اكاديمية سما سبورت

لكل السادة أعضاء الأكاديمية . على من له اشتراك ساري حتى ١١/١١/ ٢٠١٧ التفضل بالحضور لمقر الأكاديمية للضرورة .
لمزيد من المعلومات ٠١١٢٤٢٤٦٣١٣ / ٠١٠١٢٨٤٢٧٥٧

التمرين بتاع الأگاديمية متوقف هذا الأسبوع . هنبداء التمرين من يوم الخميس المقبل

كل عام و انتم بخير
اليوم بدئنا اول تدريبات الموسم الشتوي بمدارس السباحة الخاصة بأكاديمية سما سبورت.
المواعيد ايام الجمعة و السبت من كل اسبوع من 1الى 3 عصرا.
مكان التدريب حمام سباحة مركز شباب الوايلي.
الأسعار:
1- 150 جنيه للأطفال.
2- 175 جنيه سيدات.
3- 250 جنيه رجال.
4- 200 جنيه تجهيزي زعانف.

اسعار خاصة للمجموعات.

ايام السباحة الحرة:
- الأحد و الخميس من 6 الى 8 مساء.
- الجمعة من1 الى 3 عصرا.
مكان التدريب حمام سباحة مركز شباب الوايلي.
الأسعار:
1- 350 جنيه مبتدئين.
2- 450 جنيه تجهيزي.

اسعار خاصة للمجموعات.

نذكركم بأننا نرحب بكم دائما للأشتراك معنا.

للأشتراك: 010128425757 او 01124246313

مع تحيات أكاديمية سما سبورت

الانقطاع عن التدريب
انقطاع السباح عن التدريب

مرض مزمن تعانى منه الرياضة و الرياضيين فى مصر و يمكن أن يكون احد اهم أسباب فشل صناعة البطل فى مصر

خلينا نقول انك عشان تعمل بطل دا بيحتاج انك تقضى شهور و سنين متوسطها ١٢ سنة يعنى ١٤٤ شهر يعنى ٦٢٤ اسبوع و ٤٣٢٠ يوم 13,140 ساعة حسب نوع النشاط التخصصي
الانقطاع لمدة ٣ شهور للاعبي المستويات العليا بتفقد الاعب ٥٠٪‏ من القدرة الهوائية
الانقطاع لمدة ٨ أسابيع للاعبى المستويات المنخفضة يفقد الاعب كل مميزات اللياقة الاكسوجينية
طبعا المشكلة دى فى مصر لها أسباب كتير تؤدى إلى الانقطاع عن التدريب ههه عدو كدا معايا
١- اول الدراسة بنظبط الدرس و طبعا بنغيب ايام الدروس
٢-امتحانات الميد ترم و قبلها
٣- امتحانات نص السنة و قبلها
٤- اجازة نص السنة و ضغط مذاكرة الولاد فى الدكتوراة بتاعت سنة ٣ و ٦ و ٣ إعدادى و ٣ سنين ثانوي
٥- هنرجع تانى نظبط الدروس طبعا فلازم انقطاع
٦ - ميد ترم تانى و قبلو
٧ - اخر السنة ولازم نعوض الترم الاول و بابا الولاد هيطلقنى او مامة الولاد مش مقتنعة بالتمرين و عايزاهم يركزو فى المذاكرة
٨ - و اخر اجازة ودى بتبقى مركبة يعنى شوية المصيف المقدس ودا مبيقلش عن اسبوع و بيوصل ل ٣ شهور احيانا
الأجمل من كده أن ولى الأمر بيفكر انه لو حضر التمرين ما دون ذلك فهو مواظب هههههههههههه

مش هكلمو عن عيد كبير و عيد صغير و رمضان و العزومات و عيد القيامة و ما الى ذلك من أعياد دينية الى لو قولتلكو الولاد تتمرن فيها هتتهمونى بالزندقة و أنى واحد من الخوارج الى بيتمرنو و بيمرنو فى المناسبات الدينية

طيب نكلم بشكل علمى اية التغيرات الفسيولوجية الى بتحصل للجسم نتيجة الانقطاع عن التدريب.

