La Curva dei Martiri 07

الترابط الحرية الاصرار التمرد الشجاعة استمرارية الحضور
ست مبادئ خرجت من المنبع الابيض المدرسة اللي نقلت
أيديولوجية المشجع المصري الفكرية :
من الفرجة الجميلة علي التلفزيون و القعدة الحلوة الصامتة في الاستاد ممزوجة بشوية صيحات وقت الهجمات و اكل وقت الماتشات إلي :
مشجع كرة ممزوج بشوية صفات فكرية في اللبس و الشكل والعقل والمنظر العام للمدرج و الاغاني و الاعلام و الشقلبة لمدة ٩٠ دقيقة انتقلت للحياة الشخصية و المدارس والجامعات و البيوت وكل مكان و اللي اتضربو بالفكرة وحماسهما وروحها كانت اكتر أفراد مستميتة علي فكرتها
الأفراد اللي صدقت اللي مؤمنة بيه كانوا بينشرو الروح للأجيال الناشئة وتستلهم منهم كل شئ في اي مكان واي وقت حتي السفر والحضر والفرح والحزن البأساء والضراء
المعارك الديربيات تقسيم اللقمة و النوم والغطاء بقماش التيفو كل ديه اشياء بثت ف أرواح الاشاوس اللي صدقوا نفسهم وصدقوا حكايتهم واللي وصل الأفراد في المجموعة لمرحلة ال ١٠١٪ اولتراس مش فراغ الايام
ده اللي خلي الناس تشوف الدم في مشجعين كورة وقت بورسعيد وكان عندهم إصرار أنهم يكملوا و وقت الصدام اللي قسم ظهر المجموعه بحبس معظم كوادرها و نزلتها وصفوفها الأولي وخلاهم برضه مستمسكين باللي مصدقينه
وهو اللي خلاهم بعد ما مات منهم ٢٠ واحد في ممر الموت يقوموا نفسهم بنفسهم و لم اتعرضو للخيانة من وسط صفوفهم طهروا نفسهم بنفسهم ولم الدنيا قفلت ضبة ومفتاح فتحوها ورجعوا الحياة للمدرج بنفسهم و لم حد افتكر أنه قبل اسم المجموعه داسو عليه بنفسهم ولم بنوا اجيال انضف واقوي واحسن من اللي قبلها بنوها بنفسهم وبعزم ولادها
ولم سافروا يسطروا التاريخ سافروا بنفسهم
الخلاصة النايتس بالنايتس نفسها
ولا عزاء للبيادق الخونة