جروب العائلة للرياضة والمشي والجري يجمع جيران الرحاب ف
20/05/2021
ازيكم يا رحابيين
عايزين نسترجع النشاط ونستغل الجو الحلو
يلا نتجمع تاني للرياضة والمشي والجري
وكمان نجهز ماراثون الرحاب
وهيكون في
sponsors and celebrities
من الرحاب
يلا تواصلوا معانا واعرفوا التفاصيل واستعدوا للماراثون
مستنيين كل الشباب ونعمل اكبر حدث رياضي في الرحاب
⏪ دهون البطن مشكلة عنيده بتواجهنا كلنا عشان نتخلص منها نعرف اسبابها اولاً وازاي نقدر نعالجها:💁
1- سوء التغذية هو السبب الأول وراء تراكم الدهون في منطقة البطن، ويشمل ذلك تناول الحلويات والوجبات السريعة .
2- تاني سبب هو ان هرمون الكورتيزول مسؤولاً بشكل رئيسي عن تراكم الدهون في المعدة، في حاله شعور جسمك بأي نوع من الضغط والتوتّر يقوم بإفرازه فتتجمّع الدهون في وسط الجسم.
3- ثالث سبب وللأسف دا بيواجه ناس كتير إهمالك للتمارين الرياضية يمكن أن يكون سبباً أساسياً لتراكم الدهون في منطقة البطن.
4- إهمال تناولك قسط كافٍ من المغنسيوم وده بيكون موجود في الخضار (الخيار ،السابنخ ،الكرات، الباميه ، الشبت ) وهو مسؤول عن حوالي 300 وظيفة للجسم ومنها تخفيف نسبة الأنسولين في الدم وحرق الدهون بشكل أسرع.
5 - حب المشروبات الغازية يؤدي أيضاً إلى تكدس الدهون في منطقة البطن.
🔹طيب أزاي نحل مشكله دهون البطن؟
في كذا طريقه واولها :
• الإبتعاد عن الأطعمه التي تحتوي علي دهون ضاره ، وتناول الدهون الجيدة أي غير المشبعة وتوجد في الجوز والأفوكادو و تؤدي إلى الشعور بالشبع ، واستخدام زيت الزيتون .
• التخلص من التوتر بشتى الطرق وأبرزها نيل قسط كاف من النوم، لإنه خلال النوم يقوم الجسم باستخدام الدهون كمصدر طاقة له
• التخفيف من تناول المشروبات الغازية، وحتي الخالية من السعرات الحرارية ، وممارسة التمارين الرياضيه
▪الحل العملي للتخلص من الدهون الموضعيه والترهلات:
جلسات التخسيس الموضعي ،ويظهر ناتج الجلسات من المقاس كل مره قبل الجلسه ، ويظهر عند ارتداء الملابس .
المحاربين
مَن ترك المشي تركـته العافية..
إن الجلد يفرز (عرق يحتويه على حامض الليبتين )هرمون الكسل
لماذا نمشي ؟؟؟؟
اتمنى من الجميع ان يقرأ هذا الجواب:
* *نمشي* لكي نخفف من التوتر والضغوط النفسية...
* *نمشي* لكي نخفف من أوزاننا...
* *نمشي* لكي نتعالج من مرض السكري والكلسترول...
* *نمشي* كي ننشط وظائف الكلى والكبد والعين...
* *نمشي* كي ننشط من عمل القلب ونخفف من صلابة الشرايين...
* *نمشي* كي نخفف من أعراض القولون واضطرابات الجهاز الهضمي...
* *نمشي* كي ننشط جهازنا المناعي...
* *نمشي* كي ننشط عضلاتنا وعظامنا ، وتقوى صحتنا.
إنَّ كل سبب سبق ذكره يمثّل هدفًا جبارًا من أهداف المشي ، والحقيقة التي لا يجادل فيها الأطباء والمجرّبون تقول بأن كل هذه الأمراض دواؤها المشي.
*يقول الأطباء:* ليس هنالك مرض عضوي أو نفسي إلا وللمشي دور في علاجه.. ولو أن دواءً خرج الى السوق له فوائد تماثل فوائد المشي لصرفه الأطباء في كل وصفة طبية ولاشتراه المرضى بأغلى الأثمان ؛ لكن المفارقة أن المشي دواء فعّال ومجاني ، والمرضى يترددون في تناوله !!!
