3db-عباسية دراما بنك

#أغنية لكل #أب في الظروف الحالية...
اسمعوها على اليوتيوب دلوقتي وادعمونا :)
اللينك في أول تعليق

#أغاني #شعر #حماقي

اغنيتنا الجديدة ادخلوا شوفوها على اليوتيوب وهنكون ممتنين لكل واحد يشترك في القناة لمشاهدة الاغاني الجديدة وعمل لايك وكومنت على فيديو الاغنية عشان تساعدونا في فتح باب رزق جديد

أغنية كلام نهائي اغنية من تأليفي وتم تنفيذها يـــ AI البلوج: https://mi...

ميزانيه شهر 6 ب ٢٥٠٠ج لأسره ٤ أفراد 👨‍👩‍👦
هنلم بيها الدنيا بعد العيد عشان نعرف نكمل باقي الشهر 🤝☺️

هكتبلكم فيها المشتريات و جدول يومي كمان ب الأكلات عشان حيره كل يوم في الغداء وكله في بوست واحد الأفكار كلها من واقع الميزانيه وهقولكم هنوظفها ازاي عشان تكفي ببركه ربنا ❤️
مش طالبة منكم غير دعوة حلوة ومشاركة عشان الكل يستفاد ..

٥ك أرز × ٣٠ج = ١٥٠ج
٢ك شعريه × ٢٤ج = ٤٨ج
٣ك مكرونة × ٢٤ج = ٧٢ج
هاتي التوابل الي نقصاكي ف حدود ٣٠ج
فول تدميس ومدشوش وعدس اصفر +فشار +فانيليا ب ١٠٠ج
_______________________🌱_____________________________
كده حساب بقوليات 400ج

٤ فرخات ٢ك × ١٥٠ج = ٦٠٠ج
١ ك لحمه مفرومه ٣٢٠ج
١ ك ونص سمك بلطي ١٣٠ج
٢ طبق بيض × ١٠٠ج = ٢٠٠ج
١ ك كبده مجمده ١٦٠ج
½ك كبد وقوانص ٤٥ج
_______________________🌱_____________________________
كده حساب لحوم وفراخ 1455ج

٤ك طماطم 🍅 × ٢٥ج = ١٠٠ج
٤ك بطاطس🥔 × ٢٠ج = ٨٠ج
٤ك بصل 🧅 × ١٠ج = ٤٠ج
وهاتي الخضار الي ناقصك من السوق لو مش مفرزه مثلا بامية - ملوخية
_______________________🌱_____________________________
هنقول حساب دول 300ج
هيتبقي من 2000ج حوالي 345ج هاتي لبن و علبتين جبنه

انا هكتب الغداء كا وجبه أساسية وفي اخر البوست هقولكم افكار الفطار والعشاء تنوعوا فيها براحتكم مبدأيا الفراخ هتتقسم الورك ع جزئين وكل فرخه البانيه بتاعها هيعمل أكله يوم واللحمه المفرومه ع أربع كل ربع مفروم أكله يوم، يلاااا نبدأ ونقول بسم الله

غداء اليوم الأول :
سمك + أرز صياديه + طماطم مخلله🍅
_______________________🌱_____________________________

غداء اليوم الثاني
مكرونه + كبد وقوانص
(النص هنعمله ع يومين ومعاهم كبد وقوانص الفراخ اللي اشتريناها)
________________________🌱___________________________

غداء اليوم الثالث :
كبد وقوانص + جبنه + بيض مزغلل + عيش
________________________🌱___________________________

غداء اليوم الرابع :
وراك + ملوخيه + أرز
________________________🌱___________________________

غداء اليوم الخامس :
بانيه + محشي
________________________🌱___________________________

غداء اليوم السادس :
كوسه باللحمه المفرومه + أرز + سلطه
________________________🌱___________________________

غداء اليوم السابع :
مسقعة + فول + بطاطس + عيش
________________________🌱___________________________

غداء اليوم الثامن :
صنيه بطاطس + بواقي الفراخ الاجنحة + أرز
________________________🌱___________________________

غداء اليوم التاسع :
صينيه عجه + جبنة قديمة + عيش
________________________🌱___________________________

غداء اليوم العاشر :
بانيه + مكرونة بالصلصه
________________________🌱___________________________

غداء اليوم ال ١١ :
كشري مصري + سلطه
________________________🌱___________________________

غداء اليوم ال ١٢ :
مكرونه وايت صوص + بانيه
________________________🌱___________________________
غداء اليوم ال ١٣ :
شاورما فراخ + فته
________________________🌱____________________________

غداء اليوم ال ١٤ :
بيتزا ببواقي الثلاجه
_________________________🌱___________________________

غداء اليوم ال ١٥ :
كشري أصفر + بيض
_________________________🌱___________________________

غداء اليوم ال ١٦ :
ساندوتشات كبده اسكندراني
_______________________🌱_____________________________

غداء اليوم ال ١٧ :
مكرونة بشاميل + بطاطس شيبسي
_______________________🌱_____________________________

غداء اليوم ال ١٨ :
حواووشي + بطاطس محمره
_______________________🌱_____________________________

غداء اليوم ال ١٩ :
وراك + خضار + أرز
_______________________🌱_____________________________

غداء اليوم ال ٢٠ :
دبابيس كنتاكي + أرز اصفر + سلطه
_______________________🌱_____________________________

غداء اليوم ال ٢١ :
خضار + وراك + أرز
_______________________🌱_____________________________

