدر" أو " يمكن أنا مش ضعيف زي ما كنت فاكر"
الجمل الصغيرة دي بتبقى أثمن من أي وصف لأنها مش مجرد كلمات، دي دليل إن التغيير بدأ من جواه، وإن البذور اللي اتزرعت بقت تنبت

يعني الجمال كله إن العلاج بيرجعلك لنفسك، يعلّمك إنك مش مكسور زي ما كنت فاكر، وإن جواك نور ممكن ينورلك الطريق حتى لو اتأخر سنين

#نفسي
#دكتور
#غزه
#رفح