كلمة أعجبتني من دكتور يقول: لو أُنشئ مضمار للمشي حول كل مستشفى ، ومشى الناس حوله ، لما دخل المستشفى نصف مَن هم فيه الآن ، ولخرج من المستشفى نصف من فيه !
لقد خُلِقْنا مشَّائين.. لكنهم أقعدونا على الأرائك، فلما اجتاحتْنا الأمراض لم يعيدونا للمشي بل حملونا لنرقد على الأسرَّة البيضاء ننتظر ....!!
إهتم بحركتك تدوم عافيتك
وتستمر سعادتك.
* أتمنى ممن يقرأ هذا الموضوع ينشره ليستفيد منه الجميع *🌹🌹🌹🌹🌹🌹🌹❤️❤️❤️
27/04/2020
منقوووول :
صباح الخير
انا بس فى الاول احب اعرفكم بنفسى. انا اسمى ماجد. كنت عايش فى مصر و بعدين سافرت عشان ادرس فى إنجلترا وعاملت ماجستير فى المحاسبة و تحليل الارقام يعنى من الاخر كدا اقدر اقولك لو اى مشروع بيكسب او بيخسر. و لو بيكسب بيكسب عشان ايه و لو بيخسر بيخسر عشان ايه. انا كنت مقدم زى زى اى حد عاوز شقة و محتاج شقة لأهلي بس للاسف مخدش زي ناس كتير ماخدتش و زعلت فى الاول بس اللى اكتشفته بعد كدا خلانى ازعل على حال بلد باكملها مش على نفسى بس.
طبعاً انا عارف كويس قوى انى البوست دا هيزعل ناس كتير جداً و خصوصاً الناس اللى بتاجر بطرق غير مشروعة فى سوق العقارات. انا هكلم بس فى كام نقطة سريعة كدا عشان اللى مش فاهم يفهم و يفهم غيره عشان انا بعامل ربنا مش ناس مش فارق معاهم قد ايه انت ممكن تتعب عشان تجيب شقة سواء ليك او لابنك.
انا هكلم على قرعة امبارح اللى كانت بتاريخ ١٢/٤/٢٠٢٠ اللى كانت بخصوص شقق الرحاب ٢٣٨ شقة اللى الحكومة منزلهم اصلاً للناس اللى محتاجة الشقق دى فعلاً عشان حضرتك تاخدها بالسعر الرسمى اللى هو اصلا لو جيت حسابته بعد اضافة الفائدة هتلاقى المتر بى ١٦.٥٠٠ جنيه حرفياً دا لو حضرتك هتقسط على ٣ سنين. و كل سنة هتزودها كل ما سعر الشقة بيزيد و كل ما سعر المتر بيزيد.
خلى بالك خلى بالك خلى بالك لو سمحت
انا هتكلم على كل حاجة حصلت امبارح بالتفصيل عشان الناس كلها تعرف و تفهم. كل كلمة انا هكتبها هنا هتكون بالدليل و اللى ساكت عن الحق شيطان اخرسسسسسسسسسس.
اولاً:- انا اول مرة فى حياتى اقدم على قرعة لانى مكنش فى دماغى و كنت دائما اقول انا اقدم ليه اكيد فى حد محتاج اكتر منى و انا مش محتاج الشقة خلى اللى محتاج هو اللى ياخد و انشالله ربنا يرزق الجميع.