غداء اليوم ال ٢٢ واليوم ال ٢٣ :
ربع مفروم يتعمل كفته رز طبيخ ع يومين وممكن نضاعف الكمية ب مكعبات بطاطس + أرز

* بالنسبة ل بند الفطار والعشاء :
- هندمس الفول في البيت هيعمل معاكي كمية حلوة ويتكيس ويتشال في الفريزر نطلع كيس نفطر بيه او للعشاء ويمشي كمان معاكي للغداء مشي الدنيا
- اعملي كيكه وتتشال في علبه برضو وطريقتها موجودة عندي ع الصفحة
- البيض يتعمل شكشوكه او اومليت بالخضار او مسلوق ومهروس ومعاه حته جبنه
- الجبنه هنفتحها وتتحط في علبه ناخد منها بمعلقه نضيفه ومعاها طمطماية /خيار / جزر/فلفل وحبه زيت زيتون او زيت ذره عادي بتبقي خطيرة
- البطاطس قطعي كام واحده وحطيها ف علبه فيها ميه وشيلي ف الثلاجه يدوب تطلعي وتحمري ع طول
كده عندك للفطار فول - بطاطس - بيض - كيكه - جبنه
عايزة تعملي رز بلبن هيمشي معاكي الدنيا برضو وسناكس الكيك و الفشار كل الأطفال بتحبه
الفاكهة غالية عايزة تجيبي كيلو او ٢ لولادك عشان الأسعار مبالغ فيها اعملي كده وكل واحد ومقدرته وربنا يرزق الجميع بس كده يارب اكون قدرت أفيدكم 😘

منقول

انا بين البنين عايش سنين
لا طولت راحة بال
ولا حققت مرة المحال
ولا عرفت إني فشلت
ولا غرقت فا كنت ارتاحت
دايبه الاحبال وفيها اتعلقت
لو علقت ع الحال بكلمتين
كنت قولت يارتني ما كبرت

#شعر #شعراء #أغنية #أغاني

اوفسايد
أنا كل ما أسجل هدف ف الحياة
أطلع اوفسايد
اهاجمها اتعبى اجوال
أدافع قدامها أطلع خسران
ألعب في خط النص تقولي بس
مسمعلكش حس
شكلي هفضل اوفسايد كده للأبد

إنجازاتي العبيطة مبقتش حاجة سعيدة
الالماظ في ايدي حديدة
و أي محاولة جديدة، عارفين النتيجة
طبعأ طبعأ اوفسايد
أحلامي الوهمية ماشيه ورايا متغميه
كل طموحاتي سطحية
فاشل مليش ديه، المشكلة بس هي
عامل نفسي جايد

اوفسايد
أنا كل ما أسجل ف الحياة هدف
يبقى اوفسايد
من فين علينا اتحدف
هذا الإنسان المختلف
كل مرة بيخسر مع إنه مش مقصر
عماله فيه أكسر
ومش بيزهق يرجع يدخل رايد

لو بتحب الشعر والأغاني شوف البلوج بتاعي في التعليقات 👇

#شعر #شعراء #أغاني #اوفسايد

الصفحة دي هتفضل المتنفس ليا عشان انا هنا محدش يعرفني
وعشان في الواقع مليش حد
فا هتفضل شاهد على كسرتي وفشلي لحد ما اقف على رجلي او انهي معاناتي بنفسي

طيب هو الواحد ممكن يلاقي الراحة في العباسية؟
ولا برضه هيلاقي فيه ناس اجن منه يطلعوا ميتينه...

صباح الخير او مساء الخير حسب توقيتك المحلي لرؤيتك للبوست ده 😊

صفحة عباسية دراما بنك اتعملت في الاساس عشان تكون مكان لكل المبدعين من غير تعديلات كلاينت او حاجة اطلق العنان لخيالك وابدع
وبالفعل عملنا حملتين دعم واحدة لمستشفى العباسية اللي وصلت لحد مدير المستشفى
والتانية كانت Magdi Yacoub Heart Foundation - مؤسسة مجدى يعقوب للقلب واللي اتسرق مننا شعار الحملة وبقى الشعار الرسمي للمؤسسة
زعلنا وقتها جامد بس احنا كان نيتنا خير
الحملات دي احنا صرفنا عليها من جيبنا لوجه الله

وبعدين هزرنا شويا وبعدين وقفنا خالص...
إحباط بقى
اليقين في عدم الوصول
مش عارفين

بس الحقيقة دلوقتي ان مصدر رزقي وقف وعشمان اني اساعد الناس تاني عشان ربنا يبعتلي اللي يساعدني
وفي محاولة مني أن الصفحة هنا تكون مصدر رزق ولو بسيط يساعد لحد ما ربنا يكرم

هنرجع نشتغل ونساعد
اكتبولنا عايز الصفحة تكتب عن ايه وتساعدك ازاي ماعدا فلوس طبعا عشان انا بشحت وحتى معييش جيتار اشحت بيه 😂

👇
لكل مبدع شاعر رسام مغني ملحن عايز ينزل شغله عندنا يبعت لنا ما هي عباسية بقى 😂

واحنا هنزله على الصفحة طبعا الريتش هيكون سيء في الاول بس مع بعض هنساعد
فا اي تعليق او شير او تفاعل هيخلينا نوصل اسرع لو انت حابب ده

شكرا
واستنوا بوست هي ليه اسمها عباسية دراما بنك!