تغيرات بتحصل الدم :
•نقصان حجم بلازما الدم
•نقصان الكرات الحمراء
•نقصان عدد الصفائح الدموية
• نقصان فى حجم الدم ككل

تغيرات بتحصل للقلب :
• نقصان حجم القلب بعد حدوث ظاهرة التضخم الصحى الى بيقولو عليها ظاهرة القلب الرياضى
•نقصان حجم الضربة فى الراحة
• زيادة عدد نبضات القلب
تغيرات بتحصل للرئتين :
•نقصان الحجم الرئوى
• زيادة معدل التنفس الى هو عدد مرات التنفس فى الدقيقة
• نقصان ال vo2max

تغيرات بتحصل للأوعية الدموية :
•انخفاض درجة المطاطية
• ارتفاع الضغط الشرياني
تغيرات بتحصل للعضلات و العظام :
• كثافة العضم بتقل بعد ما كانت اتحسنت
• انتكاس الحجم العضلى

بعد كل الغياب و التأثيرات السلبية الى بتساهمو أنها تحصل للاعب تيجو ترمو اللوم على اللعيب و المدرب و تقول ابنى مبقاش بطل لية او انا عايز ابنى يعلق ميدالية بقا او بقالى ٧ سنين شغال و انتا واخد نصهم إجازات يا ترى هتغيرو ثقافتكم ؟ ياترى يا أندية و يا مدربين هتدو اللعيبة اجازة طويلة بعد البطولات و تهدو الى بتعملوة طول الموسم ولا هتتبعو التطور طويل المدى لصناعة البطل

أكاديمية سما سبورت
تنويه هام
بعد مرور ثلاثه أشهر قدمت و وفرت أكاديميه سما سبورت المزيد من الخدمات و قامت بتغيير طاقم التدريب بعد ظهور شكاوى من أولياء الأمور فى الفتره السابقه ،،

و لاحظنا مجددا ان أغلب أولياء الأمور قد أظهروا رغبتهم فى بقاء طاقم التدريب الحالى لتقدم و تطور ملحوظ فى فنيات المتدرب.

لذلك قررنا نحن أكاديميه سما سبورت الإبقاء على حقوق الأكاديميه و المتدرب فى الوقت ذاته و تجديد الإشتراكات فى موعدها و عدم إحتساب الغيابات و تعويضها من جانب الأكاديميه و ذلك من يوم الخميس الموافق ١٤/٩/٢٠١٧ حفاظا على مستوى المتدرب و تأهيله جيدا لدخول مسابقات فيما بعد ،،

أما عن الاشتراكات القديمة و الغيابات السابقة فأن الأكاديمية تتحمل تعويض حصتين فقط بحد أقصى عن كل حالة غياب تم الإبلاغ عنها مسبقا لذلك وجب التنويه.

*** نحيط علم سيادتكم بأننا مازلنا نعمل وفقا لمواعيد التدريب القديمة أيام (الأحد و الثلاثاء و الخميس) حتى نهاية شهر سبتمبر الحالي على ان نبداء المواعيد الجديدة اعتبارا من اول اكتوبر القادم لمراعاة مواعيد الدراسة بالمدارس و سوف يكون التدريب من اول الشهر ايام (الخميس و الجمعة و السبت) من كل أسبوع
و أن مكان التدريب هو حمام سباحة مركز شباب الوايلي.

السادة الأفاضل يشرفنا دائما اشتراككم معنا.
لللأستعلام و الأشتراك : 01124246313 - 01012842757

سعدنا بلقائكم جميعا و نرجوا ان نكون على حسن الظن دوما.

مع تحيات

إدارة أكاديمية سما سبورت

بيان هام بعد قليل ...

أكاديمية سما سبورت
ترحب بكم ويسرها ان تعلن انه تم تغيير مواعيد التدريب الخاصة بها ابتداء من شهر سبتمبر بمناسبة بدء العام الدراسي الجديد وانه سوف تستمر هذه المواعيد خلال فترة سريان الدراسة بالمدارس.

بطل يعنى حرمان ✋
بطل يعنى صحابك خارجين وانت فى التمرين.
بطل يعنى صحابك مسافرين وانت فى التمرين.
بطل يعنى الناس صايمة وانت فى التمرين.
بطل يعنى الناس بتعيد وانت فى التمرين.
بطل يعنى الناس نايمة وانت فى التمرين.
بطل يعنى كل حاجة قدامه ويسبها ويختار التمرين.
سهل انك تكون رياضى 👏
صعب انك تكون بطل 😉

الإرادة و التحدي هما اول الطريق لصناعة البطل الرياضي .
اشترك معانا و احنا هنساعدك تكون بطل
للإستعلام و الحجز ٠١١٢٤٢٤٦٣١٣
مع تحيات اكاديمية سما سبورت

اكاديمية سما سبورت تتمنى لكم عيد اضحى مبارك و سعيد عليكم و على كل احبابكم
يشرفنا ان نعلن عن استئناف نشاطنا يوم الثلاثاء المقبل .
للأستعلام و الحجز في مدارس تعليم السباحة ٠١١٢٤٢٤٦٣١٣