من شهر قدمت فى المسابقة و امبارح كان مفروض التخصيص. انا فتحت الاكونت الساعة ١٠ صباحاً تخيل يا محترم انى التخصيص يخلص فى ٥ دقائق مع العلم انى الانترنت فى انجلترا اسرع من اى شركة انترنت فى مصر بجلالها. طيب تعرف حضرتك انى فى شوية خطوات بتعملهم فى الاول دول بياخدوا منك مش اقل من ٣ دقائق فى الاول عشان تدخل على خطوة الحجز. طيب خلينا نتجاوز كل دا يمكن اللى حجزوا دول سوبرمان فى الكمبيوترات. تخيل انك كل متدخل تحجز وحدة الكمبيوتر يقولك ( الوحدة غير متاحة ) و حضرتك الساعة ١٠.٠٣ يعنى الحجز ليس مالوش ٣ دقائق. لك ان تتخيل حاجة تانية خالص قبل باب الحجز مايفتح تلاقى قبلها بنص ساعة على المواقع ناس عرض نفس الشقق للبيع بوفر ٢٠٠٠٠٠ زيادة و لا ايه كلها شقق مميزة. 😂😂😂😂😂😂
كل دا و قولت ماشى يمكن انا فتحت متاخر 😏😏😏
الداهية الاكبر انى دخلت على وسائل التواصل الاجتماعي ( الفيس و جروباته ) و منهم موقع اسمه ( طروحات وزارة الاسكان شقق و أراضى ) و كتبت بس جملة واحدة، ( اللى عاوز يتنازل عن شقة الرحاب انا ممكن اخدها ) و كنت عاوز اشوف رد فعل الناس ايه. لك ان تتخيل يا مؤمن انى فى اقل من نص ساعة اتكتب اكتر من ١٠٠ كومنت يعروضوا عليا انى اشترى الشقة بوفر بيبدا (١٠٠٠٠٠ الى ٣٠٠٠٠٠) و اللى كلمنى خاص و اللى بعتلى تفاصيل الشقة اكنوا عايش فيها دى فى واحد بعتلى صورة ايصال السداد انه مسدد جدية الحجز يوم ١/٤/٢٠٢٠ و عاوز يوه ١٢/٤/٢٠٢٠ ٣٠٠٠٠٠ اوفر يعنى عاوز يستغلنى فى ٣٠٠٪ فى ١٢ يوم طيب دا حرام و لا حلال😔😔
انا دلوقتى هقولك بس حاجة صغيرة هخاطب الناس اللى بتفهم و الناس اللى مكنتش فاهمه عشان تفهم. انا هتكلم بالبلدى و اهلكم بالورقة و القلم
اولاً:- انا هكلمك على مبدأ تكافؤ الفرص
معلومة من جو الوزارة و من البنك الشقق دى ليك متاخدة من قبل ماحضرتك تتدخل على الموقع و مدفوع فيها سبوبة عشان كله ياكل عيش و دا بقا يخلى انك انه من الاساس ماكنش فى مبدا تكافؤ الفرص بينك و بين السمسار اللى خد الشقة من غير وجه حق عشان يبعها تانى ليك بوڤر ٢٠٠٠٠٠. دا اول قلم احنا اخدناه و مش بالوم نفسى و لا الناس عليه لاننا مكناش نعرف.
من جوا الهئية و البنك فى ناس بتساعدهم بالمعومات عن طريقة التقديم و الورق المطلوب و ازاى يقدم عشان ميخليش قدامه اى عراقيل فى وقت التقديم و لما تيجى حضرتك تقدم متلاقيش قدامك اى معلومات مكنتش محضرلها تقف قدامها عقبال ما تفكر فيها يكون الوقت راح.
نيجى بقا للقلم التانى اللى حضرتك عاوز تاخده بمزاجك إنك بدعمه بموقفك و توافقه انك تشترى منه بزيادة اوفر ٢٠٠٠٠٠ فى نصبايه اتعملت عليك من الاول. حضرتك ٢٠٠٠٠٠ فلوس ولادك و فلوس انت تعبت فيها و فلوس اولادك أولى بيها دى حضرتك الفلوس دى ممكن تشترى شقة ١٠٠ فى مكان مااا
امبارح حضرتك مكنش فى ايدك انك ترفض عشان نصباية اتعملت بين شوية ناس عليك و شوية سماسرة عاوزين يقلبوك فى فلوسك اللى تعبان فيها.
انهاردة حضرتك تملك القرار انك تقولهم لالا والف لا
انا مش هاخد القلم التانى و مش هدفع زيادة و مش هادفع جنيه زيادة من فلوس اولادى. حضرتكم اخدوا الشقق الف مليون مبروك اشربها و كمل قسطها
متخيل حضرتك انى حد بعتلى ورقة بعدد ١٤ شقة و كتبلى فى الورقة رقم العمارة ورقم الشقة و جنبها الاوفر. و الله العظيم ١٤ شقة انا هنزل الورقة للبرهان.
