Sivas Sport Academy

في SSivas Sport Academyإحنا مؤمنين إن النجاح مش بيجي بالصدفة، لكنه بيجي من الإصرار، والتفاني، والعمل بروح الفريق. ومن الشخصيات اللي جسدت المعنى ده على أرض الملعب الكابتن إسلام محمد، مدرب فريق 2015، اللي قدر خلال الفترة اللي فاتت يثبت إنه مش بس مدرب كورة، لكنه قائد، وقدوة، ومصدر إلهام لكل لاعب تحت قيادته.

الكابتن إسلام كان دايمًا حاضر بعقله وقلبه في كل تدريب ومباراة، بيشتغل على تطوير مهارات لاعيبه، وبيغرس فيهم روح الانضباط، والروح الرياضية، وحب المنافسة الشريفة. أسلوبه في التعامل مع اللاعبين بيجمع بين الحزم والحنية، وبين الصرامة الفنية والدعم النفسي، وده اللي خلق علاقة احترام وحب متبادل بينه وبين الفريق.

تجديد الثقة فيه النهاردة مش خطوة عادية، لكنه تأكيد على إننا شايفين مجهوداته، مقدرين تعبه، وعارفين قيمته الكبيرة جوه الأكاديمية. إحنا واثقين إنه مع كل تحدي جديد هيقدر يقود فريقه للنجاح، زي ما عودنا دايمًا.

وفي الوقت اللي بنعلن فيه تجديد الثقة، قلوبنا كلها مع الكابتن إسلام، بندعيله من قلبنا بالشفاء العاجل، وبنستناه يرجعلنا أقوى من الأول، علشان يكمل المسيرة اللي بدأها بكل حب وإخلاص.

كلنا معاك يا كابتن، وأكاديمية سيفاس اسبورت هتفضل دايمًا بيتك، وجمهورك، وسندك في كل خطوة. 💙⚽

✨ تجديد الثقة في الكابتن إسلام نشأت.. خطوة وراها طموح أكبر ✨

فخورين نعلن عن تجديد الثقة في الكابتن إسلام نشأت، المدير الفني لفريق مواليد 2013 بأكاديمية سيفاس سبورت، بعد رحلة نجاح واضحة للجميع على مدار الموسم اللي فات.

الكابتن إسلام أثبت من أول يوم إنه مش مجرد مدرب، لكنه قائد حقيقي بيعرف إزاي يكوّن فريق قوي، ويوصل بأولاده لأعلى مستويات الأداء داخل الملعب وخارجه.
قدر يزرع في اللعيبة روح الالتزام، وحب التمرين، وثقافة الفوز، وده انعكس على مستواهم الفردي والجماعي طول الموسم 💪⚽

رحلة فريق 2013 مع الكابتن إسلام كانت مليانة شغل جاد، خطط مدروسة، وتطوير مستمر لكل لاعب في المركز اللي بيلعب فيه، عشان يكون جاهز لمواجهة أي تحدي.

النهارده وإحنا بنجدد الثقة فيه، إحنا كمان بنجدد العهد على موسم جديد مليان طموحات أكبر، ونتائج أقوى، ومستقبل أفضل لأولادنا في الأكاديمية ✨

"صفحة جديدة بتبدأ… 🖋⚽"

📣 تجديد الثقة في الكابتن علي عبدالله – مدرب حراس المرمى في أكاديمية سيفاس اسبورت 🧤⚽

إيمانًا منّا في أكاديمية سيفاس اسبورت بقدرات وإمكانيات كوادرنا المميزة، يسعدنا نعلن تجديد الثقة في الكابتن علي عبدالله مدرب حراس المرمى، واحد من أنجح وأكفأ المدربين الشباب اللي أثبتوا حضورهم بقوة في فترة قصيرة.

خلال المرحلة الماضية، الكابتن علي قدر يقدم مستوى تدريبي عالي الجودة، واشتغل بكل إخلاص وشغف على تطوير مهارات الحراس، سواء من الناحية الفنية أو البدنية أو الذهنية، وده انعكس بشكل واضح في أداء اللاعبين داخل الملعب.

اختيارنا لتجديد الثقة مش وليد الصدفة، لكنه نتاج التزام، انضباط، وروح عالية بيتميز بيهم الكابتن علي، بجانب حرصه الدائم على مواكبة أحدث أساليب التدريب وخلق بيئة عمل إيجابية ومحفزة.

💪✨
إحنا واثقين إن المرحلة الجاية مع الكابتن علي عبدالله هتشهد مزيد من النجاحات وصناعة جيل جديد من الحراس المميزين اللي يرفعوا راية الأكاديمية في كل بطولة.

كل التوفيق يا كابتن في مشوارك المستمر معانا، وإحنا دايمًا سندك ودعمك.

