Yousr clinic

🎬🌸 رئة وردية منتظرة ابداعاتكم ومساهماتكم علشان نحمى شبابنا ومجتمعاتنا من التدخين .....صوتك حيفرق ....

المسابقة الإبداعية "رئة وردية 2026" 💨✨

🎤 عندك إحساس او رسالة عاوز توصلها ؟

يبقى عندك فرصة تغيّر حياة حد… ويمكن تبدأ التغيير من نفسك 💗

التدخين بقا ظاهرة منتشرة… بس احنا مش عاوزين نخوف الناس…
إحنا عايزين نفكرهم إن الحياة تستحق تتعاش بـ “نَفَس نضيف” 🌿

رئة وردية بتديلك الفرصة تحكي قصة نجاح…قصة أب، صاحب، أم، شاب، أو حتى نفسك…
وتحوّل الكلام ده الى فيديو مدته دقيقة واحدة.....والفيديو ده بجد ممكن ينقذ حياة إنسان 🚭
━━━━━━━━━━━━━━━

🎨 الرؤية الفنية

إحنا بنكسر فكرة التوعية التقليدية المبنية على الخوف والمرض ❌

ونستبدلها با🌸 الحياة الوردية...💪 الصحة...⚡ الطاقة
🕊️ والحرية من التدخين

عايزين فيديو يخاطب:...🧠 العقل بالمعلومة❤️ والقلب بالإحساس

ويخلّي الكل يقول: "أنا لازم أبدأ من دلوقتي."

🎥 محاور المسابقة: تقدر تختار محور واحد أو تمزج أكثر من فكرة مع بعض ✨

التدخين مش بيأذيك لوحدك…ده ممكن يسرق: 💸 فلوس الأسرة - 😔 راحة البيت -💔 وعلاقات كتير حواليك

🌱 المحور النفسي / التحفيزي: "لسه تقدر تبدأ من جديد"....فكرة التحرر…القوة والتحكم والرياضة 🚭

━━━━━━━━━━━━━━━

📱 المواصفات الفنية المطلوبة: 🎬 نوع الفيديو:
Reels / TikTok
⏳ المدة: من 30 إلى 90 ثانية

📸 الجودة: 1080p على الأقل (وتصوير الموبايل مرحب به جدًا 👍)

🎭 الأسلوب: درامي – كوميدي – موشن جرافيك – لقاءات شارع – أو أي فكرة مبتكرة

🗣️ اللغة: السهلة البسيطة والمؤثرة

━━━━━━━━━━━━━━━

🏆 معايير التقييم: 🎨 الإبداع (30%) - فكرة جديدة وغير مكررة - 💡 وضوح الرسالة (30%)

━━━━━━━━━━━━━

🎁 جوائز و شهادات مشاركة تضاف إلى الـ CV

📲 وسيتم نشر الأعمال المميزة على صفحات متعددة محليا ودوليا

━━━━━━━━━━━━━━━

🌸 رسالتك ممكن تكون سبب في بداية جديدة لحد…

ممكن تكون صانع محتوى مشهور… يكفي يكون عندك "رسالة حقيقية" 💗

🚭 رئة وردية 2026
لأن كل نفس نضيف… يستحق فرصة جديدة

أنا محمود…

كنت مدخن… وبطلت 6 شهور 💪
رجعت فيهم لنفسي، لصحتي، وللرياضة ❤️

بس للأسف…
ضغوط الحياة، الشغل، المسؤوليات…
رجعتني تاني للتدخين… وبشراهة كمان 😔

سنتين كاملين…
وأنا ما بين سيجارة والتانية 🚬

لحد يوم عادي جدًا…
شوفت فيديو بيقول:
"فلوس التدخين… أولادك أولى بيها."

الجملة دي وقفتني…
خلتني أبص لنفسي بجد.

وافتكرت ابني (10 سنين) لما كان بيقوللي:
"نفسي أشوفك من غير سيجارة يا بابا" 💔

ومن هنا… قررت أبدأ.

ومن شهر واحد بس 👇
🙏 بدعي في السجود إن ربنا يبعدني عنها
🚫 وقفت مرة واحدة… ما أنا مش هموت يعني
💰 جبت علبة وبقيت أحط فيها كل يوم تمن السجاير
🏋️‍♂️ اشتركت في جيم فورًا
🏃‍♂️ رجعت للجري… الحاجة اللي بحبها بجد

والمفاجأة؟ 😳
فتحت العلبة إمبارح… لقيت مبلغ محترم!

عملت إيه؟
🤍 تصدقت بجزء
💊 جبت فيتامينات للجيم
👨‍👩‍👧‍👦 والباقي لأولادي

الفرق كبير جدًا…
بقيت مستني الإجازة عشان أجري 🏃‍♂️
بقيت أتنفس أحسن…
وبقيت شايف نظرة فخر في عيون ولادي ❤️

الحمدلله 🙏

❓سؤال ليك:
إنت عايز إيه من صحتك؟
تكمل تضيعها… ولا تبدأ ترجعها؟ 💭