متخيل انى حد يكلمك و يقولك انه ممكن اجبلك اى شقة انت عاوزها فى اى عمارة انت عاوزها 😂 دا لو مصاحب وزير الاسكان مش هيكون فى الجبروت دا.
اما بقا نيجى بالارقام
حضرتك لو طوعت اللى عاوز يستغلك دا هيكون النتيجة كالاتى:-
اوفر ٢٠٠٠٠٠ جنيه فى جبيه
جديه حجز ١٠١٥٠٠
كمان شهريم مطلوب منك سداد ٣٠٪ ما يساوى ٤٥٠٠٠٠ جنيه.
يعنى فى خلال ٣ شهور حضرتك دفعت كاش بس ٧٥١٥٠٠. حضرتك دفعت ما يعادل ٣/٤ مليون جنيه و كمان الشقة باسمه و هتفضل تدفع و الشقه باسمه.حضرتك لو تعبت نفسك ١/٢ ساعة بس و تدخل على الانترنت و تدور هتلاقى شقق زيها و احسن منها كمان فى الرحاب و مدينتى و مصر الجديدة و التجمع الاول و الخامس و متشطبة تشطيب احسن من دا بمليون و ربع و مليون ٣٠٠ و مليون ٤٠٠. الفكره حضرتك انك لازم تكون فاهم انك لو دفعت الاوفر هيكون سعر المتر بالتقسيط١٨٣٠٧ جنيه فى زمن سعر الكاش بيتباع هناك ١٤.٠٠٠ جنيه يعنى بزيادة ٤٣٠٧ للمتر x ١٣٠ متر = ٥٥٩٩١٠ زيادة يا مومن.
الخلاصة يعنى هما دفعوك
تمن الشقة غالى اصلاً من الاول يعنى الشقة مش اللى لقطة قوى عشان تجرى وراها و تدفعلك ٢٠٠٠٠٠ ولا ٣٠٠٠٠٠ زياده.
اوفر بريس لشخص مستغلك و عاوز ياخد منك زيادة و ينصب عليك فى حاجة متعبش فيها اصلاً
طيب لو مدفعناشششششششش
حضرتك يا مؤمن كدا بتكون بتردلهم القلم قلميين . هو خد الشقة و افتكر انه ضحك علينا مع شوية نصابين. مع العلم لازم تكون عارف و فاهم انوا اللى خدوا الشقق امبارح دول مجموعة نصهم معهموش فلوس اصلاً عشان يكمل ٣٠٪ فالبنك هياخد منه الشقة تانى مع خصم ١.٥٪ عشان يتعلم الادب و ميعملش كدا تانى. و النص التانى لو باع هيبع بطريق غير مشروعة عشان كراسة الشروط بتقول ميقدرش ينقل ملكية الشقة لحد تانى غير لما يسدد تمنها بالكامل. يعنى لو قالك هعملك عقد وكالة و توكيل فهو باطل. و ما بنى على باطل فهو باطل. و القانون لا يحمل مغفلين.
يا جماعة اوعى تاخدوا القلم التانى اوعى تسمحوا لحد انو يستغلك. ربنا بيجازى كل واحد على حسب عمله. هو خد طريق ملتوى عشان يوصل لهدفه ماااااشى الف مبروك عليه.
بس اوعى تسمح لنفسك انك تشترى بالسعر الغير رسمى.
و لازم يكون عندنا أيمان انى لو الله عز و جل كان يخليك تاخد شقة مكنش فى قوة فى الأرض ممكن تمنع كدا. الحاجة اللى تسيبك اوعى تزعل عليها لانها مش نصيبك و اكيد ربنا كتبلنا الخير فى حاجة احسن.
انا كتبت البوست الطويل دا و اخدت من وقتى عشان الناس تفهم و متديش الفرصة لحد انو يستغلك.