تتوقع مـــين المدرب ؟

"في سيفاس اسبورت أكاديمي إحنا مش بس بنعلم كرة قدم… إحنا بنبني جيل، بنزرع حلم، وبنحط أساسات لمستقبل مليان إنجازات. النهارده كان يوم مميز بالنسبة لينا، يوم شفنا فيه فرحة ولادنا الصغيرين وهما بيتكرموا على مجهودهم، التزامهم، وروحهم القتالية طول الموسم. 🏆⚽

الأبطال اللي واقفين قدامنا النهارده يمكن يكونوا صغيرين في السن، لكنهم كبار بعزيمتهم وطموحهم. قدروا يثبتوا إن النجاح مش بييجي بالصدفة، وإن التدريب، الانضباط، والروح الجماعية هم سر الوصول لأي قمة. إحنا فخورين بيكم لأنكم مش بس لعبتوا مباريات… أنتم حاربتوا، اتعلمتوا من أخطائكم، ورفعتوا اسم الأكاديمية في كل تحدي.

التكريم ده مش نهاية المشوار… ده مجرد بداية. بداية طريق طويل مليان تحديات وفرص أكبر، وإحنا في سيفاس اسبورت أكاديمي هنفضل دايمًا معاكم خطوة بخطوة، نوجهكم، ندعمكم، ونشوفكم يوم بعد يوم بتقربوا من تحقيق أحلامكم.

احلموا بلا حدود، اشتغلوا على نفسكم، خليكم دايمًا قدوة في الملعب وخارجه… والنهارده بنوعدكم إنكم هتفضلوا أبطال في نظرنا وفي نظر كل اللي بيحبكم وبيآمن بيكم ❤️⚽
"

🏃‍♂️🔥 من قلب التمرين... بيبدأ الحلم! 🔥🏃‍♂️
في أكاديمية سيفاس إسبورت إحنا مش بس بندرب لاعيبة كورة، إحنا بنبني جيل جديد عنده شخصية، التزام، وروح قتالية جوه الملعب وبرا الملعب 💪⚽

النهاردة كان عندنا واحدة من أقوى الحصص التدريبية في الأسبوع، واللاعيبة أثبتت إنهم قد التحدي! 💥
من أول الإحماء، للجُمل التكتيكية، للضغط العالي، لحد التقسيمة اللي ختِمنا بيها — كله كان شغل رجالة بجد 👏🔥

🎯 كل تمرين بنعمله ليه هدف.. سواء تطوير المهارات الفردية، أو تحسين الجُمل الجماعية، أو حتى تقوية الجانب الذهني والنفسي عند اللعيب.

📸 الصور اللي قدامكم مش مجرد لقطات، دي لحظات تعَب وتركيز والتزام من ولادنا اللي بنراهن عليهم دايمًا.
وإحنا كجهاز فني في سيفاس إسبورت دايمًا بنشتغل على أعلى مستوى، وبنستخدم أحدث أدوات التدريب اللي بتجهز اللاعيب إنه يبقى جاهز لأي فرصة في أي وقت 🔝

🏆 ولسه اللي جاي أقوى، لأن عندنا مشاركات في دوري الأكاديميات، ودوري الاتحاد، وجوايز دايمًا بنكرّم بيها المميزين... وكل واحد فيهم قدّامه فرصة يثبت نفسه.

🌟 جيل النادي الذهبي.. طالعين من قلب الحلم 🌟
اليوم بنقدّم للعالم دفعة جديدة من أولادنا اللي كبروا قدام عنينا، وتربّوا جوه جدران نادينا.. براعم اتولدت في الملعب، كبرت بالعرق والاجتهاد، ووقفت على رجليها في كل تمرين وكل ماتش بكل رجولة.

🏆 💪
نهارده بنعلن رسمياً عن تصعيد مجموعة من اللاعبين الموهوبين من قطاع البراعم إلى فرق النادي الرسمية، بعد رحلة تعب وسنين من الالتزام والانضباط داخل وخارج الملعب. دول مش مجرد لاعيبة، دول قصة نجاح حقيقية بتتكتب في كل لمسة كورة.

إحنا في Sivas Sport Academy دايمًا بنراهن على ولادنا، بنآمن إن الاستثمار الحقيقي هو في النشء اللي بيحب الشعار وبيمثل النادي بقلبه قبل رجله.

📸 تابعونا الفترة الجاية علشان تتعرفوا على أسماء اللاعبين المميزين، والأجهزة الفنية المسؤولة عنهم، واستعداداتهم للموسم الجديد.

الرحلة لسه في بدايتها.. واللي جاي أقوى! 🔥



#اختبارت

بكل فخر وامتنان، نُكرّم اليوم نخبة من المدربين الذين لم يكونوا مجرد قادة في الملعب، بل كانوا قدوة ومصدر إلهام لجيل من اللاعبين. بجهودكم وتفانيكم، صنعتم الفارق، وغرستم روح الانتصار والتحدي في كل من دربتموه. شكرًا لكم على العطاء، وشكرًا لكم على بناء المستقبل 😍"

ف̷ر̷ي̷ق̷ ̷و̷ا̷ح̷د ❌
عائلة واحدة ✅

#سيفاس #كوره #اكاديميات

الــــــــــف مبروك لكم يا ابطـــــــــال لقـــــد اثبتم ان العزيمه و الاصرار هما مفتاح النجاح
ودمتم اداء رائعا استحق بجداره كل الاحترام و التقدير هذا الفوز لم يات من فراغ بل هو نتيجه تعبككم و جهدكم القتالية العاليه