فلوسك فى جابك تقدر تشترى بيها اى حاجة بس هو شقته اللى حرقاه لانى صباعه جواه بق البنك عشان خلال شهرين لازم يكون مسدد ٣٠٪ . خليك واعى و خليه زى الفرخة الداخية اللى مش عارف هيسدد تمن الشقة ازاى.
افتكر
١/ما بنى على باطل فهو باطل.
٢/الشقة اغلى من تمنها الحقيقة.
٣/خلال سنة لو حوشت المبلغ على بعضه هتجيب احسن منها.
٤/متغليش عملى و متخليش حد يستغلك
٥/ خليك فاكر القلم الاولنى و متخليش حد يديك القلم التانى. و اديله انت القلم التانى عشان يكون عبره.
٦/ حياتك مش هتقف على شقة بس هو حياته هتقف على الاوفر بريس لانك لو مشترتش الحكومة هتاخد منه الشقة تانى مع خصم ١.٥ ٪
٧/ لا للاستغلال
٨/ خليك واثق انى ربنا شيلك الاحسن
٩/ اوعى تزعل على حاجة ضاعت منك. من الاول ماكنش فى مبدا تكافو الفرص
١٠/ خليه يشرب الشقة قهوة سادة.
اسف على التطويل
31/12/2019
- ولاا يا فوده اكله جامده زي دي تكلف كام ؟
= 400 جنيه بس! 😯
الاكله دي في اسكندرية من محل سمك عادي جدا في ميامي في نص خالد بن الوليد عند شارع الكنيسه والجامع اسمه اسماك الدكتور اسالوا على عمو ابو عبدالله 😍
هو بيبيع سمك عادي وانت بتختار اللي عاوزه وهو بيعملهولك زي ما تحب هو عنده صاله صغيره للاكل لو حابب بس الاحسن انك تدخل بالاكل اي شط هو قريب جدا من الكورنيش اصلا وسمكه وكل حاجه عنده فعلا طازه وهتلاقي منها صاحي كمان وحاجه نضيفه جدا وطعم كمان جميل ..
وبالنسبه للسعر فهو فعلا حقيقي ومش ناسيين صفر ولا ال400 للفرد الواحد ولا حاجه 😂😂 احنا كنا 5 وكل واحد دافع 80 جنيه
الصوره دي فيها 2 سمك بلطي مقلي مفتوح اللي هو عاليمين اللي بتسالوا عليه وبجد البلطي عنده حكايه ايا كان مشوي او مقلي ، نص كيلو جمبري او كيلو الا ربع مش فاكر اوي بس المهم مش اتنين كيلو لا 😂 ، 3 بوري سنجاري 😍 ، طاجن سبيط ، شربة جمبري و اتنين شربة سي فود ، 5 تقريبا او 6 كابوريات والسلطات والرز 5 من كل حاجه .. الموضوع يستاهل طلعه ومش هتنسوا الاكله ولا هتندموا ❤..
اتمني بقى كل خطط السفر تتنفذ و منقلبش بط بلدي كالعاده 🙆😂😂
Fatma Abd Elrazek
16/12/2019
صورة ألتقطت سنة 1977 :)
حد عارف هو بيصنع اية ؟!
08/12/2019
الجريمة الكاملة
خرج ماثيو من فندق الريتز بشارع بيكاديلي وترك سوزان في المطعم داخل الفندق واتجه فورا الى محل دي بييرز للمجوهرات الثمينة على ناصية بيكاديللي وبوند ستريت...وكانت أناقته لا تخطئها العين...والشيء الوحيد الذي لم يتناسب مع أناقته هو قطعة اللبان التي كان يمضغها ببطء فلم يلاحظ المارة أي شيء غريب الا إنه في منتهي الأناقة
وعندما رأى الحارس الذي يقف أمام باب المحل ماثيو متجها ناحيته... لم يتردد لحظة في فتح الباب بكل سرعة وكفائة... فكان مظهر ماثيو يدل على ثراؤه الفاحش وبالتأكيد هو زبون تقيل... ودخل ماثيو الى البهو الأول وسارع البائع في الذهاب عليه وأن يلقي التحية ويضع نفسه تحت تصرفه في أي شيء يريده...
فنظر ماثيو اليه وقال له بكل هدوء... أنه قرر أن يتقدم لخطبة سيدة جميلة وإنه يريد إختيار ماسة مميزة جدا تليق بها... ليست مثل ما يراه في المحل الآن بل أكثر تميزا... وسارع البائع أن يرد... الماس الخاص موجود في القاعة الخاصة لكبار العملاء... فأرجوك إتبعني...وقاد البائع ماثيو الى غرفة في نهاية المحل يحرسها شخصان واضح أنهم حراسة خاصة من ضخامة أجسادهم والسماعات المتصلة بجهاز استقبال وارسال ...
وفي الغرفة التي كانت تحتوي على طاولة في المنتصف وكرسيان على كل جانب منها... جاس ماثيو منتظرا البائع وهو يفتح إحدى الخزائن العملاقة ويسحب علبة كبيرة ويأتي بها أمام ماثيو ويضعها على الطاولة...ويبدأ في إخراج قطع من الماس من ٣ قيراط فما أكبر...ويحكي قصة كل ماسة واين إكتشفت وفي اي عام تم صقلها... وتناول ماثيو الماسات واحدة تلو الأخرى بدون أن يظهر عليه الإنبهار .. واستمر ينظر لكل ماسة على حدة ثم يتركها وينظر لأخرى... وسأل عن ثمن إحداها فقال له البائع قيمتها... فلم يبدو على ماثيو أي إنزعاج من الرقم وقال للبائع إنه معجب بهذه القطعة... ولكنه يريد التفكير ليوم أو يومان فبرجاء إبقائها على حدة حتى يقرر ويعود له
فشكره البائع وبدأ في جمع قطع الماس في أماكنهم داخل العلبة... ووقف ماثيو شاكرا الرجل واتجه الى باب الغرفة الحصينة... وكما كان منتظرا سمع البائع يصيح به "وقف عندك ! هناك قطعة ناقصة !" فظهرت على ماثيو علامات الدهشة الممزوج بالغضب لأن الرجل داس على زر الإنذار وتم إغلاق المحل تماما ودخل الحراس اللي كانوا على الباب ... وقال لهم البائع " فتشوه"... ولم يبد ماثيو أي مقاومة وإن بدا متعجبا وكأنه يشاهد مسرحية هزلية.... واسفر التفتيش الدقيق عن لا شيء... لدرجة إنهم جردوه من ملابسه تماما ... ولم يجدوا شيئا...حتى في أكثر المناطق خصوصية
وجاءت الشرطة خلال دقائق... وبعد الأسئلة المعتادة طلبوا أن يشاهدوا تسجيلات الكاميرات الموزعة في المحل... وشاهدوا الشريط أكثر من مرة ولم يجدوا أي تصرف غريب سوا إنه وضع يده على شفتيه وكأنه يفكر فيما يختار ... فقرر المحقق إنه غالبا بلع قطعة الماس في اللحظة دي... وفي ثواني كان ماثيو داخل سيارة الشرطة محاط بجنديين واتجهوا لمستشفى قريب وطلبو إجراء آشعة عادية ومقطعيه على المعدة والإمعاء والقولون... ولم يجدوا شيئا على الإطلاق... وبعد ساعات من الإستجواب والإنكار إضطروا لإطلاق سراحه لأن قطعة الماس ليست في حوزته ولا يوجد دليل يكفي لإحتجازه... وكتبت الجرايد عن إختفاء ماسة ثمينة من دي بييرز في ظروف مجهولة وأن البائع تم طرده بعد التحقيق معه لإهماله الشديد
وبعد عدة أيام دخلت سوزان الى محل المجوهرات والذي كان ممتلئا بالحراس وشاهدت فنيين يركبون كاميرات أخرى والدنيا مقلوبة... لكن شاهدها بائع ولاحظ شياكتها وأناقتها فاتحه لها فطلبت أن ترى قطع ماس متميزة... ولما بدا عليها عدم الإهتمام بما عرضه البائع ... فتطوع هو وقال لها إن هناك مجموعة متميزة في الغرفة الخاصة (التي شهدت واقعة ماثيو من كام يوم) ... وكان هناك حارس داخل الغرفة تم تعيينه بعد ضياع الماسة أثناء زيارة ماثيو وضياع القطعة .... وجلست على نفس الكرسي اللي جلس عليه ماثيو من يومين وتظاهرت بالفرجة وسؤال البائع عن الأسعار وتظاهرت أنها لم تجد ما يعجبها
ولم يلاحظ البائع أو الحارس أنها مدت يدها الى أسفل الطاولة ووجدت قطعة اللبان الملزوقة في الخشب وبداخلها قطعة الماس الضائعة والتي أخفاها ماثيو أثناء زيارته... واحتفظت بها في يدها والقت التحية على البائع... وخرجت بكل ثقة من باب المحل وفي يدها اللبانة اللتصق بها قطعة الماس و اتجهت يسارا ومشيت لمسافة ١٠٠ متر وفتحت باب سيارة مركونة وبداخلها ماثيو الذي كان في إنتظارها...فقبلته على خده ووضعت الماسة في يده... وانطلقا الى منزلهم بعد أن قاموا بالجريمة الكاملة
دي قصة قصيرة من مجموعة قصص لكاتب إنجليزي شهير
Amr Koura
01/12/2019
"طرقة الشقة التي اختلطت فيها رائحة طشة الملوخية مع رائحة أدخنة التحمير هي مدخل بيت مكافح ومستقر، الأطفال الذين تلقوا أجنحة الدجاجة كهدايا جانبية كبروا وأصبحوا "أهل كرم"، والفتيات اللواتي مررت إليهن الرقبة كبرن وفتحن بيوتا دافئة، والمراهق الذي التقط من غطاء الحلة المقلوب الكبد والقوانص المسلوقة كبر وأصبح هو آخر من يخلد إلي النوم في البيت بعد إغلاق الترباس وتشغيل اللمبة السهاري، والذين افرطوا في خلط الملوخية والأرز كبروا وأصبحوا فاكهة اللمة، والشخص الذي نجح في ألا يفلت قوام الملوخية من لقمة ودن القطة كبر وأصبح شخصا يمكن الاعتماد عليه، والرومانسيون هم الذين استطعموا صغارا قرقوشة مفصل فخذ الدجاجة، والأسر الطيبة هي التي استيقظت بعد هذه الأكلة مخدرة الأعصاب على صوت واحد منهم يتغير كل مرة يقف في الصالة بينما رنين حركة الملعقة بين حواف الأكواب الزجاجية يحرك المشاعر وهو يصيح :《الشاى》"
عمر طاهر
كحل وحبهان❤️
30/11/2019
صورة للحوض المرصود في متحف اللوفر بباريس سنة 1930 .
هذا هو الحوض المرصود الذي سميت علي اسمه أحدي اشهر مستشفيات الأمراض الجلدية في القاهرة ..
و الحوض المرصود كما جاء في كتاب وصف مصر - تأليف علماء الحملة الفرنسية - هو تابوت فرعوني من الجرانيت الاسود قام احد بكوات المماليك بوضعه أمام جامع سنجر الجاولي في حي السيدة زينب بالقاهرة و استخدمه الأهالي في سقاية المياة .. فكانوا يملأونه بالمياة ليشرب منه المارة ؛ ثم سرت شائعات قوية مفادها ان من يرتوي بمياة هذا الحوض يشفي من امراض العشق و الفراق و قد قام الفرنسيون بتجربه مياة هذا الحوض و اندهشوا لنتيجته فاطقوا عليه اسم ينبوع العشق .. بينما اطلق عليه سكان القاهرة اسم الحوض المرصود .. بمعني الحوض المسحور ..
و قد قام علماء الحملة الفرنسية بسرقة التابوت الي باريس اثناء خروجهم من مصر سنة ١٨٠١ مع حجر رشيد و ٱثار اخري كثيرة ..
و في القاهرة لم يتبق منه سوي اسم المستشفي التي انشئت في نفس مكانه القديم .
25/11/2019
لم يكن ليتصور أحد ان هذة القرية البسيطة الهادئة ستتحول يوما ما الي احد أرقي احياء القاهرة و يتفاخر الناس بالسكن به ...
الصورة من قرية الزمالك بالجزيرة سنة ١٨٨٧ .